happy51's Profile

呢間日本野平時堂食或者外賣都幾貴, 打工仔午餐總不能經常食, 所以趁最近外賣平台做半價, 特別試一試先.呢個係牛肉鰻魚便當, 賣相唔錯, 配菜都幾多款式.鰻魚算多汁, 肉質正常口感, 無骨.  日式牛肉都係正常野, 不過肉既份量都幾多, 同埋唔算太肥.飯底係珍珠米, 又係幾多汁, 送飯唔錯.配菜有蛋卷, 西蘭花, 粟米, 蕃茄仔, 係D西蘭花有D生, 硬硬地, 其他都正常.但係如果無半價成舊水一個便當, 平時午餐就一定唔會叫黎食, 平D親民D會多D人買.…Read More

聖誕新年期間太多好戲上演, 商場睇完戲都特別多人食飯, 突然醒起呢邊有間泰國野, 之前食過唔錯.佢呢度既沙冰係好多人飲, 不過今日沙冰機壞左, 所以叫左另一款試下.椰汁涼粉冰都好大杯, 椰汁唔會好甜, 清新既感覺, 仲有幾多一塊塊既涼粉, 夠晒口感.想食少少蔬菜, 所以要個豬頸肉炒芥蘭, 豬頸肉唔會好乾, 夠軟腍. 份量都唔少, 芥蘭唔苦夠爽口.仲有要左個泰式芒果絲脆炸鱸魚, 呢款之前食過好味, 份量又足.面頭既芒果絲係凍凍地, 所以入口有D似食緊沙律, 好醒胃.下面既炸鱸魚已經拆骨起肉, 每舊都炸得好香口, 外脆內嫩.…Read More

疫情之後好多餐廳都好早收，同朋友睇完戲都已經成十點，苦惱緊去邊度食野。好彩睇openrice見呢間餐廳收半夜四點，咁就啱晒我地可以一路食一路傾。夜媽媽最啱食重口味既麻辣雞煲，個煲一上枱已經非常香，再炒一下更加惹味。食落麻味豐富，同出面其他雞煲好唔同。雞件夠滑，每件都啖啖肉。另外叫左熟食，自家製脆香雞軟骨，夠乾身，個皮唔會好油既感覺。有少許蒜香味，香口野最啱宵夜食。冷盤有特色白滷水拼盤，有鴨件，腎，腸等等，滷得好入味，酸酸地送埋酒一齊食最啱最開胃。一路慢慢食食到半夜，而家香港真係好少有開到咁夜既餐廳。…Read More

終於等到開放晚市堂食, 急不及待跟舊同事聚一聚, 公司附近的既潮式酒家, 平時食都唔錯, 今次試下晚市先.太耐無堂食晚市, 今晚一於豪一豪佢, 侍應介紹將近失傳既潮式名菜, 叫堂灼響螺片, 係潮州菜既手工名貴菜式. 響螺都好大隻, 手臂咁長, 侍應先比我地望下, 之後再拎入廚房打爛佢, 隔左一陣, 螺肉已經片好一片片, 每片都好肥大肉厚, 斤兩十足. 跟手就響面前幫你灼, 沙煲入面仲放左雞, 火腿等等既上湯, 輕輕既一灼, 大約八鈔左右, 來回拖拉, 熟度剛好, 即刻上碟.一放入口, 口感極爽脆, 無加任何調味, 濃郁既海鮮清甜味慢慢滲出, 非常新鮮, 令人一食難忘.另外仲食左凍花蟹, 又係夠大隻, 橙紅外殼賣相不俗. 凍蟹咬落一絲絲既肉質, 扎實夠鮮甜.…Read More

抗疫在家吃飯, 唔識煮飯當然係落街買外賣, 最近屋企附近開左間茶餐廳既食店, 每日行過都見到好多人排隊買幾餸飯, 等我今日又試下先.剛剛過左6點鐘, 所以唔可以堂食, 但其實呢度平時都可以坐低食, 睇餐牌分別有2餸, 3餸, 4餸飯, 而且仲列明1到15號, 16-31號有咩餸款, 真係好細心, 唔洗次次黎到先睇有咩食.除左晚市之外, 仲有早餐, 下午茶等, 價錢都好大眾化.一望真係有十幾款餸, 花多眼亂都唔知選咩好.先試下最大路既菠蘿生炒骨, 排骨肥瘦適中, 唔會祗得骨頭, 份量剛好, 一啖入口. 肉質夠軟, 唔會炒到太乾身. 味道唔會好酸, 帶甜, 好易入口.而且旁邊既配料都無吝嗇, 紅青椒, 洋蔥, 菠蘿呢D都炒得好味, 無淋晒.美極什菇炒牛肉, 好多款唔同菇菌, 牛肉薄薄地唔會好韌, 美極味道唔會太咸, 送飯唔錯.試左2款餸味道唔錯, 而且份量十足, 一路買一路都好多街坊排隊.…Read More

去完沖繩都幾個月了, 果度真係好多出名既食物, 有苦瓜, 海葡萄, 黑糖, 紅芋,蕎麥麵等, 一次旅程都食唔完.今日午餐地方竟然有沖繩苦瓜, 二話不說就決定揀呢個苦瓜炒豚肉定食.沖繩苦瓜脆綠, 切得不會太薄, 食落有咬口, 爽脆的.至於味道甘甘甜甜, 不會有苦澀味, 平時無食苦瓜既同事都話好易入口, 而且加左蛋一齊炒, 更提升甜味.豚肉亦夠軟嫩, 唔韌, 很香的肉味.食完令我更回味沖繩美食, 下次會再黎回味.…Read More

約埋幾個朋友出黎食飯, 想慢慢傾所以去左食小菜, 飲番杯.天氣熱想刺激下胃口, 要左個銀紙香辣串串蝦, 用張錫紙焗住咁煮, 到上枱既時候先拆開. 配料好多, 有大辣椒, 芫西, 大蔥, 芝麻等, 好惹味. D蝦好大隻, 蝦頭仲有好多蝦膏, 好鮮甜. 蝦身肉質好彈, 好爽口. 果D辣味入晒味, 但唔算好辣.另一樣開胃小菜要左梅仙子小鮮肉, 小鮮肉係豬肉, 啖啖肉有肉鮮味, 唔係雪藏肉, 梅味入晒味, 酸酸甜甜易入口, 夏天好合適, 而且細細舊食落無咁易飽濟.仲有好多款私房小菜未嚐試, 遲D會再黎.…Read More

學校長假期, 跟姪女黎到大本營放電, 玩到肚餓就響大食代食D野繼續玩, 呢度有唔同款式既野食, 各自選擇, 我就揀左港式車仔麵, 三款餸都係36蚊, 四款就40蚊.要左肥牛, 鹵水雞翼, 豆卜同咖哩魚旦, 配河粉肥牛唔會係好薄果D, 食落有咬口, 唔會太肥, 肉質唔鞋.鹵水雞翼有驚喜, 鹵色夠入味, 唔會太咸, 雞肉仲保持到嫩滑.咖哩魚旦口感彈牙, 唔算好辣, 咖哩夠香又惹味, 所以豆卜索埋咖哩魚旦既汁更加好味.河粉夠滑溜, 唔係一舊粉果種口感, 淥既時間剛剛好, 唔會太腍.餸既份量適中, 款款都唔算太少, 唔錯既選擇.…Read More

最近公司無咁忙, 多左時間四圍食飯, 約左朋友到九龍城呢間食西餐, 之前食過好味所以再黎幫趁.每人要個主菜, 我既係西班牙黑毛豬扒, 一咬入口, 肉質好嫩, 唔韌.肉汁豐富, 每咬一口D肉汁已充斥住整個口腔, 肉味濃郁. 帶少少脂肪, 更覺香口, 一D都唔膩.朋友要香草煎雞胸, 肉質厚且豐滿, 但食落唔鞋夠滑, 啖啖肉. 煎至香口好開胃, 香草味唔算太濃, 無搶左雞既鮮味.兩款主菜份量都十足, 配埋湯, 飲品夠晒滿足.呢度仲有pizza好出名, 下次會再黎.…Read More

同朋友慶祝生日, 食放題選擇較多, 而且又唔會太貴.荃灣而家多左放題選擇, 滿屋以前食過其他分店有信心所以再黎.訂左星期日晚6點, 好彩有訂位, 見到有人walkin要9點先有位, 所以一定要訂位.點餐紙依然精美, 睇圖片已經樣樣想食.和牛壽司薄薄一片和牛, 半生熟食落特別軟腍, 好滑, 肉味香濃.再黎鹽燒牛舌, 牛舌都幾厚, 不過依然保持軟腍唔韌, 鹽燒唔會過咸, 味道剛剛好.刺身又係樣樣點D, 牡丹蝦好彈牙, 夠晒蝦味. 油甘魚同三文魚夠新鮮, 食落好嫩口. 赤貝同帶子爽口鮮甜.要左幾款炸野, 有芝士, 有榴槤餡, 炸得夠脆口, 唔油夠乾身, 榴槤一食真係好強既榴槤味, 唔漏好好味, 又唔會太甜.椒鹽雞翼夠味但唔會太咸, 幾惹味, 雞翼大大隻, 個皮好香口.食到差唔多就準備叫雪糕, 平時多數得haagen-dazs同movenpick揀, 但呢度有多兩樣, 最特別有榴槤雪糕, 真係好多選擇.呢度人流非常多, 但都無漏單情況, 唔錯.…Read More

放假去左荃灣宜家行街, 行到差唔多6點提早晚餐, 樓下都開左好多新餐廳, 呢間意粉賣點自家製, 之前響網都見過, 雖然鋪頭細細, 不過都幾舒服, 試下先.自由配搭醬汁同配料, 醬汁分牛豚肉醬, 蒜蓉鯷魚, 煙肉蕃茄, 本菇忌廉, 明太子等, 配料就有10款, 可以隨意加, 每樣唔同價錢.要左牛豚肉醬+茄子+本菇, 肉醬份量多, 可以撈均一整碟意粉, 味道好濃郁, 而且夠杰.自家製意粉質感好似比平時食既厚, 口感夠. 唔會太腍, 好爽口, 感覺唔錯.配料有茄子, 都幾夠腍同入味, 而本菇加埋落D肉醬里一齊食.飲品選擇唔算太多, 不過見到有款自家製冰茶, 起初以為凍檸茶, 但飲落似凍橙茶, 好清甜既橙味, 夠fresh, 食意粉食我漏飲呢個一流.另外每位仲送一杯湯, 係鰹魚湯, 咸咸地, 食意粉前飲左幾開胃.…Read More

青衣城開左2期, 呢晚黎趁熱鬧睇下有咩鋪頭, 上層都係細型既小店, 最下層有幾間食肆, 價錢都係較大眾化, 所以晚市時間好多人.好想飲珍珠奶茶, 所以入左呢間台式餐廳, 有一般既台式飯餐, 仲有火鍋餐, 都係68蚊, 所以要左古早牛肉火鍋, 仲可以配米粉, 公仔麵, 肉燥飯等等.黎到個個鍋都幾足料, 材料款式都好多, 雖然料多, 但GAS爐滾得好快好熱, 唔洗等.古早牛肉肉質夠腍, 所以滾起入口更加香口, 而且入味, 肉味香.肥牛唔會太肥, 夠軟嫩, 最正連鴨血都有, 夠滑溜入味, 其他仲有台灣腸, 章魚餅, 新鮮無雪藏味.滾起之後個汁好濃, 但唔會太咸, 滾到樣樣都入晒味, 一人鍋唔錯.驚唔夠飽要埋肉燥飯, 肉燥好香, 唔會太濕, 撈埋白飯已經好好味.跟餐要珍珠奶茶, 唔會太甜, 珍珠夠腍有嚼口.…Read More

天氣雖然暖番D, 但班好朋友仍然相約打邊爐, 一於奉陪到底.最鍾意黎靚煲皇, 配料多選擇, 切合唔同朋友既口味.雖然多款, 但打邊爐點可以無牛, 肥牛展相對脂肪無咁多, 但入口特別彈牙, 好爽, 感覺無咁肥膩.牛胸爽名副其實食落真係好爽口, 味道濃郁, 薄薄地好易熟, 呢D部位唔係間間邊爐鋪頭有得食, 真係食得多都唔覺飽.仲有好正既黑牛柏葉, 又係好爽口既, 就咁淥一淥就食得, 每片都夠大片, 淥完都無縮到好細舊.湯底就係豬骨皇, 豬骨味道好濃, 唔肥膩, 最怕未食D湯底成層油, 呢個啱晒.…Read More

約左朋友拎手信, 佢帶我黎尖沙咀天文台道, 平時好少黎呢邊, 而且仲有條長長既斜路, 唔係佢帶我上黎都唔知上面有餐廳. 不過呢條街無咁多人, 可以靜靜地傾下偈慢慢食.入到呢間浜燒, 好有地道日本FEEL, 因為剛去完日本既浜燒店都係咁上下, 好懷念呢....見到D浜燒好想食, 但無奈個FD剛剛感冒初愈, 所以唔敢太熱氣, 所以今晚食得簡單清一點.點好菜, 餐廳先有蔬菜沙律, 可以點果個醬食, 甜甜地味.去完日本, 迷上左凍蕃茄豆腐沙律, 蕃茄好甜, 新鮮爽口, 加埋豆腐, 口感豐富. 加D胡麻汁提升一下味道已經好夠, 清清地但帶出開胃感, 好過沙律剩係食菜.之後要左D串燒, 即叫即燒特別惹味.要左雞腿串, 肉質軟嫩唔乾, 保持肉汁, 帶少少咸味已經好足夠.麵豉燒豬大腸, 無一陣味, 清洗得乾淨, 燒完味道好香口, 脆卜卜既.鹿兒島黑豚肉, 肉質軟嫩唔韌, 肉汁豐富, 入口juicy, 肉味仲好濃.雞絞肉冬菇串燒, 雞肉薄薄地加埋落冬菇一齊燒, 冬菇本身多汁, 兩者加起黎好夾, 燒至微微香.仲有飽肚D既海鮮炒飯, 份量十足, 入面既海鮮料有魷魚, 蝦仔, 蟹子等等, 炒飯唔會太濕, 亦唔油.雖然好飽, 但點都要黎個甜品, 要個柚子雪葩, 雪葩夠晒凍, 柚子味夠清香, 唔會太甜. 食完熱氣既串燒, 食番呢個甜品可以解下.食物好味, 個個店員都服務一流, 下次要再黎試下浜燒.…Read More

同朋友去完工廠開倉買野, 到附近既悅來坊食埋野, 見呢間評價幾好, 最重要價錢唔會太貴.拉麵款式都有成10款, 選擇好多, 要了牛油拉麵, 真係有一大片牛油, 不過溶掉後唔覺好油, 反而好香.义燒亦夠大片, 軟腍入味, 粟米亦幾多. 而拉麵麵質好爽口彈牙, 拉麵麵質較粗身, 咬落有口感.剩係一碗拉麵驚好快肚餓, 要多款小食, 有鹽燒五花腩, 一客6大片.鹽燒咸味剛好, 仲有D黑胡椒香味, 口味較濃, 啱晚餐時食.五花腩唔算太肥膩, 咬落亦夠腍身, 不過外表燒到脆脆地, 好香口. 呢間拉麵店感覺唔錯, 拉麵同小食都好多選擇, 侍應服務亦幾好.…Read More