EdwinLee3045's Profile

這家日本烤串居酒屋給人一種簡潔而舒適的感覺，非常適合與朋友一同品嚐美食和暢飲。他們的菜單非常豐富，提供各種口味的烤串，包括雞泡魚魚乾、燒雞肉、燒牛舌心和燒魚燒雞軟骨等等。這些烤串都經過精心燒烤，外酥內嫩，口感十分美味。此外，這家居酒屋的啤酒選擇也相當多樣化，我品嚐了他們的生啤酒，清涼爽口，與烤串相得益彰。整體而言，這間日本烤串居酒屋給我留下了深刻的印象。他們的食物精心製作，味道鮮美，而且能夠觀賞到廚師即場燒烤串的過程，增添了用餐的樂趣。如果你喜歡日本料理和輕鬆的用餐氛圍，這家居酒屋絕對是一個值得一試的好地方。…Read More

今日同一班表兄弟姊妹約埋一齊去尖沙咀食飯，突然間心血來潮想食你日式串燒同埋飲番幾杯燒酒。上網搵到呢間餐廳，果然冇去錯。性價比非常之高，適合一班朋友把酒談歡。老闆，今日介紹咗一支日本空運嘅sake俾我哋，價錢唔算貴，味道唔錯，容易入口。再加燒蝦仔早前菜真係正。燒蝦火候十足，但係又唔會太乾。最正係可以連殼食，啱晒我啲懶人。再嚟就係燒魷魚，配酒一流。外脆內軟。第三到前菜係炸雞軟骨，外面嘅粉唔多，10分好食食完前菜，主菜第一食係燒馬友，呢一個非常有驚喜，外面香脆封住新鮮嘅魚肉。裏面嘅肉好似蒸魚一樣鮮甜。強烈推介。第二道菜式係燒虎蝦，食材新鮮，又夠大隻。蝦肉十分彈牙。再嚟第三道海鮮，燒象拔蚌。呢一個菜式，最有驚喜，肉質非常鮮甜，裏面再有少少海帶更加帶出鮮味第四道菜式，係雞棒。雞棒配生雞蛋醬。正最後再來一串雞肉串燒。火候十足。…Read More

今日心血來潮去九龍灣買嘢，未到食飯時間見有下午茶食再睇吓有咩食。本身諗住食個西多士餐牌都有，但係個名好特別叫做暴龍西多士。果然冇令人失望，暴龍西多士上面係放咗阿華田粉。賣相即刻加分咬落去嘅時候更加覺得味道襯到絕西多士裏面仲搽咗煉奶同埋花生醬配阿華田粉亦都好夾。呢個下午茶真係值得推介，絕對可以encore。之前淨係食個晏晝同夜晚嘅碟頭飯，味道係茶餐廳嘅中上，呢個西多士簡直係冠絕茶餐廳。下次經開九龍灣，都要再試吓先…Read More

琴日同老婆同埋阿女入大埔lake house 睇中秋節燈飾，入去之前想食下泰國嘢。上網搵到呢一間，網上面嘅介紹果然冇錯。非常好食，政治立場亦都非常正確👍，又好食又黃，啱晒我。買外賣喺車度同老婆食唔記得咗影相😅。叫咗個牛肉船粉，非常足料味道亦都好正。仲叫咗一個生蝦刺身，呢個就同出邊差唔多。不過外賣竟然都仲會用啲冰放喺底，有心機。最正係佢嗰個炸軟殼蟹，鍾意食辣嘢嘅人就啱晒，非常香口。老婆就唔係太食得辣嘢，但係都食到停唔到口。跟住仲叫咗一杯菠蘿梳打，非常好食炸嘢解渴一流。咁多嘢買單唔使$300，抵食好味。下次去大埔都一定再試…Read More

今日晏晝同老婆嚟咗呢度食晏晝，餐廳服務好好。11:30先至可以落單但係職員都俾我哋坐喺度等，咁我仲可以順便為咗阿女食嘢先至自己再食嘢。午餐嘅選擇都幾多，仲送一杯龍眼冰。龍眼冰嘅味道唔錯，解渴解暑一流。叫咗兩個午餐一個係青咖喱雞扒飯同埋牛肉牛筋丸船粉。份量非常之多一定唔會唔夠食。雞扒煎得好香脆，配咖喱一流。我自己本身就唔怕辣所以覺得啱啱好，太太就話辣咗少少。牛肉煮得好腍仲好友牛肉味，仲有兩三片牛柏葉，老婆食得好滿足…Read More

臨近年尾有位同事唔做咁就搵餐廳同佢Farewell 順便搵下尖沙咀附近有咩餐廳未試過行行下見到大路有一間充滿地中海特色嘅餐廳 於是就同同事入去坐低試下好彩當日因為少少晏 唔需要點等位 而且Staff亦都好有禮貌好親和餐能都有唔同嘅lunch set而且亦可以散叫 試下唔同菜式 當中我見最多食客叫就係海鮮串燒 可惜我地人唔夠 怕食唔晒就冇叫到 下次再黎一定要試下一坐入餐廳 成個感覺都好放鬆 不論係音樂 環境 生活節奏 以至係掛牆盆栽 都值得一讚首先我地前菜有煙三文魚切片 上面包住紅菜頭再加埋沙律醬 食落感覺好清新而另外 多士經過烘烤過程 上面加上有酸甜既番茄 真係一樣好開胃既菜式主菜我地叫咗個雞胸意粉同 辣肉腸pizz雞胸意粉值得一提就係食落好Juice好彈牙 雞亦都唔會好乾 完美同意粉搭配而pizza調味亦都非常足夠 唔需要再好似其他餐廳要額外再加啲乜嘢嘅調味所以如果鍾意食pizza同雞肉意粉既朋友真係好啱你 淨係橄欖油 香草 加 蒜香已經好吸引 而且塊雞亦都非常之嫩滑飲品方面叫咗個榛子咖啡咖啡香滑得黎甜度岩岩好 鐘意飲榛子咖啡既朋友真係要試下最後我地叫咗個西班牙油炸鬼 呢個真係絕配 連唔食甜野既我都想試下 油炸鬼配上少少朱古力醬 甜得來亦都好香脆 而cheesecake亦都唔係非常creamy個種 甜得黎唔漏 真係值得一試下次真係要再約埋啲朋友再嚟試一次 因為佢仲有其他食物我都仲未試到 價錢相比起同類其他餐廳亦都好實惠 性價比真係十足 我過幾日真係要去試多次…Read More

同老婆啱啱收工去行街 行到去西營盤諗住搵餐廳醫下肚仔 行行下就見到呢一間隱世餐廳 出面望入去氣氛唔錯 於是就一齊入去試吓 餐廳整體氣氛都唔錯 特別如果坐出面 街道上既涼風慢慢吹住 感覺好chill好舒服當日雖然好多人 但係店員都好有禮貌咁叫我地等一陣 我地總共叫咗四樣野 其中一個係薯仔波波 真係好驚喜 老闆話係將成粒薯仔拎去炸 咬落口感非常有咬口 而且上枱既時候仲係好熱辣辣其次佢個肉丸三文治真係好吸引 本身已經切開咗一半 非常體貼 而且一咬落 肉汁即刻流出來 真係即刻流哂口水 仲有黑松露意粉亦都令我地好驚喜 因為真係好香嘅黑松露味已經吸引住我地既感 而且亦唔算肥膩 意粉口感韌彈牙非常之香口我地最後叫埋個雞塊 真係不得不讚大粒之餘 成粒都好Juice再點埋茄汁真係一絕至於價錢亦都唔算太貴 係西營盤黎講價錢算屬於中等 下次一定會再黎同推介比朋友一齊試下…Read More

見呢排疫情緩和返少少就同老婆一齊出去買外賣返屋企食 咁啱行過荃灣落到勁大雨 見到呢間舖頭即刻被紅色店面吸引目光 亦都只有外賣冇堂食 於是就諗住買少少嘢食就番屋企 而呢間舖頭主打就係安格斯牛肉漢堡 好好彩咁同到老細傾兩句發現原來佢哋每日都係手打牛肉 舖頭衛生情況十分良好 而且價錢亦都係超值 買完之後店員盡好好心咁問我哋需唔需要叉 今次叫咗一個牛肉芝士漢堡 睇得出手打牛肉再加埋牛油芝士係幾咁夾嘅一件事 成個感覺超級邪惡 而因為舖頭採用手打牛肉令到牛肉令每一粒肉粒都好分明 係普通出面市面係屬於好難食得到既一種質感 一咬落去成個包嘅肉汁就出晒嚟 全個包都好Juice 薯條就新鮮即叫即炸 十分香脆 亦都可以用套餐加配 買完之後店員都溫馨提示我哋要盡快食晒佢如果唔係就會影響口感 真係又抵又好食 臨走仲見到好多人排隊 再有機會一定會再嚟試一試 唔使$100就可以試到美國手打牛肉漢堡 下次一定會帶埋朋友一齊嚟食…Read More

This place is a good place for friend’s gathering/couple dinner. Just had dinner with three friends. There are variety of choices of food and they are good in quality. You will enjoy dining here especially for sea food lovers. The sea food starters are attractive, you can choose raw seafood platter or grilled seafood platter. We tried the grilled one, I especially liked the grilled lobster. We also ordered a dozen of grilled oyster, there were three options available, beacon and cheese, spinach and cheese and crab meat. The spinach and cheese one was the best, remember to go for this if you like oyster. The seafood paella was good as well, the taste is similar to the grilled seafood platter. Finally, the dessert was great. We loved the apple crumble with icecream. …Read More

早排朋友介紹大坑呢一間串燒店，提早左兩天預訂。好彩預訂到，入到去先知呢間舖頭好受歡迎。嘢食固然好味老闆亦都非常好客同埋好健談，呢一餐飯食得非常開心。這裏食飯10分方便全部可以用手機落單，既環保又方便。我哋差唔多將餐牌裏面所有嘅嘢食都試咗一次。雞翼燒得非常好味有辣有唔辣適合唔同嘅顧客。燒西冷牛扒同埋燒羊架亦都非常好味，可惜呢兩樣野食唔記得咗影相一放喺枱面好快就已經俾人清左。燒魷魚同埋清酒煮蜆亦都非常美味。環境一流配小菜同埋日本生啤非常適合幾個朋友一齊食飯兼吹水。…Read More

2020年10月26日星期一長假期嘅最後一天，今日約咗兩個好耐冇見嘅中學同學去食嘢。分鐘一個話想食點心，上網咁啱搵到呢一間點心店。食物質素果然冇令人失望。傳統點心煮得好味，餐廳亦都有自家製特色點心。最特別係佢嘅竹炭奶皇包同埋煎粟米牛肉餅，非常好味。其他地方應該幾難食到這兩款食物。牛肉球一個非常唔錯，有好香嘅牛肉味唔似得出面酒樓嗰啲牛肉球。可能係特色小店嘅關係出面都有唔少人排隊，想食嘅記住早少少排隊。叫咗八個點心啊買單唔使$230。非常抵食…Read More

2020年10月4日星期日，疫情稍為緩和終於有機會出去同老婆拍下拖食下飯。今日揀咗同老婆去灣仔一間拉麵店食晏晝。呢間餐廳有得揀拉麵或者沾麵，如果唔想食拉麵仲可以食日式丼飯。小食都有唔少選擇。我揀咗黑武士拉麵，湯底有好濃嘅黑蒜味道。麵條嘅質地都唔錯。老婆就叫咗魚介醬油沾麵。沾麵嘅面質地非常爽口，味道唔錯。配上叉燒同埋其他配料非常好食。小食就叫咗一份芝士年糕同埋芝麻雞翼，芝麻雞翼最好食非常香脆。兩個人食完夾埋200左古，都幾抵食…Read More

今日中午同幾個同事揸車去咗將軍澳廣場食台灣午餐，這間小店幾有特色味道都夠正宗。主菜我哋分別叫咗鹽酥雞粒台灣香腸飯同埋排骨滷肉便當。排骨好好味呀亦都唔會太油膩！強烈推介。另外仲叫咗鹽酥雞小食share,炸得十分香脆你又唔會太油膩。食到停唔到口。另外在叫咗一份仙草2號仙草甜品有奶凍紅豆綠豆荢圓。非常豐富嘅午餐嘢飲我就叫咗三寶奶茶有珍珠荢圓奶凍，有特色比一般珍珠奶茶更有層次感。有個朋友叫咗杯冬瓜檸檬都唔錯非常解渴消暑…Read More

本身打算八月去台灣,不過睇嚟都係冇機會.好在屋企樓下都有台灣菜可以食。今日六點幾打算幫襯店裏面已經坐滿晒人要等一陣間先至有位。我叫咗一個紅燒牛丸牛筋面配黑糖珍珠鮮奶，牛肉麵嘅湯底唔錯亦都唔算太鹹。牛丸牛筋好好味。面嘅質感亦都非常彈牙。嘢飲亦都唔錯，珍珠好味道.老婆就叫咗一份鹽酥雞便當配玫瑰輕檸茶再追加左一份台灣夜市香腸，雞肉炸得好香脆但係又唔會太油膩。嘢飲都唔錯有好香嘅玫瑰味買單唔使$200，抵食！…Read More

雖然未去過泰國但係我同老婆就最鍾意食泰國菜，今日同老婆去九龍灣探朋友跟住走嘅時候經過呢一間泰國菜餐廳。餐廳嘅裝修都幾靚望落去幾特別.呢度嘢食嘅種類好多，適合唔同人啲口味。我叫咗兩款小食都唔錯，第一款係生蝦刺身，刺身清甜爽口又夠彈牙。鍾意食辣椒同埋生蒜嘅可以連刺身一齊食。第二款小菜我就叫咗泰式金柚沙律，呢一個沙律非常惹味兼開胃，鍾意食辣野嘅就更加啱，沙律仲用咗少少青辣椒調味，啱晒鍾意食辣野嘅我。沙律嘅配料都唔少有車厘茄腰果同埋蝦,配搭一流…Read More