KK holiday的個人專頁

今日甘岩經過荔枝角香港工業中心，見到呢間素食店都幾吸引，有好多款唔同既素食我揀咗3餸：咕嚕素肉，大豆芽榨菜素肉，炒時蔬，配紅米飯同例湯咕嚕素肉：個樣真係好似平時既咕嚕肉😆，食落好有口感，好好味👍大豆芽榨菜素肉大豆芽脆嫩爽口，味道鮮美，而且大豆芽高纖高蛋白質，又低熱量，營養價值高😊配埋榨菜同素肉，味道好夾👍炒時蔬今日既時蔬係菜心，好新鮮清甜，清炒都已經好入味👍除咗3餸，仲配埋紅米飯，同埋節瓜紅蘿蔔素湯，红米高膳食纖維，素湯好清甜，而且整體飯餸份量都多，呢餐飯食得飽肚得黎又好健康👍😆呢間餐廳除咗素食既款式多樣化之外，環境座位都坐得好舒服，店員態度很友善，整體都好滿意呢間餐廳，下次會再幫襯😆👍…查看更多

呢間餐廳既門面好新好靚，入到去見到d佈置都好有泰國特色，一於同朋友試下呢間泰國餐廳先😋我地叫咗午市套餐：芝士焗香芋海鮮飯（$75）好足料，有蝦，魷魚，粟米斑塊，海鮮都好新鮮，切粒既芋頭份量都多，芋頭味香味撲鼻，加埋芝士一齊焗味道好夾😍星州喇沙蝦米線（$75）喇沙湯底辣辣地，好開胃，十分惹味，幾隻大蝦好新鮮，魚片頭食落去既彈牙，又有口感，加埋d配菜都好好味👍馬拉盞通菜（+$28）爽脆通菜吸收晒馬拉盞既味道，好惹味，辣辣地，好開胃，套餐正係加$28就有一碟馬拉盞通菜，好抵👍芒果糯米飯（$68）芒果好鮮甜，軟綿綿既糯米煙煙韌韌，好有口感，配埋香滑椰奶，味道好夾👍咸檸檬七喜（+$8）冰凍得黎味道甜中帶咸，好正，食完辣野，再飲返杯咸檸檬七喜就岩晒椰汁冰（+$8）香濃既椰汁冰，甜度適中，正👍…查看更多

朋友介紹呢間火鍋放題好岩鍾意食牛既朋友仔🤣一於去試下先餐廳既佈置好有特色，好正🤣座位亦好闊落，職員態度都好nice😊我地揀咗M5和牛set（$258一位），昆布清湯底，湯底好鮮甜，昆布清爽得黎幾有口感，而且好健康👍我地叫咗澳洲M5和牛牛肩胛：牛肉非常新鮮，而且牛肉味十足，口感嫩滑😋安格斯牛頸脊：肉質鮮嫰爽滑，肉味濃郁，灼幾灼就食得👍另外仲有好多唔同款既牛肉：美國安格斯牛背峰，牛骨髓，薄切封門柳，牛滑，牛胸爽等，全部都好新鮮，好好味😍鍾意食牛既朋友真係要試下呢間餐廳👍👍👍除咗牛肉之外，亦叫咗石斑魚片：好鮮甜，好嫩滑原隻魷魚仔：好新鮮，好好味👍麻辣雞腎：好爽口，麻辣味令人好開胃另外出面仲有好多唔同款既丸，蔬菜，菇等任你揀，同埋好多飲品可以揀，正👍👍整體黎講，都幾滿意，下次如果再同朋友打邊爐，都會再黎呢間餐廳，食得好滿足😋…查看更多

同朋友去開荃灣千色匯行街，見到呢間泰國餐廳個門面幾吸引，一於入去試下先😋餐牌都多選擇，估唔到呢到除咗有大船麵揀，仲有得試下3款細船麵，3款細既加埋都係56蚊，好抵，可以一次過試晒3款唔同既味😋我地揀咗第一款傳統細船麵係美國牛肉片金邊粉，配麻辣湯，：牛肉片幾嫩滑，一d都唔韌，金邊粉亦好滑，金邊粉同配料吸晒麻辣湯既味，好正👍第二款細船麵揀咗泰式扎肉金邊粉，配冬蔭公湯，一上枱已經聞到冬蔭公湯味😍，好惹味，湯底飲落去辣辣地好開胃😋第三款揀咗秘制製泰式豬頸肉河粉，配船湯，船湯香料味幾重，但唔會好鹹，岩岩好，船湯都幾入味，泰式豬頸肉肥瘦適中，食落去好香口👍我地另外叫咗個午市套餐：雜錦船湯河粉，船河的食材有肉片，札肉，肉丸，魚蛋，炸豬皮，白蘿蔔，芽菜等，好豐富，配埋船河既湯底同香葉既香味，好好味😋加配酸辣無骨鳳爪沙律，鳳爪好入味，小小酸辣甜，好開胃👍泰式炸蝦餅：炸得好香脆可口，有蝦味，配埋泰式配辣醬味道好夾😋沙嗲雞串肉好惹味，配一小杯沙嗲醬，愛濃愛淡，可以自己選擇，幾好👍飲品我地叫咗罐裝既泰國椰子水，比起茶餐廳飲開既，另有一番風味，飲吾晒，又可以拎走慢慢飲👍同埋泰式奶茶，相比港式奶茶，味道上有d分别，茶更香更清純，甜度適中，都幾好飲👍…查看更多

最近呢d天氣涼涼地同朋友打下邊爐就最岩，我地最終去咗佐敦呢間大鍋口海鮮火鍋店打邊爐，7點半前離座每人都係$198，可以任飲任食，好抵食😆入到去職員好nice,我地坐卡位，望住彌敦道既景食野，座位又闊落，幾舒服😊湯底方面，都好多選擇，我地叫咗胡椒豬肚湯底，味道濃郁，胡椒辣辣地好開胃，而且呢排濕氣重，食完可以健脾暖胃😆另外，餐廳將醬汁放晒係枱，唔使出去拎，好方便，按自己喜好任撈😆食物方面，睇點餐紙，都幾多野揀，我地叫咗好多野食😋手切肥牛：打邊爐必叫，一d都唔會韌羊肉片：有羊肉騷味得黎又吾會好騷，就算怕騷既人都不仿試下😆海鮮（白膳片，鯇魚片，吊桶仔，帆立貝）：好新鮮，好鮮甜花雕醉雞：本來仲諗住醉雞放左入湯煲後，會吾會冇晒味架，點知入口，原來佢仲保留到陣陣酒香味🤭菜(油麥菜，皇帝菜)：皇帝菜比較少食，原來烚下烚下，又幾好味喎，配埋胡椒豬肚湯，好入味👍鮮淮山：好新鮮，放落湯度做湯底又得，撈起入口又好味，正👍我地仲額外叫咗碟極品肥牛，賣相已經好吸引😍而且份量好足好大碟，肉質嫩滑👍飲品方面，一樣都可以出去任飲飲拎，除咗一般野飲之外，仲有自家製既竹蔗茅根水👍整體黎講，呢間餐廳性價格比高，好抵食😋…查看更多

呢間餐廳環境幾舒服，牆身佈置得好靚，天花燈都整得好有特色😍餐牌都多選擇，最後我同朋友揀咗以下幾款食物：泰式豬肉碎生菜包（$98）份量好足，大大塊生菜包住辣辣地既豬肉碎，好惹味，愈食愈開胃👍泰式火車頭牛肉炒飯（$78）份量好足，好大碗，牛肉肉質嫩滑，肥瘦適中，炒飯亦炒得好入味👍炸香茅軟殼蟹（+$30)賣相好靚，外層香脆可口，外脆內軟，配埋泰式甜酸醬，味道好夾👍泰式拉茶(+$3)泰式拉茶茶味芳香清純，飲完喉嚨仲散發著陣陣既茶香，我覺得好飲過港式奶茶😍泰式魷魚桶（2件）（$128）魷魚鮮味得黎一d都唔腥，而且幾有咬口，配埋泰式甜酸醬，好惹味👍炒椰菜苗（$98）份量好足，椰菜苗好鮮甜，炒得好好味👍好健康，可以食到甘多新鮮既菜😆芒果椰汁糯米飯伴椰子雪芭（$108）芒果好新鮮👍，糯米飯煙煙韌韌，好有椰汁味，整體甜度適中椰子雪芭，入口冰涼，散發著陣陣椰香，口感相對柔軟，好正😍香芧薑蜜（$48）香茅加咗薑同蜜糖，好香，味道好夾，飲完感覺好舒服👍食飽後感覺好滿足，好似去咗轉泰國旅行甘😆…查看更多

同朋友同早幾日去咗啟德，去咗呢間餐廳食晚餐，裡面座位都幾舒服，睇餐牌都多選擇，最後我地揀咗以下兩款：-精選晚市套餐：H. 雜扒意粉（黑椒汁）（$78）套餐包埋牛油餐包同餐湯，我揀咗羅宋湯，羅宋湯少少辣令人好開胃👍加$22有埋沙津，估唔到沙津甘大碟，仲有大大塊饅魚😍雜扒有豬扒同埋牛扒，兩塊扒肉質都好嫰滑，加埋黑椒汁，味道好夾，份量亦好足👍加$10有意大利式雪糕，我揀咗曲奇味，食落去雪糕好滑，甜度適中，好好味👍-每月精選晚餐($178)好豐富嘅晚餐包括牛油餐包，我朋友揀咗忌廉湯，湯好滑濃稠得黎好滑👍頭盤係日式鰻魚薯仔沙津，鰻魚完全冇腥味之餘，肉質柔軟，好入味，沙津食落都好有口感👍主菜係鐵板西冷牛扒拼司華力腸，西冷牛扒厚身得黎完全唔會韌，肉質柔軟，肉味濃👍司華力腸都好大條，好有咬口👍再配埋薯條，好香脆可口，好高質另外我朋友揀咗抹茶味雪糕，我都試咗幾啖，食落去淡淡既抹茶清香，好好味👍食完好飽好滿足，整體黎講，我地都好滿意呢間餐廳，下次有機會再黎試下其他款式既食物😊…查看更多

呢間餐廳係官塘工業中心1樓，地點都幾方便，就係地鐵隔離，我同朋友都覺得餐廳名幾特別，叫「古今二」，一於去試下😋座位好闊落，坐得幾舒服👍睇餐牌都幾多選擇，d食物相都好吸引😍我地最後揀咗以下幾款：龍卷風沙律($76)份量好足，好大盤，擺盤擺得好靚😍，材料有生菜，蟹柳，蟹籽，中華沙律，脆片，好豐富，沙律加埋少少辣既醬汁，食落好開胃👍👍雜錦天婦羅（$88）總共有3款，裡面有蝦，紫薯同秋葵，各有各特色，外皮好香脆可口，唔油膩，亦保留咗餡料既鮮甜味忘不了您（$98）個名好正😍賣相亦好靚，一條長長既卷物，卷物上面有芒果同芥未醬，蛋黃醬等，卷物中間包住炸牛肉，咬落去好脆，再混合埋芝士、芒果同埋芥末蛋黃等醬汁一齊食，味道好夾😍😍果然係一食難忘，同個名好襯😆食完真係「忘不了您」火山（$128）火山好岩打卡，侍應會點著兩邊既海鹽，好似比火龍包圍住甘😍😍賣相超靚佢主要係帶子，青瓜，牛油果，蟹柳，同埋蟹籽，食材好新鮮，好正，好好味👍整體我地都幾滿意呢間餐廳，食物好高質，侍應態度都好nice，好有禮貌，值得一讚👍…查看更多

同朋友去開西灣河，見到呢間餐廳門面都幾靚，又想食下星馬泰菜，一於入去試下先，裡面座位都幾舒服，睇餐牌都幾多野揀，我地最後揀咗：軟殼蝦星洲喇沙米線($78)喇沙椰汁味香濃，除咗配菜之外，仲有魚片，魚片好滑，湯底唔會太辣，反而每啖都有陣陣喇沙既香甜味，軟殼蝦外身香脆可口，內裡蝦肉好鮮甜星州肉骨茶(一字骨)+油條配油飯（$72）肉骨茶好大煲，湯底濃郁，一字骨好足料，好入味，除咗一字骨之外，仲有枝竹同冬菇都好好味，好正午餐仲可以配埋飲品，我地揀咗以下兩款飲品：檳城白咖啡平時港式咖啡飲到悶悶地，可以試下馬拉白咖啡，另有一番風味，香而不苦，幾好架。🥰熱桔仔話梅水飲落去酸酸甜甜，飲完喉嚨好舒服另外再叫做個甜品：榴槤抹茶麻糬($68)真係好好味😍外面係抹茶麻糬，淡淡抹茶嘅清香，裡面包住榴槤肉，食落去榴槤味香濃，榴槤控一定要試😍…查看更多

呢排天氣凍，最岩就係打邊爐，我朋友話呢間餐廳幾有特色，所以帶我黎試下🤣環境都幾舒服，而且坐位闊落餐牌都幾多選擇，望落去幾吸引樣樣都想食😋呢到打邊爐點既醬料都好足料，一盒6格大大盒既醬料盒，好多款式任你揀😆湯底方面，我地揀咗濃厚半隻雞煲花膠湯底($308)，好足料，份量好多，好大煲，雞好新鮮嫩滑，仲有花膠又大大片，好滋補，雞湯好香濃，飲完碗雞湯成個人暖晒，好滿足😍 呢個湯底值得推介👍牛骨汁濃湯牛丸(爆汁)($48)牛丸好彈牙，一咬落去已經爆汁，超好味👍豆苗($48)份量都多，而且唔係間間餐廳打邊爐都有得叫豆苗，難得呢間有，而且都好新鮮👍紅薯粉($33)紅薯粉食落去煙煙韌韌，好有咬口👍而且吸晒雞湯既精華，好入味😋整體黎講都幾滿意呢間餐廳，同埋職員都好nice，下再同朋友會再幫襯🤣…查看更多

早幾日同朋友去呢間樓上舖泰國餐廳食晚飯，裡面裝修得好有泰國特色，牆身既壁畫好靚，同埋座位寬敞，坐得都幾舒服，職員態度好nice，值得一讚👍我地見餐牌都好多選擇😆最後我地揀咗：明爐蒸魚（$172）賣相好靚😍配菜酸酸辣辣好開胃，連d湯都忍唔住飲埋🤣，魚肉既嫩滑又新鮮，好好味，連埋d配菜一齊食味道好夾👍蟹肉奄列（$153）正係賣相已經覺得好吸引，奄列包住蟹肉好鮮甜，撈埋甜酸醬一齊食更加惹味😋芒果糯米飯（$68）糯米飯食落去口感好煙韌，撈埋椰槳一齊食，椰汁味好香濃，芒果都好新鮮好甜👍椰青（$48）好大個椰青份量好足🤣，好清甜，再食埋椰青裡面鮮甜既果肉，感覺好滿足😆好似去完一轉泰國甘🤣…查看更多

呢間餐廳座位都幾闊落，環境乾淨企理，感覺都幾舒服佢餐牌都多選擇，有分午餐同商務午餐，我地最後叫咗2個商務午餐：前菜有餐包同忌廉湯，佢既忌廉湯香濃幼滑，幾正👍香煎澳洲肉眼牛扒配意粉（$123）肉眼牛扒我叫咗全熟，但一d都唔韌，肉質嫩滑，我配蒜蓉汁，食落去啖啖蒜香，撈埋意粉一齊食，味道好夾👍香草烤西冷羊扒配法式芥末醬配飯（$123）外表烤得好香，食到羊既鮮味，又唔會覺得羶，肉質嫩滑厚實，配埋芥末醬仲好味😋追加兩款小食法式田螺焗薯蓉（$28）雖然係小食，但都有6粒田螺，都幾多👍，薯蓉好滑，田螺鮮甜，配埋芝士一齊焗，好香口，味道好夾👍炸吉列大蝦（$18）食落去外表好香脆，但同時內裡亦保留到蝦既鮮味👍飲品就叫咗泡沫咖啡同熱檸水，泡沫咖啡賣相好吸引😍，飲落去奶味香濃，亦好有咖啡香每碟都好大碟而且份量都好足，又好味，食晒成個餐感覺好滿足，而且餐廳職員態度友善，下次會再同朋友黎幫襯😊…查看更多

同朋友行開尖沙咀The One商場，比呢間餐廳既環境吸引到，佈置得好靚，好多靚花，仲有新年既裝飾，我地坐係外面，環境好舒服，可以一邊望住窗外既風景，一邊食野😆 岩晒鍾意打卡既女們😍我地叫咗2個lunch set, 各$138，每個餐包1個前菜（餐湯加餐包），1個主菜同埋1杯飲品或甜品餐包烘得好脆，食落去好似薄餅甘，好正主菜我叫咗意大利肉丸蕃茄意粉，肉丸咬落去好淋，配埋蕃茄味道好夾，仲有幾塊芝士放係意粉上面，岩晒鍾意食芝士既我，好好味我朋友就叫咗波士頓龍蝦意大利飯，龍蝦肉好嫩滑，而且新鮮，食落去好鮮甜，意大利飯都好有口感是日甜品係士多啤梨配雲呢拿雪糕，賣相好靚，士多啤梨好新鮮好甜，一d都唔酸，配埋雲呢拿雪糕，味道好夾，而且雪糕甜度適中，非常好我朋友就叫咗杯Espresso，佢加埋奶，味道好正，好有咖啡香整體黎講都幾滿意呢間餐廳，下次會同朋友再黎打卡食野…查看更多

一入去呢間餐廳，已經覺得呢到裝修得好靚，牆紙又好特別，而且臨近聖誕，佢地仲會特登佈置埋聖誕裝飾，好有聖誕氣氛店員都好友善，好細心，佢知道呢排天氣凍咗，特登話我知除咗凍食之外，仲可以叫熱食，我望佢餐牌都幾吸引🤣🤣睇住d相，樣樣都想試下，最後揀咗Nalu估唔到好大碗，裡面好豐富好足料，幾乎每啖都食到八爪魚，加埋甜粟米，櫻桃蕃茄，和式青葱，蟹棒沙津，配埋壽司飯，全部食材撈埋辛味蛋黄醬甘一齊食，味道好夾而且食材都好新鮮壽司飯好軟熟，我最鍾意佢既八爪魚，好新鮮入味而且份量好多再加芝麻同辣椒碎，辣辣地好開胃，食完真係好滿足整體黎講我都幾滿意呢間餐廳，值得推介，下次會再約埋朋友一齊黎食下佢其他款式既食物…查看更多

呢排天氣凍，好想食蛇暖下胃，一於同朋友去試下中環呢間百年老店蛇王芬睇餐牌，都有好多小菜粉面飯揀我地最後揀咗以下幾款：馳名鴦腸糯米飯+太史蛇羮($178)蛇羹份量好足，蛇肉好有鮮味，加咗檸檬葉好香，一d都唔腥，加埋好多卜卜脆片，幾有口感食蛇羹一定要配糯米飯，簡直絕配🤣好適合冬天食呢間糯米飯黏軟幾有口感金銀蛋扒時菜($100)呢碟小菜好足料，金銀蛋咸咸地配油墨菜味道都幾夾菜遠班片飯($95)菜遠同班片份量都好足，班片新鮮嫩滑黑糖三棗桂圓薑母茶($28)呢個又係好岩冬天飲，甜度適中，香甜不膩，飲完成個人暖粒粒同埋呢間餐廳既職員都幾nice,做野又快手，加埋野食質素高得黎又足料，值得推介…查看更多