小食家毛毛's Profile

獅子樓的週末早午餐是半自助形式, 飲品, 沙律, 前菜, 湯及甜品是自助; 自助部分選擇不算多, 都是最基本的沙律菜, 凍肉火腿等; 主菜則從餐牌上挑選, 港式日式西式任君選擇, 一共有十款, 實有一款啱你口味, 價格則由百多至二百多不等, 酒店唻講呢個價錢蠻吸引。餐廳面積不大但不會覺擠迫 , 環境舒適, 很適合三五知己邊吃邊談或跟家人簡簡單單輕輕鬆鬆渡過一個悠閒週末。服務方面亦不錯, 唯之前一次試過疑似漏了單, 等了很久才上菜。…Read More

環境舒服, 但因為樓底不夠高既關係, 人多時嘈雜聲好厲害; 若果想靜靜地享受二人晚餐的你, 恐怕呢間唔係一個好既選擇~ 不過, 我就覺得嘈一點都好過太過區謹, 因為我好怕拎包紙巾都引起注視既感覺 XDD講返食物, 呢度D扒係Dry-Aged熟成, 肉味特別香濃, 切開唔會有血水, 我地叫左個二人分既porterhouse, medium rare, 温度對位, 肉質嫩兼juicy。另外我地都有叫頭盤蟹餅同side dish青露荀同德國焗薯, 全部都好美味, 尤其係德國焗薯, 面頭焗到好脆, 好似食緊脆薯角咁!其實我都好想試佢地個cheese cake, 可惜實在太飽....希望將來有機會重臨啦!…Read More

尋日搭的士經過威靈頓街見到大大個招牌寫住"中環茶記", 餐室內又好明亮非常吸睛, 所以今日就決定去試下試!茶記入面每張枱既擺放不錯, 有別於平時茶記放到密質質, 樓底亦夠高, 整體空間感好好。時日我點了下午茶餐的西多士跟熱鴛鴦, 只係$28中環唻講好平~ 西多士炸得不錯, 不會很油淋淋, 入面填滿有粒粒既花生醬, 喜歡花生醬的朋友一定會滿足! 唯一唔好既地方係佢地用散裝糖醬而不是一瓶瓶可以refill的, 感覺很不環保.......至於杯熱鴛鴦, 入口夠滑, 茶亦夠香, 只略嫌不夠啡, 如果茶啡比例調整一下會更好!…Read More

從網上得知屋企附近有間新開既新派點心, 所以尋日星期日就去試下啦! 餐廳位置都幾近香港大學站, 由山道出口步行至餐廳應該不用十分鐘。我地到達時係中午時分, 幸好有一張吉枱, 遲我地一步既食客就要等一等喇。MENU選擇唔多, 如果想食腸粉既恐怕要失望了。我地總共點左五樣食品分別係: 海皇扇貝餃、鵝肝醬蝦春卷、胡麻手撕雞、水煎包、招牌蒸飯配銀雪魚及墨汁芝士蝦餃胡麻手撕雞 $32 – 一般, 冇特別, 麻醬唔夠香海皇扇貝餃 $38三件 – 味道一般, 冇鮮味水煎包 $38 三件 – 全餐最好食, 包煎得夠香但唔會油林林, 味道夠招牌蒸飯配銀雪魚 $58 – 食蒸飯唻講豉油都好重要, 但呢度冇提供, 我都冇問; 飯粒夠乾身但唔硬, 鱈魚味道同質地都不錯, 但稱不上係”招牌”墨汁芝士蝦餃 $45 三件 – 賣相一絕, 但咬下去就失望了。。。皮唔夠滑, 蝦肉唔鮮兼唔爽, 味道同芝士好似唔多襯(冇相) 鵝肝醬蝦春卷 $38三條 – 好味, 新鮮炸起好脆口, 唔油, 但唔多食到鵝肝味整體而言, 食物既賣相比真實味道吸引, 以上冇一樣食物令我深刻同值得推介。如果大家唔係街坊, 個人意見唔值得長途跋涉。 …Read More

星期日起身後，老公突然心血來潮想食burger，而其實之前我地一早計劃當日要到銅鑼灣一趟帶囡囡去salon兼買返學用品～所以我地就好快咁決定去burgeroom。到達目的地後，見到室內已滿座就唯有排隊等一陣啦，始終有冷氣舒服Ｄ所以都唔介意等下；過左兩三分鐘後，我見到室外有好多吉位咁我就問下個女職員可唔可以俾我坐住等（因為當時抱住個女真係超攰），個女職員用唔咸唔淡既廣東話答我唔可以，因為驚一陣有客要坐，咁我就禮貌答返佢話有客唻我會讓返出唻，但佢都係面無表情咁話唔得blah blah blah，我就開始忟忟地即刻叫左另一個男職員出唻，呢個男職員就正常好多，話我可以坐住等冇問題（之後我發覺原來另一枱兩人都係其實喺度等緊室內枱），點解餐廳會擺一個咁唔helpful & dump既人喺reception？跟住為咗省時間，諗住叫定野食一陣可以快Ｄ有得食，點知個答案又係NO，話個柯打係for outdoor，如果一陣掉返入indoor就會唔知點點點。。。OK，投降！最後我地決定坐室外，因為當日有少少風兼有太陽傘所以唔算十分熱。做過酒店同F&B既我，真係唔明轉張枱有幾困難！講返食物，當日我地叫左一個鵝肝牛肉漢堡同魚柳菠蘿漢堡(combo x 2)，有飲品同薯條，加埋二百幾蚊，唔算太貴。…Read More

久聞大名, 尋日終於有機會路經此地, 即刻同老公講一定要唻試!為怕陣間晚餐食唔落, 唯有雞蛋仔同格仔餅選其一, 我地就揀左一式夾餅share, 因為我家附近有一檔雞蛋仔蠻出色, 可惜格仔餅就麻麻, 所以就一於試下呢度既格仔餅如何!等左5分鐘左右, 終於到我地啦! 咬左第一啖之後, 我同老公不禁對望, 大家都流露住滿足既神態, 然後繼續食呀食呀....佢既好食之處在於外脆內軟, 厚薄同醬料都適中, 真係食過翻尋味!下次有機再幫襯既話一定要自己KO一底!…Read More

中環一向係假日晚飯首選, 唔好以為中環一定係貴, 好似咁交易廣場既翠玉軒就係其中一個抵食又質素不錯之選 (話哂都米芝蓮過), 加上服務不錯, 環境亦算舒適, 最啱同屋企人唻食飯!…Read More

今次光顧係用左entertainer買一送一既優惠, 只花左$83就有1/4 燒雞同side dish x 2, 真係好抵!外賣關係, 一返到屋企已經急不及待打開立即進食, 所以一張相都冇拍.....燒雞 - 完全冇令我失望, 肉質鮮嫩, 夠juicy, 雞胸肉都唔會乾爭爭; 不論烤既時間或調味方面都拿懾得不錯 (有時喺其他地方會食到一D香草味過重, 過咸或過淡) 喺香港, 可以食到質素高既烤雞真係唔容易!烤薯同烤雜菜 (side dishes) 份量很足, 雜菜食落新鮮爽脆, 兩樣食落都有淡淡既牛油香, 好味!!將來必定會再次幫襯!…Read More

店外店內環境不多說, 因為其他食友已經提供左好多相關相片~直入主題講食物:1. 滷水拼盤 - 全餐最正既一道菜, 牛筋, 豬腸等等全切得非常薄片, 所以入味程度100分! 如果份量多返D就好喇!2. 滷肉飯 - 味道尚可, 但飯太多同唔夠豬油3. 雞肉飯 - 都係飯太多同唔夠豬油, 味道同台灣食既有明顯距離4. 四神湯 - 足料, 但過鹹, 飲完勁口喝5. 鹹酥雞 - 味道可以, 但唔算出色, 肉質略乾6. 珍珠奶茶 - 比X腳亭差 希望佢地既食物水準會有所提昇, 唔好浪費咗咁靚是裝潢~…Read More

韓國炸雞吸引之處, 係鬆脆既外層, 嫩滑既雞肉, 沾上既辣且甜既醬汁, 聽到已經垂涎三尺!當日點既呢份炸雞份量足夠四人吃, 底下仲有炸年糕, 可能係讓食客既味蕾得到緩衝 (因為對某D人唻講可能會太辣) 本人算係食得辣之人所以我一舊接一舊吃個不停, 因為實在太惹味可口! 另外點既飯團亦相當不錯, 淡淡既芝麻油香配上蟹籽同紫菜, 味道一流, 好適合小朋友食! 喜歡韓國炸雞既朋友不妨一試!…Read More

從報章雜誌睇到呢間"的色"意大利小店, 就被佢既chic chic鋪面深深吸引住! 所以趁經過灣仔就去一趟~當日由於已經食過午飯, 所以只係叫左一杯咖啡味既gelato~ gelato極之軟滑, 淡淡奶香加上咖啡味, 真係冇得頂! 雪糕中層既脆脆同最底既餅塊則令整體口感昇華到另一個層次! 下次想試試佢地既gelato focaccia! 灣仔區加上此店既特色, 53蚊一杯雪糕絕不過份~…Read More

幫襯時只係soft opening, 或者星期日既關係, 搭枱都要排十多分鐘。餐室內樓底好高, 所以即使坐滿人客仍不覺焗促~ 服務方面可以接受, 較茶記質素好一DD。當日我地兩人點咗一個豉油王炒麵, 兩隻糯米雞奕同一份校長多士。先送唻既豉油王炒麵已經有D驚喜, 麵身炒得剛好, 唔會好油, 豉油味都夠香, 帶少少甜, 好好味~跟住既糯米雞奕都整得出色, 雞奕吊到很乾身, 外皮非常香脆; 之後先知原來個師傅係唻自農圃飯店!最後既校長多士聞名已久, 終於有機會品嚐, 熱辣辣脆多士沾上黑松露醬, 冇得輸!總括唻講都算唔錯, 價錢稍貴但物有所值, 希望keep到啦!…Read More

當天點了個招牌蟹肉雲吞湯麵, 麵底選了蕃茄麵 @$46, 另加$5有一杯特飲, 我選了黑糖薑茶.黑糖薑茶: 甜度適中, 頗潤喉牌蟹肉雲吞湯麵: 一唻試咗啖湯, 蟹味比我想像中不甚強烈; 雲吞入面有豬肉, 蝦肉同一絲絲蟹肉, 視覺上冇錯係有蟹肉存在, 但口感同味覺上就蟹感麻麻...至於個麵底, 隱約有D蕃茄味道, 但略嫌帶有梘水味...質地亦偏林身, 但出奇地食到最尾有一"住"係未散開, 仍然係硬bun bun, 咁即係代表本身個麵質係林, 唔係爽口既朋友...整體而言, 我覺得佢地可以用蟹既份量可以大方一點, 咁先至突出到蟹為主角, 當然價錢亦可稍調當香港咁多人願意花近百蚊去食一碗日本拉麵時, 就可以想想點樣去提高用料質素, 好過而家有點名過其實...…Read More

米線其實係一種普通非常既食物, 不過要做到好味都唔容易, 除咗個湯底味道要夠好之外, D米線稍一不慎就好容易過淋, 就會摧毀整碗米線...比起譚仔, 橋香園既湯味道較吸引, 因為譚仔既湯味道係較清淡的; 但若你想食米線之餘又有D小吃的話, 就不要唻橋香園喇~ 食得辣既不妨選擇大辣, 因為佢地既中辣都只係少少辣, 唔夠過癮~$30多元有一碗大大味道不錯既米線, 仲要係中環, 所以雖然坐位擠迫, 依然客似雲來, 往往接近三點都仍然坐滿的~餸料方面, 我最愛佢地既木耳同冬菇, 木耳夠爽脆, 冬菇夠入味, 最重要係唔肥丫嘛~ 愛吃肉既朋友, 可以叫佢地既腩肉, 都唔錯既~ 另外我幾位同事都話佢地既海龍 (=海帶)好味, 我下次都會試下~…Read More

千両壽司一向係我至愛, 雖然佢既價錢略高, 不過佢既刺身確係較其他同類食店新鮮肥美~ 加上佢時不時都有D季節性日本直送既精選, 十分不錯!  另外店內既飯, wasabi同豉油都有水準~當日原本想order極上吞拿魚鮫豪一豪佢點知冇哂, 所以就轉咗order咗次一級既特選吞拿魚腩 ($55/件), 雖然係次一級, 但已經非常非常美味! 佢既油脂分佈冇得頂, 咬落去感受到佢既油香同肥美, 真係唔捨得吞落肚呀~下次一定要食佢個極上吞拿魚鮫!!…Read More