monmo28's Profile

耀華中心有好多食肆，Chez Bistro無論境、店員服務質素&食物水準，都達到相當高評鑑。環境夠浪漫，又有feature wall，非常適合包場聚會。餐廳晚餐提供 dinner set，標準價約$400，特定菜式需額外加錢，總共有四個course,前菜，餐湯，主餐同甜品，總體係合理價。未order已經為我們奉上暖笠笠既餐包 – 提子包&餐包。個餐湯白菌忌廉湯，好滑好香，又熱辣辣，飲湯會咬到碎碎蘑菇粒，夠真材實料！頭盤是鵝肝，厚度十足，表面煎至金黃外脆內軟，鵝肝油出黎，但油膩既感覺被蘋果伴菜沖淡，伴碟沙律同黑醋醬都十分開胃。Main Course ordered燒脆皮西班牙伊比利亞羊西冷配羊肉汁，外皮煎到脆脆地，好香口，羊肉5成熟，非常嫩口。仲有薯蓉作伴碟，薯蓉特別在混合其他配菜，有種煥然一新的體驗。見有手工啤酒做promotion，ordered一支indian pale ale飲，果味幾香，易入口，$58真係抵飲。甜品係法式蘋果批伴雲呢拿雪糕，新鮮出爐，熱辣辣。蘋果蓉好香，粒粒果肉，好有口感。…Read More

第一次食六公館，馳名餐廳，裝潢六非同凡響。餐廳位置海港城向玩具反斗城方向行到盡頭，再落地下就到餐廳。餐牌都係散叫，參考過食評，決定叫左幾項菜式：法國龍眼蜜煎金蠔($228)蠔煎到金香，有蜜汁點綴，令味道更昇華更一境界。天竹蘭花膠海螺竹絲雞($238)一人份靚湯，分量十足，花膠仲又大又厚，湯味又夠清香💯桂圓燴和牛臉頰($298)集補身、營養及味道多種元素的一道菜，牛臉頰提供鐵質，煮法配有桂圓紅棗可補身，烹調味道又夠香，完美！松茸羊肚菌海膽繪飯($308)最期待一道主菜，又有好多羊肚菌，海膽大大件，混合繪飯一齊食，百種味道在口中，食完好滿足感覺。杏汁木瓜燉雪蓮子($148)完隻木瓜上已經夠誠意，杏汁甜度剛剛好，仲載有滿滿雪蓮子，食完都覺得皮膚白滑左。…Read More

店員介紹Iberian Ham有別於市面Parma ham, 前者係來白西班牙，黑毛豬係用榖飼養成，而且係自家農場養飼，食落口感的確唔同，沒有肉羶味，香味係慢慢滲透出黎，好特別的口感。帶子及炒虎蝦都好西班牙味道，尤其西班牙臘肉腸味道特別有鹹香味，連埋虎蝦食，又夠爽口又夠香。平時食牛扒，餐廳都會問幾成熟，響forkers，廚師堅守食物質素，煎到眼扒及牛肩都係外熟內紅，唔會覺得太生/過熟，牛肩配有醋青醬，清新得黎帶有少少酸，分外開胃。平時餐湯只為頂頂肚，forker蕃茄湯都是Set dinner入面主角之一，淡淡牛肉香口從蕃茄湯中滲出，湯味又夠rich。餐廳提供新鮮沙律菜及黑松露薯條，仲要係任食添！ 仲有甜品及earl grey tea..Superfull…Read More

好姊妹約在九龍城晚飯，意外地唔係去食泰國野，而係去食意大利西餐-Pavia。餐廳環境令人置身意大利的異國風情的感覺。晚餐選擇眾多，有散叫/set dinner，仲有chief recommendation，最適合有選擇困難症gei我地👍🏻一order完，店員馬上上餐包，餐廳餐包夠哂特別，分別有蒜蓉包及芝麻包，兩種不同的香味，配有熱熱地牛油，又橄欖油及黑醋，完全絕配。48個月西班牙黑毛豬火腿沙律頭盤先黎個Iberian ham，黑毛豬共有4大塊，好香口，鹹香味配上甘甘地味火箭菜，可以balance下味道。精選薄餅 主要有磨菇、黑松露醬、火箭菜及馬蘇里芝士，餅底夠脆，黑松松搭上芝士，遠遠已經聞到陣陣香味。燒西班牙黑毛豬呢款係chief recommendation 餐牌內，的確冇推介錯，表皮燒到有少少係焦，內裡肉質好香口。…Read More

身邊總有個鍾意食放題的朋友，見openrice可以用優惠價$179/人 6小時放題，想也不想就買左。餐廳主打日韓放題，入座先知仲有火鍋提供，有兩款選擇- 日本和牛壽喜燒 or 韓式芝士部隊鍋， 作為和牛控，當然食前者~餐廳食物選擇真係多不勝數同時又涵蓋日式及韓式，有刺身、串燒、鐵板燒、炸物、一品料理、火炙壽司、手卷等等，數之不盡。為左值回票價，我地主攻幾款食物。不得不推介刺身，新鮮肥美，款式又多，三文魚、松葉蟹鉗/蟹棒、象拔蚌、希靈魚等，食左兩round，都仲好想繼續食。另外叫左炸物-吉列廣島蠔、蝦卷、仲希我最愛芝士年糕，款款熱辣辣，又好味！仲叫左火炙壽司&黑松露壽司s，份量的式，一口食完，好prefect，因為咁先可以食更多。飲品有汽水、啤酒任均選擇，一個午餐已經食左晚餐分量，真係大滿足😀…Read More

Lunch Hour 無意間發現一張小店cafe，室內環境令人舒服感覺，放左好多書，令人好想去旅行。cafe係家庭式作業，落order係自助式，需要去counter落，拎Number等菜式上枱。由於lunch正值繁忙時間，落order時，店員已經提醒等上菜需時，最後等左大約15分鐘，時間都接受到。香草豬肉丸意粉配蕃茄醬汁($66)上菜熱辣辣，肉丸味道唔錯，蕃茄汁混有新鮮蕃茄粒，幾驚喜。份量for女仔都ok。Set lunch另配茶或美式咖啡，亦可加$5升級其他咖啡，餐牌有清楚例明。…Read More

同閨蜜相聚總會去有特式的餐廳，今次黎到Manecy Studio Restaurant。 餐廳座落駱克道1樓，位置好易搵到。 呢度主打西班牙菜/德國菜式，餐牌上有沙律、前菜、餐湯及主菜等，另有不同德國腸及西班牙小食選擇。慢煮三文魚扒配薯蓉($208)見到慢煮就即刻order呢款菜式，三文魚肉身稍為過熟一點，但未至於破壞整體口味。薯蓉最欣賞，薯蓉並非一般市面糜滑口，咬口間仍食到粒粒薯仔，好特別。另有配菜配搭，整款菜都好滿足。黑松露野菌闊條麵($168)滿滿野菌在闊條麵底部，搭上黑松露醬，令人食指帶動。而且用左橄欖油去煮，感覺健康。自家製蟹餅伴蕃茄沙沙($98)呢款係西班牙地道小食，口感幾特別，蟹餅用薯蓉製成，外表煎到脆口，仲有粒橄欖粒，中和油膩感。…Read More

點心而家真係想幾點食就隨時都可以食，收工行過 籠太子點心 即興就去左食。室內裝潢中西合璧，牆身顏色夠新潮，但仍保留中國風格，而且座位寬敞，坐得舒服又唔會迫。雖然進駐鬧市分店，但價錢依舊貼地，而且提供到高質食品💯。煎蝦膠釀茄子($22)呢款菜式夠特別，平時釀茄子係魚肉/豬肉餡，呢度廚師用蝦肉釀，真係不惜功本。茄子拉過油，外脆內軟💯精選老火湯($19)見例湯係西洋菜魚生煲豬骨，諗住係一小碗。一上菜，係大碗湯，仲要不含味精。湯味清香。鮮蝦菜苗餃($26)Size大大件，內有鮮蝦及大量菜苗，菜苗嫩滑翠綠，推介之選！蝦餃($30)蝦餃可選擇2件/4件，自由選擇👍🏻 蝦肉分量多，而且夠新鮮彈牙。叉燒包($20)有包點order地方，我一定會叫籠叉燒包。籠太子的叉燒包過然出色，半肥瘦叉燒，令人食唔停口。…Read More

約朋友下午茶，巧遇點心餐廳，就等位進場。 撞正peak hour，人多，同隔離座手碰手，繁忙時間出外進食都是避免不到的現象，周遭食客都算有禮已經係bouns。是日用餐：叉燒腸(圖左) - 味道ok，仲有菜心伴碟👍🏻紫薯流沙包(圖右) -紫薯味唔太重，但流沙包餡料充足，值得一試！鮮蝦豆苗餃(圖右下) -豆苗味道唔錯，價錢抵過叫蝦餃。名醬蒸鳳爪(圖左上) - 分量係抵食，而且豆豉味道濃厚。咖啡金錢肚(圖左下) - 底部有好多白蘿蔔，味道ok,但分量少左d。…Read More

是夜難得光臨CP值高的日式餐廳-心之食堂，環境讓客人充滿家的感覺。是夜用餐：邪惡包($76)邪惡在厚厚鵝肝被大大塊帶子夾住，有些少沙律菜配搭，減少油膩感覺。燒雞腎($38)串燒味道剛剛好，唔會燒焦。三文魚茶漬飯($48)滿滿三文魚飯被茶漬蓋上，三文魚香仍能保持。紫薯甘粟餅($33)紫薯味濃厚，栗子大大粒，好有咬口。彩虹卷($68)有7色壽司卷，有不同口味-青瓜、炸蝦等。心之蛋卷($88)鎮店之一，內有芝士、鮭魚及蟹籽，外有親有蕃茄醬及沙律醬，夠和味。藍碟花白桃乳酸(48)乳酸滲透出白桃香味，味道也不錯。…Read More

媽媽沒煮飯，lunch order PHD，因為可以半個鐘道送到外賣。近期PHD主打大阪燒pizza套餐，有2/3 or 3/4人套餐，主要都係pizza size 係普通批/大批。 我地兩個當然order 2/3人套餐：大阪燒雞肉批(普通) (+$15 芝心批）蒜蓉燒汁海鮮意粉炸雞塊*2(冇影相🙏🏻）飲品*2 - 角切檸檬紅茶 + 百事可樂個人都係喜歡傳統芝心批，香口，pizza餅底亦軟身易咬口，一段時間冇食，有種重拾初心感覺(有點誇😆）…Read More

慢煮風氣已經持續一段時間，但好多餐廳一標磅「慢煮」，菜單價錢都一定超高檔價位，但今日有幸遇到 我愛慢煮 慢煮食材又能提供到平民價錢。美國安格斯牛肉眼12oz ($188)慢煮36小時紐西蘭牛面肉($148)焗卡邦尼意粉($78)芝士四川雞肉薄餅($38)七味一字雞翼($48)大大塊肉眼，慢煮令牛肉滲透出黎，好香，肉身嫩滑。牛面肉真係第一次食，有d似台灣牛肉麵d牛肉，口感比較淋身。雖然香味不及扒肉，但味道不遜肉扒💯。 另外，意粉焗到剛剛好，芝士好多cover哂d意粉。四川辣味好正！ 朋友辣到要叫凍飲，但我遞好喜歡呢種辣😋Mocha($38)滿滿朱古力粉淋在面頭，好正！芒果蜜桃水果茶($38)因為四川辣雞肉pizza而order gei飲品，茶味同水果味道都濃厚。餐牌：…Read More

Firebird算是一間高質日式居酒屋。店員服務有禮細心，餐牌選擇多，網上訂位亦有優惠。餐牌選擇多，有小食/沙律/刺身/壽司/壽喜燒/串燒/炸物/漬飯/烏冬⋯ 數得出幾乎都可以在Firebird找到。我地一行三人叫左幾樣食物, 其中有：特上手握壽司盛合($198)刺身新鮮，而且醋飯及刺身比例剛剛好，可惜每款壽司得一件，食唔夠喉。日本產箱降A4和牛&烏冬壽喜燒 ($278)和牛好鮮好爽口，烏冬就好彈牙，壽喜燒入面有好多配料-豆腐、大蔥得，雖然係二人分，但都好夠食。…Read More

Penthouse 第一次光顧，在金朝陽中心高層，部分位置可舒適咁望港景海景。我地被安排半圓卡位，仲有咕𠱸提供，坐得舒適。餐牌方面，選擇多元化，由starter、湯mains、意粉、pizza、海洋、甜品都有，任君選擇。 店員服務都ok，但留意餐廳要求水，係收費的Sparkling。是日用餐：Truffle Tagliolini ($318)一款精緻菜式，有溫泉蛋，黑松露好香，意粉幼條，配上橄欖油一齊煮，整個配搭prefect match!…Read More

友人強烈推介素食一家品嚐素菜，聲稱大部分菜式都係正.素，即是不含雞蛋或奶製品。 入到餐廳，令人好寧靜感覺，店內有講到餐廳想籍餐廳菜式，令更多非素食人士了解素食菜式，自己第一身體驗，真心更一種體會-素食並非獨孤一味。香煎自家野生竹笙腐皮卷($88)餐廳推選名氣菜，香煎腐皮，但食落絕無油膩感，涵料有木耳絲竹笙及菇菌粒，另有菜心伴菜，畫龍點睛。秘製一家蓮藕餅($85)又是填店之選之一，蓮藕餅中間夾有荔蓉，炸到金黃色，頭面淋有調味料，食唔停口。松子黑松露炒飯($95)炒飯絕無蛋類成分，飯粒出奇地唔油膩，話哂素食餐廳，低油低糖，但又炒出一道好飯，功夫真確不能少！豉汁靈芝蒸龍鱔($72)一道真龍鱔竟然可以由紫菜作鱔皮，加上鮮竹腐皮做魚肉，加上豉椒及辣椒絲一並蒸，功套天功作品！薑茶菊花($38)呢道甜品別具匠心，廚師將豆腐用人手切成花狀，從杯薑茶中睇菊花形狀，睇得出師傅幾花心思在這甜品上，老薑煲薑茶，味道香，飲入口，喉嚨好舒服。法式藍莓芝士蛋糕($22)Cheese cake味道都好fresh，唔會好膩，藍莓醬味道亦剛剛好，唔會太甜/太酸。…Read More