HeinzCheng's Profile

🐻今日又掉低🐱🐕‍🦺去食好西，呢排好似多左串燒店，以前串燒又貴又唔好食，而家多左好多平靚正選擇🐻今日我地打卡左超正嘅人生有限杯餐廳，每道菜都直擊味蕾😋 重點推介真係蜜糖多士夾雪糕🫢 兩邊麵包都係脆脆嘅焦糖，入面夾住雲呢拿雪糕，冰火交融，我自己個食左一份！！🐻好啦，講番正餐，佢地嘅日式炸淮山搭配絕絕子嘅世一蛋黃醬，酥脆與濃郁蛋黃醬係舌尖碰撞，鍾意淮山嘅人唔可以錯過🐻燒雞皮係食串燒必點，佢哋嘅特色係燒到內脆外軟，因為平時有啲舖頭係燒到好脆，佢哋呢間就係外脆內軟嘅質感🐻黑松露雞肝，獨特黑松露香氣配埋雞肝讓人欲罷不能🐻汁燒雞隔膜和鹽燒雞腿肉火候恰到好處，鮮嫩多汁🐻燒鰻魚都好好食，又係燒到外脆內軟啲醬汁燒到啱啱好掛咗喺鰻魚上面，好惹味😋🐻好驚喜地，佢哋竟然有雞油炒豆苗，唔同平時串燒店得啲串燒或者錫紙焗金菇嘅蔬菜，佢哋竟然係用雞油炒豆苗，超好食🐻總括嚟講佢哋串燒嘅調味都恰到好處，食物都燒到好Juicy亦都食到佢哋食材嘅新鮮，都係一間性價比非常之高嘅串燒店，非常適合三五知己聚會😍佢哋嘅啤酒仲有買一送一添🍻…Read More

🐻難得年尾得閒幾日,今日請咗假就同🐻👨🏽沖咗去沙田八合里食牛肉火鍋,平時返大陸食就食得多，今次見到佢開咗過嚟香港，所以二話不說放假即刻衝過嚟沙田🤣🐻同平時打邊爐食嘅日本和牛唔同，潮汕牛肉口感豐富，肉味濃厚，加上牛骨清湯做既湯底，食落去嘅牛味就係鮮上加鮮🐻打邊爐不可或缺嘅當然係醬料啦，八合里一張要區都好豐富㗎，除咗平時啲有嘅蔥花芫荽蒜蓉等等，佢仲有柑桔仔，加埋落個醬汁度酸酸地超好食🥰🐻今次我哋嗌咗兩款牛，🐮鮮切肥牛🐮精品雪花，一個款肉味濃郁另一款油花豐富，牛肉新鮮到我哋影相嘅時候打側影都完全唔會跌落嚟😆，呢種鮮味真係唔係周圍都有架✅完全可以滿足到我哋嘅味蕾⭐️🐻除咗牛我哋仲嗌咗潮汕特色小食桃棵，外表炸到好香脆入面就煙煙韌韌好特別👍🐻值得一讚既係，佢哋嘅服務真係超好，連隔離枱都係咁讚啲店員又好笑容又熱心❤️…Read More

來到銅鑼灣逛街，行到傍晚又要煩惱食飯問題，自然要出動神器OpenRice 望下，🐻👩🏻今晚既胃口又係想食日本菜，🐻👨🏽見到串燒料理備長好評幾多，就衝上去食返餐。來到備長門口，幸好碰上剛開店有位，不用等待就直入。坐低🐻👨🏽就雙眼發光，原來備長除左主打串燒，清酒都係專長，供應多個地方的銘柄，真係合哂🐻👨🏽胃口。座位小食係椰菜，蘿蔔條和青瓜條沾上味噌醬食，水嫩的蔬菜配上味噌食既新鮮又好食。先來一道北海道水八爪魚刺身，切成簿片口感彈牙十足，越嚼甜味滲出來，可以配上佐碟的櫻花鹽輕輕調味，亦可加上柑汁提鮮，當然配醬油秋葵都好合襯。刺身更附上八爪魚吸盤，加上梅子醬，比簿片更有口感。前菜點了鵝肝多士，鵝肝加上青葱同多士入口唔會太油膩，三兩口就落肚，打開左胃口。仲有炸河蝦，蝦仔細細炸到酥脆，蝦味滿滿，配酒真係一流。小食之後就來到串燒環境，荔枝豬肉串，一咬落去荔枝汁係口中爆發，豬肉的咸味互相調和，好清新的味道。免治雞肉棒，雞肉棒燒到剛好，沾上雞蛋入口雞蛋味濃郁又滲出雞肉香。新鮮雞肝相當粉嫩，入口慢慢溶係口中，一點腥味都無。豚之大腸，大腸特別地切成長條狀串起，燒起上來火喉特別平均，比平時更嫩滑，加上醬汁食又係下酒恩物。牛舌厚切，牛舌燒完依然汁多肉嫩，咬幾口就食完一串，再飲啖清酒，真係人生樂事。鹽燒白鱔，白鱔肉好肥美，燒到外皮少少焦香，加上鹽作點綴。一邊食串燒一邊飲酒真係人生樂事，店員都好熱情友善咁招待我哋，成餐飯係一個好融洽的氣氛下渡過，係今時今日的香港真係難能可貴。…Read More

🐻家族又出動揾食，今晚🐻👩🏻揾左間好特別既餐廳，係香港首間英式中菜餐廳1908bc British Chinese，名字都好有意思，當中1908係英國第一間中餐廳開設的年份。去到1908BC，一副典雅的西餐廳裝修，播著柔和音樂，完全無法想像到係食中菜。一坐低店員就好熱情咁介紹Tasting menu有7折優惠，當中包括1908BC多款推介菜，我哋自然唔使諗就揀左佢，不過睇返menu有好多款特別既菜式都想試，🐻👩🏻話下次再來食過。頭盤係鮮蟹肉粟米羹配小食拼盤，有芝麻蝦多士，多士酥脆上面滿滿芝麻，蝦肉彈牙鮮甜。酥炸雲吞，外皮脆口，蝦肉飽滿，沾上酸甜醬食相當惹味。食完炸物食返個田園沙律解下油膩感，沙律既醬汁好似中式海鮮醬但毫不突兀，有一種中西合璧的味道。之後一道香酥鴨掛包，酥鴨拆肉後配上京蒽青瓜，同鬆軟的掛包一起食，鴨肉既油香同脆香既鴨皮，稱得上天作之合。主菜我哋揀左甜豆蘆筍炒三鮮同脆皮牛肋骨，跟英式煙肉菜粒炒蛋飯，餐廳以西式擺盤呈現中菜，炒三鮮每種海鮮都好新鮮鮮甜，甜豆蘆筍炒得剛剛好，保持爽脆口感又不失甜味。脆皮牛肋骨簿簿一層炸皮，牛肋肉肥瘦均衡，口感軟冧肉味香濃，沾上咖哩汁食更惹味，炒蛋飯炒到粒粒乾身不油膩，足見師傅功架。值得一提係店員相當健談有禮，對每一道菜都詳細講解，說話温文幽默，中英文都相當流暢，係香港難得的服務態度。1908Bc氣氛舒適，menu酒類種類繁多，就算唔食飯來happy hour都好適合。…Read More

天氣涼返小小，🐻👨🏽又嘈住要打邊爐，今次來個回憶殺去左創興廣場放題塔食任食自助火鍋，🐻👩🏻揀左馬辣台式鴛鴦火鍋，$208任食兩個半鐘，仲有生啤任飲啱哂🐻👨🏽。坐低左當然要點湯底，有成10款湯底選擇，🐻👩🏻叫左沙嗲湯同藥膳豬骨湯，沙嗲越煮越濃，藥膳都好足藥材好夠味，而店員追加既唔係水而係清湯，真係唔怕會溝淡。肉類同海鮮都要用手機落單，牛肉種類都有幾款可供選擇，海鮮方面海生蝦肉質彈牙鮮甜，真係好有驚喜，白鱔片同鯇魚片都好有質素，完全係性價比之選。外面雪櫃放左幾十款配料自由咁扲，個人最推韮菜餃，自家包皮薄肉甜，🐻👨🏽一個人都食左半打，生菜都好新鮮碧綠，食完肉食菜就啱啱好。飲品方面都唔可以睇小，種類繁多成20幾款，連生啤都可以任飲，淨係飲啤酒都可以回本！食完正餐仲有雪糕甜品，班戟同焦糖燉蛋仲現場即造，成班朋友來食絕對啱哂，每人200幾埋單可以飲飽食醉，好過北上揾食咁舟車勞頓。…Read More

🐻家族又出城揾食，今日來到佐敦既Wings Cafe & Bistro食西餐，一出電梯就見到🐱🐱招牌，完全吸引到🐻👩🏻既目光。餐廳裝潢處處以酒樽同🐱做裝飾，給一種舒服悠閑的感覺。坐低左自然要落單，🐻👩🏻作為🐮魔王，當然要食牛，揀左極厚切牛頸脊牛魔王之選，餐湯轉左做龍蝦湯，未飲就聞到香濃龍蝦味，口感柔滑，食到一絲絲龍蝦肉作為點綴。極厚切牛頸脊牛名符其實好厚切，五成熟好粉嫩又相當有咬口，每嚼一下牛味就在口中爆發。配菜燒大蒜燒到入口即溶，搭配牛頸脊又有一番風味。🐻👨🏽就要左特級美國安格斯牛肉芝士漢堡，漢堡大小剛剛好，唔會食到好輪盡，蕃茄多汁，漢堡肉味濃份量夠，餐廳選用千島醬，食落添上甜味的層次，漢堡愛好者真係愛不釋手。另外追加左炸洋蔥圈，薄薄炸漿，洋蔥鮮甜，配上自家蒜香蛋黃醬食，口感添潤柔之餘，淡淡蒜香食落更惹味。食完成餐🐻👩🏻🐻👨🏽都好滿足，價錢又相宜，絕對係有性價比。…Read More

🐻👩🏻收工突然想食日本菜，🐻👨🏽身為人夫當然負起責任，幾經辛苦揾到灣仔一間酒常堯Gill & Grill 好評不小，決定book定去食下！酒常堯處於一條小巷，幸好店家安排了店名射燈照在地上，完全可以輕鬆到達。餐廳一排長吧台外加落地玻璃，望住一列酒櫃食飯氣氛滿滿。店家主打串燒海鮮，不過海鮮要預訂，所以今日全力食串。先發係厚燒牛舌心，牛舌厚度十足，口感好嫩，肉味爆滿。秘汁牛肋滿滿洋蔥絲，鮮辣味配上有咬口既牛肋肉，每嚼一口都好滿足。食完牛就食雞，先來串雞蠔肉，係背部近雞脾位置，一隻雞得兩舊，好珍貴，雞皮燒到脆口，雞肉嫩滑多汁，真係惹味。要來串雞肝肝味十足，有種入口慢慢溶化的感覺，洋蔥絲既添味剛剛好。當然少不免雞中翼，係串燒店必點之物，酒常堯既雞中翼相當出色，雞翼燒到啱啱好焦脆，雞肉自然嫩滑，真係食一串唔夠喉。最後係免治雞肉棒，雞肉夾雜雞軟骨，沾上蛋汁入口順滑豐滿，口感層次升華。酒常堯串燒質素絕對係性價比之選，店員服務用心，真係食得開心，🐻👨🏽不期然都飲多兩杯，下次要同朋友過來chill下！…Read More

之前係重房食過夜晚，今日再訪試食午餐， 因為之前食過認為成地食材特別，同出面好唔同，所以決定再試👍🏽先上前菜煮南瓜，香香甜甜，食完打開左我個味蕾去迎接之後嘅美食😋之後就係茶碗蒸，滑溜就唔洗講，加埋魚同蝦，鮮！之後就係上刺身啦，刺身有⭕️北寄貝配柚子皮醋啫喱⭕️四國蜜柑鯛配竹炭鹽⭕️中拖羅配烏魚子⭕️磯煮飽魚配飽魚肝醬睇食材既配搭， 可以睇到師傅對待食物既用心，唔會就咁刺身比你食，每個配搭都係好特別，相輔相成👍🏽上壽司前間場就係鹽燒馬友，燒得香脆之餘不失魚肉嘅嫩滑到壽司🍣啦，總共有6件⭕️北海道秋刀魚⭕️赤身醬油漬⭕️筋子⭕️甜蝦配芽蔥紫蘇花蝦膏⭕️鹿兒島地金目鯛配北海道麵豉醬⭕️白海膽壽司每款壽司都非常衝擊味蕾，筋子壽司係第一次試，出面比較小見每次黎重房都帶住滿足開心既心情離開👍🏽 呢個價錢加體驗無得頂…Read More

雲家小鍋米線聞名荃灣多年，之後係元朗開左分店，位於靜中帶旺的馬田路，米線愛好者🐻👩🏻一直話想食，今日終於捉埋🐻👨🏽走去食。店鋪小小坐位唔多，幸好剛剛有人食飽走人，唔使等位。坐低望下餐牌，除左主打小鍋米線，仲有好多款小食，🐻👨🏽今晚唔知乜事胃口好好，點左麻辣小鍋米線加豬大腸同金錢肚，仲叫左招牌既涼拌墨魚頭同秘製豬頸肉，同埋麻辣魚皮外加醬拌皮蛋，🐻👩🏻我就叫左個酸辣米線。小食最先來到，醬拌皮蛋好特別用左黃金皮蛋，食落比一般皮蛋清爽，麻辣魚皮口感Q彈爽口，小小辣好易入口。涼拌墨魚頭不愧為招牌之一，墨魚一咬就開，味道濃郁惹味，而豬頸肉煎得外脆內爽，睇樣都覺得好食。🐻👨🏽個麻辣小鍋米線湯底辣中帶點甜，麻度係一種享受既程度，豬腸同金錢肚鹵得好入味，口感一流，而且份量十足，好似食極都食唔完咁。🐻👩🏻既酸辣湯底酸辣完全調和，好有層次感，真係食過返尋味。成餐飯外賣不絕，相當受歡迎，不愧係荃灣屹立多年，又可以係元朗開創新天地。…Read More

🐻👩🏻一句話好耐無食鐵板燒，🐻👨🏽立刻搵下有邊度好食，睇到龍亭好評如潮，即刻打電話問下，好彩仲有位，🐻👩🏻有口福啦。收工出發去到位處佐敦既龍亭，門面係霸氣十足既龍亭二字，二話不說殺入去店面。坐低望下餐牌，揀左五道菜既廚師發板套餐，盛惠$588每位。前菜係格陵蘭魚子醬煙三文魚沙律，沾上黑醋，咸香爽酸齊集，伴碟既龍珠果甜中帶酸，食完好開胃。緊接而來係鐵板海鮮，帶子以意大利黃瓜墊底，清爽既黃瓜搭配帶子既鮮甜，係一種新鮮既體驗。石班魚佐柚子醬油，魚皮煎到香脆，魚肉嫩滑，柚子醬油微酸既味道剛剛好點綴。鮑魚配蒜蓉醬，鮑魚口感Q彈，配上蒜蓉香，惹味到幾啖就食完。最後係元貝佐黑椒牛油醬，香濃牛油沾滿元貝，咸甜味混為一體。澳洲牛柳粒點左五成熟，配上必備的炸蒜片同手磨wasabi，特別之處係用左竹炭鹽，食落口感軟淋，肉味香濃，伴碟既櫻桃蘿蔔可以去油膩感。主食係海鮮炒飯，大廚炒得好乾身，雞蛋都炒到脆卜卜，配上黑松露醬魚子，鮮味咸香，好惹味，三扒兩撥就清哂，食完成餐飯🐻👩🏻都好滿意，🐻👨🏽值得讚揚。…Read More

香港人真係好鐘意打邊爐，天氣熱辣辣都唔會阻止到我條心癮。晏就經過啟德附近，見到呢間四面泰有一人一鍋，同兩個朋友講掂數就入去坐低。午市有三個套餐，我哋三個啱啱好叫哂，有特色肥牛，牛板腱同西班牙黑毛豬，仲可以試哂三個湯底，個人最推椰奶雞湯鍋，椰奶味好重好香，打邊爐淥肥牛都夾，牛板腱清湯就清淡牛香，淥菜就啱哂，好辣既當然要食冬蔭功鮮蝦湯，酸酸辣辣，淥乜都啱。食完肉仲有泰式船面河粉，唔怕食唔飽，河粉口感Q彈，配上三種湯底各有特色。店員仲介紹左佢哋既三種手工醬料，每種都好惹味，沾菜沾肉都好夾。咁啱撞正新開張，送左個甜品繽紛爽椰椰比我哋食，不過送到8月31號就無，有四種水果粒，配上椰奶啫喱，涼浸浸打完邊爐食啱哂。…Read More

🐻爸🐻媽結婚週年紀念，自然要揾間Omakase食餐好慶祝下，鮨無双自然係必然之選，食過幾次都有驚喜，🐻媽早早訂位準備好，時間到就衝入去。估唔到午市都全院滿座，決定好邊個套餐，就靜靜睇大將表演刀功，前菜胡麻冷豆腐同黑松露松葉蟹蒸蛋就前後腳到場，冷豆腐既冰冷感剛好消一消暑，而蒸蛋濃烈松露香，配蟹絲同嫩滑蒸蛋，為之後既大餐打開味蕾。首先係刺身四款，有愛媛縣蜜柑鯛配岩鹽，入口一股清新鮮甜味道，鹽輕輕調味，剛剛好，令人回味十足。兵庫縣生蠔加上柚子醋，生蠔個頭小小但肥美多汁，口中感受到海水既咸同柚子醋既酸。仲有深海池魚配柚子胡椒，第一塊入口魚油滿滿，胡椒剛好解膩而不辣，第二塊配上紫蘇葉食更添層次，重點係厚切令層次可以添變化。最後係磯煮鮑魚，質地軟糯，鮑魚肝甘甜可口，真係食完都唔夠喉。刺身過後就係壽司環節，首發係鱆紅魚壽司，大師熟成2日，口感清爽，肉味比平時更濃。沖繩黑糖伊佐目，以黑糖餵飼既伊佐目經過火炙，油感好重，魚味十足。中拖羅壽司配上日本京葱，肥美肉香，入口半溶不溶之間，拖羅鮮美在口中徘徊。九州槍烏賊加上北海道海膽，烏賊改刀火炙後加上海膽，合爽甜香幾個層次，足見大將既功力。美味既壽司接踵而來，令人停唔到口，再上一道白銀雪魚壽司以明太子調味，火炙後油份爆燈，直情係滑入喉嚨，口中留下濃烈既魚油同鮮味。過場大將推出一道拖羅根配酸汁，一種平時食唔到既煮法，合脆與淋一身，越嚼越濃烈，相當好下酒。最後一道壽司係大將信心之作甜蝦壽司，甜蝦個頭大大隻，比一般甜蝦大好多，以蝦頭蝦殼煮汁淋上去，係用蝦完成既一貫壽司，入口就係蝦既全部。結尾係北海道海膽魚子飯，海膽同魚子份量十足，配上醋飯既微酸，🐻媽個份大將造成手卷蛋糕慶祝我哋週年紀念，真係細心同窩心。成餐飯大將依然全場停不了口，一邊介紹壽司，一邊同成場客人深度交談，氣氛因大將拉高到極致，真係留連忘返令人，鮨無双的確係🐻最愛既鮨店。鮨 無双 Sushi Musou元朗建德街33-35號時景花園地下9號…Read More

🐻爸就算天氣熱辣辣都有股邊爐癮，等佢收工返到元朗，🐻媽我就揾定餐廳等佢開餐。今日我哋胃口特別好，揀左老闆火鍋冰室，佢哋7月先開始火鍋放題，今晚一於食餐勁。去到老闆火鍋冰室望下餐牌有兩個套餐可以揀，分別係$238任食美國Prime Grade牛肩胛同$298任食美國安格斯牛頸脊，價錢仲全包免加一，可以兩小時任食。我哋揀左安格斯任食，湯底點左胡椒豬肚雞煲，可以無限追加雞件，真係唔怕食唔飽。湯底來到同時仲有贈送既海鮮拼盤，有鮮蝦，元貝，貴妃蚌，日本蠔同脆肉鯇五種海鮮，一邊食雞同海鮮既同時，一邊追加牛肉，仲見到豬粉腸，豬潤等多款內臟，自然唔會放過。牛肩胛同牛頸脊都好重肉味，我哋食完一碟又一碟，豬生腸豬潤都好鮮唔腥，值得一讚。唔覺唔覺就食左兩個鐘，我哋都飽到上心口，捧住個肚滿足咁返歸。…Read More

今日同老婆到銅鑼灣走走逛逛，路過附近剛好肚仔餓，見到大雞食堂個門面大大塊好搶眼，就入去食餐晏仔。見到餐牌主打燒雞扒，當然揀左個招牌葱油燒雞扒撈丁，雞扒入口就食到雞皮燒到脆香，好有香烤味，雞肉唔會好柴，都幾嫩口多汁，望一望廚房係理叫現烤，唔會放到乾哂，值得一讚。葱油撈丁煮到質地彈牙，葱油味適中，味道唔會太搶，恰到好處，份量都好夠。一邊食一邊留意到好多街坊幫襯，同店員有講有笑，充滿人情味，係一間窩心小店。…Read More

熊貓酒店悅來坊可以話係荃灣標誌性建築物，今晚約左好友來到呢度食餐便飯，揀左生記海鮮酒家聚下舊。入到悅來坊上一層就見到酒家，裝修光猛整潔，枱與枱之間好多空間，唔會坐到好迫，酒家仲有個超大電視，扲來睇波真係一流。坐低望下餐牌，見到海鮮種類繁多，醒起門口仲有個大魚缸，一於試下生記既海鮮，即刻同伙記點左幾味菜，一邊傾住計等開飯。先上枱既係蜜汁叉燒皇，例牌都好大份量，每舊叉燒大大舊，食落有焦香味，肉味同蜜糖味都好足，口感軟淋，真係必食之選。咁啱前日大暑又撞正打風，天氣熱到不得了，叫左個八寶海皇燉冬瓜盅解下暑。冬瓜盅味道清甜，冬瓜燉到好淋，飲完真係好舒服，好適合炎夏品嘗。椒鹽焗鮮魷既炸皮同平時食開有啲唔同，輕鬆脆口，魷魚實肉彈牙，絕對係下酒佳品。薑蔥台山桶蠔上到熱辣辣，隻隻蠔蠔肉飽滿，薑蔥味十足，一啲腥味都無。上湯焗龍蝦伊麵龍蝦肉彈牙鮮甜，伊麵口感爽彈，唔會煮得爛溶溶，配上上湯芡汁食，真係食唔停口。龍躉兩味，一個係班腩炒翠肉瓜，腩肉啖啖肉，翠肉瓜爽脆，炒得好入味。另一個係果皮蒸龍躉，龍躉皮食落Q彈，龍躉肉嫩滑有口感，加上果皮豉油添味，食到舔舔脷真係。生記既份量真係足料，我哋三個人叫左幾味餸都食唔哂，埋單食咁多海鮮都係400頭一位，真係物超所值，下次叫多幾個食先得真係。…Read More