nodamecyc's Profile

甜品幾好食，綠茶布甸、Tiramisu、曲奇餅、紅桑子芝士蛋糕海鮮就麻麻： 長腳蟹好淡味、青口好「鞋」無乜味。 煙三文魚ok , 八爪魚片好味點心一麻： 蝦餃皮好厚、燒賣味道一般。燒賣味道一般。服務態度非常好，waitress 態度不錯，（訂位時要求）他們為生日的朋友們準備甜品及寫上名字和祝福語，waitress 雖然很繁忙，卻樂意為我們拍照。謝謝她們的服務！每人實付$302，吃一頓3 小時的生日飯，這個價錢也算相宜吧！…Read More

是日約了老友食午餐，雖然話要3:00 前離開，但我們坐多一陣間，就可以。大蝦濶條麵不錯，醬汁是用番茄蓉整的汁，開胃、不會好滯。是日餐湯-南瓜湯也不錯。友人點了個扒餐有啲筋，一般啦。值得一讚是waitor 好落力咁樣去service 客人，好有禮貌，給menu 客人是雙手俾，good !雖然見他都幾忙下，但態度一樣咁好，好難得！後來另一位waitress 埋單，忘了提我們用app有9 折（入來時download 咗），就埋左單，同佢講返，佢哋都ok void 單， 再來過，儲分和用app 。總括來說，上至經理，下至wait or and waitress, 服務質素都是高質的👍🏼👍🏼👍🏼環境都幾靚，門口有水池，又可以拎隻熊仔🐻來影相打咭，幾有趣😁。…Read More

原本想揀牛舌，可惜兩款牛舌嘅套餐都冇！有啲失望！見到有枱食客因為咁而走咗。最後揀咗個香蔥牛肉卷$98，我有卷味道唔錯，不過食完有啲口渴。章魚燒餅有點貴要$128 ，其實就好似章魚燒變咗大餅咁樣，冇乜特別。辣酒凍螺好重香料味$78，唔建議食，唔抵食亦都唔好食。套餐包埋一個蕃茄沙律，你蕃茄仔都算新鮮嘅，不過醬汁就好似鹹咗少少，麵豉湯、一粒大約3×3 cm嘅豆腐加啲芝麻醬、同埋一罐汽水。這一餐午餐約330大元，唔係太值得！食物質素一般味精、非常重。…Read More

呢間酒樓的間隔好舒服，好靚，又唔會好嘈，朋友聚舊傾計幾好！叫左4 人餐加一個餸，6 人食已經好夠飽。 义燒好好食，好「林」，又唔會太肥，有某大酒樓x苑的水準。魚好嫩滑，剛剛好。片皮鴨不錯，特別是包住來吃的那塊「皮」好煙韌，唯一是不太夠多，食到後期無晒了，要齋食鴨。甜品的桂花糕是清甜有桂花味的，不是那些一舊「糖水糕」。由於朋友是街坊，住址證明有8 折，都幾好😃。食完又送張$100 coupon ,不過要食$500 才可使用一張。…Read More

今次食海南雞飯和炒金邊粉，整體味道是可以的，蝦也許是雪藏，無乜味道。平時鍾意食黃咖喱牛腩多啲。今次轉下口味。午餐加$12 有兩件甜品，椰汁千層糕，食過好多間泰國野，呢間係整得最好食，軟糯適中，微熱，加埋椰汁perfect !我剛剛坐低等朋友時，侍應細心地提我，若怕凍，可以坐左面，無咁近風口位👍🏼之後見到有個行動不方便的老人家離開餐廳時，可能行得太慢，度自動門慢慢咁關上，旁邊做緊野的侍應即刻禁開口制幫佢，反應好快、細心！…Read More

朋友介紹來呢度食，看到食評有點担心。抱住試吓的心態，親身體驗係咪咁差先。不論男、女的淺啡色衫年輕一些的侍應、態度都非常好，好樂意幫忙。我原本坐的位置剛巧有一大班人一齊，比較嘈吵，同個男仔講，他立即幫我轉位。點餐時，大致都ok , 只是覺得綠色衫的侍應有點不耐煩，朋友問多句，都有點唔想答你咁，耐性有待改善。但後來埋單傾計，態度多ok 喎。午餐前菜：餐包餐湯或沙律主菜：點左兩個餐-左個牛扒和盲鰽魚，魚好好食，3 件，好精緻。煎香塊皮，d 肉好鮮嫩。d 配菜好豐富：有南瓜、車厘茄、薯仔、菜（有少少醋調味）…Read More

點了個set lunch, 蕃茄湯，羽衣甘藍煙三文魚沙律。羽衣甘藍有蒜蓉，芝士片，幾好味。蟹肉松露雜菇菌意粉可以接受蟹肉松露雜菇菌意粉可以接受啦有，真係有蟹肉係面，兩小團的蟹肉，整體係好食。如果個蕃茄湯d 蕃茄味多啲，鮮味d, 同埋啲湯無咁「傑」會好啲。值得一讚嘅，係個waitress, 態度好好，好helpful。 見佢地人手不足，但她依然好落力去serve。做得好好👍🏼…Read More

初頭見到啲評語好差，也担心會否中伏。但老人家好想去，就試試吧！食物質素义燒- ok燒腩仔 - 有水準忘了什麼菜的水晶餃，好細粒，味道ok 食物水準是無問題，只是趕少少，不可以嘆茶，慢慢傾，用餐時間是1小時15 分鐘。所以要嘆茶，就不要去呢間啦，食個快飯，就無問題。這是呢間公司嘅管理層的決定，所以真係唔好難為d 員工，人哋都係搵兩餐啫。由攞位時，門口的支客已經好緊張同我講，要12:45 還枱。坐低後，也溫馨提示多一次。也有來推銷湯水，我明白這是指定動作，禮貌地回答唔需要，謝謝，就可以了。每次舉手找人來，侍應是飛僕埋來，坦白講，我感受到他們好大壓力，好繃緊。因為他們要滿足公司的要求，一個午巿，要返幾轉客。所以他們毫不放鬆咁招呼客人。服務態度是好的，也是欣賞的。12:40 有人過來請我們埋單先，我們都好識做即埋。…Read More

海鮮唔掂喎叫左 兩個 蟹餐，再點了 花甲、聖子、貴妃蚌、蝦、鮑魚。還有 梅頭肉、雞肉丸、雞滑、豆腐、王芽白、白蘿蔔、韭菜餃。粟米、芋頭和南瓜粒作為粥底。蟹- 都甜，但蟹肉有點「梅」花甲- 一碟好多沙，質素唔太好，另一碟就新鮮啲。聖子 - 係又細又無肉，真係唔得貴妃蚌 - 一大一細，一隻新鮮，一隻麻麻蝦 - 好鮮味、彈肉，最掂係蝦鮑魚 - 一隻可以，另一隻的内臟有强烈的味，似是唔新鮮🥲雞肉丸偏鹹，雞滑帶有點「雪」味，好唔掂☹️。梅頭肉- 係ok韭菜餃- 都不錯，細細隻咁白蘿蔔， 好遲先來，搞到唔太「林」就要食黃芽白- 幾甜見到d comment 幾好，感親身體驗，卻是十分失望。寧願你少d 選擇，也要俾d 新鮮嘅海鮮給客人吧！…Read More

一直好想試吓這間台式餐廳，今晚點了紅燒牛腩刀削麵、肉鬆蛋餅、蘿蔔絲餅、九份芋圓。牛腩好「林」又唔會「鞋」很有水準。最驚喜的是刀削麵，一向都不愛吃，因為通常一係好「林」或「硬」。呢到真心好食，唔太「林」之餘仲有啲「Q 」彈，又入到味，真係超好吃。肉鬆蛋餅，新鮮做之餘配埋面頭的汁，好夾，好好食。蘿蔔絲餅就一般，似吃蔥油餅咁，只是蘿蔔絲餅用嚟整。個仙草奶茶就一般，似奶茶加d涼粉入去。最後個甜品是九份芋圓，芋圓係好Q彈,但可以個料重返一些（即係地瓜、芋頭分量重返少少），今晚點果個是有珍珠、芋圓、仙草、白色的小珍珠（似好細粒湯圓咁）但沒有紅豆🫘（可能我揀錯了）建議有紅豆會好吃些。…Read More

食下午茶首先，入去坐低，好多空位，卻叫你坐門口最邊邊嗰位。我哋拒絕，才給予一個好少少嘅位。問飲品能否加錢換其他飲品，決絕話無。到埋單，就指下去邊度埋，答多句都費事。如果你想好好地享受一餐飯，有啲服務的話，就要唸下。…Read More

今天叫了海鮮扁意粉和芝士漢堡，有幾隻蝦，迷你番茄仔，意粉味度剛剛好，帶少少酸。食落唔會好肥膩，清清地，要連埋d 汁一齊食。 漢堡好大個、不過d 肉就熟咗d。薯條都不錯。杯果茶飲落好舒服，唔會太甜，幾開胃消滯。最貼心是叫蛋糕，我告訴個女侍應是朋友生日，能否寫字上去。件蛋糕來到，見到碟上的d 字寫得好靚，還有加埋星星蠟燭，好靚，朋友好驚喜👍🏼好貼心的服務，抵讚👍🏼件蛋糕的味道也不錯🤗還有這裏環境好靚，不妨影多幾張相。…Read More

燒腩仔好吃，皮脆肉嫩，果然是廚師推介。海螺燉白肺，好清潤，好味，螺肉好「林」。蟶子王炒海蝦，蟶子鮮味，唯一是好小份量，切一小段段食，不是太多。花雕雞，酒味香，但肉有點「鞋」，可能要凍食好啲，即係上海店的食法。花膠菜苗，煮得太「林」了，欠了些薑、蒜頭去辟走那些草青味。蟹肉燴伊麵，真有唔少蟹肉係到，味道不錯。蟹肉珊瑚煎元貝，元貝鮮味而且大粒，厚肉，正！翡翠炒班球，正常水準。加埋甜品，蛋白杏仁茶，都幾好味😋服務方面，最先是有不足之處，叫極都無人來寫菜，要客人行出去找部長寫菜。我們即時反應呢個問題，他們也有好的回應，立刻有一個同事睇返住附近嘅枱。…Read More

這個甜品-愛文芒椰汁芒果河粉，完全唔掂！椰汁唔夠濃，芒果連皮有啲怪，究竟整時有否洗乾淨？芒果皮又唔食得，為何會連皮上？ 河粉- 以為是蒟蒻粉做的，點解好似真河粉咁厚，又唔爽。呢個配搭真心唔得呀！竽圓涼粉豆花，竽圓大粒但完全係粉多無竽頭味、無蕃薯味攞。自己係屋企整都好食過佢喎！完全無誠意的甜品，令今晚的晚餐欠了一個完美嘅句號！…Read More

叫了個$10xx 兩位的套餐，他們的凍蟹、膏蟹真係好正！非常鮮甜、蟹膏亦好甘香。琵琶蝦反觀鮑魚、貝類的海鮮就麻麻，海水味極重、好咸。肉丸就ok, 雞肉好滑好味。人手唔算多，但服務態度很好。吃完還有甜品送- 椰汁燕窩。若每枱有濕紙巾供應會比較好。…Read More