Louisa1014's Profile

今日同朋友二人去咗呢間食午飯，因為聽朋友講，話依間都幾好食，所以就去試吓。去到地方唔算大，但感覺都唔算好擠迫。侍應態度都好好，間唔中都會問你啲嘢好唔好食。當日我哋叫左豉椒牛筋腩炒河、黑椒牛柳絲一丁、冰火菠蘿包及兩杯飲品。豉椒牛筋腩炒河都算大碟，味道不錯，牛筋腩唔係好靭，口感不錯。黑椒牛柳絲一丁份量足夠，都好有鑊氣。唔會好鹹。另外上了兩碗餐湯，好多餐室嘅餐湯都好鹹，但依間都算係咁。整體上感覺不錯，無論食物、服務態度都好好。…Read More

最近有朋友介紹，所以就試吓食呢間午膳放題。環境尚算寬敞，唔係好迫。以酒店嚟講，價錢唔算太貴，每位$348，但要兩位或以上。以種類來講，唔算太多，但勝在味道不錯。而且，侍應服務態度不差。當日我同朋友兩個人來試下，由於佢每分都細細碟，所以較容易入口，感覺唔會太滯。叉燒味道不錯，鬆軟得來有啲口感。蘋果叉燒酥個蘋果味都可以食得出。另外，佢啲餃皮唔算太厚，口感也可以。蝦餃內嘅蝦尚算新鮮、大隻，所以都有啲口感。整體來講，呢間放題都可以值得一試。…Read More

當日一行六人去咗沙田新城市廣場「翠苑」食下午茶，由於下午茶價錢較優惠，所以都好多人係酒樓門口等夠鐘入。夠鐘時，見到入面大部分枱已經坐滿了人。雖然人多，但枱與枱之間嘅距離都算寬闊，唔會覺得好逼。當日我哋叫咗馬拉糕、叉燒包、迷你合桃椰子撻、馬蹄糕、迷你糯米雞、腸粉、春卷。馬拉糕質感好鬆軟，食落去有少少入口即溶嘅感覺，味道唔錯。迷你合桃椰子撻同迷你糯米雞，味道也不錯。腸粉同春卷尚算不錯。叉燒包同馬蹄糕反而一般，無乜驚喜。…Read More

之前一直都想去Dalloyau試下啲甜品，但一直都冇機會。早前終於有機會自己一個去咗中環IFC依間Dalloyau，雖然地方唔大，但感覺都好舒服，枱與枱之間都有一定距離。我叫左一個柚子芝士蛋糕，再加一杯熱朱古力。柚子芝士蛋糕味道不錯，柚子味好出，但又唔會掩蓋左芝士嘅味道。柚子味帶點酸酸地，但又會有一種清新，好fresh嘅感覺。至於飲品方面，我個人覺得雖然熱朱古力賣相唔錯，但味道較甜。幸好朱古力上有cream，攪勻後，尚可接受。…Read More

當日我同朋友行街時見到依間餐廳，感覺有啲特別，所以就嘗試試吓食午飯。地方雖然唔大，但感覺都好乾淨，侍應都好有禮貌。當日我哋叫咗白雪雪魚湯、爽彈魚麵、凍蜂蜜柚子茶、洛神花山楂雪梨茶、蒜蓉香雞翼、魚湯翡翠苗。白雪雪魚湯個魚湯底真係好清甜，由於唔係好大碗，所以我哋意猶未盡，再叫多次encore。爽彈魚麵，同名一樣，魚麵又真係幾彈牙，值得一試。蒜蓉香雞翼味道都唔錯，雖然佢係炸雞翼，但又唔算覺得好熱氣。由於好鍾意佢個魚湯，所以叫咗碗魚湯翡翠苗，湯底唔錯之餘，翡翠苗都好爽口。…Read More

當日早上去咗依間食早餐，店舖雖然唔係大，但感覺坐落都好舒服。我叫左一個套餐「果醬Shokupan組合」，我叫左「極美」、三款果醬 + 北海道牛油，再加一杯熱朱古力。三款果醬我叫咗「電氣石檸檬」、「石榴石草莓」、「藍寶石藍莓」。三款果醬我都好鍾意，各有特別。「電氣石檸檬」檸檬味道好清新，又有少少酸酸地嘅味道，食落感覺好舒服。「石榴石草莓」草莓味都好出，甜得來又唔會好漏，唔會俾你覺得有種過甜嘅感覺。「藍寶石藍莓」藍莓味都唔差，不過同「電氣石檸檬」及「石榴石草莓」比較，感覺有啲失色左。至於個北海道牛油，確實係好滑、好香。至於佢出名嘅麵包，確實係鬆軟嘅，同埋你會食得出係有新鮮嘅感覺。反而杯熱朱古力就真係過甜，有點漏嘅感覺。…Read More

今晚自己一人去咗呢間食，雖然舖頭細細，但感覺好乾淨、舒服。佢有高低兩層。同埋我叫咗一個迷你天丼 & 稻庭烏冬 (冷)。另外，再叫咗一碟小柱魷魚天婦羅。其實我甚少食冷烏冬，總覺得熱騰騰嘅烏冬先至好食。今次又貪得意試吓冷烏冬，但個感覺又唔錯喎，烏冬非常之滑。迷你天丼有菇菌、海老、南瓜、海苔、莢豌豆、溫泉蛋。其實初初見到外貌，我都會覺得會唔會好熱氣😂。因為真係全部係炸物。但食落去，唔覺得好肥膩，又唔算好熱氣😅。無論菇菌、海老、南瓜、海苔、莢豌豆、溫泉蛋，甚至係另叫嘅小柱魷魚天婦羅都好好食，食得出裏面每樣食物嘅味道。同埋其實只係平時晚上，並唔係星期六日，但不斷都見有顧客光顧，可見生意不錯，口碑應該亦都唔差。依間係值得一試。…Read More

當晚我哋三人去咗呢間餐廳食晚飯。一入到依間餐廳，已經俾佢嘅裝修吸引住。裏面嘅設計全部都以梵高為主題，非常精美。餐廳每處地方都可以成為打卡嘅位置。當晚我哋叫咗三個套餐，當中包括蘑菇湯、南瓜湯、前菜、羊架、安格斯西冷牛扒、波士頓龍蝦意大利粉、甜品。無論蘑菇湯定南瓜湯，都非常好味，唔會好稀，非常夠料。初初我哋都有啲怕羊架會唔會好有羶味，但竟然又OK喎，容易入口，口感亦唔錯。安格斯西冷牛扒唔會韌，就算未去到入口即溶，但都非常好食。波士頓龍蝦意大利粉都唔錯，龍蝦又大隻，好厚肉。最後甜品亦都有驚喜，賣相好得，藍莓乳酪底下有乾冰，完全可以用嚟影相呃like。整體上各樣嘢都非常滿意。…Read More

今日同朋友到「一起食堂」食午飯。我哋叫咗花雕麻油雞湯麵、魯肉飯、炸花枝丸、鹽酥雞、蘆薈桂花雪梨茶、菊香黑枸杞茶。花雕麻油雞湯麵真係食得出有花雕味，但佢又未至於濃得來不能接受。雞肉都算嫩口，個湯都好得，唔會食咗之後覺得好口渴。魯肉飯食得到有台灣嘅味道，雖然表面睇落去份量唔算好多，但都夠食。因為佢基本上係一個套餐，附送有甜點，有小薯仔、中華沙律。炸花枝丸食得出佢真係剛剛炸出嚟，同埋唔多覺有好重嘅雪藏味。炸得來外面又脆口。鹽酥雞其實味道都唔錯，但相比其他幾樣食物，就感覺上冇咁特別。雖然店舖細小，但感覺到有種溫暖嘅感覺。…Read More

當晚一行四人到九龍城樂口福，我哋一坐低，侍應就端上幾杯功夫茶，飲落香口易入喉。當晚我哋叫咗蠔餅、沙嗲炒牛肉、蠔仔肉碎粥、福果芋泥、碧綠川椒雞、潮州炒麵線、滷水拼盤。滷水拼盤味道不錯，滷水味非常之出。蠔餅同蠔仔肉碎粥都幾好食，但因為其他嘅食物更好食，所以相對地佢哋冇咁特別。沙嗲炒牛肉沙嗲味好香，牛肉又唔會好靭。碧綠川椒雞雖則佢唔係好辣，但都好入味。潮州炒麵線表面上看似冇乜特別，但食落去非常脆，味道都好得。甜品福果芋泥，食落去口感較粘口，幾特別，不錯。當晚我哋係平時日子去，但都算多人。所以最好去之前book定位先。…Read More

早前去咗呢間食晚餐，一入去，侍應先帶我去卡位坐下。由於我果次去係臨近聖誕節時段，所以餐廳嘅佈置都好有聖誕節氣氛，好靚。我叫咗龍蝦湯、加拿大龍蝦意大利飯、tiramisu。龍蝦湯超得，好濃嘅龍蝦味，食得出裏面有龍蝦肉。至於加拿大龍蝦意大利飯，亦都唔錯。除咗有大大隻龍蝦外，而且佢個意大利飯煮得唔錯，食到一粒粒，好有口感。甜品我叫咗Tiramisu，味道又唔會太甜，調校適中。而且佢個口感都係有啲軟林林，很好。…Read More

當日下午自己一人去咗西九龍文化區行下，之後去咗依間食下午茶。由於佢本身係冇下午茶餐，所以我就叫左啲點心。當日我叫咗彩虹鮮蝦餃、蟹肉海鮮春卷、黑蒜帶子餃。點心確實唔錯，蝦餃內嘅蝦口感都實淨，唔會有啲「霉」嘅感覺，都幾爽。春卷味道都唔錯，食到有蟹肉同少許海鮮味道，而且，春卷外皮都脆。至於黑蒜帶子餃，帶子食落去都有幾清新嘅感覺，唔會俾你覺得好多油個種感覺。嗰日去到餐廳人數唔多，而且佢有室外室內座位，位與位之間亦寬敞，都好舒服。尤其是當你坐室外嘅時候，望出去出面個景係好爽嘅。…Read More

當日下午自己一個人試下來依家食。原本想試吓佢嘅著名pancake，但實在太肚餓，所以先叫咗個主菜先。首先，叫左個Soufflé Omelet Chicken Curry Rice。食落去味道唔錯，雖然唔辣，但真係幾好食，好香，口感不錯。然後叫咗個甜品，original soufflé (add vanilla ice cream)。原本對呢一個甜品有啲期待，但可惜俾我感覺有啲一般，味道較淡，口感普通，確實有啲失望。整體來講，反而咖喱飯仲好食過甜品。呢個係我始料不及嘅。餐廳環境方面，尚算OK。…Read More

我哋叫咗一碗老火湯、涼拌海蜇手撕雞、招牌豬扒、手剁香煎蓮藕餅手工麵甘筍麵及招牌流心豬扒包。果然佢哋啲食物真係名不虛傳，佢出名係冇味精。食落去果下真係覺得好有住家菜嘅感覺，好新鮮，亦好好食 。老火湯，真係飲得出係用真材實料去煲。涼拌海蜇手撕雞味道唔錯，但未至於好突出。招牌豬扒真係整得好好食，食落又唔覺得好熱氣😅。我確實有啲期待佢嘅甘筍麵，果然冇失望。食落去，真係食到有甘筍嘅味道，有少少甜甜地嘅感覺。招牌流心豬扒包其實味道都真係好得，但可惜我哋實在太飽了。如果我哋個肚仲有多啲空間，應該會覺得佢更好味。餐廳雖然地方唔大，但感覺有一種家嘅感覺。真的不錯！…Read More

當日我同三位朋友去咗呢間食午飯，我哋叫左酸辣欖油大蜆意粉、牛肉芝士漢堡、雜菌松露意大利飯、慢煮醬燒豬肋骨。整體上，各樣食物味道都不錯。酸辣欖油大蜆意粉雖然用欖油，但感覺唔會太肥膩。牛肉芝士漢堡味道都好得，牛肉好焾。雜菌松露意大利飯味道唔錯，但由於豬肋骨的味道更勝一籌，所以已經被掩蓋了。慢煮醬燒豬肋骨超好食，入口即溶，好掂。可惜我哋太飽，如果唔係我哋會想再encore。餐廳環境方面，佈置不錯，座位與座位之間有足夠嘅空間，感覺唔會太迫，幾舒服。…Read More