陳芫荽's Profile

經過觀塘權發，順便買外賣做晚餐。下午兩點幾，當時外賣客吾多，堂食客坐滿三分二。一眼望見最鍾意嘅蒸魚，仲竟然係斑仔！鱔都係首選…一於兩盒雙魚飯。63蚊一盒，一條魚加6塊鱔肉，好抵食。斑仔無乜味，靠個甜豉油煮將佢還魂…好味！鱔魚用好多醬料拌勻再蒸熟，肉質彈牙，惹味好送飯；不過幾油！偶爾一餐不為過。只係白飯質素稍為遜色，好削。主打優質商務飯盒，餸好食外，米飯質素也應改善一下。…Read More

年初一家人聚餐，訂過九龍灣榮X盆菜，當時質素吾好！第二年執咗…美X盆菜，盆內用個鐵架墊底防加熱時痴底，材料少咗好多…個人鍾情屏山盆菜，可惜年初一休業，要提早取貨，家中雪櫃無法容納！部份食材亦不宜隔夜再翻熱…今年老友推介兩間傳統盆菜，選了萬里緣，主要係年初一中午有送貨，12人盆菜，連運費$1930。即日烹煮，穩陣！11時送到樓下；盆身是暖的。第一眼有d失望，以前食過盆菜，大盆上一座小山咁㗎喎…好在每樣食材都好好味！果然係傳統盆菜！…Read More

又食放題！食埋呢次會戒喇…真係會戒喇…………呢間同亞太中心果間只差一個字，形式和食物差不多，但地方寛敞舒適好多！吾駛迫住坐！午市12點食到3點，每人$218+10%。超抵！都係用手機QR Code落單，上菜快，收碟和清理桌面亦快。吾駛同時間競賽，可以慢慢食住傾。自選刺身拼盤上菜時好有氣氛，鮮甜好味，龍蝦和海胆手捲和壽司ok。瘋狂下單，好快上菜。後悔在自助吧取了一大碟XO醬四季豆魚餅…比目魚西京燒，香口美味！燒魚干惹味，不過有d實，要d牙力。芝士焗開邊蝦是熱的，彈牙好食！鰻魚厚身。爆鱔球亦是熱食，包了粉漿走油後爆炒，味道濃厚，件件厚切！花膠烏雞排骨湯足料！當然花膠是平價膠，不可期望太高。食食吓變咗食中菜，個人口味始終愛熱食和熟食…蘆筍煮蝦球吾錯！還叫了蟹粥熱食，清甜，食完個胃暖返晒！飲品選擇多，還有日本清酒任飲。海鹽和朱古力扭紋軟雪糕，味道卻似薄荷朱古力…第一次食Cocoberry微熱山丘土鳳梨雪糕！有果肉、帶微酸，正！仲話戒食放題…點算？！…Read More

一早約定老友食呢間，好期待佢嘅甜品…5月11日（星期三），閒日都九成滿！好開心安排坐二人卡位，舒適。但吊燈太低，成日撼頭，想近d傾計，個燈泡好影響視線…同侍應生反映，很有禮貌說只能安排調位…但只有兩個半鐘用餐時間，嫌麻煩放棄了。急急取了一枱食物，一於食住傾！急凍海鮮只有凍蝦和小龍蝦！凍蝦不夠鮮甜；三文魚和壽司ok；章魚燒餅厚實…天婦羅蝦好味；三款印度咖喱出色，配薄餅和印度米飯yummy！印度燒雞好乾吓…；燒鴨不俗。燒牛肉大失所望！！睇落ok，點知又鞋又實…感覺似焗完放雪櫃一段長時間再翻熱…見有粉麵、燉湯…都無興趣了。最期待的甜品時間，埋甜品櫃 order 了每款一件，服務員友善有禮！兩次捧住滿滿的旦糕急急回來，竟然嚇怕了鄰座的食客！旦糕有全條裝可以購買，打算試啱可以買回家共享。旦糕軟綿，但旦捲的酥皮底是淋的…；榴槤旦捲只有少量榴槤餡，味道亦不夠突出。只有cheesecake合我心意！可惜cheesecake要隔日預訂…整體來說，食物款式不多，勝在甜品搭夠。員工服務友善熱誠！值得加分！…Read More

第五波疫情翻天覆地！社交距離措施放寬前一日，約老友去呢度食午餐。店鋪好細…枱吾多，二人限聚下，兩個人可以坐一張四人卡位，卡位腳下好窄，出入都幾論盡。原先以為海鮮盆之外是自助取點心，原來係落點心紙，罐裝飲品和啤酒是自助的。侍應生建議食完蒸海鮮至落單食點心；入座半小時，先來咸雞和麻辣青瓜木耳做小食，無甚驚喜。然後海鮮盆上桌，開邊龍蝦仍然生猛！侍應生幫忙蒸熟再分碟，服務殷勤有禮。龍蝦肉厚有膏，鮮甜彈牙！加返分！肉蟹具類亦鮮甜，但任食的牛肉就麻麻…好鞋吓。點心選擇不多，試了三款流沙飽，“小心流沙飽”最好味。粥底蒸了海鮮打過邊爐，小心隔咗上面果層渣，試了少少粥水，有濃濃的芋香和龍蝦香！三個鐘，埋單每人$300，一試無妨。…Read More

每位$198加一，是一餐超值的日式放題！。排隊上樓等都快，但落樓等到花兒也謝了…兩人枱好細，似拉麵店的size，食物一齊上枱弄得很狼狽！食物上枱快，密密收碟，食兩個鐘，咁嘅價錢同咁多選擇，很值了！估吾到有花膠和蟹粥食！花膠炆得夠淋入味，蟹粥過甜…似食糖水…北寄具和帶子好鮮甜！蝦刺身就無乜味…炙燒蟹腳壽司原來係仿蟹柳，鰻魚壽司一般水準。燒鰻魚夠厚身，剛燒好上枱熱辣辣，讚！其它壽司質素ok，比目魚西京燒香口惹味。自助區有大大盤的鱆魚燒，但餡料粉太厚重…醉鮑魚清新爽甜，食了兩次！不知是否人太多 refill 吾切，在自助熱飲機取“柑橘味綠茶”，斟出黎竟然只有熱水…試綠茶軟雪糕時，有d陰影…好在質素吾錯。整體來說，是物超所值的；只係食兩小時比較趕，離座前半小時截單，食物上枱要盡快清碟…以為成功，頭頂又會有碟壽司或魚生放落黎！要同時間競賽……Read More

莊士倫敦廣場，地下一間不起眼的小店。12種味道台式火鍋，連粗粉絲和茉香綠茶，下午茶時段，每客$88再加一。選了沙茶牛肉鍋和蕃茄海鮮鍋，醬油架先上，火鍋好快上桌。沙茶牛肉鍋惹味，份量足，加埋粗粉絲，一個人食好飽。重點係，吾駛食人口水尾…老友用醬油架內的鮮蒜蓉，混合豉油和沙爹醬，無意中混出超好味醮汁！每食一啖忍吾住讚一次…紅麴蕃茄海鮮鍋，睇落都知好味！…Read More

經過門外，濃濃的旦糕香…，北海道3.6牛乳製作。正餐未食完，已經記掛住要食呢間甜品！店員很友善，選了栗子撻和檸檬撻，鮮奶和moka。店內有小量桌椅，自助形式，乾淨企理，不用立食！Moka 口感香濃綿滑；撻皮香脆，撻面用店內種植的荷蘭豆葉裝飾，餡料柔滑美味…令人着迷！打算買個特濃芝士旦糕回家，讓這份幸福感覺延續下去！原來幸福是要及時抓緊的…期間客人外賣不斷，廚窗內只剩下玫瑰牛乳旦糕！花香旦糕不是我杯茶啊…以為要預訂之際，店員友善細心地回答，全日不斷會有旦糕出爐，下輪會在1.5小時後；剛出爐的旦糕不宜即時入盒，以防下塌…時間失了預算…期待下次再來！…Read More

第一次黎食，座位不多，環境好舊吓…望住個餐牌，好多選擇。原來可選兩餸套餐，包白飯素湯。研究咗好耐，終於揀咗黑椒素鰻魚拼茄汁素鴨，鮮茄滑旦素肉拼黑椒素鰻魚，選擇少飯。鰻魚原來係炸腐竹紫菜卷，淋上淡淡的黑椒汁，微微的黑椒幾提味！剛炸起的齋燒鴨，淋上鮮茄醬汁，好味又健康！兩餸有生菜墊底，老黃瓜雜豆紅蘿蔔素湯清甜無味精。46蚊一人套餐，仲要好味健康！推介。…Read More

星期日晚7點…行過呢間想試好耐嘅魚旦粉，無人山人海等位，散客都比自己揀位，吾駛搭枱，真好！只有牆上餐牌…落單魚旦米線加色，配熱檸蜜，45蚊。魚旦米線上枱，賣相不甚吸引…附送的炸魚皮浸晒落湯裏面！夾起已經好淋身…有d失望，個人較喜歡自己食時浸湯。米線爽滑，湯底不太咸，魚旦竟然超美味！嫩鮮滑…食完一粒已經有外賣回家的衝動！檸蜜香甜滋潤，好飲。結賬後在門外見外賣價格，片頭魚旦魚片一律$115一斤。可惜今晚有事未辦，下次必定外賣回家共享！…Read More

老友網購了利寶閣大閘蟹放題；原以為打風要改期…4pm颱風“圓規”去了海南島！酒樓照常營業，太好了！5：45pm到達，共十幾枱人等候。掃完安心出行就入座，開始計時，食兩個鐘。落單，鹽焗/清蒸/花雕，每人每種只可落一隻；兩個人一次盡落都係得6隻…未食完要趕快加單…枱面有提示最後落單時間。未有蟹食，先去排隊攞片皮鴨。自助區有臘味糯米飯、薑汁糕、蜂巢糕、薑茶湯圓和凍楊枝甘露。見到有飲品櫃和雪糕櫃，但人龍遮擋…放棄了。埋位剛上鹽焗蟹，蟹身細小蟹膏不多…張紙巾好似面積大過佢…蟹膏沾了鹽分充滿油香！推介。每位送菜胆鮑魚一隻和排骨湯一盅…鮑魚入味彈牙，湯內只撈到三粒排骨，無飲。片皮鴨似是廣式，加埋熱辣辣餅皮捲住食，味道ok。每件餅皮都有一張點心紙分隔，好細心！一籠籠大閘蟹上枱，食啊食…點解只食到鹽焗味同清蒸味…吾覺有花雕味嘅？兩個人，分別食到三數隻爆膏甘香蟹，其餘的蟹膏不多，鮮甜亦欠奉…收吉碟落單都快。可能枱枱心急加單，勁食比賽咁！為免浪費，最後20分鐘，才努力處理剩下的十幾隻蟹鉗…時光飛逝，漏了一張單都無時間追，飲啖茶，深呼吸！冷靜下來，與蟹蓋陣合照後，望望鄰座的戰績，大家會心微笑。…Read More

偷得浮生半日閒；政府發放第二期消費劵，約埋好友黎Corner 18食半自助午餐，傾足兩個半鐘！每位$298，會員有七折，埋單每人$230。步入酒店大堂有職員微笑點頭；餐廳幾位職員細心熱誠，積極殷勤。除主菜外，都勝過觀塘Forte…陽光燦爛的星期三，餐廳只有幾枱客…食物選擇不太多，但以此價錢，已是超值了。…Read More

近日愛上梳乎厘班戟…呢度一定要試！餐廳地點吾難搵，今日11：40am去到，已經有幾枱熟客入座了。手機點餐，款款精彩！好在做定功課，選了最想食的幾款。侍應生細心講解，餐廳不設加一，不催交枱。值得一提，洗手間沒有異味，雖無厠紙供應但仍算企理；好多餐廳門面跟洗手間完全兩回事…幫襯完乜胃口都無埋！呢度餐飲出色，是再約老友相聚的好地方！…Read More

本想試新都會廣場新店，奈何網上book位要一個月後…唯有捨近取遠，荃灣總店book到一星期後5pm有位。兩個人食，一個吾食牛…一個吾食豬！高難度…結果兩個都食得開心滿足…原來兩位起，提供一鍋湯底，鴛鴦鍋要加$50。湯底每天豬骨煲成…要了半鍋杏汁豬肺湯，店員幫忙提醒廚房另外半鍋清水吾要湯，吾駛加錢。坐低無耐湯底已上桌，半鍋清水變了杏汁白菜湯。手機點完火鍋料，即時幫兩種湯狂加芫荽碎！說時遲…那時快…火鍋料到！成幅牆咁高…分門別類，乾淨企理。上菜快，收吉碟亦快；服務好！仲有笑容。洗手間遇見還主動打招呼，敬業樂業！晚市食兩個鐘，7點前離座就有優惠。火鍋料任食外，仲有好多冷盤丸類菜蔬飲品任添…冷盤灼蝦好甜！要試。6：15pm最後落單，鱔片、鮮蝦、魚雲太鮮美…絕對要encore！始果肉類太多食吾切…牛肉好味，但無油花；菜只食了一碗，芥蘭夠嫩；太飽軟雪糕放棄了…打邊爐真係要慢慢歎，兩個鐘食得切又傾吾切計…但多次接觸友善的笑容，很治愈！開心滿意的一晚！…Read More

葵涌廣場掃街完畢，飲品似乎未夠解渴，甜品是最佳選擇。FreeHcaKe的梳乎厘pancake實在一試難忘！可惜只可立食。點了Standard A 和 B，每款$28，配清新yogurt軟雪糕。疏乎厘班戟香軟甜美，充滿旦香和雲尼拿香，上層奶蓋燒了一層薄薄焦糖，入口綿滑香甜！附送的yogurt雪糕清新醒胃！上面切半的青提子令整個甜品賣相更佳。朋友的芝士奶蓋oreo口味亦不俗，但個人不太喜歡oreo。這兩款甜品食得滿心歡喜，今日滿腦子只留下這甜蜜的記憶了。…Read More