kkkatieee's Profile

今日喺IFC度經過呢一間舖頭，門口好似都幾靚，所以打算入去食個下午茶，但係呢度啲職員超級唔友善，首先如果想坐喺餐廳入邊要食brunch先可以入去，然後如果想淨係飲coffee的話就必須要self service坐喺出邊，其實都無所謂嘅，但問題係佢出邊啲位超級污糟，啲人食完嘢根本都唔會清潔，而員工亦都冇意欲主動去清潔，令人個感覺好差。然後問員工可唔可以幫手清潔，但佢竟然比一個藐視嘅樣其他職員。搞左一陣先有人去清潔，我地點左兩杯咖啡，但咖啡味道好一般，雖然價錢算係中位價，但以後都唔會想再黎試。…Read More

今日喺附近食完飯，想食糖水所以就黎左。呢度地方唔大，但係上層都有好多位，好適宜一班朋友一齊嚟傾偈食糖水。呢度係手機落單，好方便。我地叫左芋香仙草芋圓同4.3牛乳桃膠芋圓。名不虛傳，個芋圓好彈牙好有口感，加埋仙草同惹米，咬落好有層次，唯一係我地走左冰底，如果有埋冰底應該會更正。而我自己就最鍾意個牛乳桃膠，佢地好夾，桃膠好爽口，牛乳仲要係熱嘅，好impressive! 呢度啲糖水都唔貴，鍾意自己配搭都得，亦唔會貴太多，所以大大推薦！…Read More

今日好想食意大利野，所以黎左呢間餐廳。一黎到就有位，唔算多人。不過坐左5分鐘都無人比水我地，雖然有staff有幫隔離枱斟過水，但都無發現我地無水，我有嘗試過叫佢地，但佢地太忙無人注意到我地。出面天氣30幾度，其實客人黎到比杯水先真係好基本。是日餐湯-黑松露忌廉蘑菇湯：個湯蘑菇味好重，但飲唔出黑松露味。如果唔知有黑松露嘅話，味道都算唔錯芝士焗牛肝菌脆炸雞胸雞胸味道唔算重，係要食到去有牛肝菌嘅位先叫有返啲果，overall唔算好特別。Carbonara 賣相唔錯，手工意粉口感都唔錯。可能因為係手工意粉唔夠入味，所以overall 唔太重芝士味但個煙肉就比較咸，唔係唔好味，個汁都滑嘅，只係同我expect嘅有啲唔同。總括黎講，我覺得佢地唔係想服務差，只係有啲staff太新/唔夠細心。由於食物味道無咩特別，都會想試下其他餐廳未必會再嚟。…Read More

呢度係食韓國fine dining，個景係唔錯，不過我哋唔係坐窗邊所以睇唔到個景色。呢度只可以食佢嘅set dinner，係9-course tasting menu，價錢都幾貴（$2200一個人），咁我心諗做得tasting menu同呢個價錢，質素應該會唔差。好可惜，首先佢嘅份量好細份。第二佢嘅海鮮唔算好新鮮。第三，佢用嘅食材都唔算係好高級嘅食材，食完完全唔覺得值呢個價錢。我地真金白銀黎食，真係覺得有少少唔抵。服務質素就一般啦，不過點都好，都唔會再黎食。…Read More

其實一直對呢間餐廳嘅印象都麻麻地，因為疫情之前曾經試過打電話想外賣自取，點知個店員勁串咁話生意好好，唔得閒做外賣，然後就收左我線，所以至此之後都唔想再黎。過左幾年，見到openrice好似幾多「好評」，所以諗住再黎食下比個機會佢。我今次叫左個火車頭，但味道真係好一般，個湯味道唔算好濃，呢個價錢黎講真係唔抵食。雖然中環食野都係貴，但中環都唔只佢一間越南野，而且服務態度又差，所以決心以後都唔會再比機會。…Read More

今日同朋友見到呢間標榜自己係米芝蓮嘅食店，所以決定試下。呢度人唔多，唔駛等都即刻有得食。首先，呢度menu同openrice見到嘅比巳經少左好多選擇，不過就多左個卡邦尼蛋包飯。可能店員預計到之後會好多人，我地坐低無幾耐就係咁過黎催我地點餸，態度唔太友善。我地點左牛腩撈麵同虎蝦卡邦尼蛋包飯。呢度個定價有啲古怪，如果要由牛腩飯轉撈麵要加$9，仲要無蝦子，但個卡邦尼蛋包飯可以加$6轉蝦子撈麵，唔係好明個logic。食物份量尚算適中，但個牛腩真係少得孤寒，仲要係勁細塊，呢個價錢絕對係唔值。蛋包飯個賣相都唔算吸引，隻蛋根本都包唔住個飯，個名真係有啲誤導，隻虎蝦亦都唔算大隻。食物味道還可以，個招牌撈麵都真係勁彈牙好入味。不過overall黎講，無論環境、服務態度、食物價錢等，我都會覺得好一般，個米芝蓮名都係名過於實。…Read More

呢間以水族館做主題嘅cafe/餐廳巳經喺炮台山開左好一陣子，因為Covid關係，一路都無機會試，難得今日work from home，所以黎左食。可能因為地點唔係大街，所以lunch都唔算多人，唔駛排隊。呢度坐得都幾舒服，門口露天都有幾個位，岩唒帶寵物嘅人，不過對住馬路。呢度主打水族館，所以周圍都有好多魚缸，可以對住啲魚仔食野都幾特別。挪威煙三文魚薄餅 - 分量適中，最令人驚喜嘅係佢個薄餅好脆，三文魚份量都唔算少，味道唔錯。黑松露帶子大蝦意粉 - 帶子都算新鮮，蝦就煎到好香，加左黑松露令個意粉味道更突出。另外想提嘅係lunch set包一碗忌廉野菌湯個湯，個湯好足料好濃野菌味。總括而言，呢度主食質素唔算差，不過價錢偏貴（雖然佢巳經平過炮台山電氣道另一間連鎖西餐）。但係呢個價錢同食物質素，我都會想再返黎試下其他野食。…Read More

今日行完山我地去左顯徑站附近呢間新開嘅日式西餐廳食野，呢間餐廳位於後街，所以去之前可以去佢地ig睇下點去。呢間小店雖然地方唔大，但裝修好有格調，感受到老闆好有心機。呢度嘅食物質素唔錯，每樣野都好大份，而且有好多沙律菜，岩唒我呢啲想食健康啲嘅人。呢度嘅Chef’s recommended set本身跟餐有飯同前菜，可以再加錢跟湯同飲品，不過今日咁岩賣唒湯，所以老闆好好咁轉左沙律比我地。Ado's自家手打日式漢堡排 - 漢堡排口感好好，淋得黎咬落去唔會散唒，個汁都好好食，用黎撈飯一流！Ado's特製紅酒燉牛肋條 - 個牛肋條燉得好軟熟好入味，咬落好香，個人覺得呢個係最好食，但好可惜唔記得影相蛋包飯 - 同樣係高質，個蛋好滑幾樣主菜入面我會推薦chef’s recommended 嘅菜式，因為真係好好味😋另外我地仲叫左幾個小食，有炸蕃薯同小食拼盤，份量都好足！Overall我覺得呢間小店好有heart，無論食物定環境，都睇得出老闆好有心經營。唯一嘅係因為每樣食物都即叫即整，所以等待時間耐少少，不過呢度好適合傾下計休閑一下，所以等下都無咩所謂。…Read More

因為小妺生日，同左友人去左尖沙咀藝術館呢間餐廳豪一豪。呢度環境好大，設計好有格調，空間感好多，仲有一個無敵大海景，好適合打卡，如果夜晚黎應該更加正。大時大節for慶祝都係一個唔錯嘅選擇。今日我地點左lunch set，個set包左starter、main同dessert。我後尾發現原來呢度menu成日都會唔同，所以好有新鮮感！呢度服務都好好，話說我有一個朋友對海鮮敏感(book嗰陣有講)，佢地就預先幫佢準備一set無海鮮嘅食物。食物質素overall都唔錯，份量都唔少。感覺呢度主要用好多唔同配菜去調味，所以食物味道好有層次，但略嫌蓋過食飯本身嘅味道。Australia Spring Brunch Set $450/person…Read More

疫情之前去左中環呢間行高檔style嘅素食西餐廳。呢度環境唔錯，好適合朋友黎傾計。我地兩個人有少少眼闊肚窄，以為啲野好細碟，嗌左2個前菜同2個main，但呢度份量都幾大，所以如果想試多啲野，人多啲黎會好啲。Overall我覺得呢度嘅素食唔算係特別出色，調味雖然同本身嘅野食調得好似，味道亦都唔錯，賣相都好靚，但始終口感爭啲，汁同食物唔算好夾，所以我覺得呢度食氣氛多過食物味道。Buffalo Wing $108Sea Urchin Tempura $128Wellington Steak $238Truffle Spaghetti $188…Read More

一路都想黎支持下造星一呀神開嘅呢間店，估唔到過左咁耐先黎試。今日中午時間過嚟，店舖位於熟食中心入面，店外面環境係會有少少濕立立，而且要上一樓轉去後面先到，難免有點減分。入到店入面通風唔係太好，所以有啲油煙味，不過呢個價錢，真係唔需要要求太多。店舖唔大，所以午餐時間過嚟差唔多坐滿左人，lunch得6款選擇，我地點左兩個餐，等左10分鐘就有，兩樣野賣相都唔差。- 咖喱吉列豬扒定食 $55豬扒唔算鬆軟，個炸皮都唔算鬆化，不過咖喱味唔錯，撈飯食都唔差。- 醬燒豚肉定食 $58坦白講我覺得唔合格，醬燒味唔係好食到，淨係食到咸味同穫燶味，個飯都有點硬。反而個豚肉肥膏口感幾好，但唔建議點呢個。雖然overall食物質素唔算好好，但服務態度好好，同埋呢個價錢真係唔會要求太多。小店勝左有人情味。…Read More

今日閒日差唔多2點過黎，估唔到過左lunch hour都仲係full house，都要等一陣先有位。呢度無lunch set，我就叫左蒲燒鰻魚飯。喺香港食鰻魚飯好多時都係又貴又鯹，好少食到日本嘅味道，所以不嬲都好少喺香港食。但疫情關係真係太耐無食，今日就決定頂下口癮。個定食有前菜、沙律、湯同主食。個沙律同湯都正正常常，前菜就有點咸。而個鰻魚，雖然唔鯹，不過絕對係好一般嘅質素，味道都係靠個鰻魚汁黎調味。整體來講，我唔覺得難食，但呢個set唔會再叫。其實呢度叫麵樂，我下次應該叫返碗麵黎試下。唯一要讚嘅係服務唔錯。-蒲燒鰻魚飯$150…Read More

今日專登入到元朗，就係為左食呢餐omakase。話說呢度勁難book，又係要用上網嗰啲system準時12點去爭，好不容易我地終於book到星期六食lunch omakase。呢度一入黎感覺超好，可能係因為無窗，睇唔到出面，令我有種真係去左日本嘅感覺。餐廳唔大，大約每輪坐到10個人到，難怪咁難book。我地前一晚就要揀定食咩，由於我地無揀到sashimi個set，一開始只可以睇住師傅整比其他人食，真係有得睇無得食😅我地今次個set有前菜、沙律、茶碗蒸、湯同13件壽司。前菜係配左洋蔥汁嘅蕃茄，幾開胃，而我就幾欣賞個生蠔豆腐沙律，加左酸啫喱同秋葵，全部野加埋味道完全無違和感。13件壽司分別有太刀魚、鯛魚、右口鯛、深海池魚、真鯛、北海道活帶子、赤貝、金目鯛、活北寄貝、牧丹蝦、呑拿魚背豉油漬、大拖羅、北海道赤海膽。材料尚算新鮮，個赤貝上嗰陣仲識郁！呢度嘅壽司唔係著重重口味，味道淡啲，坦白講，呢度嘅整法未去到可以食得出每樣食材嘅鮮味。整體而言，食物味道唔算好特別，對於呢個份量同服務態度，價錢尚算合理。不過要我再咁樣12點book位法，略嫌有點名過於實，加上同一素質嘅omakase市區都有好多選擇，所以我就未必會再食。Lunch Omakase: $420…Read More

一聽到香港要開無老鍋，朋友們都好興奮，因為可能疫情之下無得去台灣，所以都好期待香港分店。友人好利害，打左17次電話先打得通book到咁快黎食，不過去到發現原來可以walk in，亦都唔算好多人等位。我地揀左鴛駦鍋(冰淇淋豆腐鍋＋無老辣香鍋），佢個無老辣香鍋就一啲都唔辣，我地中途要求加辣，不過店員都話無論加幾多都唔會好辣。兩個湯底都有一種淡淡的藥材味，個湯岩岩飲嗰陣味道都幾淡，但煮左陣就濃郁得多，不過都唔係好重口味嗰種。呢度嘅湯底係以每位計，4個人都要300幾蚊，所以都幾貴。一開始店員就叫我地要即刻整左個冰淇淋豆腐先，因為放左落豆腐鍋之後要等佢10-15分鐘先可以攪個湯，唔係就會散唒(溶唒)，所以喺限時90分鐘咁緊迫之下，最好就先整個冰淇淋豆腐，然後再慢慢點野食！個冰淇淋豆腐其實又唔算係好特別，有啲似有雪糕味嘅魚蛋。其他食物方面，味道同質素都唔錯，亦有台灣直送嘅食品，但最失望係無水蓮！我記得喺台灣嗰陣食到，覺得個口感同味道都好難忘，今次一心一意想再食，點知無。不得不提嘅係呢度服務態度超好，員工都好細心，加鴨血同豆腐都好唔孤寒！而且呢度坐得好舒服，環境都唔錯。不過呢度價錢真係偏貴，我地4個人食左2000幾蚊，所以如果要排隊，我諗都未必會再食。招牌冰鎮烏梅汁/勻 $108.0梅花豬肉$108.0手切封門柳 $388.0上選牛小排 $338.0爽脆白鱔片 $188.0綜合丸 $128.0綜合餃 $118.0娃娃菜 $68.0濃香豆皮（4個)(台灣直送) $68.0蒟蒻（8個）$48.0…Read More

呢間黃店一路bookmark左好耐好想黎，今日終於有機會，可能因為過左lunch hour,所以都唔駛等太耐。呢度湯底得一款，由濃厚豚骨魚介醬油製成，但可以揀加辣(+$5) ，辣嘅係中辣程度，我個人覺得辣味蓋過左個湯嘅味道，所以我唔建議加辣。由於辣味多過湯味，我都無辦法判斷個湯好唔好味。所有拉麵都配上筍，紫菜，洋蔥同葱，如果想要溏心蛋就要+$10。豚肉有兩款，慢煮豬肩肉(妹の選択) 同火炙豬腩肉(弟の選択)，我就當然係想試唒兩款，所以揀左料理長の選択（火炙豬脑肉加慢煮豬肩肉），價錢$108。火炙豬腩肉烘燶味好重，所以我反而鍾意慢煮豬肩肉，比較有豚肉味。麵質係細直麵，口感都唔錯。整體黎講我覺得唔算好出色，不過係黃店關係都會再黎。…Read More