Natural Style's Profile

喜歡吃牛肉的朋友仔生日，加上當日剛好在尖沙咀工作，所以特意在openrice找了牛匠石燒作為生日午餐，簡簡單單但又開開心心地慶祝。平日下午2點前來，剛好過了最熱鬧的午餐時間，店內不算太多人，加上安排了半開放式的卡位，剛好適合靜靜地聊天及吃飯。但如果是假日前來，最好還是先book位。牛匠石燒使用手機落單，午餐價錢大約$100左右，在尖沙咀區也算合理。今次我點了一份風門柳定食，以及朋友點了一份厚切牛舌牛五花定食。風門柳約有10片，肉片顏色鮮紅及脂肪紋路漂亮，石燒時輕烤幾秒就可以食，入口肉味和油脂香都算平均，沒有筋：厚切牛舌約4件，牛五花約5件，個人覺得牛舌比較吸引，入口沒有腥味，口感柔軟，牛五花切得厚身，入口有濃郁油脂香。另外加點了一份溏心蛋及牛柳粒，前者不過不失，蛋黃流心剛好，口感細膩，後者略嫌少少硬，較為遜色。面豉湯頗有驚喜，裡面的豆腐居然是切成花花狀，在湯中散開，廚師的刀功值得一讚。…Read More

自從搬了過來荃灣，才開始明白朋友所說的「荃灣有很多好味的餐廳」原來不是假的，只要細心行入小巷後街，真的有很多不起眼的小店值得光顧。牛県是一次路經時發現的小店，裡面大概只有6-7張4人桌，見到不用排隊就入去。牛県以食石燒牛肉為主，對於牛肉愛好者應該覺得很滿足。由於第一次前來，不太知道牛肉的分別，店員主動過來介紹，為我們推薦了不同口感的牛肉，最後我點了口感相對有咬感的牛側腹，而朋友則點了低脂的小牛柳。晚市加錢可配套餐，我們選了飯、餐湯、薯條、沙律。兩款牛肉的味道都很不錯：牛側腹是連接牛胸和牛腹之間的部位，脂肪紋路會比較細緻，肉質有咬感，入口香氣濃郁，帶有鮮味及油脂香；小牛柳是牛的嫩肩胛部位，肉質少油少筋，蛋白質含量豐富，是相對健康的選擇。上菜時，牛肉是大概一成熟的狀態，大家可以因應自己想要的熟度，把肉切開後再於石板上燒熟，個人推薦切開後輕輕一燒就可以，比較能吃得出牛肉本身的細緻口感及味道。沙律、餐湯會在上牛肉前送到，而飯、薯條就會等牛肉到才上，上菜時間控制得很好。另外值得一讚還有醬汁，青醬的味道非常清新，中和了牛肉本身的油脂感，大大推薦大家要點青醬試試。…Read More

哈哈哈，是的，又來走肉朋友吃飯了，自從知道大角咀有這間素食餐廳之後，都不知道來過多少次。每次和朋友說，就算經常來走肉朋友吃飯都不會膩，因為餐廳每2-3個月就會換一次菜單，而且每次的主題都很不錯，像12月就已經換了「夠薑．找素」當主題，當然又有藉口來吃啦。喜歡吃薑的朋友，個人推薦素薑醋、五色子蘿、香檸薑汁伴鯉魚、沙薑油素雞、麵醬薑蓉蒸腐竹、炒薑飯……而素薑醋是絕對絕對不可錯過，真的和平時吃的薑醋很相似，尤其是覺得平時用豬手煮的薑醋很油膩的話，這個素薑醋應該會很對胃口。 (看到現場的長輩們都一直添，很受歡迎XD)比較特別的還有素食關東煮，以清甜又滋潤的竹蔗作湯底，鍋物有竹輪、魚蛋、貢丸、牛蒡丸、豆卜、豆腐、麵筋、白蘿蔔、冬瓜、鮮菇、粟米、木耳、鮮腐竹……全部都是素食，在其他地方好像沒有試過。值得一讚是食材煮得入味，特別是蘿蔔和冬瓜，但又不會煮得太軟爛，Good~最後私心推薦個人全晚最愛(但好吃到忘記拍照)的南瓜西米布甸，聞到已經覺得很濃郁，入口更是綿密細緻，又香又甜，加上使用大粒西米增加口感，真的下次給我一大盤都可以吃光光。雖然不關「夠薑．找素」事，但真的是100分推薦XD…Read More

今天在銅鑼灣找晚餐，看到這間新開的店，環境明亮乾淨，也不用排隊等位就可以入座，那就試試吧。後來發現遊客都算多，一連幾桌都是遊客，就連外國人都有，是遊客餐廳嗎???還是我太井底之蛙??點了一份燒鵝撈粗：燒鵝外脆內嫩，表面有亮亮的光澤，一口咬下油香肉香都充滿整個口腔，而且還有荔枝柴燒的獨有香氣，非常好吃，唯一可惜是肉不多，下次可以點脾位應該會比較有肉感；撈粗麵條軟硬適中，彈牙不軟爛，煮得剛好，調味不會過鹹或過淡，加上有鵝油拌在裡面，又是香氣滿滿。…Read More

平日下午來放放空，雲遊太虛，沿萫山道走著走著來到這間看起來很適合發呆的Ethos，沒有想太多就走進去了。朋友點了一杯Latte，而我不喝咖啡的就來了一份藍莓芝士蛋糕。偷偷嚐了一口Latte，入口細膩，沒有咖啡的苦澀味，很順口。藍莓芝士蛋糕味濃郁，口感細緻扎實，略嫌藍莓果醬有點太多，不過整體來說都不錯。Ethos算是半開放式，面對街道的那邊都是大片玻璃，陽光可以透外照射進來，推薦坐在近路邊的位置，一邊吹吹風看看書，心情都跟著好起來。…Read More

天氣開始轉冷，當然要約朋友去「烚下烚下」，吃火鍋絕對是迎接冬日的最佳活動!!! 這次朋友選了新開的寶哥火鍋味館，我之前沒有來過，所以算是第一次來，沒想到整體感覺都很不錯，已經約好朋友下星期要再去吃一次了。寶哥火鍋味館在2樓和3樓，進大門後要往左轉上樓梯就會看到，環境明亮整齊，空間感不錯，桌與桌之間不會很擁擠，而且店內不是那種很吵鬧的火鍋店環境，幾個朋友一起來聚會很適合。我們點了B套餐，送一份和牛刺身拼盤、海鮮牛肉拼盤、三寶丸、烏冬，然後其他的配料都可以任點任吃。個人大大大力推薦：1. 脆肉鯇魚，入口非常非常彈牙爽口，不是隨便用魚肉假裝脆肉鯇，全晚總共點了3次2. 牛坑腩，肉味濃郁，入口有嚼勁(但不是硬)，比起不少麵店的牛坑腩更好吃3. 雲吞，外皮極薄極滑，肉餡飽滿扎實，而且還有一整隻蝦其實全晚所吃的東西都很不錯，每一款都有一定質素，可以一試。…Read More

晚餐完全想不到吃什麼，走過元気寿司時突然看到有新出的系列，加上時間尚早沒有人在排隊，那就去試一下吧XD 今次完全是向著德島系列而來，所以先叫齊德島系列，再加多少少壽司就夠飽。個人大愛鳴門金時甘薯天婦羅，炸得香口而不油膩，金時甘薯非常香，阿波尾雞牛蒡薯餅、鰤魚腩配酸橘醬油都不錯，朋友就比較喜歡炸阿波尾雞，吃起來外層乾爽內層嫩滑，算是有驚喜的作品。最後還點了一份鳴門金時甘薯卷，以甜品來作Ending超級開心！…Read More

和朋友去太子尋食，佢他特意提早訂了這間Cafe Paradise，所以進去就有位置，不用等。原來這間店比想像中多人，差不多7點左右就已經沒有walk in位置，全部桌子都有人預訂，如果打算來吃的話記得都要打個電話留位。店舖環境是偏向浪漫風的氣氛，燈光不會太明亮，適合情侶來談談心，加上店內還有不少公仔，氣氛相當不錯，女生們應該都喜歡。我們點了兩個晚餐套餐，包括沙律、餐湯、主食、甜點和飲品。我點的是卡邦尼意粉，份量適中，入口有濃濃的奶油香味，醬汁剛好掛在每一條麵上，不會覺得很膩；朋友點的是豬手，份量十足，絕對沒有偷工減料，外脆內嫩的豬手非常好吃，男生吃的話也會很飽足。總結全晚各方面都不錯，但來吃的話真的要記得訂位，全晚看到太多walk in的人都要等很久。…Read More

兩公婆去撐檯腳，本身諗住上黎Day and Nite by Master Kama食龍蝦（上次食完覺得超級好味，真心推介），但今次黎到發現好似轉左食蟹，我地諗都應該唔會太差，所以就唔轉地方，食蟹都無問題~ 而事實證明蟹餐又真係幾好食，好彩無走寶。今次叫左個The Holy Crab. Two $588套餐，兩個人食就夠哂，前菜有：蟹肉玉子燒、蟹子日式凍豆腐、虎蝦配芒果慕斯、柚子醋海藻沙律、酸辣羅勒海蜆、海鹽枝豆。之後就有好好味的芝士蟹肉釀蟹蓋，焗到熱辣辣，入口非常香滑同濃郁，惹味到不得了。鱈場蟹海鮮火鍋，先煮海鮮再煮菜，食材夠新鮮，個湯煮完出黎都好清甜。蟹雜炊，入口好黏稠，有D似BB食的粥仔，味道相對就清淡少少。…Read More

好耐無叫齊飯腳去食飯啦，今日難得叫齊人，所以就搵左呢間私家廚房，貪佢私隱度夠高，4人位會好似獨立廂房仔咁，食都食得特別開懷啦。4個人，因為大家都覺得肚餓，所以叫左7樣野左右，後尾發現食物份量都幾多，所以每人都仲可以打包一盒，第2日帶返工做lunch。其實全晚D野都唔錯，服務又好，揀幾樣特別推薦講下啦。籠仔荷葉海龍皇蒸飯：上面有齊魚蝦蟹，海鮮平均地鋪滿飯面，上檯個下聞到淡淡的荷葉香氣，而米粒就吸哂所有海鮮的精華，就連平時唔太食飯的我都覺得好好味。薑蔥焗美國桶蠔：未黎到已經聽到滋滋聲，上檯見到熱辣辣，大家就已經忍不住要起筷。蠔肉大大粒又飽滿，熟度控制得剛剛好，連同醬汁同食非常惹味。生炒骨：有驚喜，醬汁入口甜酸度適中，唔會甜到好奇怪，而排骨炸得脆卜卜而不油膩，果然係要新鮮熱辣即叩即炒最好味。…Read More

朋友仔係尖沙咀返工，話呢排發現左一間比較少人識去的冒菜餐廳，所以就拉埋我一齊去試下新野。冒菜，聽都未聽過，咁就一於去睇下啦，去到先知原來係食四川菜，不過環境又設計得幾新派，同我想像中的四川菜館似乎唔太一樣。黎到呢度係好似車仔麵檔咁自己劃野食，有張紙仔可以揀主食同菜式，揀得多就俾得多錢，視乎自己有幾大食而去揀啦。湯底有唔同選擇，例如麻辣、酸菜、清湯同蕃茄湯底等等，不過黎得食四川菜，當然係以辣為主。叫完麻辣湯，發現呢度的湯底又無想像中咁辣，可能係我自己食得比較辣，睇黎下次可以叫辣少少，但朋友就話覺得佢個碗辣度剛剛好，唔會食到好辛苦。而小菜方面份量都算適中，味道不過不失，比較出色就係鴨血、大腸、魚腐等，大家都可以試試。…Read More

好耐無去食泰國菜，所以今日老公就專程book左呢間新開的泰國菜餐廳，齊齊試新野。餐廳係百樂中心2樓，有出開銅鑼灣搵食的朋友都知呢棟大廈一向餐廳雲集，所以成日都轉手，今次食完呢間Milu都覺得質素唔差，味道幾適合我口味，希望可以快D打響名堂，Keep住做落去啦。全晚都叫左幾多野食，講幾樣我自己比較喜歡：青咖哩牛肉配蒜蓉包，呢度的青咖哩調整過，無係泰國食個種辣度咁刺激，口味適合香港人，辣得黎帶有香料味，仲有少少椰汁香，加埋牛肉都算嫩滑，唔錯。不過，最緊要一定係要叫埋個蒜蓉包，長方條狀好吸汁，沾滿青咖哩汁再放入口，實在係全晚最佳配搭，如果下次再黎食Milu，一定係為左呢個組合。馬拉盞炒椰菜仔，上檯已經即刻聞到好香好香，蔬菜炒得軟硬適中，唔係入口爛哂個種口感，而個汁就不過不失啦，如果可以似泰國風味落多少少辣同甜就會更正。鹽烤魚，同係泰國路邊食個種鹽烤魚外形一樣，不過魚的品種就唔同，平時泰國食個種會偏向乾身，有時烤得太耐仲會硬，而呢度的烤魚係即點即烤，雖然要等耐少少，不過出到黎熱辣辣，而且魚肉鮮嫩多汁，入口即化，必食！…Read More

今日黎接老公食lunch，見到呢間新開餐廳好似無咩人，咁就上去試下啦~ Lunch set好似唔錯，所以一人叫左一個。我食咖哩牛筋腩飯，意外地個咖哩又煮得幾香濃，辣度適中，入口唔會太嗆鼻，而牛筋腩就煮得入味又香，份量比想像中多，用來配白飯一流。老公食牛四寶飯，佢果個就偏向清淡少少，無咖哩咁濃郁，不過就反面食得出牛肉味都幾香。總括黎講兩個Lunch set都算唔錯，重點係以尖沙咀區黎腸，價錢又唔算太貴，下次可以再黎食。…Read More

發現香港人真係好中意打邊爐，次次唔知食咩好的時候，都係決定去打邊爐XD 今次我地又約左係尖沙咀醉胡爐，店面分為兩層，我地坐樓上房仔，有私人空間，可以放心傾計。朋友造想食椰子雞湯底，所以就叫左呢個，即場炒雞+加湯+加椰水，現場見到真材實料，煮個時仲會有火，視感味覺都大滿足。個湯飲落清清地，唔會太鹹，原本都怕打邊爐唔夠味，點知清新得又黎幾好。呢度的牛肉好好味，有叫和牛and手切牛，前者雪花紋分佈平均，煮幾下就食得，入口肉質細緻，後者牛肉濃郁，入口有嚼勁，兩個都好好味。之後再加少少配料，最後埋單每人都係$400，以呢個質素黎講好抵食啦~…Read More

又去打邊爐，不過今次我地以海鮮為主題，所以就搵左呢間圃鍋，貪佢今期推出大大大大大隻海鮮船，仲上埋facebook好多平台，應該就唔會太差。好彩，黎到之後唔係「希望愈大，失望愈大」，我地4人全體都覺得成晚的質素唔錯，包括環境、食物、服務都好好，下次會再黎。呢邊行高檔路線，一入黎就覺得燈光比較暗，感覺上幾好氣氛，中式為主的風格都唔會令人覺得格格不入。服務員好好人，會主動過黎落單、加水，最緊要係教埋我地點煮海鮮最好味。個海鮮船好大隻，4人份量海鮮夠澎湃，有龍蝦、蜆、鮑魚、帶子等，每一款都唔差，雖然唔一定係最新鮮，但至少入口唔覺有冷藏味。仲有推介埋和牛，雪花紋夠靚仔，幾乎入口即化，一定要試。…Read More