crystalfoodography's Profile

天后一帶不嬲好多美食，尤其係水星街附近，今日就去咗其中一間位於水星街嘅bar試下。佢裝修幾靚，係呢條街算係裝修特別啲嘅餐廳。佢裏面仲有掟標玩，夜晚嚟飲杯嘢都幾有feel呢間餐廳都幾多人幫襯，去到12點幾1點都幾乎坐滿午餐時間黎食當然要食Set lunch。佢個set lunch包一碗湯或沙律，主菜及飲品🥤粟米南瓜湯：睇落去好清，點知入口出乎意料幾甜喎，不知不覺令到我飲晒成碗特色印尼沙嗲醬配香煎厚雞扒拌飯($62)：塊雞扒真係好厚好大塊，皮脆肉嫩，但係個沙嗲醬略嫌冇乜特別板燒10安士肉眼扒配黑椒汁拌薯條($74)：塊牛扒真係分量十足，見到呢個價錢咁大塊牛扒一開始以為會麻麻哋，點知真係出乎意料喎。我叫咗五成熟，真係煎得啱啱好，食入口外脆內軟一啲都唔韌，又好夠肉味。至於個薯條就有少少失望，好似食緊麥噹噹薯條咁，冇乜特別。如果個薯條可以炸得外脆內軟啲就真係完美啦~整體而言佢係性價比十分之高嘅set lunch，價錢合理而且分量十足，去開附近嘅朋友想平平哋食個高質lunch呢間係值得推介！…Read More

係openrice search旺角，成日都會見到呢間wingman。同佢個名一樣，呢間係專食wings既餐廳😂一睇個menu就有十幾種雞翼味道任君選擇，我個陣揀味都揀左好耐。如果想試勻咁多種味既，我建議你可以試佢既雞翼放題🐥本身係openrice睇，佢餐廳食物係偏韓風既，但係入到去既裝修風格竟然好香港，幾打卡able今次我就少少地揀左Netflix & chill呢個拼盤，有18隻雞翼(三種口味) + 1個配菜🍟我地2個人食都超飽Spicy buffalo | Wingman水牛城醬：呢條係舖頭自家製既水牛城醬，食入口個下多左d酸甜醬既味道，比普通既水牛醬再辣dHoney Wasabi | 日本蜂蜜芥辣：呢個係三種味最好食既🤤個醬令我食極冇停過口，不過個芥辣就冇乜味，所以似食緊蜂蜜雞翼多d🫢Cali style | 巴馬臣芝士蒜蓉味：呢個係我揀唯一一款乾身係雞翼，相比起濕身既明顯冇咁入味，同埋唔係好食得出芝士味，呢隻味相對有少少失望Truffle fries | 松露醬薯條：呢個松露醬又真係幾出色喎，鹹淡啱啱好，松露味有夠，薯條做到外脆內軟(左) Passion fruit lemonade：呢杯酸酸地幾好飲，可以消下滯(右) Blue cloud: 呢杯唔太推薦，唔知點解冇乜味😂😂…Read More

金鐘一帶有好多外賣餐廳，一到食飯時間就迫滿曬人，又要等攞外賣。今次試左呢間外賣店非常方便，可以whatsapp落單，揀好攞外賣時間，夠鐘就可以落去攞啦~佢既午餐包主食同小食/飲品，怕唔夠飽既，可以叫佢是日精選既set就可以免費添飯/麵，唔就唔怕食唔飽啦🤣今次我叫左2個set紅燒牛肉.白花枝丸濃湯燉讚岐烏冬：呢碗紅燒牛肉烏冬幾好食，大大舊牛肉一d都唔韌喎，d蘿蔔都幾入味，湯底濃味，不過略嫌鹹左少少烤台灣腸.烤魚角 滷蛋肉燥乾拌烏冬：正正常常既小食配拌烏冬，台灣腸同魚角都有煎過，所以口感好好😋至於個拌烏冬幾足料下，d汁足夠食曬成碗烏冬有突，不過今次個汁就略嫌甜左少少啦😂😂個肉燥係半肥瘦，有咬口蒜蓉椰菜：不過不失既蒜蓉椰菜😂有蒜香味，就咁食唔會覺得太清淡冰胎菊桂圓蜜：呢杯桂圓蜜真係出乎意料好飲喎，我成日怕乜乜蜜類既飲品都會太甜，點知呢杯野串我啱好，飲曬成杯都唔會覺得個口好甜，反而令我飲唔停😂😂個桂圓味幾突出，唔會似淨係飲緊蜜糖咁…Read More

成日去開太子、荔枝角一帶都係試文青cafe，今次就去試左間新開而且特別d既法式fusion菜～唔知係咪新開，佢地lunch只有午市套餐，同少量小食供應，試唔到d特別既小食。佢地既佢個set lunch係一個飯/意粉，配個餸，再配杯飲品，非常飽肚~呢2碟係前菜黎，前面個碟係檸檬醃馬蹄，酸酸地幾開胃，個口感同個味都好似食緊蘋果咁。後面個碟係漬蕃茄仔呢個海鮮蘑菇湯有令我耳木一新既感覺🤩首先係佢個杯好正🤣用中式杯裝西式湯，係真。fusion。另外，佢個湯用左蝦、花菇、蟲草花去煲，煲出黎好似中湯湯底好清而且好甜，但飲入口又有西式海鮮湯既感覺，幾正呢個半熟紅蝦意大利飯好入味，個飯甜甜地，一d都唔硬。不過我略嫌個半熟紅蝦口味有d怪怪地，可以係我食唔慣😉呢個野菌意粉好creamy，好好食！佢係素食黎，而且份量好足，個醬creamy得黎唔太厚，食完成碟都唔覺得膩鵝肝牛扒呢個配搭真係好正🤤塊鵝肝一d都唔膩，反而係塊牛扒dry左少少🤏個雞卷好食！睇到都覺得件雞肉好juicy，肉質啱啱好，塊皮仲要係脆既🤭呢杯match latte係正宗咖啡底，初初我以為係會牛奶偏多既，所以先叫。點知佢係好濃既咖啡味，冇乜奶味，亦都蓋過左抹茶味。如果你同我一樣唔係太好咖啡既，呢杯latte就未必啱你啦~但飲開咖啡既我覺得可以一試我地仲叫左個黑松露薯條，炸得非常好，外脆內軟，而且個黑松露醬味道剛剛好…Read More

西營盤開左好多餐廳，行入內街成日都會發現到好多特色餐廳。今次呢間餐廳係用啤酒做招徠 佢成幅牆都放滿啤酒，任君選擇。如果你又想飲，但又唔太分啤酒種類，餐廳既職員都好耐心介紹比你架~ 而且佢地唔收加一，所以性價比幾高下架～我地6點鬆d入座，去到7點未夠已經full曬，勸大家book book位先好去啦～挪威三文魚玫瑰（$58）：同出面一般既煙三文魚差唔多，冇乜特別，不過勝在份量都幾多下既墨西哥脆辣雞翼鎚（$68）：呢個雞鎚外脆內軟，好juicy，只有少少辣，d汁啱啱好掛上雞槌，所以冇一般水牛城醬汁咁咸，食得多都唔會膩美國安格斯牛板腱扒（$128）：塊牛扒幾大塊下，佢地preset係5成熟，肉質啱啱好，一d都唔韌，唔點醬汁都好夠肉味。至於個薯條都值得一讚，厚切薯條炸得外脆內軟，好夠香口😋法式油封鴨腿（$128）：隻鴨髀層皮煎得好香脆，我略嫌鴨肉韌左少少Mateus Rosé （$68折）：呢支白酒細細支，啱曬一個人飲，入口好香甜，啱曬女仔飲…Read More

香港有好多特色小巷穿梭係中上環一帶，今次係pmq附近既一條小巷發現左呢間係中上環區價錢合理而且性價比幾高既西餐廳。佢門口以流心牛角包做招徠，我咁鐘意食牛角包一於入去試下。佢午市有set lunch，$148 (+10%)有齊前菜、主菜、甜品同飲品，保證食到你飽🤤Japanese Crab Paste Lava Croissant (+$48)：呢個係成餐飯我覺得最好食架！！！爆漿蟹膏流心牛角包！！！佢個蟹膏量好多，好濃厚但係一d都唔膩，仲唔腥添。連埋d蟹籽食真係好夾。至於個牛角包送到上枱仍然好酥脆，層層分明～～🥰🥰Signature Lobster Bisque Lava Croissant：呢款係龍蝦湯流心牛角包，個味都好好食，有好濃郁既龍蝦味，但唯一美中不足既係個湯稀左少少，如果食得太慢就會浸淋曬成個牛角包Cod Fillet (+$18)：呢道銀鱈魚都ok既，個醬汁調得好好味，但係條魚我就嫌'鞋'左d（唔知係咪呢種銀鱈魚既口感係咁既呢🤭）High Protein Hanger Steak (+$48)：名附其實既高蛋白餐～份蛋白真係好大份，但煎得幾好一d都唔老，至於塊封門柳就略嫌韌左dd，唔多既醬汁，可以食到塊封門柳既原汁原味，如果真係想食健康餐既朋友，呢份係值得推介既Sous-vide Creme Burlee ：呢個焦糖燉蛋好好食😋可能因為係慢煮關係，所以個燉蛋實得黎夠creamy既口感，好滑，而且甜度啱啱好Sous-vide Cheesecake：芝士蛋糕就不過不失啦，都ok既Sparkling Peach Chessy (+$35)：呢杯係芝士奶蓋配有氣桃味果汁，味道幾清新唔太甜，有氣果汁配奶蓋又幾夾喎…Read More

南將軍澳係新發展區，個頭起左好多好靚既私人住宅，住宅區入面都好靚，好似香港後花園咁😍而入面都有好多靚靚既餐廳😍 Café、冰室、日式⋯⋯咩都有！今次就揀左去食韓國餐廳Seoulmate😆😆1. 一嚿雲下的忌廉蟹肉蘑菇飯呢個可以話係呢間餐廳必嗌既菜式🤣🤣因為佢個樣真係一嚿雲咁，超可愛！（仲有一個烏卒卒火山版本）本身好好奇佢點做到呢個雲既效果，食落就發現原來佢應該係發起左既蛋白🤣🤣篤開嚿雲就會發現到蟹肉飯既真身（唔記得咗影🥲）！食落超香蟹肉味！同行既家人就話覺得腥🤣🤣所以怕腥既人可能要留意啦！🤣🤣2. 韓式醬油燒腩肉拌麵主角腩肉同埋泡菜就咁食真係好咸！！！不過佢叫得拌飯，其實應該係想你撈埋食，唔係就咁食🤣🤣🤣🤣將d腩肉撈埋d配菜同飯，味道即刻中和左，咸度岩岩好！3. 韓山雜莓芝士忌廉窩芙呢個窩芙有驚喜啊！雖然唔知點解佢叫芝士忌廉，食落好似係普通忌廉（有冇人食完可以解答下我？🤣）但個窩芙真係出色！佢係外脆，入面係好似加左糯米粉咁，煙煙韌韌，我好鍾意呢個口感啊😆😆😆4. 士多啤梨奶昔雪山呢個奶昔就有少少失望。入面飲落仲有好多碎冰塊，打得唔夠綿密🥲不過味道同外觀都是可以的！唔怕奶昔入面有冰粒的，都可以試下。小提示：食物都算大份，記住唔好叫太多食唔晒啊！…Read More

喺將軍澳地鐵站一帶都有好多商場，今次就試吓去遠少少，過對面馬路天晉匯嘅商場行吓。之前我都有去過天晉匯入商場，買嘅嘢講真唔多，反而食肆就多好多，仲要唔同國家嘅美食都有，媲美得上地鐵站上蓋啲大商場。呢間餐廳喺天晉二期商場地下行到算係最埋嘅位置，佢勝在招牌夠大，好易就搵得到啦～間餐廳出邊都有位置，冬天嚟食都幾唔錯。入到餐廳入邊，氣氛幾唔錯，位置都幾舒服。餐廳嘅侍應服務態度好好，我同朋友諗唔到食咩隨口問吓佢哋，佢哋就推薦左以下嘅意粉同豬手。初榨純橄欖油蒜香白酒煮紐西蘭海鑽蜆扁意粉（$188）：碟意粉送到上嚟就聞到好香嘅蒜蓉味，而且見到啲蜆肉大大隻，完全冇縮水，食落仲仍然好鮮甜。唔知係咪用咗橄欖油，啲意粉食落口好香但又唔會油膩德國香脆鹹豬手配薯仔沙律，酸椰菜及蜜糖芥末醬（＄268）：個鹹豬手真係出乎意料咁好食，層皮真係好香脆，而且啲肉仍然保持到好鮮嫩，一啲都唔鞋。鹹豬手嘅味道啱啱好，唔會過分鹹，所以就咁食都OK。佢下面有薯仔沙律配俾你，同埋有啲酸酸地嘅椰菜，夾埋一齊嚟食減少油膩嘅感覺偽鴛鴦：呢杯飲品好特別，佢最底嗰層可以選擇朱古力或Tiramisu，中間嗰層就係暖粒粒嘅奶蓋，而面頭係雪凍左嘅咖啡磚。當D咖啡磚溶晒嘅時候，就會變成mocca。我本身唔係好飲咖啡嘅，但係覺得呢個飲品幾特別所以試吓，佢keep住都有陣陣嘅咖啡香，而且冇嗰種好苦嘅咖啡味，整體來講杯飲品甜甜地，非常易入口。Frozen：呢杯係薄荷芒果菠蘿嘅配搭，飲落去好fresh，啱晒黎解膩，最近咁熱嘅天氣飲係非常好…Read More

平時食開特色菜都係去尖沙咀、銅鑼灣一啲比較多人推薦嘅店舖，今次我同朋友想去啲特別啲嘅地方食特色菜。而我地不嬲都知道銅鑼灣糖街係印尼舖林立嘅地方，我哋今次一於試吓去嗰頭覓食，睇吓有冇啲正宗嘅印尼菜。呢間印尼菜館門口有甜品同埋飯盒賣，行入條街冇幾耐就見到，而且都不斷見到有印尼人買飯，所以就決定試呢間！入到去餐廳，有九成都係印尼人，見到佢哋個個都戴手套用手食飯，已經比我覺得好地道。印尼小食拼盤：呢個小食拼盤係清一色炸物，有秋葵、雞翼、黃豆餅、雞塊同豆腐。佢所有食物都係啱啱炸起就攞出嚟，所以熱辣辣好好食。我覺得咁多款入邊最特別嘅係黃豆餅，佢非常真材實料每一啖都有豆，仲要好大粒，不過我唔太鍾意黃豆浸味，如果鍾意食豆類嘅人應該非常鍾意。至於雞翼同雞都炸得好嫩。巴東牛肉班蘭飯：呢個飯真係好好食，一開始以為巴東牛肉會係辣嘅，點知個牛肉汁好甜好好食，而且啲牛肉煮得啱啱好又好入味。至於個飯，係意料之外咁好食，佢有好濃郁嘅班蘭味雞配花膠粉皮：呢個係其中一個餐廳必食推介，食完之後我都非常之推介。首先佢嘅雞好滑同埋每件都幾大舊。，至於花膠粉皮先係我要大推嘅，湯底超級甜而且又大大嚿，至於佢用粉皮我覺得好新奇，好似食緊腸粉咁，而且非常掛湯汁😚椰汁冰：佢杯椰汁冰真係超大杯，滿到瀉，溶左之後都好濃既椰汁味，證明係真材實料既👍整體來講，每樣食物都非常出色，係會返食既餐廳！…Read More

觀塘工廈平時就去得多，今次去離觀塘地鐵站遠少少嘅地方-協和街。呢條街係好近裕民坊，都有好多好好食嘅美食。成日都特登走去搵美食，今次就想食啲清淡啲嘅嘢，行過一間專食魚蛋粉嘅餐廳，就想入去試吓。餐廳基本上同出邊普通魚蛋粉舖其實都冇乜太大分別，有唔同種類嘅粉面同飯俾你揀。但係最特別嘅係佢竟然有火鍋食添！由於天氣太熱，所以今次就冇試到佢嘅火鍋，我只係嗌咗魚蛋粉嗰啲姐。樂園四寶丸（ $42 ）：四寶丸包括魚蛋魚片頭豬肉丸同雲吞，呢四寶都好大件，而且都幾甜幾好食崩沙牛腩魚片頭雙拼（ $58 ）：崩沙腩每日都係限量供應，我覺得佢軟硬度啱啱好，而且有連住少少脂肪，所以食落口唔會太乾同鞋。我最鍾意嘅就係佢塊魚片頭，真係超大塊。不過我略嫌佢個湯底唔夠甜，我再甜啲成碗粉就超好食啦。基本叫任何粉面類都可以加$10要個菜最後我最想讚嘅係佢辣椒油，真係好香好好食，佢用咗大量嘅炸蒜去整呢個辣椒油，撈左落魚蛋粉就有好香嘅蒜味。…Read More

新蒲崗最近係個覓食的新天堂，越來越多食肆林立。今天去開新蒲崗，又心癢癢想食日本菜，所以上網就搵到呢間餐廳。佢係開係近黃大仙個邊，係內街黎，但唔算難搵，周圍好似得佢一間餐廳。我個日成2點幾先去食，餐廳基本上都坐滿人。餐廳幾大幾闊落，坐起黎幾舒服。基本上佢午市有散叫亦都有定食。我見餐廳大部份人都係叫定食，所以我都係叫左兩份唔同既定食。佢定食一定係送麵豉湯同沙律。我想特別讚下個沙律，上面個兩塊蕃茄係出乎意料好食，佢配左甜甜地既醬，同埋似係烘過少少，食入口完全冇個陣生蕃茄味，好正☺️海膽三色丼（$128）：個海膽好出色，好鮮甜，完全唔腥，而且自己一個食曬都唔會膩。我最鐘意佢搭埋幾塊紫菜，將魚蓉、海膽、飛魚子同埋日本飯夾埋落紫菜度，個口感好正好好食。而且佢個飯底攞到嚟依然係暖嘅，同埋個飯酸度啱啱好，令你有種想繼續食嘅感覺。但相較起嚟佢個魚蓉反而就失色咗少少啦，我唔係好特別食到鮮甜嘅魚味。日本黑豚肉眼定食（$98）：一開始睇個樣以為係好普通嘅炸豬扒，點知食入口又有驚喜喎。個黑豚肉眼炸到出嚟啱啱好，一夾起仍然好juicy，啲汁係咁流出嚟，所以食入口塊肉唔單止厚實，仲好冧😋飲品你可以選擇汽水、加$10轉波子汽水、甚至叫其他飲品。今次我哋就叫咗兩種唔同口味嘅梳打，因為定食餐飲唔包梳打，所以要比原價嘅。我覺得呢兩隻梳打都好好飲，只係甜咗少少。…Read More

好耐都冇過去淘大個邊覓食，沿路見到好多餐廳已經轉過好幾次，跟住咁岩比我見到一間專食釜飯嘅餐廳，好奇上網search，點知係OpenRice熱店，當然即刻入去食啦！基本上佢叫飯就可以加$18轉套餐，包一款前菜、麵豉湯同一杯飲品。佢嘅前菜係我出乎意料嘅，酸青瓜配上凍鰻魚，出奇地好食。唔好以為佢係前菜所以舊鰻魚會偏細，點知嗰幾粒鰻魚都好厚好好食金魂鰻魚釜飯 （厚）($138)：佢基本有金魂同銀魂兩種鰻魚飯俾你揀，而每種鰻魚飯都可以再選擇鰻魚嘅厚度或油膩程度等等。你可以根據自己嘅口味去選擇，由於我好怕食太油膩嘅鰻魚所以就揀咗厚既鰻魚。佢塊鰻魚真係非常之厚肉，食落口都好甘香，雖然係好厚肉但仍然保持到鰻魚嗰種油膩感😋鰻魚芝士玉子燒（ $68 ）：呢份玉子燒比起另一款價錢較貴，但係真係好食好多，玉子燒煎得好嫩啱啱好，而且夾埋芝士鰻魚甜甜地，好夾😍黑松露玉子燒（$18）：呢個玉子燒講真有少少失望，個蛋好老😅梅干手羽先（$28）：隻雞翼食落去有淡淡的梅味 ，而且佢炸得啱啱好，啲肉唔會太老，層皮亦都唔太厚焦糖番薯（$28）：我好鍾意食番薯，所以當店員推介嗰陣我就叫咗啦，講真佢舊番薯本身唔甜，但好在佢面頭加咗焦糖，令到舊番薯啱啱好榛子醬燒年糕($28)：佢份燒年糕好煙韌，但係記住趁佢熱仲有軟綿綿嘅口感一定要即刻食，因為凍咗之後舊年糕會偏硬…Read More

今日啱啱完sem就想搵間放題慶祝下，不過平時食得多日式放題，所以就想試下其他類型既。係openrice到碌碌下比我見到間食串燒放題既，不過就唔係平時個種「燒嘢食」放題既感覺，而係川式麻辣燙。呢到門口先知佢做緊全日優惠$128/位，另加$30飲品放題，所以諗都冇諗就行左入去啦佢舖頭唔算大，座位唔多，但可以保持到適當既距離。我去個陣係3:30下午茶既時間，但都坐滿人，我估都應該唔錯既🤤佢基本一枱係一碗大湯底，有唔同辣度比你揀，我本身唔係好食得辣，所就揀左bb辣，都幾過癮。佢首先會推薦你試下佢d小食（都係任食架）棒棒雞：係涼拌雞絲粉皮走粉皮蒜泥青瓜：酸度啱啱好，一路食串串一路食青瓜中和下，不錯不錯麻辣千層肚：佢既麻辣有d似譚仔既，不過冇咁鹹至於串串，選擇上我略嫌少左d成都小香腸：我覺得係變奏版既小臘腸😂泡椒牛肉：食落口有點酸😂同埋咬到辣椒籽好辣佢d內臟出乎意料，全部都大大舊，食到啖啖肉既感覺。特別係雞軟骨同鴨舌，真係好大粒🥰成都老冰粉：呢個係甜品，個味食落似新年食個種透明長形半硬糖，鐘唔鐘意就因人而異啦~~我自己就覺得幾ok既…Read More

呢間出名堅果奶既人氣手搖飲品店已經聽聞左好耐，一直都好想去試🎗🎗🎗今日難得得閒就特登過去鰂魚涌個邊試下佢！！行入海光街冇幾耐就會見到間舖頭，招牌好大隻字寫住nuttea，而且舖面夜晚好夠光猛，行過一定會留意下。雖然佢係清一色用堅果奶，但係佢勝在款式夠多，有奶蓋茶、就咁堅果奶，甚至水果茶都有。對於選擇困難症既我，第一次黎試一定係叫佢推薦既飲品。伯爵朱古力堅果奶（$47）；呢個係店舖極推薦飲品👍真係冇錯係超好飲！我最鐘意係係個朱古力味既cream，佢打得好綿好滑，食入口又唔膩喎，感覺上點食都冇罪惡感🙊個cream係幾濃味既，所以相對黎講個伯爵茶底我就嫌淡左d。不過飲到咁上下將兩者溝暈個味又咁咁好喎😂黑芝芝堅果奶（$40）：相對起伯爵個個，我就覺得呢杯口味冇咁大眾化。如果你係好鐘意食芝麻糊個類好重芝麻既人就一定啱你。講真，我完全冇諗過佢芝麻味係咁重，飲完一啖成個口腔都係滿滿既芝麻味。雖然係咁，芝麻味又冇蓋過堅果奶既味，你仍然係好清楚自己飲緊堅果奶而唔係鮮奶🥛…Read More

奧海城不嬲出名多野行多野食，我之前都冇刻意尋覓過有咩食，今次難得有時間，所以特登行遠少少過去三期個邊。我一直以為係商場入面先多選擇，點知係商場外圍仲多！我就揀左間食泰國菜既餐廳。間舖其實幾細，不過好在可以係室外加位坐，呢排天氣又好又冇咁熱，坐出面都幾好，仲好有泰國坐係路邊攤食野既風味。餐廳入面所有侍應都係泰國人，態度超好👍 餐廳有set lunch可以叫，而且價錢相宜，不過今次想食d特別d既，所以散叫左。鮮蝦扎肉米紙卷（$68）：個米紙卷分量比我想象中大，超足料，大大隻蝦同芒果，有種好refreshing既感覺，而且層皮幾薄。如果你平時係食開濃味少少既，佢有個泰式雞醬比你點，惹味好多。不過唔知係我食得衰定包得唔夠實，我一食個卷就散開曬😹酸辣檸檬汁蒸鱸魚（$148）：呢個鱸魚真係好好食！本身諗住舖頭細細，對條魚既期望唔係太大，點知食完出乎意料。佢上菜時會比多碗酸辣汁你，以防煲太耐唔夠。個酸辣汁好正，唔太辣，但又夠酸，好開胃。佢周圍既配料好足，令成條魚都好入味，而且係魚一路煮都唔覺得太老。我建議大家等佢滾多陣先好開始食，咁樣d魚肉會入味好多，而且真係要配返個飯🤤始終就咁食會偏鹹。青檸蘇打（$28）：我幾鐘意食酸野，所以略嫌青檸少左d椰汁三色冰（$30）：佢既椰汁真係幾唔錯，不太甜（我既意思唔係淡，而係冇死甜既感覺）…Read More