barbara1_2的个人专页

今日lunch 想食沙律🥗落咗去公司樓下嘅超市Great, 款式好多, 味道其實都唔錯, 夏日炎炎☀️係一個好選擇🥢.但係好可惜☹️服務員態度差劣🤬$72 一份沙律, 份量少得可憐, 我係一位女士都唔夠食，叫佢俾多少少, 佢就一輪嘴喺度鬧我😤今時今日咁嘅服務態度, 難怪香港食店一間又一間咁執笠。.而且今次唔係一個單一事件，呢間沙律吧我已經幫襯過幾次，之前都見過如果你係「外籍人士」，份量會多啲，三文魚沙律就會比曬三文魚。我哋呢啲local人，三文魚沙律就俾晒啲車厘茄俾你，叫佢比多啲三文魚🐟都唔得，呢啲品質差劣嘅服務員唔明白點解仲可以喺度工作💃🏻.各位老闆👨‍🦰🧑‍🦰當你覺得生意少咗嘅時候，千祈唔好怨香港人唔捨得使錢，首先檢視吓你哋嘅員工，多作培訓，前線人員係第一個面對顧客嘅人，真係好重要，我俾錢買個lunch，未食已經受氣，真係以後唔會幫襯😡…查看更多

今日七月一日興回歸公衆假期🎊最好就係食自助餐🥂揀左🔹北角海逸君綽酒店的Harbour Grand Cafe 🔹自助午餐，地點方便，炮台山地鐵站出🚇直行到海邊，五分鐘便到⏰自助餐12:00pm - 2:30pm, 可以食足兩個半鐘。好幾年沒有來用餐了，久違了的寛闊大堂🏩超高樓底，呢間酒店雖然已經有一段日子，但維護得很好，沒有太大的陳舊感。自助餐廳裝修同以前一樣, 落地玻璃🗺️光線充足☀️喜歡海景的食客可以早點訂望向維港的位置🌊.午餐提供中、西、日美食，亦包汽水🥤冷熱飲品☕️以下介紹一些我有試過的食品：.即開生蠔🥢一般size 🦪但肉質夠厚，有口感，亦有蠔味，很好。長腳蟹🥢多肉但偏淡，冇乜蟹味🦀白灼凍蝦🥢大隻而結實🦐少量蝦味，算唔錯磯燒鮑魚🥢比較大隻，有鮑魚味鐵版燒雞亦、脹仔、迷你菜肉包🥢以迷你菜肉包最好，內裏嘅湯一咬就噴出嚟，熱辣辣的，令人食唔停口日式料理🥢試左三文魚好肥美、北寄背新鮮、壽司、螺肉正常🍣中式小菜🥢推介露旬炒雞柳、炆牛肚🥣片皮鴨🥢成日都要排隊🦆片左好多隻，唔使講都知好味道啦天婦羅🥢粉將頗薄，推介炸蝦🍤炸番薯雪糕🥢movenpick 十二款🍧更有一款啱你甜品🥢幾多選擇🍰🍡🍮🍭豆腐花、夾餅、朱古力蛋糕、綠茶雪糕、芒果千層酥、馬豆糕、曲奇餅等等，花多眼亂，不過最正係馬卡龍，細細粒但好脆又唔甜，我食咗一打😋.同塲加映，表演火焰雪山🔥即係火焰movenpick 大形雪糕蛋糕，好睇又好食.由於我個肚子位置有限，其實仲有好多食物無試🤭真心佢個價錢有咁多嘢食，絕對對得起大家，下次你哋可以考慮吓🤑最後我想表揚自助餐廳的🟪receptionist：Kathy🟪她主動幫助我們解決問題，態度非常好👍呢種敬業樂業的精神真難得，多謝晒🙏…查看更多

今日端午節假期🚣🏻有假放就最開心。起身已經10:30am⏰訂咗英皇駿景酒店嘅🔸駿景軒🔸諗起美味嘅點心🥗等緊我，即刻彈起身。準時12:30pm到達。如我所料，樓下已經full咗，要上一層，上次一大班朋友嚟飲茶🫖都係要上樓上用饍，真係好多人識貨，知道呢度係一個好地方🥂兩個人被安排坐房間，房間報置優雅，地方闊落，最喜歡那扇吊燈，有別於水晶燈的俗氣，加上播放着輕柔的音樂🎧環境一流🍄.兩個人點咗👯‍♀️星州炒米 🥢材料豐富，有义燒、大大隻蝦球🍤洋蔥🧅濃濃的蛋漿🐣觀感已經一流，味道亦剛剛好，唔會太辣，真正色、香、味俱全🥳香煎鯪魚餅 🥢加入粟米🌽冇咁油膩，上枱還有微溫🍲記得要趁熱食💃🏻北菇棉花雞 🥢厚切魚肚🐟嫩滑雞件🐔美味豉椒鳳爪 🥢份量夠多🧆大碟又抵食，醬汁調味剛剛好👍紅豆沙 🥢免費送的但絕不欺場，足料紅豆🫘和蓮子，煲到起沙又唔甜🥣作為一個美好午餐🍽️的結尾，出色。.駿景軒一直都是我飲茶的三甲之選🏅侍應生招呼殷勤，常常主動加水🫗有禮貌🤗服務已經值回票價，雖然位置可能比較偏僻⛳️但如果你肯來，一定唔會令大家失望。.今次我哋坐樓上一層的細房🛋️我想讚揚📣📣📣一位「男」侍應生🤵‍♂️雖然房間只得我哋一枱客，他都無忘記我們👏🏼👏🏼👏🏼常常入嚟收碟加茶🏃‍➡️其他酒店或酒樓，我都唔鍾意坐入房，因為你叫破喉嚨都無人理你😭走嘅時候，在升降機又遇到他，又向我哋連番多謝，又叮囑我們慢慢行，非常之有禮貌，我真係覺得餐飯我哋係賺咗💵啲錢洗得好值得💸.今時今日，香港的食肆🍳欠缺的就是一種久違了的服務態度，但🔸駿景軒🔸就係這樣一間少數的優質食店，環境🖼️服務🏋️‍♂️食品質數🍓🍎🍊都能保持着專業的水準，多謝你哋的堅持✊…查看更多

今晚放工唔係幾舒服😷無乜胃口，諗住食碗粥🍵上openrice 見到呢間♦️新九記粥麵世家♦️有好多個讚，未試過，雖然唔知係邊度🏖️要搵，不過咁多人like, 應該唔會伏瓜😳點知……..坐低叫左碗牛肉粥🥩粥底就杰撻撻，牛肉又鞋而且好難咬開🤢基本上都係要成塊吞😵‍💫成碗粥連牛肉都係淡而無味，成為$46，咁嘅價錢和質素，可以幫襯其他地方😴.最攪鬼係水都唔比杯，今時今日咁嘅服務態度，真係無下次😤…查看更多

疫情終於都停一停，讓大家透透氣😮‍💨生活可以開始慢慢回覆正常👯‍♀️希望會越來越好，今日（一月二十日）中午一點鐘來到♦️灣仔利苑酒家♦️飲茶，利苑呢個品牌，個人認為，一向都係信心的保證👍.我係訂左中午1:30⏰因為預埋塞車時間，不過沒有塞車，所以1:00 就到達，門口接待員🧑🏻告知要等1:00 的客人入曬，才安排我入坐，無問題，係我早到咗，跟著亦有一位訂左2:30 的客人，同我情況一樣。但最終我哋係最後入坐的一枱😤連2:30 的客人都先入坐，仲要同佢地講「你哋入坐先」，究竟呢位門口接待員係點安排？係咪唔識睇數字，認為2:30 係早過1:30？還是熟客？定係快要新年搏下次有利是？真正原因她自己清楚，但係我心目中，她冇顧及客人的感受？未食已經覺得感到一肚氣😡.被安排廁所隔離嘅房仔，廁所開關的時候，聞到淡淡氣味，仲要地下爛晒要蓋上地氈，我以為自己去咗大排檔，匆匆點左午餐：揚州炒飯🥢第一次食揚州炒飯無义燒粒，分數大減，味道只屬一般鳯爪🥢好多油，醬汁唔香，而且比較淡口牛肉球🥢扎實大粒，算係正常演繹千層糕🥢一般甜糕，無特別蛋白杏仁茶🥢幸好唯有這個是水準依然，利苑的蛋白杏仁茶是我認為做得最好嘅，每次都要點，不過蛋白似乎沒有以前的多，味道就依然正👏🏼.坦白講，呢餐真係好失望😞員工、環境和食品的質素，都大不如前，十二月份我上咗去深圳旅行，萬象城的利苑酒家，無論員工的表現、食物、都比灣仔的利苑高好多, 環境更加唔需多講，樣樣野都令我真係好surprise😱而且價錢比香港平。希望香港分店，可以加強員工的培訓，改善食物嘅質素和用餐環境，挽回分數。…查看更多

五月七日星期日中午11:30經過中環IFC📌趕時間但肚餓🫠要搵嘢食，見到♠️正斗粥麵專家♠️反正未試過中環店，即刻取飛試吓先😋門口企左兩三個人👫唔太多，心諗應該好快有枱🥂點知望入去，係有三至四張枱無人坐，頓時覺得奇怪🤔咁點解要客人外出等? 想搵人問吓，見到灰色西裝男部長👨🏻‍💻行過幾次，望住我哋冇反應，直行直過🏃🏻我正接行去收銀櫃枱，有一位黑色西裝束馬尾女部長👩🏻‍💻我問她點解有位都唔叫入坐，她比我嘅答案簡直係經典😱😱😱我從未係食店聽過，她答我：📣入嚟都做唔切，你係出面攞飛等啦📣嘩😰今時今日，仲有生意都唔想做嘅食店，真係匪而所思。難為電視成日出現話無生意的老闆，又話生意回復唔到疫情時的一半，原來♠️正斗♠️啲生意多到唔想做，哈哈😆.講番食品🥘🥗🥟楊州炒飯🥢無乜餸，似炒白飯，正常味道，唔難食但冇驚喜蝦餃🥢大大隻，蝦肉🍤爽口彈牙，但偏鹹棉花雞🥢魚肚🥠份量算多，雞肉🐔冇雪味，新鮮炸兩🥢卜卜脆，粉皮非常薄.大家仲要留意，枱上面冇茶壼🫖全靠每次職員為你添茶🫗起碼叫三次才添到一次茶☕️如果想飲多兩杯就千祈唔好嚟啦.整體上，價錢係合理嘅，以呢個價格🤑🤑食物都可以接受❤️‍🔥但全無服務可言，重要事要講多一次，全無服務可言❤️‍🔥幫唔幫襯大家自己諗下。…查看更多

星期五放工即興晚飯輕鬆下😋諗住銅鑼灣皇室煲八月花自開張之後，一直無幫襯過，即刻打電話check 下有冇枱☎️即晚都有，其實都有少少擔心🙄但以往在其他分店嘅經驗都唔差，所以就試吓。記得十多年前第一次去同系列的尖沙咀八月居，真係驚為天人👍之後去過鰂魚涌八月花，可以接受。但今次真係差、差、差👎👎👎.首先，店舖裝修非常普通，唔似美心集團嘅style.分兩區：近門口🚪的位置，全部枱無枱布，而且枱和椅子🪑都係茶餐廳款式，基本上同在茶檔食飯無分別。入面位置，全部枱有枱布，但也不見得美觀。.可能我即時訂枱，所以坐出面茶餐廳位置，已經有啲沮喪，無乜胃口，點咗：.蝦仁炒滑蛋🥢好油膩，碟蛋真係返光的🙈菜遠炒班球🥢非常之油膩，一塊塊滿是油的魚片🐟底下嘅菜芯🥬充滿光澤，油浸一樣白粥🥢真係好利害，粥面都見到油蛋白杏仁茶🥢算是全晚最正常，不過size 只係大茶杯少少.真係好嚇人的一餐晚飯，好難想像集團會有一間咁差的食店，呢間應該係我暫時食過呢個集團最差的一間食肆，希望佢哋可以檢討一下😤…查看更多

很久沒有寫✏️食評，雖然個個星期都會同媽咪去「試菜」，但工作實在太忙，回家已經很累😴人就懶咗，冇寫了。呢三年眼見好多食肆，包括一些老牌食店都捱唔下去，心裏都很唔舒服😞真係由細到大都未見過香港會變成咁😓.喜見銅鑼灣有新店開張🎊除咗即刻訂枱，更令我覺得要寫返篇食評，支持支持一下。而今日要推介的一間美味店就係♦️金燕島潮州酒家♦️此店舖共有兩間分店，原來已經有幾十年歷史😱一間在尖沙咀🎪另一間就是今日要介紹的銅鑼灣新開嘅分店🎉.它擁有便利的位置⛳️在鵝頸橋隔離嘅V point 大廈，四通八達🚘食完仲可以去附近嘅時代廣場行街shopping 👕👖👠🧦酒家在28 樓屬於高層位置，心諗無敵海境，應該唔使壞疑。踏出升降機，已經聽到「早晨」「歡迎」，很窩心😍跟隨侍應到接近窗邊位置坐低（不是窗邊位置，可能已經被訂咗），一望無際嘅海景🌈景觀開揚，只可惜當日大霧，希望下次嚟天色會好啲。新開店通常有個好處，無論環境、餐具、家俬樣樣都新凈清潔🧚‍♂️感覺好fresh🥰.嘅然係潮州酒家，功夫茶當然唔少得，坐低就即刻奉上☕️甘香四溢、冇苦澀味。之前去過嘅潮州菜館，只有餐後才有功夫茶，呢度餐前、餐後都有，讚👍安頓好媽咪之後，一路喝茶一邊睇點心紙，點心選擇多，鹵水食品亦唔少，價格適中，唔係開天索價那種，好多款都好吸引，諗咗好耐😝然後揀咗：.金燕島蝦餃皇🥢蝦和筍嘅比例剛剛好，蝦肉🍤爽口彈牙，仲好大粒金燕島燒賣皇🥢豬肉🐽比較多，燒賣色澤鮮明，睇得出係即叫即蒸，上面的大蝦🦐蓋過整粒燒賣，叫得做皇，亦都係大大粒潮州蒸粉果🥢花生🥜沙葛等大量餡料，絕不欺場义燒蒸腸粉🥢粉皮嫩滑、薄而通透，粉皮下豐富嘅义燒，顯然易見，而且义燒依然香口家鄉糯米卷🥢香甜軟糯，媽咪食到停唔到口黃金蟹棗🥢蟹鉗的迷你版，係一粒蟹肉丸，內裏有一絲絲蟹肉🦀大愛😋下次我要試吓蝦棗鮮蝦腐皮卷🥢腐皮鬆化、香脆可口、油而不膩蠔仔肉碎泡粥🥢傳統潮州粥，蠔仔🦪漲卜卜，非常飽滿，鮮甜美味，加上芫荽，吃完真的齒頰留香.呢餐午餐真係好大滿足，服務又周到，全程侍應們都很勤快🏃‍♀️加水收碟都好迅速，有位女侍應常常给我們介紹和講解，很專業👍洗手間🚻亦清潔整理，基本上，食物質數好、招呼一流、環境舒適，價錢合理，沒什麼可以挑剔👏🏼👏🏼👏🏼.成餐飯比我嘅感覺👀係大家都好努力，為自己工作嘅酒家、為整個餐飲業努力💪🏻希望回到疫情😷前，市道𣈱旺、人人有工做的日子。其實只要我哋做足防疫措施、打齊針💉是否都應該要出嚟消費支持一下呢？這個問題的答案💬我留比大家自己去想想😊.註：「試菜」呢個名詞係隔離位的同事Karen講的，她會問我「呢個禮拜又同auntie 去邊度試菜吖」多謝她，「試菜」幾好聽，攞嚟用下😁…查看更多

如果你住在銅鑼灣⛳️應該會認識這家♦️丹麥餅店♦️一間實而不華的傳統麵包店🥖🥨🥐我唔係在銅鑼灣長大🏃‍♀️以前經過也沒有留意它，直至而家在附近工作才幫襯，因為覺得好味道😋所以現在朝朝都在這裏買早餐：熱狗🥢我最喜歡，腸仔夠味🌭沙律醬冇得頂漢堡包🥢完全係小時候快餐店的味道，沒太多佩料，簡簡單單一塊牛肉餅和兩塊熱麵包🍔又是另一番風味魚柳包🥢香脆魚塊🐟但比較乾身，如果有多些醬汁會比較好呑拿魚三文治/芝蛋治/腿蛋治🥢每日新鮮即造，輕份量那種🥪男仔可能唔夠飽，但三款都健康美味蛋撻🥢係我喜歡的餅皮🥧不是穌皮，蛋心算滑，大愛檸檬茶🥢一杯茶竟然有四片厚檸檬🍋茶味濃☕️比起其他店舖，薄切仲要得兩片，真係絕冇欺場，而且只賣$14，隔兩條街要賣$18 ，提提大家，佢哋冇糖包比你，會幫你落埋糖，唔飲咁甜，要叫「少甜」或「走甜」啊.另外，店舖亦賣炸雞脾🍗傳統的腸仔包、腿蛋包🌯🌮🥞等等的一般包包，除咗檸檬茶亦有咖啡和奶茶🫖係而家大街小行都充斥著各家連鎖店舖🏤這些自家經營的小舖，別具特色及風格🖼我哋真係要好好珍惜♥️早上很多人幫襯，如果大家經過，不防支持下💪🏻🦾令這類小店可以經營下去，亦可以懷舊一下小時候的味道👶🏻👩‍🍼🧒…查看更多

屋企要來個小裝修工程🛠一家人搬咗去天后一間酒店🏩暫住一個月，日日行路🚶🏼‍♀️返工放工，真好✌️除左返工方便咗好多之外，另一個大收獲就係原來天后⛳️有好多美味食店，其中呢間我最鍾意♦️上海弄堂菜肉餛飩♦️.它絕對唔起眼👀如果唔係睇openrice 搵野食，真係行過咗都唔知，唔會留意到，所以openrice 呢個平台真係幫咗好多人🙏至於呢間食店，因為太好味，食咗好多餐，美食如下🫕🧆🥘🍲.小籠包🥢湯汁飽滿，豬肉結實醉雞🥢肉質鮮嫩，雞胸都唔會鞋，充滿酒香鎮江肴肉🥢香嫩不腻上海粗炒和上海炒年糕🥢同出面最唔同嘅地方，就係冇果種好油膩的感覺，肉片薄而入味香煎肉餃🥢皮薄多汁，好食到停唔到口菜肉餛飩麵🥢麵係幼身嘅上海麵，湯底較清，餛飩有啖啖嘅菜香沙窩餛飩雞🥢湯底濃郁加上大大粒餛飩，正雪菜肉絲炒年糕🥢同樣不油不膩，有好多雪菜小青瓜🥢出面呢個前菜只有青瓜味，但佢地加左個汁，好開胃，青瓜亦爽脆無錫排骨菜飯和燻魚菜飯🥢排骨入味而醬汁酸酸甜甜，菜飯都幾大碗，充滿菜粒，燻魚係凍食，我個人都係鍾意食熱野多啲脆炸素鵝🥢外層真係好脆，但內裏的籮白絲、雲耳就好爽口蝦仁跑蛋🥢蛋汁頗薄，有蝦味，煎得好香沙窩蛋餃津白🥢津白清甜，蛋餃內有少許肉碎，做得好細緻蝦仁湯飯🥢呢個好大碗，好多料，非常豐富豆漿🥢有黃豆味，真材實料.呢一個月⏰我差唔多隔日就幫襯，樣樣都好啱我食，特別喜歡餛飩🥟以後去銅鑼灣行完街，我都會特登行過嚟食㗎😍…查看更多

牛年吉祥🎏農曆新年🧨係一個很有氣氛的節日🧧只可惜今年疫情未過，家族的團拜都取消了，唯有自己屋企人搵節目，戲院未開🎭咁都離不開食、食、食了😋.灣仔♦️君悅酒店Grand Cafe ♦️係我食自助餐三甲之選的其中一間🏆由於疫情關係，自助晚餐暫時停咗，但換來平時沒有的自助午餐（佢哋一向只做自助早餐和自助晚餐），中午係做散餐的。今次只做年初一、二、三，幸好我book 到，好開心，$698+10% 以佢哋嘅質素，真係超值👍🏻👍🏻👍🏻.自助餐款式甚多：🥢熱盤有我最鍾意嘅炒龍蝦🦞鵝肝多士、燒大蝦、燒蠔🦪燒牛柳、炒牛柳粒、炒蝦球🍤蒸元貝、燒元蹄、海南雞飯🐔炸天婦羅、乳豬🐷义燒、蒸蟹鉗、蒸大蝦、咖哩食品、即煮湯粉麵🍜🥢冷盤有長腳蟹、大蝦、青口、蟹鉗、蜆、煙三文魚🥢沙律有三款🥗如水牛芝士沙律、薯仔蛋沙律、凱散沙律🌽🥢芝士區有多款芝士。火腿有三款，其中西班牙黑毛豬超好味🥩🥢日式區🍥有六款刺身包括帶子、三文魚、吞拿魚、甜蝦、油甘魚、尤魚，另外還有什錦魚生飯和三款卷物🍣🥢甜品亦精彩🍰芝士餅、朱古力蛋糕、絲絨蛋糕、綠茶紅豆蛋糕、拿破崙、有芒果布甸🍮朱古力慕絲、椰汁糕、香橙糕、桂花糕、蛋撻、笑口組等，仲有八款雪糕🍦🍧🍨🥢除咗包一杯餐飲 ，另外仲有一個凍飲區，提供兩款自助飲品🍹🍷🥃.如果你以為得上面呢啲野食，咁就錯喇😝因為這些只是靠我記憶寫返出嚟，其實有啲已經唔記得咗，因為我冇能力每樣食一件😅.款式多都要好食先得，我可以話比你聽，真心好食😻其中我推薦肉質厚、味道好的炒龍蝦、超滑嘅海南雞、脆卜卜也非常夠味嘅乳豬、鵝肝很正但多士唔脆、冇渣嘅炒牛柳粒、芒果布甸、拿破崙、椰汁糕、奶茶味雪糕✌️.同場加映醒獅表演🧚‍♂️好有新年氣氛，呢個自助餐食得好開心、滿足🈵真係新一年嘅一個好開始🎀.最後我想比個like 👍🏻比❇️切乳豬那位伯伯❇️我見佢工作好有heart, 每次比乳豬比客人都講一句賀年祝福㊗️我拿左兩次，佢祝我「青春常註」和「萬事如意」，真係好感動，希望公司都可以重視呢啲咁有質素嘅員工👏🏼👏🏼👏🏼…查看更多

聖誕節🎄假期中午起身，想出銅鑼灣飲茶，即刻諗到富豪飯店，打電話訂枱，可惜full 左😞唯有預訂下個假期一月一日，奉勸各位，呢間美味店要早啲訂枱😅.二零二一年一月一日⛩希望大家都有一個新開始🎏疫情快啲過去🎊今日嚟到城中星級食肆♦️銅鑼灣富臨飯店阿一鮑魚♦️嘆茶，只有呢間飯店可以用個「嘆」字，環境舒適、水滾茶靚、點心美味可口、招呼一流😋當然價格亦都一流⋯⋯貴，不過係物有所值嘅👍🏻.兩個人點左：🥢鹵水鵝肉腸粉🔸鵝肉和腸粉一樣嫩滑，每件都佩上一件鹵水豆腐，好特別，其他中菜館沒有的。🥢蛋煎糯米雞🔸蛋汁非常薄，糯米香軟，帶點煙煙韌韌的，唔會一pat 野咁🥢豬肝燒賣🔸好大塊美味的豬肝，蓋過整粒燒賣，蝦和豬肉比例恰到好處，唔似出面全部都係蝦，由燒賣變咗蝦餃🥢煎蘿蔔糕🔸係一碟厚切的蘿蔔糕，每一口都是清甜的蘿蔔，大滿足🥢雞扎🔸大大件「棉花」索曬啲精華，我最鍾意，好食到冇朋友😝🥢蛋白杏仁茶🔸呢個中規中矩，始終利宛做得最好🥢薑汁湯圓🔸好香芝麻味，薑汁亦濃.如果你想食城中最好的點心，呢間一定唔會令你失望。它一直係我No. 1 的選擇🥇🏆🎖…查看更多

本身都係starbucks fans, 每個星期都幫襯幾次，朝早飲一杯才能開工✌️.工作地點在利園三期樓上，原本很高興，因為利園三期有一間starbucks ，十分方便。可惜，這間所謂嘅旗艦店，真係有點不同，每次買到嘅飲品，都有如白開水一般，淡而無味。.我每次都order 熱飲，常飲pure matcha latte, black tea with ruby grapefruit and honey 或是最新嘅Manuka honey ginger black tea ，完全冇味。感覺花幾十元買到一杯熱水。.上星期試過同店員返映，結果她答我，你浸耐啲個茶包，我想話比佢知，我十五分鐘之後才飲，結果都是一樣。.現在早上，我會行兩條街去禮頓道禮頓中心地庫那間Starbucks 買，才可以飮到飲品本身的味道。.同事講得啱，starbucks 唔係間間都好飮㗎，飲品係要depends on 冲飮品嘅人的調較。所以公司好多同事都寧願幫襯禮頓中心starbucks. 其實都幾慘，明明公司樓下就有一間，但都要行兩條街去另一間😭.唔信？如果大家想做測試，可以去利園三期和禮頓中心地庫各買一杯相同嘅飲品，就體驗到了。.最後，希望starbucks 能夠正視呢個問題，嚴控品質，對得起每位顧客，拜托🙏…查看更多

聖誕假期🎄🎅🏼🎁冇旅行去，咁就去食下嘢啦，飮茶係我至愛，因為我最鍾意食點心，點心真係最偉大嘅發明啊（點心都算係發明😪真係宅家宅到痴左線）😝好，今日去試新嘢，銅鑼灣♦️顏府御膳♦️，點解揀呢間？因為係我公司對面，如果好味，又可以帶同事來試吓😋.店舖雖然不是太大，但環境高雅，氣氛寧靜，食客們都很斯文，感覺很好😙剛起床就出嚟，早餐都未食，即刻睇吓有咩食，點心選擇不多，見到有糯米雞翼好高興，不過話沽清😞有點兒可惜，唯有揀過第二樣，最後選擇咗：.焗义燒飽🥢size 比一般的小，但皮薄夠脆，內裏甜度適中.黑松露帶子餃🥢帶子鮮甜，餃皮煙韌，唔會爛pat pat.XO 炒腸粉🥢XO 醬剛好，帶少少辣，腸粉亦滑，好好味👍🏻.陳皮牛肉球🥢色澤偏淡，但味道可以，唔覺有陳皮味，如果為陳皮而揀的人會失望.鮑汁鳯爪🥢炆得好淋，夠味，好大碟，有好多隻，食得好滿足，推介👍🏻（我掛住食，忘記影相，不過真心正）.整體來說是一間有水準嘅中菜館👏🏼👏🏼👏🏼食物和環境都很好，公司附近除咗我成日去嘅西宛，現在又多個選擇了♦️顏府御膳♦️下次見✌️…查看更多

今年真係困難的一年，疫情由一月開始到現在十月，都未有緩和跡象😞嚟緊仲恐怕有第四波，我嘅活動範圍也只可以局限在港島區⛳️所以今晚近近地同媽咪在數碼港艾美酒店的♦️南坊♦️晚餐🍽.由於南坊係酒店中菜廳🏩環境一流，樓底高，空間感足，裝修時尚，雖然近海，不過望到海的範圍很少，主要是山景和商場景⛰但可能位置偏辟，人流一向唔多，反而令我覺得呢度用餐好寧靜、舒服🪁.今晚人少少，只叫左三個菜，香芒汁虎蝦球、菠蘿咕嚕肉和海鮮雜菜煲：🥢虎蝦球🍤一共有四件大大隻，一隻已經填滿小小的飯碗，蝦肉實而彈牙但香芒汁比較淡，如果可濃一點有啲芒汁味更佳。🥢咕嚕肉擺碟好靚，真係唔忍心吃😝肉排夠瘦，酸甜度剛剛好，美味。🥢海鮮雜菜煲就冇乜海鮮，得幾條尤魚，菜都有點過熟，這個就一般🥘.不知是否疫情關係，餐牌上很多餸菜都沒有，所以有點失望，不過可以理解。其實南坊一向都是我的飯堂之一😋晚飯小菜比中午茶市嘅點心出色，點心真係有改善既空間，但炒小菜就一流👍🏻所以有時午餐我都會點小炒。.折扣優惠方面，佢哋本身有會籍制，我以前有參加過，有興趣可以打電話☎️check 下，不過因為我現時持萬豪酒店會籍，都可以有八折或八五折。.最後，我有一個小小嘅意見，係有個別員工比較cool, 感覺黑面，這家中菜廳我已經幫襯左十幾年，次次見到呢位資深女員工都係黑口黑面，個人認為一頓美滿嘅飯局，都要由服務開始，希望酒店能多加留意和改善，加強員工培訓。…查看更多