炒面's Profile

公司樓下又開左新餐廳，之後見網上啲post 好似講到好好食咁，就連觀塘返工嘅朋友都forward個post嚟問係咪我公司樓下，都想嚟試。今日終於同幾個同事一齊叫咗外賣番公司食。原來最想食嘅蛋餅lunch time係無嘅，要3點半之後先有喎😅唯有叫飯🙈同小食啦！如果為左食蛋餅嚟嘅，可以晏d先嚟。賣相唔知點解點睇係無其他人post個啲影得咁靚，可能我地影得衰喇🥲比較出乎意料之外嘅嘢食有…芋泥球芋頭味俾啲附加嘅甜味蓋住咗。同埋肯定係同事手殘拎外賣拎到番嚟已經球不成球。最後呢球嘢倒咗落杯芋頭奶度加料，應該都係同一個芋頭底😂😂芒果魯肉飯係幾創新嘅配搭，撇除啲芒果唔講，只講個底…味道都唔係我地所想嘅個種魯肉飯嘅味度，而我不知道這是台灣那一地區口味嘅魯肉飯喔🥲仲有我不是花枝丸同埋我不是真正的手撕雞，都拎我地相當有驚喜。因為想食得飽，佢一定滿足到你😇所以抵食有5分…Read More

我本身唔飲啤酒既，因為唔鍾意啤酒既味道。今次朋友話發現左莎廠開左間野d啤酒去正。佢地鍾意飲，所以就跟去試試。本身都係叫左杯咖啡飲既。但試左一口芒果味既啤酒之後，我覺得都唔錯，我都可以trytry。咖啡好香呀！不錯花樣年華。雖然無咩花味，但有好好味既麥味。同平時d啤酒唔同。仲有分大杯細杯既，唔肯定啱唔啱飲，可以叫杯細既先。其實佢仲有好多選擇既，唔知自己想要咩既話，可以搵店員介紹返除左飲野，仲有野食既。沾麵好多人都食過，會地有沾意粉。都唔錯呀！重點係仲有2部街機任打。有bar枱位、梳化位、普通餐廳位。就算有小朋友或BB既去，都有位俾佢地坐。…Read More

有時都無路過，但從未食過。今日終於都試左啦！可惜唔係我既口味😂唔係話佢唔好食既，只係唔啱我啫。我地叫左個豬骨湯同蝦湯。其實佢都只係得尼兩個選擇，仲有d小食例如餃子可以加既。先講個蝦湯，我試左啖，感覺食到大澳既味道。而個豬骨湯，個湯都算厚身既，都濃既。個人覺得豬骨湯好味d。個麵底道普通，個肉都普通。但個蛋又加分，好味！☝🏻☝🏻☝🏻佢仲有d 醃左味既芽菜俾你加落去既。但好似時間唔夠耐，好似仲好生既芽菜味。…Read More

放假同朋友入西貢行下之前都有上網睇下食咩好，但太多啦！都係去到行到邊想食咩道食咩。最後入左尼間coffee shop我地叫左個手撕豬漢堡、pancake同杯mochamocha好香濃，咖啡同朱古力既味道啱啱。一個字正！係我喜歡既味道。Pancake 就普通。但個手撕豬真係不得了。雖然啱係撕得好細，但個肉質都唔會話好似樹皮咁，而個醬汁都好惹味。夾埋一齊食，成件事好夾。食落每啖都有滿足既感覺。個薯圈都還好，有dd炸得太乾身。…Read More

復活節假約朋友食lunch。見到呢間泰國嘢好似唔錯，於是就walk-in 去咗食。估唔到佢紅日都有set lunch 叫，仲好抵。最後我地叫左兩個set。仲加錢飲菠蘿冰。冬陰公湯粿條同埋軟殼蟹咖喱飯係大份既，味道都ok。如果系尼頭返工放lunch嚟食都唔錯呀！男士們一定食得飽。但係美中不足就係個菠蘿冰，真係好hea...似係罐頭菠蘿加糖水加冰+10幾蚊。下次都係叫返唔洗加錢既野飲算啦😅下次可以晚上再嚟試下…Read More

閒日晚上即興約食飯，餐廳地點好方便。我地三個人研究左一輪，於是叫左個四人餐。因為說算食唔曬都比叫個兩人餐抵。最多食唔曬打包。我地叫左個北京填鴨pizza。好好味！好惹味先啱！又唔會話好肥，一件不留食曬。跟住仲有尼個餅，就算唔點醬，就咁食都好食。尼個最後有打包拎走，第二日整返熱嚟食都仲咁好味。而尼個雞沙律都唔錯。雞肉都好滑，唔會好似食樹皮咁。其實仲有野飲同蒜蓉包,兩個意粉。但就普通，所以唔講啦！最後埋單都係600蚊多d。傾計舒服，野食又ok，又食得飽。不錯👍🏻…Read More

啲人成日都話小王牛肉麵好好食，之前下午茶食過一次之後就覺得中咗伏。今日同同事唔知食咩好，佢提議食小王。見今日晏左出嚟食飯，周圍都無位。於是就俾多次機會佢啦！Lunch食飯人多，搭枱就預咗㗎啦！我就叫咗個豬手滷肉飯。還好普通啦同事A叫咗個滷肉蛋飯。買相好似好唔吸引。同事J就叫咗個我都唔記得係咩既麵。反正大家食完之後都冇咩特別既感覺。都真係普普通通啦！因為感受唔到台灣嘅感覺，我哋之後去咗斜對面嗰間台式飲品店，再買野飲。…Read More

前排睇見Facebook話德福會開一間飲品店叫茶狼。專賣特色嘅水果茶，而其中一個桃茶好似好吸引。次次lunch行過都好多人排隊，所以都冇機會買黎飲。直到有一次有個同事返下午，佢專登早d返黎，走去排隊。睇返個Menu，其實佢一杯茶都幾貴個喎。就好似個桃茶咁樣要40幾蚊。真係貴過個飯盒。最後因為太貴唔捨得既關係，我無叫到個桃茶。叫咗呢個烏龍奶蓋。第一啖，我冇飲到個奶蓋先。兩支飲管直插落底，試咗個茶底先。個烏龍茶底係幾香嘅，比起其他飲品店佢嘅烏龍茶底係出色dd嘅。第二啖，到個奶蓋。好似冇預期中咁滑，味道還好。都夠結身嘅。第三啖，我將個茶同個奶蓋攪勻再飲。奶蓋既濃味，將烏龍茶既香味有d蓋過左。$30杯咁嘅嘢飲，還好啦！但未至於會想再encore。或者下次可以真係試返嗰個40幾蚊既桃茶。…Read More

約左好耐終於可以同朋友嚟呢間餐廳食炸雞。我哋今次嘅目的係想食呢個黃金炸雞。因為尼排都好興食鹹蛋黃嘅嘢，所以都想睇下呢間鹹蛋同炸雞嘅配搭係咪都咁好食。嘢飲方面呢就唔多講啦，都係平時嗰啲嘢飲啦！我哋三個女仔叫咗尼一個set。睇落好似唔係好多嘢食咁樣，於是乎我哋再叫多咗一個水冷麵。左邊那個就係黃金鹹蛋炸雞。右邊係普通嘅韓式炸雞。我哋二話不說就開始食嗰個黃金炸雞。每一件都有嗰啲黃金鹹蛋包住，係有鹹蛋味嘅，但係食晒成件就會覺得好滯。韓式炸雞就都普通啦，冇乜特別。薯條我地要咗芝士薯條，薯條炸得啱啱好。仲要係我喜歡嘅粗薯條。依個水冷麵都唔錯喎，同喺韓國食嘅差唔多。總括黎講，呢間餐廳嘅嘢食都唔錯。…Read More

牛角出名就係食日式燒肉嘅餐廳。但其實如果你唔識燒肉嘅話都有其他好選擇嘅。Lunch去食其實佢都有一啲set lunch可以俾你選擇。當中就包括左我同同事都好鐘意食嘅韓式石鍋海鮮豆腐湯。跟餐本身就會有一個牛角飯同埋沙律，仲有杯嘢飲添。由於餐廳支持環保嘅關係，所以凍飲係唔會俾飲管你既，有需要嘅話就自己問待應攞。啲豆腐好滑，跟住嗰個泡菜湯嗰個味道適中。同事叫咗呢個石鍋嘅雞飯。我就覺得我個泡菜湯好味啲啦！不過有樣嘢唔好嘅係...因為lunch個個都叫lunch set，廚房會湊埋一埋單，一之過整同個嘅食。所以上菜方面，成日都係會有一個人遲遲都未有嘢食。如果等齊嘢食先一齊開始動手食嘅話，咁早到嘅嘢食就會凍哂。如果唔等嘅話，當你食完，有可能另一個人既嘢食都仲未上到台。…Read More

自從添好運攞咗米之蓮之後，成日都有人為咗食佢而排隊。當年我都曾經係去排隊嘅其中一份子。到依家佢嘅分店越開越多，仲開到嚟將軍澳添。(其實都開咗一段日子）咁啱嗰日突然有朋友話想食點心，於是我哋放工就去咗將軍澳尼一間添好運嗰度食晚餐。可能因為時間尚早所以都係唔使等位啦。直入一坐低就叫嘢食啦。嘢食嘅選擇唔係非常多。我就叫咗個肉餅飯同埋個炸倆。其實食完都已經飽左啦！不過你問我係咪真係好好好好食嘅話，我就覺得有啲酒樓，或者其他點心店，其實都可以做到呢個水準囉。不過有間係左緊嘅話都方便啲嘅。…Read More

呢間餐廳其實一路都有食開既。今晚有朋友過嚟呢頭做嘢，所以約咗佢嚟呢度食lunch。以前lunch排隊要等好耐，唔知係咪因為呢排德福開咗好多食店。所以而家只要早少少去嘅話一定馬上有位。不過就限時食45分鐘。對於我哋呢啲打工仔來講，食個lunch 45分鐘都係合理嘅時間。lunch黎講，其實嘅選擇都好多。朋友叫咗個海南雞飯，而我就叫咗個燒豬頸肉冬陰公湯。而味道方面一直都keep到有佢既好水準。而且環境都好舒服，適合同朋友傾下計， 一啲侷促同埋好嘈嘅感覺都冇。…Read More

之前見到商場既廣告話就嚟會開outback。已經好期待。終於等到佢開舖，急不及待同同事一齊去食lunch。都係啦！新店通常都好多人排隊，仲要係outback。湊熱鬧排下都抵嘅。雖然排得耐少少，但係上菜都好快。餐湯配左沙律🥗，唔錯。當然唔少得尼個黑糖麵包啦！我哋一行四人前後要左四個我就叫左呢個黑毛豬扒。第一次俾人問我個豬要幾多成熟。因為係豬嘅關係所以我都叫熟啲。黑毛豬扒燒到好香，但係呢啲肉汁都仲係入邊嘅。唔錯唔錯。唯一係唔係咁好既野，就係說好的「小冰」原來都會有咁多冰。以後食飯又多個選擇啦！…Read More

今日經理又請食飯。我哋有選擇咗上次食唔到嘅尼一間simplylife.今次已經專登早啲出門口去等位。去到嘅時候已經係12:20。今次我地一行7人，要等大枱，所以等到差唔多1 點先有位。先來咗個沙律同餐包。餐包真係好鬼硬。好不容易先食完個包。如果我配湯可能會好啲，因為就咁食實在太乾。傳說話啲包出名好食。所以我哋都叫咗你放安格斯煙肉芝士漢堡。睇落個賣相係唔錯嘅。但係唔知點解個包好似有啲硬。我同同事都食到個口好攰。而個漢堡扒係有牛味嘅都幾好食。食完尼餐之後，真係飽到夜晚九點都唔使食嘢。不過大家都問點解要等咁耐食尼間。🤣…Read More

今日同朋友去咗深水埗食嘢。去咗呢間裝修有啲懷舊嘅茶餐廳。門面睇落好似冇乜特別。但推門入去就見到有好多70年代嘅一啲裝飾。就連餐牌都有特別嘅設計。坐低聽真啲，原來餐廳入邊播緊嘅音樂都係嗰個年代嘅。雖然唔係嗰個年代出生，但係都好有感覺。講返啲嘢食先。下午三點幾去到餐廳，見到餐牌上邊好多野都想食。因為我哋都未食午餐，所以我哋叫咗三個嘢食同埋兩杯飲品。安格斯牛腩撈丁，有dd辣味。芝士豬頸肉撈丁，真係好芝士。黑松露火腿奄列，分量十足。波波冰奶茶，粒波波冰真係好大粒。飛仔華田，上邊插着嗰塊啤牌食得嘅。賣單嘅時候發現，原來餐廳有得買嗰個食得既啤牌。總括而言，啲嘢食都OK。但就唔係話非常出眾。我以呢一個價錢，同咁既環境，我覺得都值得一試嘅。…Read More