sor9foodie's Profile

最近想食韓燒，咁啱見到呢間有優惠，做緊$283.4 (未計加一) 一位90分鐘Level S任飲任食岩手縣A5陸奧和牛＋和牛串燒，好似好抵咁，於是就去咗。簡單啲講呢個set姐係佢哋嘅Level 1 加埋A5陸奧和牛 & 和牛串燒🐮我覺得店員確認訂座嘅動作做得唔太仔細🤯店員淨係問一問book枱個名，叫我哋坐低等等。跟住再問我哋係咪訂咗3個人，但我哋係訂咗2個人😵‍💫 跟住就叫我哋入去燒。因為我係openrice已經比咗錢，所以略嫌呢個確認動作做得唔太仔細🙏🏻炸物唔錯，熱辣辣😋烤香腸最正😋 好多肉汁😆蕃薯波波都唔錯，如果再重啲蕃薯味就好🍠鹽酥雞係熱，有肉汁，但冇乜味熟食方面，叫咗牛肉泡菜石鍋飯都係熱辣辣，飯好入味，啲飯粒粒分明👍🏻加埋泡菜同埋牛肉，更有口感，紫菜都舖咗好多上去😋但去到今日個主角：A5 陸奧和牛，應該係用「好失望」嚟形容，第一碟嚟嘅陸奧和牛紋路唔靚，色澤欠佳🫠 食落都冇咁好食。而之後嘅陸奧牛雖然有明顯改善，但依然唔太食得出佢A5嘅感覺😓 嚟嘅牛都係未解凍，三塊分唔開。燒嘅過程中，想反一反面，佢成舊肉分開曬，完全食唔到一件完整嘅，佢個和牛串燒都係一路燒一路散😓 問咗店員，佢話係來貨已經咁嘅樣，舊肉唔係佢哋切🫣見隔離個set應該係level 3，佢哋食到好滋味，我哋偷睇過，啲紋路同色都靚好多，應該真係呢個Level S比較遜色😥…Read More

今日好想食Burger，係D外送平台見到呢間Burger價錢幾抵，於是嗌嚟試試拎到外賣後見到佢個外賣包裝幾靚，十分期待😍 點知……😵‍💫🤍菠蘿蜜糖芥末雞堡 ($58)雞堡整體感覺還好，塊雞好大塊🐤佢同蜜糖芥末醬都幾夾，但我食嘅時候略嫌啲醬太少，食到中間得一兩啖係真係有蜜糖芥末嘅feel🍯 同埋塊雞唔夠脆，唔知係外賣問題定係本身就咁而包同埋菠蘿就十分失望，雖然外賣係預咗比堂食遜色，但呢兩樣係唔關外賣事嘅。1️⃣佢個包就好似食緊平時西餐嘅餐包咁，係軟身，冇烘過，冇處理過🍔2️⃣我係冇expect過塊菠蘿得半塊🍍🤯🤍酥炸魷魚圈 (跟餐+$15)首先個賣相已經大跌眼鏡😵‍💫 佢Total 得5件，仲要好細件，可以睇翻粒泰國椰子糖嚟幻想一下食落好重油味🤍炸香芋波波 (跟餐+$15)Oh My God….嚟到淨係得兩粒🤯會否太貴了🤑而且香芋波波芋頭味唔重🍠後面有相 (with雞塊)🤍雞塊Nugget (跟餐+$15)呢個算係咁啦，佢份量最多，而且食落都有少少味，覺得係三樣小食入面最抵加*佢係外賣App係冇寫有幾多粒嘅🙏🏻同埋唔知點解我食完再睇翻外送平台, 間嘢開始特價😅…Read More

【大推】之前想食好耐，點知佢閂咗門要裝修🥺 隔咗一排再過去，點知830pm已經冇曬燒鵝同蜆😢 最想食呢兩樣哭撚咗，記得早啲去！😌💛 大壹炒飯 ($88)炒飯有少少(其實都好似好多😳)燒鵝皮同埋燒鵝肉(有圖)，慰藉咗我同🐡嘅心靈🥹🫶🏻 個炒飯好入味，如果食到辣椒就會有dd辣💛燒汁薯仔牛柳粒 ($138)牛柳粒肉質好淋，唔會韌，幾重牛味😋 薯仔外面有少少焦脆，入面淋淋地，連薯仔都煮到好入味😳👍🏻💛拔絲咕嚕肉 ($98)「佢個鳳梨🍍嘩❗️有汁架喎❗️」我食完之後嘅真實對白😍 平時咕嚕肉啲菠蘿一係乾一係酸，而家竟然係多汁之餘仲要係甜嘅！佢甜嘅程度係：本身個醬甜甜地，個鳳梨係會仲甜🤤 咕嚕肉好甜，有拉絲😏 外面脆脆地，入面肉質好滑💛三杯雞煲 ($108)雞肉好滑，洋蔥都煮到好熟🧅💭餐具係枱邊💭店員見我哋二人枱但嗌咗好多嘢食，主動話唔夠位就搵佢，雖然係好細微嘅一件事，但我從來都未試過有店員咁體貼🥰🫶🏻…Read More

Bookmark咗超級耐🔖 終於有機會入元朗國試下😏 成間舖每一個位都可以拎嚟打卡🤩 揀咗個幾款嘢食都唔錯😙💛+852黑松露野菌什菇意粉 ($90)黑松露好香，見到佢比咗好大pat醬😳😍 意粉同菇嘅份量都多🍄 重口味者表示好正 食到最尾都仲係啖啖醬汁，食完都唔膩👍🏻💛混柒你個醬薯係 ($48)薯條一上就聞到好香椒鹽味🍟 佢有三種醬：茄汁🍅 泰式辣醬🌶 黑松露沙律醬🥗 頭兩款醬同出面一樣唔太特別，但因為我都係食黑松露意粉，所以唔係幾食得出黑松露沙律醬嘅味😂 純粹食到係個意粉嘅醬稀啲，薯條嘅醬杰啲咁樣，同埋仲有少少沙律醬嘅甜係度🤏🏻 薯條原味食都好食👍🏻💛Apple Soda (椰果) ($38)杯嘢有好多椰果粒粒同埋蘋果乾，增添咬口⬆️ 杯嘢飲好fresh😋…Read More

（早排）夏日熱辣辣🥵 夜晚好多人等！差啲死亡之際比我等到位🤩 即刻嗌翻碗冰降溫🆒💛和風飄雪 ($52)【牛奶雪花冰、甜煉奶、麻糬、紅豆、瑪莉餅、黃豆粉、呍呢嗱雪糕】我揀呢款係因為我估自己一個食完成碗之後都唔會膩🤣 有時朱古力味會食到好膩🍫 鮮果會食到好飽🍈🍉 和風飄雪係我心中係一個真·甜品❣️🤣 一嚟就成支煉奶放係枱，煉奶任加🫶🏻 雪花冰配黃豆粉，放入口兩個即刻一齊融🥰 紅豆同麻糬有啲咬口🫘 瑪莉餅應該係For靚啲😂 佢係冇走風嘅👌🏻 啲冰融得幾快，證明冇添加🌝…Read More

其實我份人都幾懶，食嘢除咗睇下想唔想食之外，都要睇下佢易唔易去😂 今次呢間茶記係d2 place附近，相當易搵，仲有兩間分店就睇下方唔方便大家喇🤔 💛激烈洋蔥煎豬扒飯（豉油汁）($49)OMG‼️飯如其名，真係好激烈😱 激多洋蔥🧅 洋蔥味好烈，姐係喺辣洋蔥❗️ 如果食唔到生洋蔥嘅話就建議大家試第二樣喇👍🏻豬扒有兩件，薄薄地，冇話好柴👌🏻 味道同普遍茶餐廳嘅煎豬扒味一樣🐷 豉油汁嘅份量同味道掌握得唔錯👍🏻 唔會搞到碟飯太鹹，不過呢間嘅飯本身係較少，我食完都唔算好飽，如果大食量啲嘅人就記得要加飯❗️💛滑蛋咖哩吉列豬扒飯 ($59)吉列豬扒炸得幾脆😍 但就薄咗少少🤏🏻 蛋好滑🥚 咖哩唔辣，連🐡都食到…Read More

覺得自己運氣差，唔洗性交轉運🙅🏻‍♀️ 過嚟姓膠煮麵一樣得✅ 足料米線比你gur翻條氣🫶🏻 佢呢度有麵同飯揀，第一次嚟當然就試下啲麵💛酸辣湯紅薯寬粉配竹笙、鴨胸 ($43)影完一大輪之後發現漏咗餸，好彩發現得早🫡 佢都有即刻換比我🥰 換完拎翻出嚟真係嚇死我😣 鴨胸有7件以上‼️😳 冇認真數，我淨係知自己食極都仲有，非常足料💯 竹笙睇相都4至5件以上，都係有好多😳 絕對多過譚兩餸嘅份量先😹 但寬粉就較少，我食過嘅米線舖，如果嗌寬粉，其實基本上都得好少，都唔夠食🥹今次呢個酸辣湯底，原諒我詞窮形容唔到，佢聞落有少少似三哥酸辣個種偏向超輕嘅藥材味，但飲落又冇🤔 酸辣湯唔算好辣，我覺得同十少差唔多🌶 雖然唔太辣又唔太酸，但湯底都算濃郁😽偷食👱🏻‍♀️嗌嘅魚皮餃同豬頸肉，兩樣嘅份量都好多😳 豬頸肉好淋，好好食🥹🫶🏻💛細手拍青瓜 ($13)臨尾食曬啲麵，空口食個陣先發現原來碟嘢都幾辣下😵‍💫 有啲肉碎係青瓜面頭，佢嘅味道就好似蒜泥白肉一樣留到夜晚😘 不過就唔會重蒜到有反胃/唔舒服嘅感覺🤢💭出餐有啲慢，聽隔離個熟客問今日得一個人呀？ 唔知關唔關少人事💭利賓納檸檬比較細樽，凍檸茶就係平時茶記一大杯🍋…Read More

好耐冇Po嘢喇🫡 今次係早排帶住Minions食嘢嘅系列😂 已經係仲落緊暴雨個排去咗食鉄火堂🍣 聽人講好好食，睇相又靚，唔知試落又點呢🤔💛自選5款 ($74)我揀咗1️⃣三文魚 2️⃣甜蝦 3️⃣松葉蟹鉗 4️⃣蟹膏 5️⃣帝皇蟹棒蟹膏好香🤩 仲勁好大Pat🤤 必點❣️三文魚同甜蝦都新鮮，正常發揮👌🏻蟹鉗較細隻，都冇乜肉🤯 佢啲肉大約係一節手指頭嘅一半咁嘅份量😵‍💫帝王蟹棒以為會一大條咁過，點知佢剪開做細細條🥲 其實食落我都分唔到同普通蟹柳有咩分別😂 本身係想食佢個size開心下🐡揀咗1️⃣碎蔥吞拿魚 2️⃣油甘魚 3️⃣劍魚腩 4️⃣馬刀貝 5️⃣赤蝦油甘魚有油但唔多夠油🪔馬刀貝爽口👍🏻個呑拿魚蓉幾好食😙劍魚普通，睇色好似冇咁靚🤔赤蝦比🐡預期細隻，但好食😋💭總結嚟講佢刺身嘅選擇都幾多👍🏻 味道都唔錯，仲有個麵豉湯飲下🥣 好似仲可以免費添飯(?) (見到牆有張紙寫咗，但我冇試😂) 不過就有啲位Expect同出到嚟唔同就有少少失望🤏🏻 💭扣分位：入咗舖頭坐好咗之後先講冇三文魚腩🤯 唔知係因乜個日落大雨所以咁，定係一直都係咁🥸…Read More

黃店茶樓我淨係識得幾間💛 都去過老馮飲好多次茶🫖 元朗、大埔都試過，我又唔係好覺得佢哋啲態度差🫣 咁當然個個人要求唔同，執著嘅位都唔同🤣 但我飲完之後完全冇hard feeling 就👌🏻啦，叫咗好多嘢食，唔樣樣都講喇，揀啲嚟講🤪💛咖哩蒸魷魚 ($28)咖哩好入味🍛 佢個醬都正😋 唔係啲激辣味道，都唔係個啲溝水勁稀勁淡嘅味，係好濃郁嘅😙 魷魚都有幾件大嘅🦑 下面收埋咗啲鬚鬚同埋豆卜仔💛金牌炸芋角 ($18)我最愛😍 炸芋角嘅皮好酥脆😚 入面滿滿嘅芋頭蓉🍠 中間仲加咗少量肉餡，食落會feel到好特別，唔會喧賓奪主。平時成舊芋角食係會好膩，但佢加咗啲肉餡之後就冇咁膩😘 💛五柳炸雲吞 ($30)Boom💥 好好食👍🏻 雖然平時好唔鐘意啲雲吞皮咁大塊，食死人😥 但係呢個炸完之後，成個咬口又脆又薄🤤 食到sharp sharp聲😋 加埋佢個汁都唔錯，酸酸地💛蜜汁叉燒腸 ($23)腸粉皮好乾，浸埋豉油都係較乾身，冇乜味💛XO醬蘿白糕 ($28)💛香煎蘿白糕 ($20)XO醬蘿蔔糕係一粒粒，好方便，唔會夾散😂 仲好食過香煎蘿蔔糕❣️因爲佢熱啲入味啲！💛老馮鮮蝦餃 ($33)💛蟹子燒賣皇 ($28)💭張台有啲細，我哋兩個人冇Expect我哋食咁多掛🫣 但都係偏細💭桂花糕唔是我食㗎，我唔知呀🙉…Read More

隔咗成個禮拜，終於肯整理啲Po😗 呢間係好耐之前係屯門碼頭附近食嘅Cafe，屯碼真係有啲遠🛳 好彩一入到去咁啱有位，所以唔洗等好耐🫶🏻 下面嘅嘢食係我哋3個人Share嘅，兩個大食啲，一個細食啲🤣💛鮮茄醬牛柳粒意大利飯 ($108)呢個飯都幾多牛柳粒，喺啲飯嘅底都仲有幾粒收埋咗😙 而個飯即使加咗啲茄醬落去都唔會太濕🍅 飯都係粒粒分明🍚💛香辣蒜片欖油大蝦意粉 ($98)🍝嗌咗加辣🌶 我覺得加完辣後都唔算好辣，對我嚟講，加咗都係吊下味，唔會太over😋 大蝦有4隻🦐 啲意粉嘅醬都係撈得好均勻，成件事就係辣辣地好正，好特別👍🏻💛泰式辣醬炸雞意大利粉 ($78)個意粉酸酸辣辣，好似食緊M記個泰式辣醬咁，啲炸雞都好入味，冇骨，而且唔厚炸粉😍上面三碟share食+價錢呢，我哋都覺得泰式辣醬意粉最特別🥇 其次我就鐘意辣蒜片意粉🥈最後就係牛柳粒飯，但三樣都好食😋💛辣肉腸簿餅 ($108)我冇expect 辣肉腸Pizza會有芝士😂 仲要係咁多🧀 拉曬絲❣️ 辣肉腸收埋咗係喺芝士同埋餅底嘅中間🤣 薄薄幾片🍕雖然同我諗嘅：好辣+冇芝士有啲出入，但係我都鐘意食呢個簿餅嘅👌🏻…Read More

好耐之前見到基隆話告急，隔咗一段時間先去幫襯，隔咗一段時間先出Po😂 (懶人界代表🫡) 因為個日起咗身冇幾耐，唔係好肚餓，所以我就嗌咗小食，🐡就食飯💛霸王雞 ($47)原諒我哋孤陋寡聞，上網Search先知霸王雞=蔥油雞🐔 ，個汁幾香，佢嘅豉油味甜甜地😋 雞肉幾滑，佢個份量都好多😱 跟餐湯，不過我哋加咗$2轉凍檸茶🍋💛芝士漢堡飽 ($24)比萬年冇食嘅老麥誤導，以為個係圓形嘅漢堡包😂 點知係熱狗樣🌭️ 佢個包有烘底，食落脆脆地😙 入面都足料👍🏻 💛炸中翼4隻 ($22)某一兩個位置較多炸粉，所以難咬啲🙀 同埋隻雞翼入面食落冇乜味🤔 唔知係午餐時段未Ready好定點，但係我覺得都係主食好食啲🤣💛紅豆冰 ($24)味道同普通嘅一樣，只係支飲管少幼，完全飲唔到紅豆🫘 所以全程都淨係分開飲😵‍💫…Read More

見到間餐廳幾靚，價錢好似幾抵食，掛住大大個Cafe Hansik招牌嘅話，我建議大家即刻走人‼️🏃🏼‍♀️💨 一入去已經聞到有啲臭，好重油味🤢 本身好肚餓，聞到就嚟飽😥 最後走個陣，隻眼仲昏到睇唔到嘢😵‍💫 冷氣勁細，一路食一路準備熱死🥵🤍芝士蟹籽石鍋飯 ($61) 一路食一路面有難色，諗緊自己點解食緊一樣冇任何味道變化嘅嘢食，就好似食緊菜蒸飯咁😓 佢嘅優點頂盡係都幾多飯🍚 諗到呢度，我先如夢初醒，原來我個飯係有蟹子架😊 後面比翻餐牌嘅相大家睇下，雖然食之前影低咗相，但我都廢事追究🤭🤍半半炸雞(全份) 調味炸雞+醬油炸雞 ($150)🍗餐牌寫咗話炸雞嗌全份有嘢飲送🥤，跟住佢上咗炸雞都未有嘢飲，我哋就問佢啦👦🏻 唔知佢係咪新嚟所以唔知，但佢好肯定咁樣話：「冇嘢飲架」，張餐牌望都唔望就話冇，最後我哋開翻餐牌指比佢睇先有😓個炸雞揀咗1️⃣醬油同埋2️⃣調味(即係甜辣)，甜辣已經係最多醬同埋比較好食，醬油就冇乜味，落到最底個舊先見到啲醬油係底😓 炸雞嘅肉質參差不齊，有啲好「鞋」有啲還好🤯 而Size嚟講都係偏細😥 我拎起個舊已經差唔多最大😓 打呢篇食評嘅時候發現佢嘅收費有啲怪😅 炸雞收咗我哋$150，但係餐牌個度係話半半炸雞(全份)係$140，明明我哋嗌個兩款都係$140😓 定係佢做文字藝術師👩🏻‍🎨 一定要$140以下先係收$140😊 兩款本身都係$140 嘅炸雞mix埋係要收150😲💭佢成間嘢嘅辣味，炸雞、辣湯底、石鍋飯自己加嘅汁，全部都係同一隻味，毫無分別😥💭我哋一致認同是日最好味嘅，係我哋自己爭取翻嚟嘅一罐可樂🙏🏻 同埋佢任飲嘅水🙏🏻…Read More

懷舊主題嘅餐廳🗝 佢個棟大廈冇名，所以入去嘅時候有啲猶豫😂 佢係汽車公司同omm中間～ (佢道門嘅相係最尾)💛明太子蟹子意大利粉 ($118)明太子同蟹子都痴滿曬係意粉度🦀 好均勻🤣 個味拿捏得唔錯，食到最尾都冇乜膩嘅感覺👍🏻 但唔知係咪因為冇餸嘅關係，份量好似有啲少☹️💛意大利蕃茄海鮮燴飯 ($118)呢個飯有兩隻青口、兩個魷魚圈🦑，一隻蝦🦐🐡：隻蝦幾入味，啲蕃茄仔、青口都煮得幾香👍🏻 啲飯好重茄汁味，對個燴飯嘅濕度同味道控制都適中😙 唔會因爲太多茄汁而酸，洋蔥都甜😋💛芝士雞柳 ($38)條雞柳長過我中指🖕🏻❗️聞落好香，不過食落個肉質唔似雞柳😱 佢啲肉好淋，仲淋過麥樂雞🤔 芝士嘅話我覺得係拎咗佢好creamy好滑嘅口感，配埋沙律醬就有機會遮咗個口感同埋芝士味🤔 原條就咁食嘅話我食到一條好出芝士味，一條就冇咁濃🧀…Read More

平日兩點半去到都勁多人，要等3至4枱，好旺人流❤️‍🔥 我嗌咗雙拼+偷咗朋友🦦嘅一款餃+Share咗個煎餃嚟試下，飽到傻咗❗️🤰💛湯餃2款口味 ($46/10隻)💛栗米芝士雞肉餃 呢款好好食🤤🧀 皮薄餡靚👍🏻 好重芝士味😍 Surprised🥳 而且栗米冇乜胚芽(應該類似渣/芯嘅感覺?)，有時出面食嘢會食到啲胚芽，會有少少突兀，呢款湯餃係是日最愛❤️💛菠菜豬肉餃菠菜幾香，但佢超多菜，冇乜肉嘅feel😢💛椰菜冬菇雲耳豬肉餃成舊嘢好有咬口👍🏻 但都係冇乜肉feel💛煎餃 — 韭菜豬肉餃 ($50/10隻)韭菜食落比起菠菜更香❤️‍🩹 隻餃唔會太油，佢係少少脆，唔係咬到牙崩嘅脆，亦都唔係非常香口個款🤔 我都幾鍾意呢種口感💭 我唔討厭食韭菜，但今日太飽，啲韭菜氣勁誇張😂 持續咗幾個鐘😵‍💫 💭支裝豆漿，抵飲👍🏻💭湯餃跟番茄薯仔湯🥔🍅 有少少料食下，唔會搶咗餃嘅味，但又有啖湯水飲下🥰 💭旺角舖對面街開咗間螺絲粉專門店，得罪講句勁撚臭😓 出面排隊已經聞到就死，入到間舖都仲聞到一陣陣嘅螺絲粉味🤦🏻‍♀️…Read More

飯團飯團🍙 終於試到Donki嘅飯團😙 不過呢間係由一間賣精米嘅舖頭負責埋，因為係Donki買咗太多嘢食，所以淨係試咗兩個🤣(食嘅次序：三文魚籽➡️黑毛和牛)🤍北海道產三文魚籽 ($35)紫菜好香！仲有少少麻油味，令到舊飯團更香😋 佢個飯團底部先多三文魚籽(後面有相)🐡：咬落去個下爆醬撈埋啲飯會幾好食，又有啲食壽司嘅feel🤣🤍日本產A4黑毛和牛 ($25)咬第一啖飯，未有肉，已經有啲肉香味😳 牛肉多肉汁，薄薄一塊，但係每塊size都唔細❣️ 佢唔係薄到變一絲絲牛肉咁😂 同埋佢唔會成抽痴住曬。肉質又係好淋，唔乾唔柴👍🏻 好好食😍 💭因爲三文魚籽同黑毛和牛比嘅話，三文魚籽淡啲，所以食先會好啲！後面仲有教包飯團嘅方法，🐡話跟住嚟整好容易👍🏻 …Read More