過期蛋糕's Profile

同學聚會，黎呢度。餸菜走高檔路線，但價錢極相宜。主打潮州菜，不過刺生﹑火鍋﹑粵菜都做得好出色。第一次黎，試食了幾款招牌菜。冰鎮鮑魚，用清酒浸煮，食時沾wasabi，非常鮮甜。招片炒蟹，極新鮮，啖啖肉。茶燻雞。香香的煙燻味，雞肉好juice不加味精靚湯，咸酸菜﹑大鱔魚煲湯。酸酸甜甜好開胃，鱔片煲完湯，仍然好彈牙。呢個吾記得叫咩名。酸甜度適中，好厚肉，但吾難咬，好軟淋。豬油炒豆苗。估吾到，豆苗係冇葉，將最豆芽來炒，好高檔~~卥水鵝片。可能新開張，卥水汁吾夠味，反而卥水豆腐味道適中，仲非常幼滑。推薦豆腐~~~地方好整潔，服務也很好。好好坐。這一餐好滿意。…Read More

柴灣有幾間椰林閣，這問比較好味，如果去新翠果間，不如行多兩步去興華村呢間。沙律餐，真的好大份，成碗沙律，還有成件煙鴨胸。有些地方的沙律餐，只得3匙沙律，或者得幾棵生菜，完全冇野落肚，騙人的....這裏食沙律，食到飽。…Read More

放假去旺角行街，見到間日式食店很多菜式，價錢又平宜，便選這間。食物都過得去丫~~可以再去。刺生幾靚，$36，包一杯飲品。湯底幾好，還有一碗飯，飯面有醬汁，$30，包一杯飯品。如果碗飯多些醬汁，仲好味。…Read More

不論晚餐，還是下午茶，都可以鋸扒的街坊食堂。幾好味嫁~~如果吾嫌食得太肥食過幾次，除了鐵板餐，天使面亦是不錯的選擇。價錢都係三十幾蚊。焗豬仔包，是推介之選，脆﹑香。試過鐵板餐，選薯菜，竟然不是炸薯仔，而是炸蕃薯，真是喜出望外，極好味~~…Read More

近期遊遍柴灣大小食店，尋找隱世美食這店星期六日坐滿人，味道過得去。午巿是碟頭食品，或米線。包飲品/湯。晚巿是火煱﹑上海菜﹑廣東菜。個人覺得，晚巿水準好一點。午巿，試過口水雞﹑四川水煮牛肉，兩種都係同一樣味，只不過是雞牛之分。一般的口水雞，好似吾係咁的...算啦，$35，有餸﹑飯﹑湯/飲品﹑灼菜，食得一餐。…Read More

樓上的食評，寫呢間店寫得好差，其實，我覺得幾好丫~~柴灣區，一直都冇啖好食，吾去支持下，連呢間都執埋，仲冇野食呀!對比好多日式放題，推薦羊鞍﹑一口豆腐﹑天婦羅蝦，天婦羅蕃薯。這處的刺生品種算多：三文魚﹑吞拿魚﹑甜蝦﹑虎蝦﹑希靈魚﹑赤貝﹑北寄貝﹑尤﹑默魚﹑劍魚等等，十幾種。有些是貴格貨來的，一般放題好少有。我又去過幾次食下午茶，都吾錯，加十幾蚊，就有椒鹽三文魚﹑鹽燒魚頭添~放題，連加一約180。下午茶餐﹑午巿，約30-40。…Read More

放假，吾想打扮，極污WET，又想落街食野，就揀佐呢度，咁，打扮與環境便配合。在街巿的二樓。由朝到晚都有茶餐，好平。這次叫酸辣薯粉，由於我掛住影相，搞到D湯俾薯粉索晒，薯粉越食越大碗，極飽，飽到頂住個胃....但，薯粉仍然很煙UN，沒有一PAT PAT。這店，真的好「街坊」，會再幫襯。…Read More

團購。因為「任食前菜」而幫襯，點知原來是「一個局」。環境，迫迫地，都算OK好坐，不過，吾夠冷氣，好熱！！前菜，以為任食，原來吾係，一定要食晒主菜﹑甜品，才可以再食前菜。勁奇怪囉！！！食完甜品，又再食番咸野！！最大問題，８點到場，即刻叫菜，９點先上第一個前菜。離晒譜！！等到個個都勁肚餓。食完第一個前菜，等１０分鐘，先再上湯。飲完湯，又等１０分鐘，才上主菜。已經９點３，個個肚餓到將Ｄ野直倒入胃。打算即刻叫第二個前菜，點知，仕應話要食埋甜品，先可以叫！！有Ｄ人食得慢，未食晒個主菜，仕應話「一定要所有人食晒主菜，才上甜品」又要等好喇，等所有人食晒主菜，又等多１０分鐘，才上甜品。食完甜品，終於可以「任食前菜」，望下個錶，差吾到１０點，坐佐兩個鐘，夠鐘。個個等到又眼訓﹑又累，不過，吾叫前菜，好吾抵。如果吾食多個前菜︳咁做麥要買呢個團購！！即使食完甜品，點都要叫前菜！！點知，又等.......O晒咀！！！食物，好吾好呢....其實，OK的，$170算係咁。不過，等到你訓著。「技術性」擊到一班一心「任食前菜」的客人。沒有話吾俾你食，不過要你慢慢等，夠鐘，請你走人。一個局！！焗生蠔湯，沒有跟面包的。青口鴨胸串燒豬背骨甜品…Read More

裝修幾靚。服務一般。套餐好貴。散叫幾好。脆皮豆腐，如有甜醬﹑辣醬更好。德國咸豬手，推薦，抵食又好味OK，好味。一般。一般，而且幾貴。好味，熱辣辣的…Read More

在團購見到「俄羅斯」菜，未試過團購，又未試過俄羅斯菜，於是，一次試齊兩樣野。去到門口，如果吾係買佐團體，真係吾會入去，因為門口「好有特色」.....團購的套餐，有湯﹑前菜﹑主菜﹑甜品。湯：辣肉湯。濃濃的蕃茄湯，有好多料，有小小辣，煲湯肉，仍然很淋。如果食得辣，加小小胡椒粉，更多好味。前菜：魚子醬﹑俄國剌生﹑俄國沙律。魚子醬及俄國剌生，其實是三文魚子﹑三文魚等，不過，奄製過，與日本剌生吾同食法。這個加小小檸檬汁，好好味。推薦沙律，不是生果，真係食吾出是什麼，樣樣都切得細細粒，比平時食的稍酸，不過，真係幾好味。主菜：羊扒好味呀，好軟，好香。配菜也加入香料，昨天食完，今天都覺得回味。推薦～～甜品：肉桂萍果批配上朱古力﹑士多卑梨醬。但食吾出肉桂，萍果切得太細，這個甜品，一般水平。整個套餐，真的好滿足，好好味，份量又多。但美中不足，冇水!!!隔離枱，竟然自己帶樽水去飲?!俄羅斯菜口味偏重，冇水，越食越口喝。唯有加錢叫飲品，一罐可藥$28，一支提子汁$38。真係賺錢!!!幾啖已飲晒支提子汁，仍然越食越口喝，不過，飲品太貴，吾想再叫。點知，見另一張枱，叫仕應俾水?!吓，竟然有呢招?!原來，吾叫，就吾會俾水。叫佐，便會俾1杯水!!!!扣分。…Read More

上星期與朋友食完，好好味，今星期要與家人再食多次。海膽鵝肝多士，只出了幾次，好快俾人搶晒..海膽，好味~~面包蟹，好多高，出佐好多次，好味~天婦羅，不用汁，洒小小鹽，己經極好味。我最鐘意蕃薯。我妹鐘意H雪糕。我又吾覺有咩特別。除佐價錢。最後一杯即磨咖啡﹑凍紅茶，好滿足。…Read More

有壽司自助餐﹑拉面定食﹑飯定食﹑火煱定食，樣樣都係幾十蚊。食過壽司自助餐，冇錯，魚生冇咁靚，但係加一都係$52，$10三件壽司都冇咁平啦。仲想點?!午巿飯定食，$34，有飯﹑有前菜﹑有湯﹑有飲品，去大XX﹑美X快餐，都冇咁平。拉面定食，$26，仲有飲品。灣仔區，午餐，咁平，仲想點?!其實，一分錢，一分貨。這個價錢，算係好超值。…Read More

芥辣八爪魚，$2X，一大碗，好味，又抵食。剌生好新鮮。香葱三文魚壽司，好好味。鹽燒默魚咀，推薦，加多D檸檬汁，仲好味~~價錢吾貴，份量大。good~~服務員，好好。見你杯水飲佐3份1，就即刻幫你加。抵贊~~…Read More

6:30去到，拎到面包蟹，成塊面咁大，YEAH~~出佐一次，冇再出啦~~成隻都係蟹高，蟹肉好鮮甜嫁。發狂地食，吾記得影相，可惜。食佐呢隻蟹，已經回本。長腳蟹，好甜。藍青蠔，好鮮味。海膽鵝肝多士，外面煎香，入口即溶，加上海膽，非常﹑超級好味海膽壽司，好味每檯一杯小蠟燭食物款式吾多，不過，面包蟹﹑長腳蟹﹑藍青蠔﹑海膽﹑鵝肝，樣樣都好味。75折後，$235。絕對回本~…Read More

韓燒，都係咁上下，但特別在，取食物地方，很整潔。而且，熟食﹑小食﹑甜品，款式很多，淨食果D都好好味﹑好飽。推介牛仔骨﹑熟菜，好好味。…Read More