tramylamlam's Profile

日本菜，成行成市，但我都係鐘情傳統日式餐廳，什麼放題、回轉，都不及傳統的矜貴好食！今晚我就同朋友B黎到呢間日式餐廳開飯入到去環境幾舒適，又好乾淨，初步印象分唔錯！吞拿魚腩刺身；夠矜貴！啖啖滋味啖啖鮮，好甜美，讚芒果蟹籽沙律，不但材料切得幼細，而且份量還出乎意料的多，食落又鮮甜又爽口，芒果口感又好清新，好夾，好好味！但我認為今餐最出色的是賀喜招牌卷，一般的鰻魚做壽司都是把鰻魚放在壽司上，但師傅卻是把鰻魚卷在反卷上，這樣不但可以吃到鰻魚+反卷的豐富口感，還能吃到師傅的手工。鵝肝煙肉炒飯就油香十足，炒得乾身之餘，仲每粒飯粒都包裹著濃濃肉香，加埋爽口的蔬菜下，口感層次十足，勁好食！﹃埋單位位300到，食材新鮮又美味，真心覺得係值既…Read More

離開舊公司後，好耐都無見過K小姐，終是終於的起心肝約左佢出黎食飯，一出到黎，佢就話要食韓國炸雞，於是就上網睇吓邊間好食，之後就去左呢間餐廳開飯去坐低後睇左一輪餐牌後就叫左幾樣野先送黎就係甜辣烤雞，個樣得得地，食落又甜又辣又香口，肉與幼嫩之餘仲有D肉汁，而且加上清香的芝麻下，口感尤是豐富，好食得我地2個女人仔係咁食食食侍應又緊接送黎特製雞蛋卷，當中分別有黃瓜、火腿、腌黃蘿蔔、紫菜同芝士，咬落感覺就好似韓式紫菜包飯咁，加上少量的茄汁點綴下，更是滋味無窮，口感又爽又嫩又滑又清新，仲有少少甜甜地，是我最愛既味道，同樣因太好味，所以瞬間就俾我地完全食晒落肚席間我地亦叫左蘋果酒特飲，好大杯之餘，亦好清甜易入喉，同時由於係沙冰底，所以好似飲極都飲唔完咁，真係好抵飲加上又好解喝，我覺得用佢配炸雞就係最合適不過~~埋單每人$ 2XX幾都算OK喇今餐食到勁飽，最後仲食唔晒要打包返屋企俾細佬食，係又食又拎，又坐得好舒服下，今晚好滿足呢…Read More

放假日又被阿媽捉左出去，仲走到屯門鬼咁遠去探呀七姨一場去到，當然都要同佢食埋飯先走得，今晚就去左佢樓下附近既呢間餐廳開飯坐低後睇左一陣餐牌，然後就叫左幾款小菜侍應先送黎既就係莆田扁肉湯，味道清中帶有陣陣肉香，唔覺有好多味精咁，愈飲愈好飲，同時每飲完一啖，喉嚨都覺得好舒適，煮得真係唔錯~跟著蝦苗拌頭水紫菜味道亦很清新，細嚼下能食出蝦苗的鮮香，而且紫菜質感亦很細嫩，完全無沙之餘，還很易咬，確實是坊間難以食到，好彩我有堅持叫左阿媽就最鍾意呢碟酥炒芋頭，口感鬆軟香糯，外層微甜，內裡還保留著芋頭原本的清香，口感層次極為豐足，食得出及看得見烹調過程頗為繁複，實屬抵讚的茶式之一而七姨就鍾意食原味燜豆腐，話味道清清地又易入口，同埋又唔多味精咁，用黎送飯就最正，我就覺得好有豆香味，口感好滑，清中帶有鮮甜口味，十分不俗，所以我都食左好多吓我地亦都叫左莆田鹵麵作為主食，送黎時講真個樣唔太靚仔，不過食落又幾好味，麵質唔會煮過頭，咬落去仲幾爽口，湯底濃郁，入面仲有蜆肉及其他海鮮，很足料之餘更鮮味十足，好味道一輛又食又講下就過左2個鐘，呢度坐得都好舒適，下次有機會都可以再黎試吓其他菜式…Read More

酷愛中餐既我都幾鍾意食雞煲，今晚同男朋友就去咗旺角呢間餐廳試吓坐低後見到餐牌都有好多唔同煲類選擇，同男友諗咗一輪後就揀咗我哋都鍾意既花甲雞煲一陣過後，侍應就拎嚟，未送到埋枱已經好香，放低後望落個樣都好吸引，食落雞件都好滑同多，入晒味之餘仲好嫩，好味而花甲就好鮮甜多汁，隻隻都係打開晒又無沙，好味得我叫咗個白飯嚟送飯食食得七七八八後就，侍應就陸續拎埋我地叫咗既其他食物出嚟先嚟就係鬼馬蝦膠，口感外脆內軟，香口非常，立即食又得，放入煲內燙兩燙又得，我就鍾意就咁食，一個字“正”呀～再嚟有牛骨髓，都係燙兩吓又食得，質感滑如腸粉，又有輕微嚼感，愈食愈滋味，加埋微辣湯底一齊食，味道更是good之後有我最愛既蜂巢豆腐，放入煲中一陣就已經完全吸收晒d湯底，咬落豆香四溢，又夠晒熱，味道軟香美味，好食得我自己一條友食咗3分2碟食得咁多肉類下，男友都話要食啲蔬菜，於是就叫鮮冬菇、粟米、金菇等，合晒我貪心既性格，經過一輪滾滾滾後，粟米食落都好甜，菇類亦吸晒湯底鮮香甜辣既味道，滋味十足，很是好味而食得雞煲邊爐就梗要有嚮鈴喇所以我地兩個飽死都要叫埋佢，呢度嚮鈴勁香脆，唔會太細件，份量適中，單食或浸湯食都咁正，最後都係被我地食清光今餐講真唔算貴，食物質素都係有水準而新鮮，真係唔錯，滿足…Read More

今晚約左小學死黨係旺角聚吓吹吹水，一行數人行左一陣後，就入左呢間餐廳開飯呢度都有齊基本食材選擇，都算唔錯！熟食種類都幾多，仲有中西式湯同雪糕等等，未燒之前就試左d炸物，當中炸饅頭都幾香口，我食完又食都覺得係好味！肉類方面我地就揀左牛肉粒、牛仔骨同豬扒，就算教左細火鐵板個火力都幾猛，所以都好快燒熟晒，牛肉粒肉質鬆軟又入味，而且仲有濃郁牛肉香，一口一啖很是滋味，而牛仔骨亦切得厚薄適中，並且肉質都很是有嚼感，夠味之餘亦係我既最愛之一，另豬扒的調味醬汁也是十分不足，不會太咸，同時還帶有少少甜香，確實都算做得唔錯，讚當晚鋪頭仲送左幾隻大蝦，燒起熱辣辣配埋燒汁唔錯，質感彈牙又爽口甜品同湯一樣分左中西式，我就揀左雪糕試齊晒d味，有紅豆、椰子同埋曲奇味，食晒三隻味岩岩好消下熱氣。去果晚幾full, 但都坐得幾舒服又有電視睇，同死黨傾下食下唔覺意就一晚嚕…Read More

其實我近排真係心力交緒，精神差，成個人都好攰但好朋友生日就無辦法下都出咗旺角同佢食飯食完就梗要食埋糖水先散水喇今晚我哋5條友就去咗太子嘅糖西府，入到去無咩人，坐低後我就叫咗個芒果可麗餅配雪糕，朋友就叫左雪丸、心太軟、綿綿冰咁侍應一送嚟真係嘩出聲因為同衰9牌上嘅樣差太遠太遠，份量仲要少起碼3分之1，食落無特別，雪糕未算好滑，可麗餅則凍冰冰，芒果又未算好甜，就連粟米片都唔係勁脆個隻，真係完全唔值加上侍應又西口西面，叫佢拎俾水嚟都唔答聲人，真係對呢間嘢無好感!5條友食呢個價錢甜品其實唔係咩問題，問題係唔值，太細份，圖文不符，呢間應都無下一次!…Read More

今日係男朋友生日，雖然明知佢唔鍾意食甜嘢，不過都係買咗個蛋糕俾佢我就係買咗呢個東海堂嘅沖繩紫薯之花季 cake little俾佢，買佢原因好簡單，因為靚同我本身都好鍾意食紫薯😆😆😆😆😆切開後清楚睇到紫薯同朱古力蛋糕層層相間，較底層更夾有一層薄脆，個樣好似幾得吓但一食落去就覺得好普通，朱古力味好濃，甚至完全遮蓋住紫薯味道，而紫薯味好淡吓，面層嘅紫薯仲有啲硬硬哋，另薄脆層亦未見得十分香脆，真係好失望食到第5啖時，基本上已唔想食落去，加上價錢又唔係平，真係有啲激氣囉…Read More

今晚放工後約左好友阿H見面食飯，來到旺角行左一陣後，見到有人係街度派呢間餐廳既傳單， 於是就本住一試無妨既心態上左去試吓 坐低後發現原來係任飲放題，正好岩晒我地2個大食怪，而呢度既食物種類選擇都好多，係一輛左睇右睇下，終於都揀左N咁多款，真係好期待呀 先來既有刺身併盤，當中分別有甜蝦、虎蝦、赤貝、三文魚、帶子同油甘魚，單睇個樣唔太差，食落全都好鮮甜又juice，三文魚肥瘦適中，食在嘴內油香四溢，軟糯豐香，甜蝦和虎蝦亦充滿鮮味，肉質彈牙又多膏，確實美味非常，另赤貝也有嚼感之餘，還很是鮮甜，帶子十分厚肉又爽口，口感似牛扒般juice，好食得我食完又再不斷食食食，同時油甘魚更是彈牙又爽甜，所以極速就被我同朋友H掃晒落肚 食完刺身後，又黎左黑松露蟹棒、甜蝦及三文魚壽司，淺嚐一口後發覺黑松露香味極濃，飯身暖香中帶有適量的醋味，開胃得來又極具口感，加上蟹棒、甜蝦及三文魚也甚為鮮甜，食在口中層次感極為豐富！再有的就係照燒雞肉串，每串份量適中，醬汁濃甜，加上淡淡的芝麻清香下，口感豐腴惹味，用作伴著啤酒下一齊食用，口感尤佳，同時亦都好快下又被我地極速KO晒添 之後就到朋友H揀的炸物出場，分別有南蠻炸雞、章魚丸及紫心香芋丸等，侍應送來時全都炸得金香撲鼻，尤其紫心香芋丸就是我的最愛，味道微甜又有口感，咬落又香又軟，而南蠻炸雞就外脆內嫩，當中更留有濃香肉汁，唔使沾取醬汁食用，都極之有味~~身為蕃薯狂熱粉絲的我就梗會食有機甜薯仔串喇 呢度既迷你蕃薯係咪有機我就唔知，但食落確切係啖啖香甜又有口感，所以極速被我食晒，好味得我之後仲多叫左2串添~~後黎我地仲叫埋七味燒雞翼及蜜糖燒雞翼~呢度d雞翼炸得好香脆，又入味，肉質嫩滑之餘都好juice，食落都幾好味，唔錯唔錯！！係一輪狂風掃落葉式食食食後，我地就好滿足又好鬼死飽地走人，今餐都幾好食喇 …Read More

過左新年，d 鋪頭開始減價，即刻約朋友去尖沙咀睇下有無平野執，一輛血拼後，朋友話唔太餓，所以我地就決定食甜品算數，係手軟腳軟之際，行行吓就去左厚福街，印象中個度都有兩三間糖水鋪，咁就唔驚無得食喇去到見到Nun，於是就走左入去，坐低後一睇餐牌，五顏六色，花多眼亂，樣樣都好似好好食，有選擇困難症既我地又想食蜜瓜，又想食芒果，真係唔知點揀好？？我最後揀左蜜瓜雪奶 ,等左十分鐘，就有得食，雪奶真係好大個，好多蜜瓜，$48 都算抵食，一啖食落去，d雪糕好軟好滑，溝埋d雪粉，好好食，蜜瓜加上淡淡既椰汁味，又幾夾。而友人就好鐘意綠茶，所以佢最終就點左綠茶丸子雪糕~佢話食落發覺同出面d 綠茶雪糕唔同，好軟好滑，綠茶同牛奶既比例岩岩好，溝埋紅豆食，正到我地走個陣，先發現原來食雪奶/雪糕，like 同響佢地fb打卡，就會送雪糕卷，下次一定要打卡先得喇。今晚都好滿足，又買到野，又食到好食甜品，如果日日都好似今日咁唔使做又有得食好野就好嚕 …Read More

眨眼又到聖誕，咁開心就梗要同好姊妹交換禮物大食一餐慶祝 今年我哋4條Q就嚟咗呢間餐廳食嘢開心聚聚 第一道菜係芝麻雞翼 炸得甘香脆口，內裡肉質嫩滑，還保留肉汁，好味！第二道有芝士蚧肉玉子燒，切開後內裡的芝士會緩緩流出，當中更夾雜著鮮甜的蚧肉，加上彈嫩清香的玉子，食在口中，層次十足，入口即溶，美味！再嚟有燒日本蕃薯仔，皮香內甜，一啖一粒，滋味甜香，一個字“正”！跟住有我最鍾意食既蒜片牛柳！肉質嫩彈唔會“鞋”， 蒜片香口又野味，加上肉質又入味，係我食過最好食既要三甲之一，正呀~~再有就係友人F指定要叫既原隻燒大菌，菇味濃郁，配上淡香木魚絲及咸中帶微甜既醬汁下，甚是美味！接著有我哋大家都鍾意食既鹽燒鯖魚，外皮燒得金黃香脆，肉質紮實，入味之餘唔會太咸，沾上醬汁食用，更覺鮮味 第七道菜有川式茄子，味道咸香辛辣，甚是野味，加上茄子肉質軟滑吸味，口感可謂極具層次！呢鍋鵝肝什菌石鍋飯係我成餐飯覺得最好味既菜式，鵝肝既濃郁油香完全被什菌同飯粒吸收晒，加上飯焦香口無比，好味得我食完一碗又一碗 尾聲時就叫了芝士年糕，燒得外脆內軟，微微咸香，芝士處於半溶狀況，食落煙韌，有嚼感，~ 係一輪食影同笑聲下，肚皮同心靈都好滿足，開心  …Read More

身為將軍澳之友的我就最愛係自己地頭搵食，今晚就同左媽咪去POP CORN食飯，行行吓見到呢間新開既餐廳，於是就入左去試吓 原來呢間係食新加坡既福建菜，環境都幾舒服 見到個餐牌上面都有好多野想食想試，於是就貪心少少叫左幾樣試試 先黎有呢個極品椒鹽豬手！個皮係非常脆，但又唔會令人有好油既感覺，加埋D椒鹽既味道真係好惹味，咬埋去之後我以為全部都係肥膏，點知原來係全都係骨膠原，超正！口感外脆內軟，很是好味~媽咪就點左個冰鎮南日鮑魚，咬落好爽口彈牙，同時又好鮮甜，確係做得幾好！呢條用鍋上既黃花魚，一打開蓋已經聞到好看既味道，魚肉很嫩滑，不過魚骨比較多，湯汁就很鮮味~黑胡椒蟹既味道好濃郁，同埋都真係幾辣，不過我鐘意食辣，所以都頂得順，佢呢個汁會令我想一食再食既感覺，蟹肉仲好爽口彈牙，好味道呀~~~呢個辣椒蟹係用左秘制既醬汁黎整，佢呢個無黑胡椒蟹咁辣，但亦都非常惹味，蟹肉都係好爽口彈牙，加埋用跟上既饅頭沾上醬汁一齊食就更正！之後我仲叫左杯紅毛榴槤汁，初時我以為係榴槤汁黎，原來又唔係喎，飲落去酸酸甜甜，味道似係山竹， 幾開胃，味道仲好濃郁，唔似有加糖水或水，做得都唔錯！食到幾飽都好，甜品都係必須的!!!! 呢個炸榴槤入面係原個榴槤肉，好濃好香既榴槤味，但入面好似仲有D雪咁，食到一半硬硬地，口感極具層次，都真係幾有特色~呢一餐食到好飽，餐廳樣樣食物都整得好精緻，味道亦都唔錯，滿意滿意！！ …Read More

一講起食飯，阿妹就話要食日本野，一時間咩都諗唔到，就你突然醒起好耐都無食既和民，所以我地就去左銅鑼灣既和民，去到就即刻有位，好開心之餘，亦不忙細看有咩新菜式登場，之後就點了數款 包括有入口即溶既和牛壽喜燒日式火鍋 份量比想像中多，和風湯底帶微甜，是我最鍾意既味道！另外牛肉亦切得厚薄適中，肉汁豐富，輕輕在湯中燙過數秒就已經充滿濃厚肉香，加上幼滑的嫩豆腐及其他新鮮配菜之下，就完全是完美的境界，食到我同阿妹都話超讚！而水準極高的和風牛小排丼就更是一流，絕不是吉野家的級別能夠比美，肉質晶瑩之餘，口感更是柔軟而有彈性，每咬一口都能促使口腔充滿新鮮濃烈的肉香，加上當中還留有大量的水分，吃在口中尤感享受，正體來講水準高左好多，可以再食！…Read More

今日黎開上水做野，於是就順便係呢區開餐，行左一陣就入左呢間店開飯去~~入到去後才知道有小菜食外，仲有蒸海鮮食 而酷愛食海鮮既我就梗係要食海鮮喇 跟著我就出左去睇吓d海鮮靚唔靚，之後就叫左幾款海鮮~~~點完海鮮後，侍應就立即為我準備南瓜排骨粥底，好等之後蒸海鮮啲精華會入晒係呢個粥底入面 先黎有我最愛食既花甲皇同貴妃蚌，味道同樣鮮甜，仲非常新鮮，食落肉質彈牙，連埋殼啲水食就更加鮮味，一個字"正"！及後就有美國石蠔，好大隻，肉質軟滑，味道鮮甜多汁，一啖都食唔晒，要分幾啖先食完，抵食！花竹蝦味道就比較淡，要點一點醬料，如果放係第一道菜食比較好，肉質實淨頗有咬勁，都算不過不失~而龍蝦仔就肉味香濃，中等size 但係幾多肉食，肉質鮮嫩，最後拆開隻龍蝦鉗，食埋最厚最濃味塊肉，真係好滿足呀~~!瀨尿蝦肉多殼薄，剪開原隻肉體分離，味道鮮甜肉質爽口彈牙，蝦殼係最有蝦味，所以連蝦殼有少少肉都唔放過，叫咗一人一隻真係唔夠喉。奄仔蟹啲蟹羔仲多過蟹肉，仲要隻隻都係咁多羔，一聞落香味濃郁，食落蟹羔同蟹肉非常可口，一路食就一路等最後主角。最後南瓜排骨粥底個味道就集合左所有海鮮精華，加上我仲放咗半隻奄仔蟹落煲粥淆， 所以碗粥有黃油咁嘅色，充滿海鮮同奄仔蟹嘅鮮甜同香味，食咗兩碗超級飽 總括呢餐真係唔錯，雖然唔算好平，不過辛苦得來至在食，一餐半餐貴少少都ok，今晚好滿足呀~~~~…Read More

本身係潮州人既我，自細就已經成日食潮州菜，一向都幾鐘意食，男朋友知我鍾意，所以今晚就帶左我去旺角食潮洲菜 呢間餐廳地方較細，以露天坐位為主，所以都要等左一陣先有位  坐低後跟住就叫左幾款小菜~第一道係小米餃！樣似魚皮餃，食落煙煙靭靭，有口感，內裡的豬肉餡同魚乾香極之野味，食在口中十分爽口彈牙，一啖一粒，都幾好食~  第二道係自創潮式炒米線！入面夾雜著豬肉和冬菇，咸香四溢，米線亦炒得剛好，唔會太硬又唔會太淋，加埋爽口既新鮮蔬菜，口感尤具層次~第三道係鹵鴨，很入味之餘，仲咸道適中，食在口中甚是滋味，唯一就係切得太細碎，進食時要較小心鴨骨！第四道係豬油渣炒菜心！咸香的豬油渣極之香口惹味，炒出來既菜心，口感爽嫩無比，加上廚師的巧手切工下，令每啖口感更佳，食下食下就好快被我食晒！第五道係巨型脆香手打魚蛋！我男朋友一見到就嘩出聲來，因為真係好巨，食落就好似食緊薯片咁香脆，炸得香口唔太油膩，yummy~~最後係潮汕砂鍋中蟹鮮雞粥！當中既配料係可以自由揀選，我就揀左中蟹同鮮雞，由於製作需時，所以我最先叫，都要最後先食到佢！粥底係潮州粥，有粒粒白米，所以每啖都有嚼感，蟹肉都好鮮甜彈牙，雞件亦好嫩滑鮮甜，夾埋一齊，每啖都係蟹同雞既鮮甜味道，好味得我食完一碗又一碗 食左咁多野埋單差唔多四百幾，都算可以！有機會都會帶埋屋企人黎食過 …Read More

我一向好鍾意食海鮮，所以今日又同左朋友去食蒸海鮮 坐低後，侍應就立即拎個蒸籠黎，動作真係幾快手~~ 餐牌寫既價錢都係以兩計算，而由於我都係唔多識計，所以最後都係交左俾朋友發板  朋友B揀左蒜蓉蒸開邊龍蝦  根據餐牌話蒸五分鐘就得，於是我當然照跟，set好時間後，夠鐘張枱就會震  打開個樣好吸引，鋪滿蒜蓉，熟得岩岩好，食落鮮甜多汁又厚肉~ 朋友H最愛既薑蔥蒸肉蟹一隻就已經有成斤幾重，由於銀兩關係，我地都係揀左一隻試下，但係一隻蟹都已經擺滿成個架，d蟹腳一早已打碎，食既時候很容易，八分鐘後又食得    肉質飽滿之餘，仲好鮮甜多汁，真係正到唔識形容  之後我地仲叫左個瑤柱蛋白炒飯，粒粒白飯都被蛋汁包裹著，而且瑤柱亦很鮮甜，同時仲唔會好油，食在口中好有嚼感，廚師功夫確係唔錯！最後仲有送埋西瓜俾我食，呢餐食得好開心又滿足喔 …Read More