babyleg的个人专页

久不久都會落旺角買嘢，好多次都經過呢間叫陳儀興嘅牛什粉麵，見佢個名咁得意，今晚唔想食飯就入去試吓今晚唔太肚餓，叫咗個崩沙腩淨食一個腐乳通菜，一個小食，同一杯鹹檸七崩沙腩嚟到份量都大下低仲有生菜同蘿蔔墊底，崩腩入口夠腍，旁邊有條油脂，同肉混合回味無窮腐乳通菜通菜翠綠可口，腐乳醬可能是店內調製，不太鹹，配合通菜非常美味小食我要晒有蝦棗，炸雲吞，墨魚條，炸魚條炸魚皮，樣樣都炸得香口，蝦棗外脆內軟，內更有蝦肉十分鮮味鹹檸七附上樽裝汽水，夠曬氣店內環境整潔乾淨店員亦十分友善，笑面迎人…查看更多

最近同事話喺旺角試咗一間新嘅海鮮蒸氣鍋又平又好食，位置就喺旺角彌敦道575號駿盈中心6樓上到去望望餐牌見到應該係同事嗌嘅龍蝦海鮮蒸氣鍋餐餐牌裏邊有10樣食物：龍蝦大概蒸6分鐘到，雖然係得半隻，呢條龍蝦肉都好大件，肉質鮮甜，好鮮味鮑魚厚肉，新鮮彈牙，充滿鮮味生蠔鮮味，體積比較小海蝦新鮮彈牙蜆肉蟶子鮮甜冇沙娃娃菜及南瓜健康之選牛肉薄切有牛肉味，入口即溶黑金流沙包甜度剛好，熱辣辣，軟綿綿，十分滋味店內環境乾淨整潔，座位寬敞店員十分有禮，笑面迎人…查看更多

最近同事介紹我食銅鑼灣一間星加坡菜，今日見放假就去試吓我見出名嘅有招牌菜式有奶油麥皮軟殼蝦同埋榴槤咖啡骨，之後再叫咗一個榴槤爆醬同埋一杯美祿爆炸奶油麥皮蝦奶油麥皮蝦有12隻，係軟殼蝦可以連皮食，啲麥皮係甜脆嘅，好好食，成碟食晒，蝦炸得乾身，外脆內軟，蝦肉新鮮，連埋麥皮一齊食口感特別榴槤咖啡骨一上枱就聞到淡淡嘅榴槤同咖啡味，有8件，佢係一字骨咬落去肉腍，有肉汁，味道好有層次感，咖啡榴槤汁裏便仲有榴槤肉，食到停唔到口美祿爆炸面頭佈美祿脆波，仲有塊美祿夾心餅，脆波下仲有一層厚厚嘅美祿粉，口感香濃，邪惡之選榴槤爆漿一上枱已經聞到濃香嘅榴槤味，三層烘得酥脆多士，第一層係貓山王榴槤醬加開心果，第二層及第三層係咖央醬加厚切鮮牛油，碟上面仲有濃濃嘅朱古力醬，口感及味道都好有層次感，令人停唔到口，卡路里爆燈，超級邪惡之選店內環境環境乾淨整齊，有多款座位設計店員親切有禮，食上卓桌後，亦有詢問對食物意見及質素…查看更多

今晚唔使返兼職，落旺角買嘢同去春城銅鍋米線食晚餐米線揀咗酸酸辣辣銅米線，兩餸要香炸豬扒同唐揚炸雞件米線用銅鍋上，可保持溫度，湯底要咗小辣，配料有肉碎，芽菜，腐皮，酸菜，木耳絲，甜酸菜，飲一口湯少辣酸辣惹味無比香炸豬扒十分貼心，已將豬扒切件，方便進食，豬扒炸得香脆好Juicy唐揚炸雞件上枱份量十足，有五大件外皮炸得香脆，雞肉有肉汁，香口惹味炸脆脆蝦膠豆卜上枱時，熱辣辣，咬一口，外脆內軟，再點埋泰式甜辣醬，甜甜辣辣，蝦膠鮮味彈牙，令人停唔到口鹹檸七食辣嘢一定要飲汽水，加上鹹檸，消暑解渴叫咁多樣嘢，都係百零蚊又好食又抵食店內環境乾淨整潔，店員10分友善，另外尖沙咀亦有分店方便我去尖沙咀可以幫襯…查看更多

朋友邀請我去尖沙咀食晚餐，佢已經有心水餐廳，就係The One 係開放式設計，見到廚房乾淨企理，感覺良好，座位亦寬敞舒服，侍應親切有禮以下係我哋點嘅菜式 越式拼盤 $138越式拼盤小食有蝦餅、越南春卷、蒸粉包同埋燒香茅豬頸肉，賣相唔錯，蝦餅炸得香脆，彈牙多汁，餡蒸粉包料超多惹味，同埋炭燒豬頸肉燒得脆、又多肉汁。牛油雞翼 $78牛油雞翼一上枱超香牛油味，又超多蒜蓉，賣相吸引！雞翼炸得香脆，肉軟嫩又好juicy，，牛油味加埋蒜蓉味好夾又惹味，食到停唔到口。越南咖喱牛腩鍋 $108牛腩份量十足，肥瘦適中，燜得幾腍，亦有大大件牛筋，又腍又滑，滿滿骨膠示原，配搭材料有粉腍薯仔、香口洋蔥、青椒和辣椒，咖喱汁有淡淡椰汁味少辣且甜，有層次感，十分惹味。百香果綠茶 $36天然果香嘅百香果加埋綠茶很配，鮮甜微酸，帶百香果籽，配搭香醇回甘嘅綠茶，清爽怡人！食完先見到餐牌上面有特別菜式：越南菜 X 限定小黃牛肉粉系列-匙炳/吊龍/雪花下次再試下…查看更多

前排太忙，然後今日提早做完就就諗住去放鬆吓，打開OpenRice就見到呢間新開嘅酒吧，見到好 唔錯又喺附近，打電話book位。一到咗服務人員就帶我入位。原本我就以為佢哋嘅食物唔會太大 份，所以就點咗幾道菜。當服務員上菜嘅時候我就知道我一定是唔晒，都幾大份嘅。首先就有蕃 茄梅醬燉牛肉，佢哋嘅招牌菜。⚠⚠一打開蓋子就先聞到好香嘅香味，令我迫不及待開動，嗰牛肉嘅肉質鮮嫩多汁，蘿蔔也煮到軟軟 ，搭配番茄梅子醬，很開胃!再來就係佢哋嘅焗鯖花魚燴飯，魚肉嘅份量好大方，一啲都唔孤寒。 下邊嘅飯充分吸收咗醬汁，令成道菜唔會食到乾乾，梅果嘅味道添增咗唔同嘅味道，好食! 炸 雞配蕃茄梅子醬最后到呢一道小食搭配我杯飲品。冇諗到炸雞搭配酸酸甜甜嘅味道會係咁夾，最 重要佢哋嘅炸雞炸到外脆內嫩，所以口感一流，味道都一流。最後全部都食晒，真佩服自己嘅食 量😋…查看更多

朋友話西環有間意大利餐廳食物味道唔錯，約我同佢一齊去試吓。啱啱好我仲未食晏，就決定同 佢一齊去。呢度環境好高級，仲有啲好有藝術感嘅相，睇完忍唔住影咗幾張。我哋睇咗吓餐牌，就 叫咗個午餐套餐。White coffee:咖啡好香濃，好滑，飲落仲有咖啡香，鍾意飲咖啡嘅朋友千祈唔好錯過!鮮蝦沙律:朋友叫嘅沙律好新鮮爽口，蝦都好新鮮，鮮甜多汁，加埋甘筍本身特別嘅風味，成個味 道真係正!而且份量都好足，食得好爽!香烤雞扒:雞扒烤得好香脆，外皮金黃酥脆，配住紅醬一齊食，味道更加濃郁!另外仲有牛角包窩 夫同芝士做配搭，成個口感更加多層次，一個字，正!蝦肉牛角包窩夫:我第一次食到有蝦肉嘅窩夫，而且味道仲一流!牛角包窩夫食落脆卜卜，配住 彈牙嘅蝦一齊食，味道好豐富!而且仲有牛油果做配搭，完全唔會滯!我哋兩個人都食得好飽，仲約咗下個禮拜再嚟!…查看更多

最鍾意呢間放題餐廳！2個鐘任食任拎，輕輕鬆鬆就回本，啲肉質真係冇得彈，就連海鮮都超新鮮～正呀🤤牛肉豬肉雞肉任你拎，食到好飽好開心🤩「和牛西冷」一上枱真係嘩咗一聲😳 真係勁大塊西冷！見到啲紋理咁分明就知好高級，燒到五成熟嗰陣牛肉味散發出嚟，嫩滑香甜好過癮～「和牛牛肉角切一口牛」餐廳好貼心已經切好一口嘅份量，輕輕燒一下就可以一口食落肚～肉質鮮嫩飽滿，配埋生菜一齊食可以解膩😌「牛里脊肉」里脊肉都係我最鍾意嘅部位之一！燒完之後肉質仲保留住細膩嘅口感，原汁原味唔加任何一點調味料已經好好味！❤️「和牛牛肋條」牛肋條肉質肥瘦相間，燒完之後入口即溶，仲帶住淡淡嘅奶香味～呢個部位我哋都encore咗好多碟😋「豬頸肉」豬肉都好好食🙌 燒到微微燶再配埋醬汁一齊食，肉質軟嫩又有咬口，真係好好食呀🤤「海蝦、帆立貝」仲有各種海鮮可以任拎，海蝦同帆立貝都超新鮮，一點異味都冇～…查看更多

第一道要介紹嘅係和牛西冷，和牛燒到深褐色，外面燒到有啲燶邊，入面保持住嫩滑多汁，口感鮮嫩，肉質實淨，好香牛肉味😘。牛肉刺身口感彈牙，咬落去嫩滑，肉質柔嫩，鮮甜多汁，再加埋芥末調味，簡直係一種享受😊生牛大腹肉壽司嘅肉質鮮嫩，牛肉味好濃郁，食落去嘅同時唔會太滯，同壽司飯一啖咬落去，好食到不得了🥰。鹽味嘅2色蔥牛舌嘅口感柔軟，蔥花嘅味道濃郁，燒緊嘅時候牛舌香味四溢，食落去鮮美多汁，唔單止保持住牛肉嘅原汁原味，而且仲鹹香味十足😚。仲有佢哋嘅和牛牛肋條，牛肋條肉肥瘦相間，口感軟嫩中帶有咬口，油花好多，受熱後油花同肉質融為一體，食落去好Juicy好味😋。…查看更多

收工後同朋友嚟呢度聚會食海鮮放題，食物選擇多到應有盡有。海鮮，肉類，炸物，雞翼，每個都可以任拎任食，真係好抵食。大閘蟹嘅肉質特別嘅軟嫩，味道十分鮮甜，飽滿嘅蟹膏，香氣十足，口感亦十分滑順，食得好滿足。極上豪華蒸海鮮擁有好多種新鮮嘅蒸海鮮，每一啖都充滿咗新鮮嘅海水鹹味，完全冇腥味，仲帶 有回甘嘅味豪華惹味海鮮雞煲唔止可以食到新鮮嘅惹味海鮮，仲可以食到雞嘅鮮味，加上仲可以食到龍蝦仔，係一道鮮上加鮮嘅料理。除咗以上嗰啲海鮮料理，仲有好多款火鍋海鮮配料任我哋選擇，有貴妃蚌，青口，蟹棒，多到數唔完。每一款海鮮都肉質滑嫩且肥美，食咗會令人念念不忘。我最鍾意嘅係單骨雞翼，佢哋提供咗好多唔同款嘅單骨雞翼，有甜嘅，有鹹嘅，有辣嘅。食落去真 係好香脆可口，鮮嫩多汁，正~…查看更多

天氣漸涼，約埋幾個朋友食吓煲同打邊爐，早前同事介紹尖沙咀間（二鍋頭）有羊腩煲烤魚雞煲火鍋放題，無限量任食羊腩煲，烤魚，雞煲，牛尾煲，豬手煲，同埋打邊爐，今晚就去試下。羊腩煲份量足，材料有馬蹄、枝竹、庶，竹筍和冬菇，羊肉份量多唔少，羊肉夠腍連皮帶骨，炆得好入味又無羶味，點埋附上腐乳醬汁，回味無窮秘製火焰牛尾煲店員會加玫瑰花露酒並點火即場炒，火焰燒得香香酒氣有鑊氣，配料足。牛尾肉質香軟味，牛味濃郁，少少辣，好惹味烤魚揀咗海鱸魚加酸菜辣湯，有兩條魚，海鱸魚肉厚滑少骨，索埋酸菜湯，好開胃選了冬蔭功同薯仔蕃茄湯打邊爐，掃QR code就可以點菜，牛肉係任叫，點了牛板腱同鮮牛肉片、蜆、蝦，菜同丸可以喺自助吧度拎，款式都幾多小食選了螺肉、麻辣魚皮、玫瑰牛展、涼拌鳳爪及皮蛋甜品抹茶大福、士多啤利同芒果大福雪糕櫃仲有多款口味雪條及雪糕，其中最特別係焦糖爆谷味雪糕另外泰國出品嘅紅豆同香芋雪條十分好味店內環境寬敞，店員友善及服務週到…查看更多

原本室友約我聽日去食飯，但佢突然有事，就淨低我一個。我就一個人去觀塘行街，行吓行吓就發現咗呢間港式嘅雞煲店，而且仲有火鍋，睇落唔錯，就打算入去解決今日嘅晚餐。我揀嘅桃膠花膠雞湯真係有金黃色嘅湯底，而且雞肉好大隻，滿滿嘅桃膠同埋花膠，我一個人食到好爽啊！雞湯嘅味道有雞肉本身嘅鮮甜味，特別好飲！仲有桃膠同花膠都好Q彈，好合我胃口！仲有嚟自日本嘅新鮮帶子肉質特別豐厚，仲好有彈性，食落有淡淡嘅鮮味，味道鮮甜，食完仲會回甘，成個口感特別細膩😍而涼拌海蜇木耳絲食落特別解膩，係一道好爽口嘅小食，海蜇都唔會太韌，仲食到海蜇原本嘅味道，加上木耳絲口感更加好！淨係睇青花椒牛脷我都流口水，牛脷切得啱啱好，仲放咗我最愛嘅青花椒，味道更加刺激味蕾，食落特別惹味，而且牛脷嘅肉質都好有彈性，口感特別豐富，吸咗湯底之後更加香，一個字，正！我好耐都冇食過咁爽，呢度嘅嘢食真係好啱我嘅胃口，下次打算約朋友一齊嚟happy hour!…查看更多

一遊📍灣仔我隻豬今晚話想食日本嘢，咁我放工就同佢去公司附近嘅一遊，享受日本晚餐，所有嘢食就由呢隻豬發辦，叫咗以下食物海膽吞拿魚壽司卷入邊有吞拿魚蓉面頭有一片吞拿魚，上邊有海膽再有少少甜嘅紫菜做點綴，海膽及吞拿魚份量十足，好鮮味十足，將佢成件放入口，味道好有層次海鮮天婦羅盛合炸得好乾身，香脆材料有大蝦、蟹柳、帆立貝、魷魚、白身魚、茄子，秋葵、蕃薯、南瓜、紫菜海膽卷多款海鮮及蔬菜，用料豐富嘅天婦羅，有抹茶鹽及醬比你選擇，可口美味辣麵豉揚豆腐薄薄的炸皮配上味噌汁，豆腐好滑，直達喉嚨炒野菜材料本菇，茄子，椰菜，紅蘿蔔，配上日式醬油炒，甜甜地，健康之選生薑豚肉石頭燒飯材料有洋蔥、豚肉、紅蘿蔔，份量十足，飯係日本珍珠米，口感軟糯，鍋底更有飯焦呢，配上燒汁，十分惹味 串燒牛肉靈芝菇＇牛肉鮮嫩，燒得恰到好處，唔會太乾雞肉明太子 ，雞肉嫩滑，雞皮乾身唔油膩，配上明太子醬汁好惹味荔枝梳打濃濃荔枝味，內有椰果肉，味道好清新水蜜桃梳打好香水蜜桃味，內有香甜蜜桃果肉，份量唔少清酒餐廳推介了一款名叫“神龍的純米大吟釀，口感豐厚飽滿，清香順喉環境寧靜，座位好寬敞舒適闊，服務服務員笑面迎人十分有禮貌，反應迅速，晚餐好地方…查看更多

話說我舊同事約咗去尖沙咀呢間南瀛水產晚餐，佢同我講開完會就到，我就叫晒嘢食等佢嚟，點知啲嘢食上齊之後，佢同我講話開會走唔到我就一個人K O晒以下嘅食物：蟹味噌甲羅燒蟹味噌甲羅燒係南瀛水產一款非常受歡迎嘅菜式，店員上菜後會在旁磯燒佢，一瞬間便聞到陣陣蟹香鮮味。濃郁嘅蟹膏，鮮甜蟹肉配上脆卜卜嘅蟹籽，再加上鵪鶉蛋同蔥花拌勻，一試便愛上。雲丹蟹肉卷賣相好吸引上，卷上面海膽份量好多，勁鮮甜Creamy，蟹肉鮮甜，壽司飯口質感軟糯，口感非常豐富。南瀛極上刺身丼呢碗豪華丼飯材料係最頂級嘅刺海鮮身，包括鮮甜嘅厚肉帶子、Creamy嘅海膽、充滿油脂香的拖羅、肥美三文魚、鮮甜爽滑嘅牡丹蝦甜蝦等等，每款都係極新鮮，拌埋軟糯壽司醋飯食簡直一絕，而且入量多好大碗，絕對係超值之選清油煮蜆大蜆新鮮無沙，肉身飽滿清甜，加入清酒煮過後，每一口都充滿酒香蒜蓉牛舌牛舌係厚切燒得乾身香口，咬落去會比較有口感，肉質亦軟腍，好有牛香味有陣陣蒜香味土佐豆腐豆腐外邊煙煙韌韌，似乎係炸完再煮，豆腐裏邊夠軟滑，配埋好重醬油味嘅醬汁，幾好食唐揚炸雞炸雞球size非常大粒，好似我個拳頭咁大，雞皮炸得非常香脆可口，內層軟嫩多汁，加埋美乃滋一齊食，另一番風味，口感豐富。南瀛沙冰雪糕賣相好靚，面頭有一嚿牛奶味嘅雪糕，側邊有結咗冰嘅青蘋果，再配上青蘋果味嘅碎沙冰，口感清新解膩…查看更多

收工後同同事去咗尖沙咀食日本菜。我哋叫咗餐廳嘅 Dinner Set，食得好飽同好滿足，因為套餐 入面有好多唔同嘅嘢食同甜品。首先係牛腸鍋，透過醬油鮮甜味搭配嘅湯底，令到啲材料更加好味，食材包括有芽菜、牛蒡、椰 菜、韭菜、豆腐、牛腸、蒜同唐辛子。將所有材料放晒落個湯度，令個湯嘅味道就更上一層樓。牛 腸嘅口感好咬口，又肥又軟，仲有啲彈牙，味道真係令人難以忘懷。鰻魚同青瓜配土佐酢都好好食，鰻魚嘅肉質好飽滿又好嫩滑，口感好有韌性，青瓜爽口嘅口感配 埋清甜嘅味道，再加埋土佐酢嘅酸味，唔單止可以解膩，仲可以增加食慾。跟住就係黑松露茶碗蒸，口感真係好嫩，味道都好香，配埋黑松露獨特嘅氣味，令成碗茶碗蒸嘅 味道更加豐富。仲有就係新鮮刺身盛合，刺身包括咗甘海老同另外兩款廚師發辦嘅刺身，每款刺身口感都係咁潤 滑鮮嫩，仲散發住陣陣清香，簡直係滿分嘅刺身組合。其他嘢食仲有鮮魚壽司、炭燒雞雞頸肉同 埋甜品柚子雪芭，食完之後我同同事都對呢啲嘢食讚不絕口，仲約埋下次再一齊嚟食。…查看更多