小黑0921的個人專頁

一向喜歡光顧小店，呢間亦係我每個月都來1-2次的茶記。比起呢區其他嘅非連鎖茶餐廳，佢哋嘅性價比算幾高，食物用料有一定水平，啲肉有認真醃過、隻蛋煎得靚、塊多士烘得香脆👍👍由疫情到而家睇住佢哋有掙扎、有退步、有進步…無用大陸預製食品，服務態度好，係呢個激烈嘅餐飲競爭中繼續有客有市，值得鼓勵。唔知其他馬友有冇同感？…查看更多

個炸豬扒D炸粉又厚又淋曬，完全冇嚟味道，仲話係招牌豬扒個炸菜配菜一樣冇嚟味道。其實個地方裝修唔錯、坐得舒服、服務員態度ok, 但D咁嘅食物質素真係倒米，之前啱啱開張好多人排隊，今日lunch hour去大把吉位，似乎冇回頭客係有原因嘅…查看更多

係香港想食好味嘅焗薯好難，唔係D薯仔唔靚就係間鋪頭唔識焗（其實好多都只係烚熟曬之後係唔二焗吓）又係緣份比我遇到呢間小店🥹🥹通常係food court 入面嘅食店我都唔會抱乜嘢期望，但係呢間招牌菜係英式焗薯，即管試試🤔🤔先讚一下店員姐姐好nice咁同我介紹個set點叫，仲話除咗招牌焗薯，可以揀意粉沙律或炸薯條（香港人最緊要有得揀😎😎）。個set好足料：一個大焗薯淋滿焗豆紅腰豆汁，醬烤金沙骨都好多件，仲配埋車厘茄沙律菜同埋一塊小小嘅薯角，都只係$68（仲包罐裝汽水，飲其他嘢加$）個焗薯真係好有驚喜，皮薄肉好香軟（有糖心feel), 同個焗豆紅腰豆醬汁好夾，金沙骨正常（唔會太淋，骨肉分離），沙律菜好新鮮 ，值得encore👍👍我已經唸定我下次要試埋佢個燉辣肉醬super potato…查看更多

自從幾年前響柴灣食過之前，真心一試難忘，居然比我偶遇番呢間咁有特色嘅泰國小店，再續我哋嘅緣份😍😍首先老闆同老闆娘嘅情深背景故事不再多講（有興趣想知道的自己search吓google）。有故事仲要有扎實嘅功力，話到底都係做食肆，啲食物好味先係最重要。我個人喜歡食泰國菜唔係淨係掛住「辣」咁簡單，豐富嘅香草同新鮮嘅調味汁先係靈魂，大家試吓佢個「招牌魚肉路邊湯粉」同埋「路邊煎魚餅」就知道我講緊乜嘢🤤🤤不過大家要試呢間小店真係要比小小耐性，因為唔知點解呢個全新裝修嘅food court 外面稍為清晰啲嘅指示都冇，即使入咗商場之後都完全見唔到指示（無論天花、牆身、地面都冇），唯有用直覺同耐性行到最底層嘅最入面先見到😵😵最後，好欣賞老闆娘自家整嘅每日窩心飲品，我去嗰日係金桔雪梨水🍊🍊🍐🍐飲完成個人潤曬🥰🥰…查看更多

今日由馬鞍山跑步去到火炭, 平時會直接落去工廠區搵間coffee shop坐下，但今日見到銀禧街市外面多咗人出出入入，八卦加好奇嘅心態推動下，過去望吓有乜Jetso…行咗個圈之後發覺原來角落頭入邊有間手工咖啡店叫「獨．閣」，對於我哋呢啲咖啡控來講，一定係有殺錯無放過，所以叫咗個手工三文治set試吓。本來呢個lunch set應該係手工牛角包三文治，但係我又唔多鍾意食牛角包，所以個店主好好人，幫我改成為烘底三文治😍😍三文魚都算夠份量，唔會得半塊，另外配菜嘅青瓜同埋生菜好爽脆、好新鮮，如果下次塊多士係厚多士就perfect喇😜😜講番杯咖啡先，飲得出係用即磨咖啡豆同鮮奶來沖，我飲個杯係Latte, 啲泡好綿密、咖啡味又夠濃郁，如果遲啲有埋拉花咁就一流囉😬😬仲有，我買緊咖啡嘅時候, 咁啱有幾位相信係香港體育學院嘅運動員同埋Staff都嚟買嘢，睇嚟呢間舖頭啲嘢食都係以健康為主，啱晒我哋D需要長期減磅增肌嘅人，以後跑完步搵嘢食又多一個選擇啦🥰🥰…查看更多

第五波疫情時關了好一段日子，最近終於開番，最鍾意食佢嘅早餐、特餐，尤其沙爹肥牛米/麪，肥牛好味，蒜蓉麪包烘得啱啱好，杯奶茶夠茶味！希望小店繼續努力，保住我哋這些蟻民嘅食竇😋😋…查看更多