保方's Profile

was looking for food around. saw this restaurant is full of people. so give it a try. originally the service was okay. they just offered the brunch menu, but not a la carte menu. they only give us only when we ask for it.we ordered mushrooms and truffle pasta and corned beef hash.corned beef hash was just fine. nothing special. portion is small.for pasta, it's full of mushrooms and the portion is big. the weather is cold , food becomes cold easily.we requested to reheat the food. the staff reluctantly said okay but no next time.if they do not wish to provide the service, can reject directly instead of saying this kind of words to customers.…Read More

同朋友食lunch,試下唔同嘅餐廳。見到有分店又咁多好評，就試試。平日中午時間唔多人，客人唔多店員都唔多。朋友唔肚餓，就一個lunch set risotto , 要左餐湯,同埋mocha，另外加一個taco。味道嚟講樣樣都幾好食。出事有2件事，員工話個咖啡機壞左，佢唔訃4整，要等老細返先可以整返好部機，叫我哋揀其他嘢飲，但結果好彩老細返得切黎就整好個咖啡機。另一件事係，收錯錢，本身無睇張單就比錢，走左之後諗諗下覺得點解比想像中貴，就check返，原來員工打錯左個晚餐的risotto 而唔係lunch果個，結果我打電話去問一問，老細都check到係收錯錢，就即刻退返比我。…Read More

因為之前2次星期日經過都發現無開，就決定平日晚去試一試。叫左2個意大利粉試下。香濃芝士卡邦尼亞扁意粉份量唔多，煙肉香口，加上芝士同蛋汁，味道真係幾濃郁。炙燒黑豚肉醬意粉相對之下，肉醬意粉被比下去，雖然都有一片片的芝士放向面，但感覺似一個比較乾身的肉醬意粉。其實食物黎講算可接受，但今晚發生左d事令到我對間餐廳觀感大打折扣，以後都未必再黎。餐廳入面勁大陣臭味，轉左位都係一樣，估計應該係廁所出左問題，最大問題係，店員不斷噴空氣清新劑，化學成份令到我眼同鼻都感到不適，真係雙重刺激，真係快快食完就離開。…Read More

又一次想食嘅餐廳去唔到，就搵左另一間試。今次試依間有分店又都算多食評的cafe。叫左一個Set Dinner，連湯同 Mini Crossiant，仲有嘢飲，我哋揀左Earl Grey。主食要左Tofu and Asparagus Strascinati With Spinach Sauce 同埋 Duck Confit Truffle Risotto南瓜湯，味道不錯牛角包，似係雪藏翻焗果d。貓耳朵好有咬口，掛汁都好，配料係豆腐同菜，口感特別又健康。油封鴨就比想像中無咁好食，賣相也一般。總括黎講，我試過一次就算，另外建議唔食煙嘅人唔好黎依間，因為間唔中就有人向門口食煙，煙就會飄入餐廳，感覺不太好。…Read More

銅鑼灣新開，方便得黎有d隱蔽。第一次食點都叫個招牌，所以吖左招牌原味雞飯同炒蛋奄列飯，小食就黎返下次。招牌原味雞飯味道不錯，雞肉嫩滑鮮甜，加上配菜，感覺健康一點。烤蘑菇野菜炒蛋奄列飯蘑菇都大粒，似有處理過的，味道比想像中好，加上其他不同蔬菜，非常健康，炒蛋好滑，味都算有蛋味。總括黎講，味道不錯，服務尚可，價錢有點貴。食食下途中，見到疑似老闆，一個鬼佬同食客傾偈，外貌同門口個卡通人物有d似，感覺老闆有heart，有機會下次再試其他嘢。…Read More

去大坑諗住試另一間cafe,但多人等，就去附近行下，見到依間唔多人，又靚靚地就入左試下。叫左杯latte 同 brownie,咖啡明顯唔係間店嘅主打，問關於咖啡的資料，店員似乎不太清楚，反而烘焙應該係間店的主打，因為店內有焗麵包的焗爐。brownie的味道係不錯的，有機會下次試下其他食物。另外，依間店應該係pet friendly, 有客人帶狗隻入內，店員都一齊玩得好開心，感覺都不錯，唯一係咖啡普通一點。…Read More

太古有新餐廳，雖然都知道係集團式，但係都試一試，因為太古唔係成日有新餐廳。晚飯時段隔離韓國嘢比較多人，但係泰國嘢就偏向少啲人。入到去位置都多都闊落，但就係有一種集團式嘅感覺，首先要qr code落單，但原來餐牌上嘅嘢都有幾多賣晒。不過即刻讚賞嘅係佢有實體餐牌，仲要整得幾靚，都係集團先有啲咁嘅資金去做。菠蘿蟹肉海鮮炒飯味道正常但賣相就一般地道黃咖喱雜菜配薄餅黃咖哩唔辣，啲蔬菜明顯係同咖哩係分開的。薄餅算幾好食總括嚟講集團嘢，價錢合理。…Read More

六個人食晚飯，依間餐廳有得book位，加上位置都算好，座位都唔算太迫。叫左好幾樣嘢食青木瓜蝦沙律正常沙律蒜香炒椰菜苗份量比較少香茅雞肉炒飯個味有d似菠蘿炒飯精選拼盟有魚餅蝦餅春卷仲有米紙卷，share 一流。不過想切細件的話，店員比左鉸剪你自己剪。火山排骨（走辣）外表一流，但味道一般，唔知係咪因為走咗辣，所以好大陣蒜味。芒果糯米飯就算冬天，芒果都幾好食，糯米飯軟硬適中。總括而言，感覺唔算太正宗，但價錢都唔算平，為咗一大班人食飯的話都可以試下。…Read More

去elements睇戲，買完戲飛去搵啲嘢食，本身諗住戲院側邊冇嘢好食，點知原來都有幾間餐廳，向戲院隔離食嘢唔使趕。因為夜晚要再食飯，所以唔係叫咗好多，叫左Caprese Salad 同 Smoked Tuna Belly pizza沙律嘅重點係芝士，加上新鮮嘅蕃茄，感覺清新。pizza吞拿魚腩做嘅pizza又冇乜腥味，加上三文魚子同埋兩隻蛋，感覺唔錯。總括嚟講，環境唔錯，如果join會員仲有優惠，正價就有點貴。…Read More

朋友同我講，依間茶餐廳lunch得d set，我唔信，我menu都無睇就入左去。一坐低睇個餐牌，真係得2個lunch set，我唔信無單點，就問個職員有無其他嘢食，原來係有嘅。睇完成個餐牌，感覺係“好貴”，可惜我唔夠膽直接衝出去離開，唯有試一試。叫左 鮑魚碧綠雞粒燴飯 試下，味道黎講係好食嘅，好足料，有雞粒之餘仲有其他配料，可惜只係個份量比較少。理想現實隔離枱附近嘅人，似乎都有不同嘅苦惱，但大多數都唔係叫set，但都仲算多人食，始終餐廳向中環一個最有利嘅位置。…Read More

試下依間好多食評嘅餐廳。向銅鑼灣一個偏遠少少嘅位置，但夜晚8點半都仲有幾個人食緊，證明應該有d料到。我決定試個招牌蔥油雞扒飯，因為其實無咩其他選擇，加上第一次黎點都要試左招牌先。招牌蔥油雞扒飯，雞扒味道方面比我想像中無咁好食，但處理方法係唔錯，唔似係炸，又唔會話唔熟。飯上面有淋豉油，加上蔥油，基本上係直接食都得，但依d豉油蔥油我個人會覺得只係為左掩飾而出現。環境方面，小店細細地，係有少少迫，但可接受。…Read More

之前經過見到新開，見佢有lunch就試下。前後食過3至4次lunch，卒之寫個食評，因為之前一路都唔見openrice 有依間酒吧餐廳。lunch 其實無咩揀，得個lunch set。lunch set包括湯或沙律，沙律真係好大碗，仲要感覺係新鮮又多款蔬菜。主食可以揀意粉或包（之前有quiche揀），意粉唔算好大，如果驚唔夠仲可以加錢要d肉。飲品就茶或咖啡，不過見到部咖啡機就知飲茶穩陣d。話說老闆係幾個鬼佬夾份，happy hour lunchtime 已經開始，真係好happy。…Read More

太古坊weekend 係唔多店舖開門，但開得嘅都多人。其他cafe都有去過，所以入依間試下。只係叫左2杯飲品，一杯latte,一杯earl grey tea.latte 用嘅明顯唔係精品咖啡質素嘅豆，但味道唔算太難入口，加上有奶，可以掩蓋到咖啡豆嘅不足。Earl grey tea,正常鬼佬茶包，細細杯。環境方面，其實還好，光線充足又有outdoor位置。唯一唔好嘅係店員比人感覺唔好，真係店員自high的環境。…Read More

原本唔諗住寫食評，但諗諗下記憶下都好。上一次食依間都好耐之前，記錄中唔算差。今次因為夜，所以誤打誤撞又入左去。諗左一陣食d咩，希望其中一個推薦嘅食品：海南雞飯 可以比到我滿足嘅感覺。食物黎到嘅時候，外貌都不錯，即刻試下個飯，都正常嘅油飯。海南雞就非常凍，唔知係因為天氣還是放向雪櫃，但個感覺就係唔好，感覺就快收工或是預先整定嘅感覺，但味道係可以的。湯就有少少偏鹹，但係係一個真係熱嘅食物。總括黎講，有機會下次再試多次，如果未執的話。…Read More

同朋友去試一間都開咗一排嘅麵店，睇個名都覺得有啲特別。成個過程都幾特別。首先門口企咗啲人，但係唔知喺外賣定堂食，出面有張紙畀你自己寫紙攞飛，但係原來佢有兩層，上面有位唔使等位，冇職員同你講。基本上餐牌其實同米線舖頭差不多，都係自己點，不過因為張紙太花，加上選擇困難症，我就決定叫個經典粉麵，揀咗金湯即係南瓜湯。湯底畀我想像中好味米線唔會太淋唔會太硬配料感覺就差dd，唔知點解有啲預先製作嘅感覺。最尾食完會有利是畀返你，其實一張飲品coupon。…Read More