sallychou223's Profile

假日係銅鑼灣行咗陣街，就去覓食！同男朋友入咗嚟呢間乾淨企理嘅泰國粉麵鋪呢排無得去旅行，唯有去食個靚麵當去泰國。叫咗啲小食，就係炸蝦卷同埋豬肉串燒先講炸蝦卷，佢係新鮮炸起，絕不是返炸。香脆可口！蝦肉爽口，非常好食豬肉串燒都唔錯㗎！配上秘製沙嗲醬，簡直一流！再叫了船皇湯麵食 貪佢乜餸都有個湯唔會好咸，幾清甜。 雞翼大大隻好好食 唔同嘅丸類都好出色！啲粉爽口程度剛剛好炎炎夏日，當然要飲返杯柚香檸檬梳打！超級清新啊 直程透心涼呢間泰國麵鋪，又平又好食，會再嚟啊！…Read More

以前中學係港島區，同同學係老銅行完街一定想食甜品hea吓，Via Tokyo個陣已經係我哋嘅選擇肺炎當前，今次嚟到得我哋一枱人，但每個座位都有膠板間隔，地方亦乾淨企理以前嚟到都係食雪糕，原來仲有蛋糕咖啡揀當然，點都要食個雪糕過癮特登揀咗呢個3色雪糕窩夫，因為好想試佢個奶茶味雪糕 最好食當然係招牌綠茶！奶茶稍甜，但都不俗 牛奶亦香而滑之後每人叫咗一件cake，2款其實唔係好甜，唔流，好啱香港人口味。Cheesecake嘅芝士味同綠茶味配合得啱啱好，唔會話某一隻味搶咗另一隻。我亦都好欣賞佢個蛋卷，個綠茶Cream好味到爆！之後每人叫咗杯熱飲(主要用嚟嘆Cake) 我叫了最愛的熱焙茶latte, 朋友叫了黑糖咖啡。賣相好靚，即刻影相打卡 兩杯都好好飲啊，唔會好甜，又好重茶味或咖啡香味總括來說，今次返嚟食真係相當滿意 希望大家得閒都支持多啲香港小店…Read More

男朋友話今日想帶我食日本嘢，本身以為佢會好hea的我去商場食大集團，點知佢竟然車咗我嚟碼頭！嗅到陣陣海水味，聽到海浪聲，以為自己去咗旅行！原來有間日式小店㗎呢度！入到嚟，裝修好日式！ 唔係大間，更顯得地道 一坐底友善嘅店員已放下兩杯熱茶我哋先叫個沙律 - 日本水菜蕃茄沙律大大個蕃茄非常新鮮Juicy! 配埋特製嘅汁，非常開胃！之後緊係食吓串燒！會比個爐仔你燒住，所以慢慢食都得，唔洗怕放得耐凍咗 睇相都知好食 全部都非常香口又唔燶 我個人私心推薦豚肉露荀卷 非常好嘅配搭，又唔怕太油，又健康！我亦好鍾意流心鵪鶉蛋！真係好少見，而且鵪鶉蛋已剝殼，好貼心~淨食串燒男朋友邊夠飽所以我哋叫咗個釜飯！ 釜飯有蛋，香蔥，同埋脆脆！口感好食又特別！非常香口，我極度推薦！多謝男朋友車我嚟，又發掘多間好嘢了…Read More

雖然韓式炸雞係香港開始少見，但有時都想口痕食吓，朋友推介咗利舞臺嘅Dodam Chicken我哋相約Lunch Time食 一啲都唔貴仲幾抵喎環境舒適，我哋早到所以仲有得揀位，遲少少就好多人啦有自助泡菜同粉絲！ 勁好食啊！ 唔會太咸，泡菜又夠辣食lunch set可揀飲柚子茶tim叫咗兩個lunch set，一個係truffle pizza，一個係韓式冷麵兩個set都再各送一份炸雞！冷麵真係透心涼，少少酸，麵好彈牙，勁開胃！Pizza勁香口，鍾意松露香就唔好錯過！炸雞又嫩又滑，正！好抵！…Read More

咁啱係呢頭做嘢，就約附近返工嘅friend嚟呢度食lunch佢話呢間唔錯，又可以吹吓水。Set lunch一啲都唔貴，我朋友叫了西冷，我叫了黑毛豬先黎頭盤，係我最愛的羅宋湯，足料又無味精，同埋好夠熱麵包鬆軟好食主菜黎啦，我朋友個西冷，無乜肥膏，鮮嫩好味，又唔會煮得太老個汁又唔會太咸太濃，不錯。我叫個黑毛豬都唔差㗎唔會好硬。 意粉軟硬度啱啱好。到飲品方面，我叫了薄荷朱古力，朋友叫了特濃朱古力。賣相都值滿分！朱古力都幾rich,飲落幾滑，正！…Read More

今日Day Off，所以同媽咪嚟咗呢間位於銅鑼灣旺區嘅泰國嘢食lunch!其實係我阿媽介紹我食嘅，佢話午餐好抵食，一於試吓。叫午餐menu,有得自助拎湯，蝦片同沙律，任食唔嬲啊！有我最愛冬蔭公湯。蝦片食得出新鮮炸起，沙律都好唔錯媽咪叫了帶子炒粉絲，都幾大份，即刻炒起，熱辣辣。帶子大大粒，勁好味。我叫了海鮮飯。都幾足料啊，有魚，有魷魚，勁抵食飲品方面，我叫了青檸梳打！佢整得幾好飲，唔太甜又夠氣！我阿媽叫個椰汁冰都唔錯，喺天氣炎熱飲返啖，真係透心涼！我哋仲叫咗甜品，仲可以雙拼添！椰汁糕甜而不漏，勁好味！ 啊媽果然介紹得無錯…Read More

臨近中秋，我突登訂咗幾個Tart同家人共享迎中秋！廢事次次淨係食月餅！到咗上環呢間鋪，見到有唔同Tart,但我一早上網訂咗啦haha我當然有訂自己最愛的綠茶味，佢個抹茶拎曬證書㗎！個盒好靚，每個tart仔仲有細盒包住，設計別有心思！哈哈，開黎睇吓係咪無放錯tart呢個係Sesame Matcha Tarte, 好香好濃嘅抹茶加上淡淡芝麻香，勁好食！因為自己粗魯，拎到返去有少少散... 呢個係Lemon Gianduja Tarte, 淡淡檸檬清香，有d似lemon tart焦糖咖啡味，我男朋友最愛，佢話個皮鬆脆，個餡又唔太甜，勁好食！呢個係Mojito 青檸味，我老豆至愛，因為好清新酸酸哋，食咗都唔知肥！總括而言，呢四個tart都唔算好甜，好啱香港人口味，會再幫襯！…Read More

之前係尖沙咀已經試過呢間臭臭鍋 近排聽人講係銅鑼灣開咗分店就心郁郁去試下舖頭裝修企理牆上面擺咗佢地咁多間分店嘅相 台灣感覺即刻返曬黎由於我地之前已經點過招牌鍋 今次一於試下唔同野 嗌咗台式麻辣鍋同埋蒜香牛肉鍋  食臭臭鍋最開心就係佢每款都有好多唔同配料 加埋白飯或粉絲同野飲都只係$88 實在超值野飲除咗跟餐綠茶之外可以加$8轉台式特飲 我地就嗌咗金桔檸檬梳打 佢個金桔係帶少少鹹味 配上檸檬的酸相當開胃 啱曬我地要大刷一餐上野食了～第一個係台式麻辣鍋 相當足料有牛肉片、魚蛋、沙白、魷魚、金菇等等 每樣都有幾舊一啲都唔寒酸仲有公仔麵啱曬個辣湯底 我地叫咗小辣就啱啱好 香得黎又唔會搞到難入口之後就到蒜香牛肉鍋雖然一樣係牛肉做底 但佢地為咗配合湯底都揀咗啲唔同嘅配料 好似粟米 蕃茄咁就夾返呢個mild d嘅湯底 都係一個唔錯選擇～最後因為個鍋太足料 我地幾經辛苦先刷得曬 下次一於要試埋8鍋其他鍋底…Read More

已經拍拖2年，一直慣咗同男友一齊，無諗過，佢今晚竟比驚喜我，帶我食好嘢我地從來都未黎過咁高級嘅餐廳食飯，所以好多謝佢為我準備嘅驚喜覺得餐牌又唔算抵食，我地叫咗二人餐嘆盡佢先黎個特式餐包，偏硬，個醬用咗黑醋香草整，幾開胃好味兩個人都唔係少啊個份量前菜叫咗巴馬火腿，每人一片加哈蜜瓜份量雖少，但非常高質。Crab cake聽男友講係呢度出名嘅，上面係新鮮牛油果醬，個cake真係全蟹肉，唔會加咗洋蔥之類，非常鮮甜好味道個湯都好驚喜，非常重黑松露味道我地main dish加咗錢要Lobster risotto 除咗有龍蝦仲有鮮蝦唔會太咸佢有加到菜，增加個口感 其實甜品都有幾款 我最愛就係芒果布甸 唔會好甜反而好香鮮芒味多謝男友帶我黎食呢餐高質周年晚餐 下年到我準備囉！…Read More

Having a reunion dinner with friends in this cozy place. The environment is friendly and the seating area is spacious. We ordered a party dinner and the amount is food is overwhelming. The smoked salmon salad is fresh. A great starter. The potato wedges are seasoned with ketchup and mayonnaise, which is a great combination. The portion is huge we could hardly finish it. The spaghetti is also delicious with a lot of cheese on top. The meatballs are poured with juicy gravy. The broccoli is also covered with cheese with thickens the taste. The Japanese guoza is twisted with a bit of vinegar sauce. Overall the quality is better than expected. We had a really pleasant dinner with hospitality.…Read More

因為一早book定咗 所以排一陣隊就入到去食！我最鍾意就係帶屋企人黎食好東西！ 今次帶佢地黎呢間高質貴價放題！其實都聽朋友講過吓，但難得今日book到位，又齊人，所以一齊食先到刺身拼盤！呢度有好多款刺身！樣樣新鮮又好味！最正係有其他放題無ge拖羅～（唔洗再食平價拖羅牛油果自我安慰啦～）賣相仲要一百分！其實呢度有d似自助buffet，因為出面仲有好多野食可以選擇！我地夾左d前菜黎食小八爪魚同海蜇係我最愛，唔會太濃味仲有酒可以飲，我選左梅酒出面仲有得拎海膽手卷！海膽好多好鮮紫菜又脆飯好好味其實仲有好多甜品可以食～例如榴連雪糕…Read More

我向來最鍾意食海鮮㗎啦！今日黎到短短係香港已有兩間分店嘅水佬榮打個靚邊爐！我地一家四口，梗係揀航母海鮮食啦呢個海鮮航母鍋，我地叫了海底椰魚湯底，超級鮮甜！Zoom up吓有咩海鮮啦有蟹，有蝦 全部都勁新鮮，食落爽口，又唔霉鮑魚大大隻，貝類都唔少仲有八爪魚添！食到咁上下，係時候打個靚邊爐叫了安格斯特級肥牛 肥瘦適中，超級滑！打落個海鮮鍋仲好鮮甜 下面係腩肉，都唔算肥，幾好另一個推介係魚皮，新鮮炸，索埋湯真係一流…Read More

朋友在尖沙嘴上班，嚐盡公司附近各餐廳，極力推薦這家中菜，於是我便跟家人來品嚐一番，果然沒有失望。小菜來到之前，侍應先給功夫茶我們品嚐。本以爲這只是普通的中國茶，怎知道原來茶十分甘香，而且溫度很適中，很暖胃，為這頓晚餐開了一個很好的頭。不用多久，飯菜便來到了，打頭陣的是合時臘味飯。這個臘味飯十分足料，有臘腸、臘肉等等的肉，臘腸很有咬口，臘肉亦很滑很爽口！！飯更不用說，粒粒分明，又很香口，正呀！最後來的一道菜色是一道甜品，名為蓮子棗皇糕。因爲我是個甜點愛好者，甜品未到之前我已經充滿期待，果然不出所料。蓮子棗皇糕不單止賣相吸引，還很有口感，有咬口。最重要的是師傅把甜度拿捏得非常好，甜得來很有口感，爽。最後，我也很想稱讚一下餐廳的裝修，很典雅，坐下來很舒服！！…Read More

今次近近地去銅鑼灣的極尚大瀛喜聽個名都知係放題高級版先黎刺身拼盤 包羅萬有啊！賣相仲好吸引特別推介帶子，肥美新鮮八爪魚都唔錯，爽口啊呢度仲有泰式生蝦 正！壽司方面我最愛花之戀飯唔大舊 呢個又有魚子蟹子三文魚好靚牛舌串燒都好正，個汁唔係太咸燒得香口 厚薄適中甙蒜香牛肉都好正 勁香口啊！牛肉又唔會橡膠咬唔開咁，火喉控制得好好 一份唔會太多，唔夠再嗌唔洗曬野飲品方面，最驚喜係有coconut water 之前想買都斷曬市個隻，非常清甜！…Read More

男朋友一直都話想帶我食好野今日遇著大家都早放，行左陣街，佢無啦啦話想帶我寫漢堡本身都無咩期望，因為我咁大個女都係食開m記咁佢就話呢間會比到驚喜我聽到咁咪跟住佢行囉～見到呢到d burger有勁多款我自己選了呢個double foie gras beef burger勁大塊鵝肝啊本身都覺得貴但見到之後就覺得物超所值牛唔會煎得太生，鵝肝大塊好味道真係食到笑出黎～我男友叫了呢個soft shell crab burger～個soft shell crab整得好脆！熱辣辣好好味啊食得我勁開心，多謝男朋友帶我黎～…Read More