jillbee's Profile

今日一早同埋媽咪就嚟試吓佢哋嘅Cozy All day breakfast 同 Coffee Cured Salmon Bagel。分別$118 & $88 ，如果想要坐1/F，人均消費$100，不過基本上實超過。留意番假日無餐要另外加錢買野飲，再加2杯Latte $84 共$290/2人食早餐，但係咁嘅價錢，只識合打卡，個人認為食物水準一般，一個字「貴」，唔值，完。…Read More

食過Kikusan幾次，發覺店員態度散漫，圍埋吹水多過乜，入到店舖無人遞水要問，今日去問佢要兩杯水，員工回答我自己斟啦，好無禮貌。食物質素上次去食到小籠飽好似叔咗啲肉汁酸的，因為鍾意食它的豬扒擔擔麵而去的，黑松露雞肉蒸飯也不錯，今日食的是素菜雲吞蔥油撈麵都好食。希望改善一下服務態度。…Read More

2019年6月8日因為收到e-mail通知生日優惠有$200折扣，所以吸引我再度光顧，但是隔了不夠一年時間，不得不提餐牌上的價格可能物價上漲原因也大幅提升了。平均每道小菜也要$200多。由於相隔一段時間才寫食評，小菜名字也忘了，本來無諗過寫番，但是一諗起之前我寫得它太好，就是要讓讀者知道無光顧一段時間有落差，不再抵食了，只是食物水準尚算保持。名爐义燒肥廋適中，肉質鬆化，而且有燶邊。整晚最欣賞係响螺燉鱷魚肉湯，每人都讚囗不絕。薑蔥美國桶蠔也是不能錯過，每次我都必點。花膠炒舞茸（名字可能有出入，太耐忘記了）這個可以不點，花膠絲太零碎，其餘都是菇菌。海參炆煮豆腐都不俗。淮山炒蝦球，蝦球爽口彈牙最後來過荷葉飯，很多料而且飯也不少呢。…Read More

2019年3月9日晚7:00一早已預訂了6位，餸菜都是一早預訂好的。到達食得好一進去播放着輕音樂，感覺有格調，枱不多，大小枱共5張，記得訂位喇。閒話短説，先來懐舊菜懷舊三寶好似$108/118一位1.）金錢雞2.）蟹多士3.）原鯪魚球改：琵琶豆腐。金錢雞相信很多電視節目都介紹過，但這一家沒有薑片的，一層义燒，一層雞肝，一層冰肉（肥肉不肥而爽的，沒有肥豬肉的腥昧）建議很像吃三文治的吃法，三層一起吃雞肝很香，冰肉爽而不膩，滋味無窮∞。再端上桌的是剛炸起熱騰騰的蟹🦀多士，炸得乾身，香脆可口，沒有多餘的油份，好味。另一琵琶豆腐，同行之人説是用玉孑豆腐，魚肉來整，而我吃倒除了玉子豆腐的滑還有普通豆腐的豆香香蔥定鹽茜混在一起炸。來到主菜住家豉油雞一隻好似$380，上桌便聞到濃濃豉油味好香，豉油很入味，我家的婆婆說雞肉好嫩滑，做得很好。下一道是煲仔菜豆腐斑腩煲，用了白菜仔墊底，豆腐好滑斑腩新鮮無腥味。再來的是大良鮮蝦🦐蒸牛奶，鮮蝦味鮮再配上牛奶🥛好有奶香滑溜無比，吃慣了蒸蛋的可一試這個，弟弟說用來餸飯一流。另一道是慢煮牛年肋骨（肉），好似$488，其實很多肉的，個人認為肉煮得熟過頭，可能食慣牛比較生的，所以建議另一道菜上八珍扒大鴨🦆小的價錢跟這道牛差不多，而且本人做了功課上八珍好像用上蝦、花膠、海参扒鴨，相信會很好味，今次點了雞🐔，有機會下次要點鴨🦆一試無妨。跟住是咋咋聲冒煙上桌的砵酒蠔，大量洋蔥墊底，熱騰騰大大隻蠔沒有縮水，而且肥美多汁，蠔邊還很脆喔。最後是蟹肉扒草菇🍄伊麵，看上去平平無奇，但食得出蟹肉鲜甜呢，抱歉這道菜漏了拍照📷。原本想一試雪糕紅豆冰，但是沒有訂臨時做不出來，所以記得要預訂呀，店家後來貼心的送上甜品綠豆沙作罷了。此餐$2,550 6位。…Read More

2018年12月27日到友口馥試石磨牛肉腸同石磨芝麻糊。先講石磨牛肉腸$22（睇長者咭可減4元），牛肉足料，粉皮薄滑，但可惜衞生欠奉，當中被我發現有頭髮喺腸粉裹面，當堂無曬胃囗。再講石磨芝麻糊，芝麻糊唔夠香，滑度同甜度都可以，但不值$25大碗這個價錢。…Read More

2018年12月22日星期六冬至1:50分到嘉樂冰廳排隊等19人排到2點多先入座，算是唔太多人了。我們點了雞翼撈米、雞翼牛腩湯米、炸雲吞、凍🍋檸茶及凍奶茶。説説我本人點的雞翼撈米，雞翼相當大隻入味，醬油夠上色又夠味道，重點係有4隻咁多，價錢又不太貴，三拾多元，另一點的炸雲吞有十粒咁多，內裏有🦐一隻及少許豬肉，炸得相當酥脆可口，一口一個，回味無窮。嘉樂份量之大見稱，建議大家分享或多人可試多點美食。…Read More

2018年12月21日3點多到北河街找五嫂石磨腸粉。找了一會兒終於找到你因為門面並不顯眼👀，店舖並不大，只見幾個青年忙於打點。我們二人只點了一客新鮮豬潤腸，沒有加蛋（原汁原味），加🥚蛋或加蔥另加$3，下單後會給你一個號碼牌等叫號碼的，終於等到熱辣辣的腸粉，少許蔥花及豬潤，簡單輕食相當美味，估唔到水同米漿可做出咁爽滑嘅腸粉，同平時食的腸粉有點不同，無咁黏同飽肚的，感覺應該唔會太肥，無咁高熱量，好啱嗜吃東西的人。…Read More

2018年12月21日下午二時半左右到Majesty，因為網上推介所以就專登到來試出名大碟抵食夾大件的意大利🇮🇹麵。因為早有準備（做定功課知道份量之大），所以我們二人只點了一客香蒜白酒蜆肉炒意大利🇮🇹粉🍝＄35,另外點了一杯特飲凍薄荷朱古力$27，及一杯熱檸🍋水$25。先説説主角意粉一點也沒有讓我們失望，很多的蒜蓉很香，而且很多蜆肉有甜味，份量很多滿足到兩人食慾。但是薄荷巧克力🍫很甜而且無乜薄荷味，可以不點，另外一杯熱檸🍋水$25份量是大杯的，但是如果以$25價錢建議應該可試試其他特飲。…Read More

2018年12月13日13:30 日前搭車經過見到好多學生光顧，心諗梗係好平先有咁多學生光顧，所以翌日我同媽媽一齊去試吓，首先睇過餐牌原來有學生優惠，怪不得着8成都是學生，我們睇的午餐牌也不算太貴，比起學生餐貴多十零蚊。於是坐下來點了一客日式炒烏冬$52，點了一客原條鰻魚飯$78，隨餐附贈味噌湯及燉蛋🥚燉蛋很滑呢。先説烏冬應該是用雪藏稻庭烏龍麵，食得出滑及彈力，端上來已香氣四溢，而且料很足分量是可以的。另外説說鰻魚等了好一陣子，原條鰻魚好有咬口有彈性唔霉值得一試。服務也不錯，不時為我們添綠茶水🍵。…Read More

2018年11月21日 二點多 因為有半價優惠活動，所以一行三人到柳氏家食炒雞➕火鍋兩食，限時75分鐘，我們選擇了蒜味牛油雞、BBQ雞、牛肉，旦，有公仔麵同芝士可添加（由於限定時間有點趕沒有添加，建議兩食➕點錢，食耐一點，因為火煱配料、沙律🥗、飲料🥤、雪糕🍦都是免費自取）值得一讚的是因為需要DIY店員也很有耐性講解，還不時替我們煮。首先一開始我們就走出去沙律吧取沙律🥗，蔬菜🥦新鮮非常爽脆，再埋位食BBQ惹味炒雞，少許辣可接受到，蒜味牛油雞比下去了。再加上公仔麵及芝士炒，其味無窮。DIY手不停，口不停，添加了不少樂趣，我們要趕快換上另一火鍋，火鍋料不能盡數，當中不乏海鮮（但是我們後來才發現）友人說好抵食，3人埋單了3佰幾蚊，喺新城市廣場無乜邊間做到。…Read More

2018年12月6日六點多 我睇到之前網頁推介，所以專誠和媽咪特意到來一試。這間名叫椰小盅，是用越南椰子去肉加料燉湯。我點了蟲草花干貝土雞燉鮮鮑，媽咪點了織金竹笙烏雞🐔燉椰小盅，再加上一個椰小飯，飯餐附送一小碟菜葡的。餐牌有寫上好處功効，無需加一服務費。還有細心的可選擇湯匙。湯端上來用椰子盛載熱騰騰的，呷一口清甜無比，湯料十分充足，滿滿的。因為位子不多，很多人等位呢。整頓飯$138。抵食。趁天寒地凍，快啲去進補一下吧。…Read More

2018年12月9日3點多 由於今天有買一送一優惠，姑且試吓一芳出名的水果茶。3:00鐘開始，2:55已去排隊，不久都出現人龍，叫了一杯大水果茶$33，即送多一杯，馬上呷了一口，甜到入心未知是否糖漿太多未搖渾，眼見水果都頗多，有香橙🍊，蘋果片，主要有百香果，很多百香果果籽，飲時時常吸到很不方便。食唔倒水果有點浪費。試後感如果要我原價$33買水果茶肯定不會，半價則會考慮。…Read More

2018年12月9日 13:10 到三星台菜食堂，開了一段時間，今次同亞姨就試吓佢地嘅牛肉麵啦。雖然星期日但食飯時間，都不用等多久就有位了，但是入坐前説明一小時後要交還枱。安排我們坐的位置都不錯👍🏻，坐下來也事不延遲的點了兩碗紅燒三星牛肉麵（包括有牛筋、牛展、牛肚各兩件），很快麵就端上來，下單時説明酸菜另上（原因我本人不吃，給予亞姨，她說不想破壞牛肉湯底，所以另上），先試一口湯底，很濃的牛肉湯，再喝多幾口覺得好咸，不斷叫待應添水。湯頭有大量䓤花，再試麵條🍜我們都選擇粗麵，麵條煙韌有彈性，沒有打散開。牛展兩大嚿又厚切，咬落好有口感，唔硬有牛味，值得一讚👍🏻。牛筋同牛肚好淋，炆得夠時候，另附上小唐菜一條。整體來說，不過不失，但略嫌咸了些。此餐$180每人$90。有朋友睇到本人出post説食麵略嫌貴，貴與不貴見仁見智。…Read More

2018年11月4日禮拜日下午2:30左右到位於顯徑商場地下新開的臨記車仔麵。原本昨天已前來，不過礙於新開，好多食物售罄，所以今天早點再來一試究竟。我們二人點了「化骨龍」$37餸有瑞士花香雞翼尖、秘製豬軟骨、墨魚丸、自家製鮮竹卷、唐生菜，「牛魔王」$39餸有牛腩、牛肚、牛丸、蘿蔔、韮菜，一客孜然新彊燒雞翼3隻$19，本人點了米線配湯底麻辣湯小辣，麻辣湯需要+$1，還有黑芝麻豆漿2杯$9@杯。首先説份量都很充足，足料，味道也不錯不是死咸的那種，其實在等待時已聞到味道很香，豬軟骨、牛腩、牛肚燘得夠時間好淋大舊不會碎濕濕，之前所擔心好硬或好韌，好彩沒有這情況，食材好而且蔬菜新鮮，蘿蔔好淋甜鮮竹卷雖然被湯浸到，但是仍然不減腐皮煎香，雞翼尖都是有肉的，墨魚丸內𥚃有粒粒的，不是麵粉貨式。但是孜然新彊燒雞翼，個人認為可以不點，因為本以為同另一米缐品牌差不多即叫即炸，但是很失望凍冰冰而且雪味未除。麻辣湯小辣，都不過不失，唔知係咪小辣關係無麻的感覺。整頓車仔米缐食連飲$110。…Read More

2018年10月31日早一天訂了枱為弟弟慶生。對上一次來相隔十載，當時人不多，招呼好，雖然沒有什麼米芝蓮評價，已感覺到高級數。説回來現在感覺人多了，熱鬧非凡，可以説有點嘈，連背景音樂都聽不清楚。我們一行七人準時七點到達（枱預留15分鐘）場内已高朋滿座，我坐下不久馬上點菜，之前網上已睇過餐牌有所準備。首先我點了兩個前菜：1.蔥油海蜇頭 （夠爽脆）影相角度問題不是大碟的2.蒜泥白肉（勁多蒜泥）（忘了拍照）3.椒鹽小黃魚$130 2條 我們點了4條 $260（忘了拍照），但這道菜我推薦，脹卜卜的魚身香脆可口，外脆內軟，必點。4.蟹粉釀蟹蓋 $132 2隻 點了7隻 $528 蟹粉很多，絕無欺場。再來5.清炒河蝦仁🍤 $180（不是想像中大碟）6.崧子雞米义子餅 $168 我見食評多人叫，姑且一試，一試之下，係個餅唔夠脆，曬咗啲料，最後空囗食。7.紅燒原條牛肋排$340，燘得鬆軟，但是有點辣。8.紅燒元蹄$148，燘得鬆軟入口即化，有點油，不過醤油可餸白飯。9.上海粗炒麵$140 好大碟好好味多料，配上枱面的XO醬食，10.鮮肉小籠包4件$60 點了2籠$120小籠包，好多湯汁，小心弄穿。（由於相片太多不能再上載），還有點了一支喜力。最後侍應問需要點甜品否，由於太飽關係，我們都推卻了，但是我認為甜品可以一試，平均5/60元一個，出面甜品屋食也需要此價錢，此頓喜氣洋溢的晚宴承惠$2,457。覺得需要改進的地方是上菜太快，感覺好像很趕啊，另食客有壓力感。…Read More