mm1105's Profile

我們行行吓去到呢間台灣餐廳，見到餐牌價錢都幾抵食，就入去試吓。餐廳不算大，枱同枱之間距離近。我們點了藥燉排骨麵和鹽酥雞滷肉飯。藥燉排骨麵份量夠足，排骨肉身都夠淋，但湯底偏甜，而且有啲淡。相反，鹽酥雞滷肉飯性價比高，大大碗，鹽酥雞夠脆又入味。除了鹽酥雞和滷肉，配菜還有粟米，酸菜，滷水蛋，蔬菜和滷水豆腐，令整個飯的口感更豐富。要在如心廣場要食到抵食又好味嘅台灣嘢，可以試呢度嘅鹽酥雞飯，但就唔太建議麵類。…Read More

中上環有好幾間拉麵店，朋友介紹呢間雞白湯拉麵，所以就過咗嚟食晚餐。平日晚上唔算好多人，我們Walk in都有位。菜單選擇唔多，我們二人都選了最多人推介的雞白湯拉麵（$148）。首先，拉麵賣相吸引，肉片掛在碗邊再加炸牛蒡，打卡一流。先飲一啖湯，湯底濃郁，好creamy。炸牛蒡亦炸得剛剛好，乾身又脆。豚肉片和雞肉片都煮得好軟腍，不過味道就淡啲。整體嚟講，價錢略略偏貴，本身不算是拉麵愛好者，試過一次就夠。…Read More

最近朋友約我去觀塘食飯，OpenRice見到呢間疏乎厘啲相，俾佢吸引咗，就決定過嚟試試！我哋兩個女仔叫咗兩個主菜（明太子大蝦燴飯和慢煮加拿大豬胺）和一個疏乎厘（香濃海鹽朱古力香蕉疏乎厘）share食，都已經好夠飽。明太子大蝦燴飯味道相當出色，明太子份量超多，啖啖都有滿滿嘅明太子。慢煮加拿大豬安胺，厚切肉，而且肉質淋，再配酸甜的梨子肉醬汁，好解膩。重點是疏乎厘！賣相已經夠吸引，朱古力醬超濃郁，再配香蕉，超好味。黎呢間餐廳一定要試佢嘅疏乎厘！…Read More

上環呢間壽司郎lunch time好多人排隊，一過咗lunch time就少咗好多人，今日1:45pm拎飛，差不多等到2pm就可以入去，剛剛好下午茶時間。壽司郎而家有下午茶套餐（只限平日2pm-5pm），超抵食。只需$40 ，就享用到壽司盛盒（炙燒壽司盛盒、赤身壽司盛盒或炸蝦天婦羅拼盤）+ 麵類（拉麵或烏冬）。我點了赤身壽司盛盒配烏冬，壽司有三文魚、赤蝦、玉子和吞拿魚。壽司新鮮，烏冬彈牙而且份量又唔會太少。…Read More

餐廳座位設計特別，採用圍繞吧枱的設計，讓食客可以一邊享用美食，一邊欣賞師傅烹調漢堡扒。餐廳有三個套餐，主要都係睇你想食原味、香辣蕃茄汁或三重芝士和牛漢堡扒。我選擇了套餐B （香辣蕃茄汁和三重芝士和牛漢堡），套餐包括沙律、麵豉湯、溫泉蛋和白飯。餐枱上有不同的調味料配搭（燒汁、辣椒油等），讓你自由配搭。漢堡扒外層焦脆，重牛味，而且好juice。配搭蕃茄汁，酸酸甜甜，好開胃。而芝士漢堡，師傅會在客人面前淋上芝士汁，再手刨芝士，滿滿芝士雖然好邪惡，但我鍾意。…Read More

亞參雞飯的下午茶套餐平日下午兩點就開始。康城這間通常都冇乜人排隊，可以直接入去。今次點了輕盈馬來咖喱豬扒配白飯（$46），雖然餐牌上有隻辣椒仔，但唔會太辣，小辣更惹味。另外，雖然寫是「輕盈」，但份量都好足夠。除了豬扒，裏面亦有薯仔和秋葵，令食材更豐富。餐廳全日免收+1 ，下午茶套餐，還會跟一杯熱飲，今次點了馬拉咖啡，口感順滑又香濃。整體而言，餐廳下午茶性價比高，而且上菜速度快， 6分鐘，熱辣辣嘅飯就放在你面前。…Read More

每次經過呢間，總係有人喺出邊排隊，店舖位置少，而且需要人齊先入得。今日我哋兩個人食晚餐，點了藍鯨吞拿魚扒丼定食和牛舌定食，定食包括漬物、茶碗蒸和麵豉湯。藍鯨吞拿魚扒丼份量多，厚切吞拿魚，而且有好多塊，超抵食。朋友就唔食生嘢，所以冇點多人推介的吞拿魚丼，反而點了牛舌飯，我食咗一片，牛舌煮得剛剛好，入味而且唔係太韌，不過牛舌是薄切的，個人比較鍾意厚切 😂整體嚟講，餐廳位置方便，好近銅鑼灣地鐵站，而且性價比高，值得一試。…Read More

咁啱去黃埔附近，見到呢間烏冬店，就入咗去試吓，裝潢和風，入面都算大，坐得舒服。我們兩人點了雞白湯烏冬和牛舌定食（定食包括白飯、麵豉湯和沙律）。雞白湯烏冬，湯底濃郁，烏冬幼細彈牙，可惜不是我鍾意的烏冬口感，而且價錢偏高，如果以呢個價錢，我會expect更好。牛舌定食，牛舌煮得剛剛好，但份量就偏少，完全係唔夠牛舌配飯，配的沙律和麵豉湯，都是普普通通。整體嚟講，環境坐得舒服，食物都還好，但性價比就偏低。…Read More

上網見到呢間咁多好評，就約咗兩個女仔一齊試吓。我早咗少少到，周圍望吓牆身的人工繪畫，已經覺得呢間店好有心思。我們點了豐盛台灣牛肉湯麵、紅油三彩水餃、雞絲芝麻涼麵和好多人推介嘅芋泥奶凍吐司。牛肉湯麵有牛腱、花枝丸、貢丸和滷水蛋。湯底濃郁，但又唔會太鹹。牛腱真係要讚一讚，入味之餘，煮得夠腍。水餃就普通啲，但配嘅紅油醬汁都唔錯。雞絲芝麻涼麵配芝麻醬，食到停唔到口。芋泥奶凍吐司都幾特別，平時冇乜地方可以試，冇諗過呢個配搭都幾好食。整體嚟講，呢間餐廳性價比高，三個女仔食，平均都係$92。另外，提提大家，如果冇支付寶，記得帶現金，餐廳只收支付寶和現金。…Read More

呢間啲鰻魚飯超好食，已經encore咗一次！環境雖然細，但坐位有空間感，最好book定位， 平日lunch time好多人排隊。價錢有啲偏貴，但係水準相對地高！套餐包咗前菜、茶碗蒸、日式清湯同白飯。廚師係即叫即燒，廚房有透明玻璃，可以望到廚師專心地燒鰻魚，好食嘅嘢就預咗要等少少時間。厚身嘅鰻魚有一陣炭香味，配上甜甜地嘅鰻魚汁，再加日本米，真係食唔停口，完全唔會食到骨。呢間我認為係香港數一數二有水準嘅鰻魚飯，值得一試。…Read More

其實呢間已經食過好多次，今日心血來潮寫下食評。自從第一次朋友介紹照燒雞扒配野菜便當($78)，我就每一次都係食呢一個，今日先試另一款泰式咖喱雞配野菜便當($78)。便當整體嚟講份量都好足夠，基本上係唔會食得晒啲飯，建議女仔可以叫少飯。首先，啲飯加咗紅米，感覺好健康，雞扒唔會太肥，而且味道夠足，真心好食。野菜份量基本上係便當嘅一半，有不同種類的菜。但今日食嘅泰式咖喱雞就一般，雞肉夠淋，但味道較淡，而且今日嘅飯比較濕。下次都係繼續食返雞扒飯…Read More

比呢間餐廳啲相吸引咗嚟，而且見佢lunch set性價比高，所以特登嚟試一試，打吓卡。特登book咗吧枱位，廚師會為你介紹每一道菜，又可以同廚師傾吓計。餐廳空間不算太大， lunch time食客都多，但廚師同侍應都好有禮貌。侍應亦會主動幫你斟水和樂意為你影相。每道菜廚師都會用靚靚嘅器皿去盛載，每道菜都值得打卡，聽廚師講，每樣器皿，都是老闆親自搜羅。除咗賣相靚，食物質素都好高，食材新鮮，而且做法和配搭都好特別。個人認為最美味的是拖羅刺身和海膽飯…Read More

今日有朋友話請我食飯，帶咗我嚟呢一間餐廳，雖然餐廳位於唔當眼嘅大廈，仲以為伏伏地，點知食物有驚喜。我哋叫咗兩個dinner set，封門柳和明太子意粉。先上沙律，沙律配新鮮生果，食落感覺好fresh。明太子意粉，份量足夠，而且落足料，啖啖都有明太子。封門柳賣相吸引，我見每台食客都會點，多肉汁而且肉身夠淋，再配餐廳秘製醬汁，就更好味。值得一提嘅係配菜同薯條都夠出色。環境就細細間，但服務好好，每道菜感覺都是用心做出來的。…Read More

呢間餐廳已經book mark咗一段時間，今個weekend難得有時間，就享受吓me time。叫咗一個和風漢堡定食($108, 另收加一），定食包括味噌湯，沙律，漬物和甜品。Lunch set仲包一杯咖啡。食物質素和份量都OK，漢堡肉汁多，再配流心蛋一流。好在今日有着襪，可以坐喺tatami慢慢享受午餐，雖然坐耐咗有啲腳痹，但一個人靜靜地係咁嘅環境食嘢，都幾舒服。另外，weekend食客比較多，餐廳人手感覺有啲不足，尤其tatami位，有需要搵人落單、加水和埋單，就要特登着返鞋出去。…Read More