KL1402's Profile

大年初二，我太多餐廳開門嘅情況下，試一下呢間係位於沙田巿廣場三期的上海菜，這次用五個人，我們叫了臘腸糯米飯，酸菜魚，小籠包，芝麻包，最後湯米線。臘腸米飯太細碗了，以為一碟上，點知得一碗仔。望到都失望，酸菜魚啲魚唔夠新鮮，應該是冷凍的。米線不過不失，小籠包得個樣沒有驚喜，芝麻包超級難食，還留了一舊沒有食。過年要加錢，無可厚非，但水準一定要保持到，否則唔會有下次。總括，食物沒有驚喜，可食可唔食。我就應該唔會再幫襯下次啦。…Read More

已經第二次幫襯呢間，兩次嘅感受一樣，沒有進步，只有退步。本身沒有想過來呢間，如果唔係過年，荃廣有三間Cafe都滿座，沒有大檯，我哋都唔會選擇呢間。既然都選擇了，就俾多次機會佢。沒有人排隊可能都係一個訊號，話你知其實佢有幾不好。一圍枱，有七個人食，竟然全部都話唔好食，真係震驚晒我哋咁多人個味蕾。有些是第一次食的，都話唔好食。仲要每個餐都過百咁制。真係要派嬲。首先意粉果汁唔好食，安格斯漢堡個肉好散而且唔Juicy，又乾，食左一半都無，半個多啲放返原位。薯條普通。而我食咗超過50間漢堡包嘅Cafe來說，真係冇第二間差得過佢，我寧願食返牧羊少年。如果你都硬要話好食，真係無野好講。無人排隊真係有原因既。講埋杯焦糖咖啡，水一般，飲完一肚氣。其他唔再多講。下次真係去Starbucks食沙律都唔食呢間。…Read More

北風起，食膠雞。每年冬天至少都會食一次膠雞。喺香港，食過大約1x間到嘅膠雞, 葵廣同太子嗰間，啲雞太細，口感一般。深水埗呢間，已經光顧了幾次，雖然並不是最好的一間，但每年都會幫襯。因為性價比都算係合理。而且質素都不差，值得光顧的。每次夜晚，呢間都好多人排隊，所以大家要預時間去食，今次好嘅地方就不用排太久，就可以進內用餐。 提一下，客服小姐都友善靚女。一如既往，都會叫一個花膠雞，配個醉蛋，亦都會叫份鮑魚。 花膠都食到既，唔係溶晒落個湯度。 雞唔‘鞋口’，濃味。的確唔錯。鮑魚不是罐頭鮑魚，想加送都可以試吓叫個鮑魚來吃的。幫我飲品就冇太多選擇了，罐裝為主，所以都係出去飲珍珠奶茶或者會更好。…Read More

聽說沙田禾輋商場開了一間叫港威酒家，比較出名海鮮，今日食6人團年飯即管試一試，入到去格局同傳統酒家嘅格局大同小異，中間枱冇人，但反而安排喺個走廊位，有少少奇怪。亦都可能平日，今晚其他食晚飯的人數不算太多，又或者新開無人知吧。有考慮叫套餐，但最後都決定散叫，今晚叫咗鮑魚，清蒸魚，咕嚕肉，炒芥蘭，蟹黃伊麵，炸子雞等等……非常之豐富。特別想講吓個鮑魚，同傳統嘅整法有些不同。唔係用鮑汁去炆，反而去炸咗個鮑魚再加啲乾蔥在鮑魚上面，食落去，唔會覺得太油膩，仍然保持鮑魚嘅彈性，同口感。食完一隻會再想食第二隻。其次炸子雞，炸得非常之恰到好處。我仲記得上一次去冬菇亭食嘅時候，嗰隻炸子雞完全係炸乾晒。之後退返入去。真係會有大排檔或者酒樓係唔識整炸子雞。咕嚕肉和清蒸魚及伊麵不過不失。唯獨是我覺得有啲失色嘅就係碟蒜蓉炒芥蘭，一碟看似咁容易整嘅菜式，就係要睇師傅嘅功力，切工係有嘅，但係食落嘅味道好明顯就冇喺最後嘅時候加水焗一焗佢。所以就好似普通炒芥蘭一樣口感一般，但值得支持嘅，我應該會再食呢間酒家。…Read More

8月21 lunch time 時段獨自在東涌搵野食， 係度食過唔同泰國菜，包括7樓good court附近果間，雖然裝修都唔算特別靚，但勝在加埋一7x到8x食物都對得起價錢。今日決定試下4樓呢間裝修靚靚泰國餐廳。環境真係舒服，咁諗住值得試下。Menu 到，例排都圖片美麗，午餐價錢大部分係7x 以上另加一，午餐價錢我唔係好concern ，我成日都掛係嘴邊呢句說話”最緊要食物對得起價錢”⋯⋯今次我比個名吸引左叫左炭燒排骨飯，叫左杯熱啡8x幾未加一。因為餐廳唔爆，食物到餐時間算快，一望果舊唔係叫排骨，果舊應該係豬肋條，如果係咁細舊又無肉既豬肋條我唔會叫，咬黎咬去根本無肉，我感覺上，佢連出面兩舊甜酸排骨既肉份量都無，咁我就食埋其他周邊飯呀，菜呀，呢d正常係基本啦。食完真係唔飽，即時係位到手機叫多個麥記餐食，落去2樓再食，用餐唔夠半個鐘就走左。埋單95蚊，食物絕對對唔起價錢。好多餐廳講香港人返大陸呀，移民呀藉口多多，所以無生意，我可以話比你地聽錯哂，真正搞死餐廳既係你地自己。諗住慳成本就整細份d，價錢set 高d,再加一。其實憑咩加一呢？有咩服務比左我地值加一？我伏左一次咪唔再食囉，所以你咪無生意囉，你自己睇下其他食客有一半都係負評，今時今日仲係行以前條舊路既餐廳真係好快會執哂。生意真係唔係咁做，今時今日食物一定要對得起價錢，我話既。…Read More

好耐無出post,我出親9成就一定係伏，不可不出，我先會出現。話說去過呢間3次都食唔到，因為睇左OpenRice d人話ok,就試下。大排檔同茶餐廳分別就係風味同炒野火喉，如果唔係我幫襯茶餐廳小菜唔好？但每次都好多人，但第4次晚市去，下兩張到我，就等一鑊決定食佢。一等就45分鐘，因為要入哂大檯先，未食飯先等你餓到無心情，門口帶位哥仔態度我都不置評（自己觀察）。入到去叫生炒骨，鮑魚雞煲，炒菜芯。先講我最期待的生炒骨，一上檯我就知唔好食，因為有樣睇，佢無炸兩次，油溫上度160度炸一次就算，就用極酸既汁，溝埋就算數，佢個樣根本就係茶餐廳水準但係扮大排檔。之係鮑魚雞煲鹹到你根本無辨法食哂佢。2xx一份得兩隻鮑魚你自己諗抵唔抵。全晚較為正常係炒菜芯，雖然蒜蓉同菜芯係好似貌合神離咁，可能最後先落蒜蓉關係。埋單都要38x 真心唔抵。一句無下次，寧願食妹記好過（利申；不是打手）…Read More

呢間本身唔係我To Eat List 入面既Cafe, 不過去開上環搵下餐廳就無意間見到呢間, 就決定試下; 講下個地點先, 真係要有上山既決心, 先行上去, 因為如果你係上環行上去都要D時間, 不過行完你就會餓架啦咁去到, 好彩唔使等位,(因為我好憎等)去到, 我想講D侍應係好耐心同你講, 今日有咩推介, 呢樣係讚既 (不過要留意時間, 唔好講太長); 其實一般CAFE都來來去去都係果D野, 但我都會想去POST出黎係因為, 我成日講你煮野有無心, 對食客有無心, 我地作為食客真係睇到, 食得出架, 今次都係叫左All day breakfast +  拿波里鮮牛肉手工絲麵, 其實黎到你見到D野食係放到好靚, 一D都唔馬虎,  拿波里鮮牛肉手工絲麵果個掛既汁都算幾入味,而且真係幾好食, 而All day 雖然只係普通配料但係你都可以係入面食到份心機。 好多時,我食10間CAFE有8間都係是是旦旦放上碟, 求其沖野比你飲(有D GREEN LATE連粉都未溶就比你飲), 呢間就一定唔會出現呢個情況, 而且個老闆仲會過黎同你講解(留意講解時間唔好太長就very good),  你就會睇得出, 佢地對每個果份心, 食到呢份心你就會想返轉頭, 如果唔係就好似以往果8間CAFE咁打完卡, 食過1次就走, 以後唔再幫襯, 有時留得住D客, 除左你既地點, 打卡位, 食物既質素外, 最重要果樣就係人情味, 呢間你絕對搵到。…Read More

又係To Eat List其中一間, 終於到Weekend去試下, 睇相已經好吸引, BTW間餐廳都裝修得幾靚, 因為早去, 今次去完全唔使排隊, 一因為早, 二因為原來個冷氣開到最大都係好熱, 基本上, 好似入左廚房咁, 熱到HIHI, 呢個真係好大問題, 因為出面咁X熱, 又有陽光射入黎, 真係好似煎PAN咁, 。每個客入到黎一定會問同一個問題, 可唔可以開大D冷氣?但已經係開到最大, 所以大家一邊食就一邊流汗, 呢點真係扣左唔少分。講返"食質"先, 呢度基本上每台都會叫TARTS食, 就係呢度SIGNATURE, 有3好, 係 賣相好, 味道好, 食落好。我就叫左2個食, 食完再叫多8個慢慢嘆, SO FAR係我食過最好食既TARTS; 除左TARTS之外, 好多包都好好食, 呢度既性價比一定高過荃西海之戀果間品X, 果間包係可以, 但係真係幾貴下, 而且唔係真係咁特別。當然正係叫包係試唔到間野既實力, 我就叫左份All day breakfast, 仲有杯熱cappuccino, 咖啡真係唔錯, 想問下佢地用咩豆, 飲到份心機係入面。但係個All day breakfast睇落無咩特別,  食落可以, 但係BACON真係煎得太乾, 如果可以同少少肉汁食到就好。最後真係一定要提, 呢度既服務係好好 (希望店員會睇到), 因為已經咁熱, 仲要4圍行已經唔簡單, 仲要成日倒水, 上餐又快, 又醒目, 真係要比個LIKE你地。我真係好少會讚一間餐廳, 但你地真係值得我讚一下, Thank you!**唔計冷氣問題, 我接近比到滿分呢間餐廳**…Read More

呢間係我To Eat list 入面其中一間, 由於係旺角橫街, 環境唔算係特別舒服, 無咩打卡位, 亦都無左一種CHILL同漫活既感覺, 只能說同去普通餐廳一樣。入到係CAFE既樣啦, 我地就坐再入面, 唔知係對流風問題, 定門問題, 佢另一邊個門成日都聽到D 風撞門既聲音, 係好影響食野既感覺,  我覺得可以搵紙又好,其他野都好, 同太歲一樣, 總之ZIP下佢唔好比D。   坐底食左叫左risotto食, 叫左個全份雪糕窩夫, 飲品方面就試左個Earl Grey Caffe Latte, 先講野食, risotto 味係好濃, 但個汁真係好結, 好漏, 你唔會想食哂。仲要食一啖要一啖水咁制。雪糕窩夫都無咩特別驚喜, 不過有D失望係Earl Grey Caffe Latte, 無拉花, 全白泡面, 就好似去薩莉亞自助沖咖啡機一樣, 上面白泡下面咖啡,  無誠意, 唔會覺得好飲, 好嘆既感覺, 亦都一定唔會再返叫。只能說一間好普通餐廳,  可以再驚喜下我嗎? 完!…Read More

除左佐敦寶靈街間垃圾自製餃子屋，我一邊食一邊趕住打負評之外，呢間真係第2間，你知道放工，懷住肚餓的身，果種對食既感覺有幾重要 ，好想食鄧媽媽但無位，焗住望左邊間小雨天，10幾年無食，1食真心由內小到外，心情即時麻麻，首先係叫左碗垃圾小鍋米線加排骨腩肉，頂，一黎個賣相已經麻麻，大碗有銀用咩？排骨硬過你條命，一個壯年人都要就快咬到牙出血先食到，所以我放棄左，腩肉連譚仔都不如如，個湯差差差，個米線小小小，有無考慮過我感受，點解垃圾店仲可以生存，我真係個心喊到小雨，係大雨天先岩，食左唔夠20分鐘既我要走先，上去3樓買個格餅食補飛先。…Read More

同大家一樣, 睇到張痴線朱古力既相都有興趣嚐一嚐呢間野, 於是上星期6就去踩一踩台, 講返地點先, 如果大家係海港城入面係唔知間野係邊既, 因為佢直頭係尖沙咀碼頭海港城入口未上枎手電梯既右手面地下入, 一般果個位都係大眾所忽略(姐係我都係), 咁入到去咁岩唔使點等位, 果日目測都唔多人, 所以直入。坐底唔使諗直接叫哂Signature 既野, 先係個All day breakfast (和牛套餐)+$55有4隻雞翼, 之後再黎杯痴線朱古力+多杯Senzory 既自制罐裝Expresso Tonic$38。首先講講價錢先, 係小貴但性價比係OK, All day breakfast (和牛套餐)-->$228+$55雞翼, 杯熱朱力都要$55杯 (為左唔想甜到尾, 我就叫左咖啡底, 變左Mocha), 咁樣share 兩個人食已經夠架啦(除非你比較大食啦)。黎到個賣相唔差既, 所有野對板既, 地方都坐得舒服既, 但係無咩打卡位既。講下食物質素, All day breakfast 無咩好講架啦, 呢個all day breakfast 有比火箭菜你, 又比和牛你食, 都算係有D誠意, 和牛雖小, 但肉質唔"諧", 所以無失望既, 炸雞翼係脆同好食既,(無油益味)。講下野飲啦..........可能大家飲痴線朱古力, 會即時搞混佢,  但就我唔會即時搞混佢, 我會用匙更輕輕淺嚐面既3款朱古力碎先, 咁樣先可以唔浪費佢放係Topping既唔同朱古力碎, 之後先會再將底既咖啡同中間既朱古力搞混。咁樣先係飲啖痴線朱古力, 感受下甜既衝激!…Read More

今日好想食車仔麵, 就搵下網上有邊間好食, 就搵到呢間深水埗車仔麵, 咁多間唔搵搵呢間,  係因為我比佢個阿華田西多士所吸引, 而且見到座位唔係果D好迫又一張圓枱分4邊果D, 於是就放工去試下呢間, 6點9左右到呢間店, 唔需要等於, 一入到去最尾張枱坐, 隔離有位著校服既小朋友坐係度畫畫, 相信係呢度老闆個女, 放學黎幫手。 講返食物先, 我一黎就揀左個油麵配咖哩汁+ 餐肉+炸魚皮+牛腩,  另外朋友叫左淨餸豬頸肉+菜+阿華田西多士+2蚊要榛子朱古力醬, 個車仔麵份量都算岩岩好, 牛腩唔夠淋要改善一下, 豬頸肉同咖哩汁都幾好, 老闆好細心, 問我地阿華田西多士後上得味, 我地話食多陣先, 佢地真係唔上住, 呢個幾好, 因為出面好多你叫左就即到, 如果你同時食緊咸野, 又黎左個熱既西多士, 你都知唔食咩好先。 終於等到個阿華田西多士上, 成個西多士都鋪滿阿華田粉上面仲有熱溶溶既榛子古力醬, 當你一切開D醬就流入西多士, 咁西多士就可以吸哂D古力醬, 個味道係真好幾好味, 充滿阿華田既朱古力味, 但因為真係幾甜, 最好唔好一個人食哂, 2個人分享會幾好既選擇。題外話係, 前題講個囡囡畫畫之後就讓位比客人坐, 自己就幫手落單, 執野, 我覺得佢咁細個幫屋企人手好叻女, 而且係度有種唔急要走又有家的感覺。…Read More

呢個第一次去, 但地點就一定唔難搵架啦(因為近地鐵站), 先講講未入去先排20分鐘, 係35度環境下, 係幾辛苦, 不過30分鐘內都可以接受, 一邊排隊, 老闆一邊比餐牌我地, 仲有前排果D就落單先, 咁樣值得一讚, 因為咁樣可以加快成個落單時間仲有等候時間, 一黎好快就可以食得 ,  今次叫左個2B 椰子花膠竹笙干貝雞煲$78+$10升級飯&菜同飲品, 仲有個花膠蟲草花雞煲翅,$128+$10升級飯同飲品,  上枱係 半隻雞上, 個湯絕對可以飲哂佢十分足料, 有翅有花膠, 真係算係咁,  你唔會覺得唔抵食, 而且可以自制湯飯, 多種食法, 最貼心既係佢只比刀叉你, 仲比埋手套你, 你知啦, 食半隻雞用刀叉真係有D難度, 所以呢度又係要比個讚佢, 最後埋單食左2百頭, 算係幾抵食又飽肚, 如果要講可以改善既野, 個湯多左D雞油係面, 如果佢會幫你整走埋真係Prefect, 有用心整野食既店, 食客會睇到, 要繼續保持食物質素, 短期內我一定會再幫襯多次, 希望再有驚喜啦!…Read More

眾所就知提荔枝角就係得D2P one and two, 食野黎講果度都無咩好食既店仲存在, 所以今次去一去憶利大廈食, 果棟都好多食店, 呢間我去過第2次, 記憶第一次感覺唔差, 今次去第2次, 星期6既時間都唔使點排隊就直入, 首先未入門口唔知點解有D天拿水味, 可能係附近有裝修, 入到環境都無咩改變, 呢區黎講算係坐得舒服既, 冷氣都夠, 今次試一下個$138個burger set 仲有個羊架$158, 叫左杯奶式同Tonic, Burger 就無咩驚喜架啦, 牛味都食到既, 想講個羊架係幾好食, 有兩大塊, 擺碟都OK,  咬落去唔SO味既, 而且多汁, 算係咁, 因為Cafe好多時, 食麵包同CAKE以外既野, 多數出事, 呢間就係有D驚喜, 所以都寫一寫讚一下, 希望繼續提升質素, 加油!…Read More

好多人介紹話呢間好食, 一直都係我個list 到, 未有機會食, 今次終於有機會試下, 天氣好熱, 尤其是女人街入面等左30分鐘自己填埋電話頭幾個字登記, 都要有心人先食食到, 終於入到去, 食左個芥菜湯餃+湯麵仲有杯凍豆漿, 另外叫左口水雞食, 首先講下餃子, 皮係薄值得讚, 但係個餡就好青味, 好似熟同唔熟之間, 我唔知係料既問題, 定係唔熟問題, 真係一般般, 之後再講埋個麵, 係我食咁多間餃子麵店真係尾2差, 有間係佐敦仲差既, 個湯無味已經好似直接落滾水入去加蔥既感覺, 另外D麵少都算, 係細條又無口感, 我真係會比好差評語, 我諗如果係屋企水加雞粉都仲好食過佢地個湯; 再講口水雞, 個味係OK 但D雞肉唔滑係好已經扣分, 個味幾好都無用; 呢間唔會有第二次,完!…Read More