oooohmyfoodie's Profile

位於市中心的 burgeroom 絕對是本城最出色的漢堡餐廳之一。無論是用餐環境、菜品味道還是服務質量,都展現出極高的水準。用餐環境方面,餐廳裝潢時尚大氣,采用大量玻璃和金屬元素,給人一種時髦摩登的感覺。座位舒適寬敞,配有充足的自然採光,非常適合舒適用餐或與朋友聊天放鬆。餐具乾淨精緻,讓整個用餐過程都充滿了高級感。菜品味道自然也是這家餐廳的一大亮點。他們的經典牛肉堡肉質鮮嫩多汁,搭配新鮮的蔬菜和獨特的酱料,口感層次豐富而不油膩。其他漢堡選擇如雞肉堡、素食堡也同樣美味可口。薯條酥脆可口,配上醬料更是一絕。餐前小吃和甜品同樣精緻可口,讓整頓大餐吃下來賓至如歸。最後,服務人員也是這家餐廳的一大賣點。他們熱情周到,對餐廳的每一個細節都瞭如指掌,能夠迅速準確地為客人推薦和解答疑惑。整個用餐過程中我們一直感受到他們由衷的熱情和專業,讓人賓至如歸。總的來說,burgeroom 無疑是本城最值得一去的頂級漢堡餐廳之一,無論是用餐環境、菜品口味還是服務質量都讓人印象深刻。強烈推薦大家前去一嚐它的美味!…Read More

今日嚟到北角食晚餐，見到一間環境氣氛相當好嘅餐廳，二話不說就入左去坐底。我地嗌左晚餐二人set，有得自選菜式兩碟，有湯、飯同飲品兩杯，價錢都係$228，好抵食！啫啫雞煲估唔到冰室入面都可以食到有火候嘅雞煲，雞煲嘅醬汁好開胃，辣辣地撈飯好夾，雞件舊舊都啖啖肉，好推介！椒鹽鮮魷炸得好脆口，炸粉唔會太厚，比例剛剛好，鮮魷每一件都厚肉，食落好滿足，椒鹽味嘅搭配好夾味，又係一味送飯。華田暴龍脆脆平時飲開華田，但第一次飲咁滿足嘅華田特飲，估唔到加埋上面層脆脆係咁加分咁滿足，小朋友一定要叫！西班牙特濃朱古力咖啡對於中意飲咖啡嘅人嚟講，呢杯飲品完全滿足到想咖啡嘅癮，又唔會太濃烈，怕夜晚瞓唔著，咖啡同朱古力味好夾，唔會搶左大家嘅味，呢杯好岩中意咖啡之友叫！…Read More

今日嚟到銅鑼灣飲nuttea，之前已經聽過好出名健康主打，佢係以五道堅果「腰果、核桃、杏仁、榛果、夏威夷果」經冷壓萃取乳化後製成，好適合戒口人士。伯爵巧克力堅果奶蓋茶 甜度可自由選擇，底層係伯爵優雅茶香，好順喉絕不澀口，朱古力奶蓋用五種堅果研磨與朱古力混合，最後係表層灑上厚厚的可可粉，朱古力嘅香濃苦甜，奶蓋濃郁綿密，完全停唔到口，飲到最後均勻攪拌，可以喝到奶茶味，勁滿足。蘋果脆脆楓糖堅果奶蓋茶開頭以為有楓糖會好甜，但楓糖味係成杯飲品嘅加分位，蘋果脆脆加埋茶底一齊飲，好fresh好開胃，就算有奶蓋，一啲都唔漏，中意楓糖嘅朋友仔可以試試！…Read More

川花烤魚臨近聖誕節又凍凍地，去左荃灣廣場對面一間烤魚店食魚，舖頭裝修好日本風，地方空間都大，坐得舒服。我哋兩個人就嗌咗一條酸菜味加辣烤魚，老闆推薦我地食草鯇魚，本身我比較怕食魚，驚好多骨，點知條魚好驚喜，魚肉好嫩，冇乜骨之餘仲要唔腥，完全打破咗我本身對魚嘅恐懼。在加埋湯底嘅配料，夾埋魚肉一啖食，成件事好夾啊 ！酸辣味辣到適中，酸酸地又開胃，打邊爐嘅話，呢個湯底就一定要嗌！配料方面，我哋嗌咗粉皮，粉皮吸晒啲湯嚟食好入味！另外嗌咗薯仔、鴨血、豆腐、萵筍、全部都係打邊爐，必食吸湯嘅材料！肉類方面就嗌咗肥牛，肥牛份量好足夠，好有牛味！呢間舖比較特別，可以叫串燒，所以我哋就嗌左串燒鰻魚同牛舌，串燒燒得好夠火喉，推介大家叫串燒！飲品方面就嗌咗手工制嘅洛神花茶，天然手工沖，所以味道一啲都唔甜，好解渴，仲要好大支添！總結，如果大家離開荃灣想食暖笠笠嘅烤魚，極度推介大家嚟川花烤魚，性價比好高，啱晒一班朋友嚟食！…Read More

近排好想食泰國野，就嚟左呢間泰然餐廳，佢位於青衣，估唔到小商場裡面竟然有間泰國餐廳，仲要係平民價，如果食lunch的話，都好抵食！我同朋友今次叫左好多野食，前後落單，唔洗15分鐘已經上齊野食，職員好有禮貌好細心，會問下食辣程度去到邊👍🏻泰式生海蝦（六隻）$88生蝦上到嘅時候覺得好驚喜，每隻蝦都用不同嘅杯仔搭配唔同嘅醬汁，真係好少見，醬汁好開胃，生蝦鮮味重，好後悔叫左6隻，應該叫個12隻份量先夠喉🤪冬陰功海鮮湯$108冬陰功湯已經用個爐仔keep住煲，值得一讚嘅係，入邊材料好多，有幾兩隻大蝦，仲有啲雜菇同魷魚等等，辣味酸味剛剛好，值得叫！泰式明爐青檸汁烏頭$138呢個價錢食到泰式爐魚，真係好抵食，平時去到九龍城先會食到呢個價錢。條魚一啲都唔腥，搭配青檸汁食，好fresh，佢另外仲搭配左個泰式辣汁俾我哋，有唔同嘅食法，好抵食☺️小食拼盤（小）$108小食拼盤好適合兩個人叫，每樣小食都有兩件，啱啱炸出嚟仲熱辣辣，搭配咗一個沙嗲汁，串燒肉好惹味，蝦餅同春卷都好鬆脆，大家可以叫個細份試下。泰式菠蘿海鮮炒飯$98我冇諗過個炒飯$100都唔使，嚟到嘅時候伴碟好靚，好有泰式風情嘅感覺，仲要大大份，真係好驚食唔晒😂材料勁多，好足，最鍾意菠蘿炒飯搭配好多nuts，呢間餐廳完全滿足到我所有願望🫶🏻馬拉盞炒通菜$58最後嗌咗個炒菜，馬拉盞炒通菜好有鑊氣，通菜唔會好老，調味剛剛好，我食落去都唔覺得好油好熱氣嘅感覺，如果有下次會試埋個芥蘭😬椰青$36我同朋友分別嗌左杯野飲，椰青好抵飲，出邊自己買分分鐘要$40一個。火龍果芝士沙冰$32火龍果芝士沙冰已經見到上網有人介紹，佢真係有啲似台式飲品咁，上面層厚芝士好滿足，唔會有漏漏嘅感覺，下面火龍果真係新鮮整，成件事好健康，讚👍🏻一間喺小商場入邊嘅餐廳，竟然有九龍城嘅水準，極力推薦大家去開青衣可以試下。…Read More

今日嚟到荃灣新開無耐嘅如心廣場二期食飯，揾左一間好正宗嘅川菜餐廳食飯，我地約左七點半食飯，入到去已經算好多人，好彩唔洗排隊姐🤪門口有大大個熊貓公仔🧸俾人做影相位都幾可愛😙最特別嘅係，落單係要用電話掃QR code入到頁面慢慢揀餐，其實食物種類唔多，因為主打食酸菜魚，見到每一枱客人都叫左一大盤酸菜魚，我地都唔汁輸叫返盤先😬就叫左人見人愛酸菜魚配粉條，小辣($256)，上菜嘅時候見到真係好大盤，唔單只盤大，入面嘅料都十分十足，有少量紅辣椒係面，魚肉大小適中，入口好嫩口，店員仲話我地知呢隻係爐魚，所以肉質好嫩，而個湯底酸酸地又麻辣，好開胃，如果食得辣嘅朋友仔可以叫中辣🤪🤪🤪除左酸菜同魚外，佢仲有萵筍、雜菇添，粉條已經一早放左係入面，佢係好似平時食寛條薯粉果隻質地架，好煙un同個湯底好夾，另外我地仲配多個白飯送湯飲，果然真係好夾，好正🤓好推介大家嗌多一個白飯送酸菜魚一齊食🤩咁大盤，對於兩個嚟講都應付到，不過如果要食埋其他野就可能三至四個人食就岩岩好！另外我地仲叫左兩碟小食，分別係酸辣木耳，小辣($38)，木耳份量細細碟好夠兩個人食，不過酸味就略略蓋過左個辣，所以如果下次叫中辣就應該剛剛好，木耳係涼拌小食，所以凍凍地食好開胃，而且木耳咬落去好爽脆！推介！👍🏻👍🏻👍🏻最後叫左碟川式口水雞，小辣($68)，佢都係涼拌小食，我覺得呢個口水雞俾到驚喜我，個麻辣味好正好濃，好似某間米線嘅麻辣味道，仲有啲青瓜絲係底，如果再多啲青瓜絲就好喇😝😝😝個人認為呢碟川式口水雞係餐廳嘅皇牌菜式😍😍😍總結，埋單食左400幾蚊左右，加埋一，價值食到正宗川菜我覺得好值啊🥰下次會再來！…Read More

今日係荃灣突然好想吃串燒同酸辣粉，就揾左間叫串串香專食麻辣燙同串燒嘅餐廳。餐廳總共有三張紙俾你填，佢有好多款配菜俾你自己tick。係填寫期間，店員就主動遞上一盆熱水同餐具，呢樣服務值得一讚，因為好多餐廳都係冇熱水俾你清洗餐具。我哋嗌左一個大嘅麻辣燙配紅薯粉($42)，因為第一次試怕會好辣所以就揀咗BB啦！因為有好多種揀，花多眼亂，而佢呢個就有晒好多嘅材料，有魚蛋、魚皮餃、朱紅、豬皮、牛腩、墨魚丸、時菜、蘿蔔，大大碗唔洗驚食唔飽，佢嘅湯底一啲都唔辣，但佢嘅麻辣香味同紅薯粉好夾，所以食完會再想繼續食落去，不過下次我會再嗌辣啲😋😋😋另外，我哋仲叫左一碗自選酸辣紅薯粉，蘿蔔、水魷魚、肥牛，小辣湯底，酸辣嘅湯底好味過麻辣燙湯底，完全係平時食嗰隻酸辣粉嘅味道，好正宗，最中意佢勁多花生同酸菜，正！兩碗嘅紅薯粉都彈牙好爽身，佢仲有其他面類俾你揀架！係燒物方面，我哋都嗌得幾多下🤣🤣🤣認真好推介好好味🤩👍🏻燒原條茄子($42)必叫！佢呢隻小茄子蒜蓉超多，麻香味好重好重，燒得好冧，仲好食過好多串燒檔！燒豆卜串($16)同娃娃菜($12)必叫！🥰豆卜燒到卜卜脆！娃娃菜索哂啲味好正！其他就嗌左燒羊架($34)、燒雞腎串($11)、燒雞翼串($18)、燒芝士丸($15)都好推介！令我最驚喜最開心嘅應該就係天地一號($12)😙😙😙平時喺大陸先有得飲竟然喺香港都可以飲到！…Read More

今晚專突出到銅鑼灣築地日本料地食黑夜壽司🍣知道呢間築地九點後有半價壽司優惠，但講左想試好耐，終於有機會食喇😝築地餐廳九點後時段，可享有三個個優惠，分別係半價壽司、85折壽司和85折料理。比平時時間食，係抵食好多架！因為呢排敏感時期，餐廳好細心，帶我地入座後就俾左兩個裝口罩嘅信封✉️我地，每枱仲有一支消毒噴霧俾我地消毒雙手，衛生方面，餐廳真的做得非常足夠！👍🏻👍🏻👍🏻由於九點優惠係另外下單的，店員會俾Qr code俾你自己用電話落單，如果你想食餐牌上嘅料理和飲品，就可以親自向店員下單。淨係睇優惠時段嘅壽司種料都好多，我地首先叫左鹽燒牛舌兩串，牛舌每串有三舊，燒得好香脆，味道不會很重味精味，反而落左啲檸檬汁提升左個肉味，完全食唔到陣蘇味，如果唔係食到好飽，我一定再嗌多串嚟食😋😋😋認真好好食！到壽司方面，我地都嗌得好幾種嚟試下，三文魚壽司好新鮮好厚肉好滿足🥰🥰🥰花之戀一舊有三至四塊三文魚包住，成件事係好滿足，三文魚絕對一定要叫！之後令我最鍾意嘅係甜蝦壽司，甜蝦超大隻，晶凝通透，入口係超甜超甜！真心好鮮甜！係咁多種壽司最好食😋另外芝士玉子燒壽司，係暖暖地燒好送上嚟，啲芝士同玉子融埋一齊，好滿足，仲要好大舊🤩最特別嘅一定係十八禁三文魚壽司，聽到個名好好奇就叫嚟試下🧐點知係辣辣地辣醬味三文魚？但味道出奇地好食😋好特別啊😬唔係間間日本餐廳都有三文魚籽壽司食架！仲要價錢一啲都唔貴添！食入口一粒粒脆卜卜，唔會有魚腥味，好新鮮！👍🏻👍🏻👍🏻一定要叫！最後，男朋友仲叫左杯梅酒($45)飲，一啲都唔貴，因為我唔好酒精飲品，所以唯有俾佢獨自享受🤪佢話甜甜地好易入口，比起之前飲過嘅梅酒好飲，不過梅酒就無得享有優惠喇😂埋單只係$400都唔洗，仲要食到飽住走，係銅鑼灣地帶嚟講好性價比高！😍推介大家九點後嚟！…Read More

今日同兩個朋友嚟到難得入到嚟大埔行下，緊係要去大埔廣場喇，見有啲肚餓就入左一間餐廳，裝飾都幾得意~一銘記食下午茶，佢座位好寛落，裝修好得意可愛，全部都係似卡通插畫為主。我地叫左花雕貴香杞子醉雞米線($68)，送一杯冷熱飲品，份量非常十足，花雕醉雞係分開碟上，淨係一碟雞都幾多件下，味道方面好重花雕酒味好開胃，雞肉好嫩口，完全唔乾身，配埋碗清湯底米線好健康加補身😋另外，朋友叫左咖喱日式炸雞球撈粗麵($50)，通常車仔麵撈粗就見得多，但咖哩撈加日式雞球真係第一次見🤪中日合璧😋粗面食落好彈牙，咖喱好入味唔會話係好辣果種，日式雞球揸得好鬆脆，炸粉一啲都唔多，食落去啖啖肉超正！好推介！然後，另外再叫左招牌牛三寶粉($45)，有晒牛腩牛筋牛肚，牛腩仲要係半肥瘦嗰隻有筋，超好食超入味！好似local嘅牛腩河咁，係香港餐廳好少可可以食到咁正宗嘅牛腩河，仲要有三樣送都係$45咋，抵到爛喇🤪好推介大家得閒入嚟大埔踩單車嘅時候去食下，平民價好親民呢😍…Read More

今日同班fd想揾個地方敘舊食下飯，就揾左間燒流水蝦餐廳，香港應該都無乜地方可以食到即夾即燒嘅流水蝦，所有今次試下新野過癮下😬餐廳地點都幾方便，搭西鐵到錦上路再行5至10分鐘就到喇，真係好快好方便，一啲都唔難揾架！去到餐廳門口大大個發光牌寫住燒蝦哈，成個位勁大，仲有二樓添，去到已經差不多六點半，可以望住個日落食燒蝦好正！店員安排我地上二樓坐，樓上環境勁靚，真係好似去左泰國嘅餐廳食燒蝦咁，完全唔似係香港，坐得好舒服好chill🤪佢每枱都會有個水缸裝住啲大頭蝦，啲大頭蝦真係好生猛好活躍，拎個夾想去捉佢都走得勁快🤣店員一早就準備好個炭爐俾我地燒，仲有一桶冰水，我地首先當然係燒左蝦試下先喇！大頭蝦需要即刻放入冰水到浸一陣，然後先放上炭爐到燒，放少少鹽燒，燒到至紅色可以食得喇！呢到啲大頭蝦好大隻，啖啖肉仲有好多蝦膏添，味道超新鮮啊！我地幾個都食到👅👅👅大頭蝦係仼夾仼食添啊👀除左大頭蝦之外，仲有肉類同蔬菜類可以燒，店員好推介我地食羊架，平時唔好羊架嘅我，都覺得好好食，一啲都蘇超入味，仲有兩隻醬料俾我地點嚟食！雞翼都好好食！好似全部都係自家葉制👍🏻仲有其他肉類: 豬扒、牛仔粒、雞肉等等，仲有丸類、廚師腸、芝士腸仲有台灣腸添🤪 蔬菜類，就有生菜、翠玉瓜、茄子、粟米、三色蕉、雜菇等等，最推介最好食一定係菠蘿🍍，燒菠蘿真係無得輸！超甜超多汁！我地不停refill左好多轉菠蘿嚟食😋😋😋仲有燒豆卜都好好食，慢慢燒到佢至金黃色，脆卜卜點個甜甜地嘅醬就正☺️☺️☺️ 飲品都有好多種類，全部都係盒裝飲品，想飲咩都有啊，如果想飲啤酒就要另加錢喇。最驚喜嘅係餐廳仲送左四隻芝士蒜蓉扇貝同好多隻花甲俾我地😍😍😍😍原來星期五至日就會額外送海鮮俾客人燒，仲要係好鮮甜好好食，真心正！😆😆😆另外，餐廳仲好細心勁周到，仲有好多野玩添，有夾公仔機、桌球、小型波波池仲有麻雀打啊！岩哂一家大細嚟，小朋友又有得玩，大朋友可以專心食😜聽店員講，夠20人就可以包哂一層燒野食加玩哂所有設施，但都係收人頭費咋！人頭收費: $328 另加一如果Like&share 社交平台可以就享有九折揸車的話，有位置俾你拍車，唔洗擔心😚大時大節想約埋成班fd聚會，呢到岩哂你，燒大頭蝦唔洗去到泰國喇，香港都有！最重要係好易去！好方便🤓…Read More

今日同男朋友嚟到荃灣一間日本餐廳食飯 初見，六點鐘去食，都已經有兩三枱客嚕，環境睇落非常正，好似入左去森林咁，長身佈置全部都係草為主，好有大自然嘅style，座位坐得好舒服添！呢排天氣涼涼地，就同男朋友叫左個bino set，我就嗌左個野菜豆腐鍋$58，而男朋友就叫左安格斯牛肉鍋$88，兩個鍋分別都可以upgrade做餐+35就享有刺身+湯+飲品喇！都幾抵食架！湯方面佢有南瓜湯同麵豉湯俾你揀，南瓜湯味道好濃郁好入味，我最欣賞佢嘅係佢嘅碗碗碟碟都好靚，好有日本風味☺️而刺身就有三文魚吞拿魚同劍魚，每份各兩件，好鍾意食三文魚嘅我都覺得好新鮮好肥美，特讚一下！主菜方面，兩個鍋都係用火熱住捧出嚟嘅，個份量都好多下架，我同男朋友嗰個嘅分別就係佢比我多咗一碟牛，仲有醬料俾佢點牛肉食，味道方面個湯底好濃郁，好似壽喜燒果種湯底，有豆腐、雜菇、蘿蔔、椰菜、竹輪等等，仲配埋一磅珍珠米白飯俾你添，打到唔夠湯的話，店員仲會幫你加湯，男朋友食安格斯牛肉都話牛肉味道不錯！個醬汁好特別有少少薑味甜甜地好開胃！飲品方面，我哋就叫左茶，原來佢茶方面都有幾隻俾你揀，有柚子茶綠茶等等，好多選擇！overall無論環境食物服務方面，我哋都覺得不錯，下次一定會再嚟食🥰好推介大家嚟荃灣食！😉…Read More

呢排停課又停工，周圍都唔敢去，所以就決定同男朋友去鴨脷洲香港仔果邊遠啲行下，可以坐下船仔行下海旁拍下拖🥰順便去埋想食好耐嘅酸菜魚☺️☺️☺️我地五點左右去食呢間酸菜魚 香港仔 十三少酸菜魚，但佢嘅位置比較偏僻，係啲小行入面，有啲似地庫咁，但環境真係好靚，但有好多張卡位坐好舒服😌坐底左之後，店員會俾一大樽熱嘅檸檬水你自己倒嘅飲，好細心，因為據我所知大多數餐廳都係俾生水俾客人飲，所以今次係熱水我就好放心飲喇😬除左水外，佢仲有好小兜嘅零食，甜甜的好似爆谷咁幾得意！而落單方面，佢有餐牌俾你自己tick想食咩，種類唔多，主要係食酸菜魚或者水煮魚果類，有兩隻size，咁我地兩個人就叫左細size($198)，配菜就自己另加，我地仲叫左寬粉、白飯、紅糖糍粑仲有都土豆絲。酸菜魚($198)普通size已經好大盤，有少少嚇親！初頭以為得個盤大，點知魚同湯嘅量超多超滿滿的！仲有極大量酸菜同辣椒🌶️仲有其他香料！但味道超好味超麻麻辣辣的😬仲會越食越辣添，食唔到辣嘅朋友，可以嗌唔辣架！寬面加埋落湯好入味好有咬口好彈牙！個湯送埋個飯好好好味，好好似泡飯咁，最岩呢個季節食，暖粒粒好暖胃。土豆絲一碟仔已經好多，兩個人都食唔哂，我厭佢麻辣味唔夠重🤭不過開胃菜嚟講100分！最後就係紅糖糍，呢個小食係香港好少有，所以一見到就即刻要嗌😂佢係類似炸物，咬落去表面鬆脆入面好有咬口好煙銀，再點埋個紅糖醬好邪惡☺️總結，呢間野嘅酸菜魚好正宗真係好似我之前喺四川食嗰隻咁，好推介大家嚟食！…Read More

今日嚟到深水埗呢頭尋下寶睇下有咩好食😋俾我地揾到間食江南瀨粉，見到瀨粉就好好奇係咪平時我地食開果隻瀨粉，所以膽粗粗就入左去試下🤪因為係六點幾時段不算太多人，所以坐得好舒服，下單係自助寫單型式，餐牌有好多選擇，有得叫set有得自選菜，我就叫左一碗紫菜台灣貢丸瀨粉，麻辣湯底，佢又可以揀米線同薯粉添，不過一場嚟到無理由唔試下佢嘅招牌瀨粉嘅。原來瀨粉都幾大碗下，同我想像嘅瀨粉有啲出入😂佢江南瀨粉原來係粗身啲嘅，食落口好得意好彈牙，好好食！而個麻辣湯底一啲都唔會好辣果種，飲落去清清地麻麻地好過癮架🤪紫菜好似同平時係香港食到嘅有啲出入，唔知係咪真係江南嚟嘅關係呢🤪🤪🤪貢丸就真係食落去無得頂，好彈牙好正啵！另外仲叫左碟酥炸雞翼🤩雞翼真係真心推介！佢新鮮炸出，仲有酸辣醬配埋俾你，仲好食過某間快餐店嘅脆香雞翼😍😍😍真心推介呢間江南瀨粉俾各位朋友仔，去開深水埗不妨試試佢！🥰🥰🥰…Read More

好耐無同男朋友周圍去食好西喇😂😂😂今晚突然唔係好想食飯，我地都好想食啲熱氣唔健康野😋所以嚟到大角咀尋寶！俾我地揾到間專食burger嘅小店🤩原來呢間Burgerman係深水埗都有分店架！店舖雖然好細，但鋪豆內裝修好有風格！以暗黑為主夠哂型格😆而店內座位都係以高枱為主，大確可坐到10多人。我地果陣八點去，都好多人喇。我同男朋友分別叫左日本神戶牛漢堡($118)，如果想upgrade 做set可加$20，有得配薯條/薯格/沙津，同埋包埋飲品，都係罐裝汽水果啲選擇，而我地就嗌左兩個set，一個配薯條🍟，另一個就配薯格，另一個漢堡就揀左最classic嘅招牌芝士漢堡($60)。我地嗌完餐後，店員首先會俾左飲品你先，然後自己揾位坐住等，大確等左5分鐘左右，兩個漢堡餐就嚟到喇🥰男朋友個日本神戶牛漢堡好厚size😂材料十足！漢堡裡面仲配左炸洋蔥絲、日式焙燒芝麻醬仲有意大利寶伐朗芝士，賣相相當吸引啊！😋😍男朋友話塊神户牛好juicy好好味，一啲都唔乾，食到唔停口😂而個薯條係新鮮炸出，所以好脆卜卜，最中意佢係粗薯條😝而我果個招牌芝士漢堡都好吸引，唔好以為佢係好普通嘅芝士漢堡啊，佢係自家手打牛肉，仲配左車打芝士，最中意簡單得嚟好食啊嘛😋塊手打牛好厚好juicy，食完個包已經好飽了，個薯格就真係不得了，炸得好夠脆，食完個包先食薯格，都唔會lum左，點埋茄汁真係200分！總結，呢間burgerman值得一試，食得多平價漢堡包都唔知貴價漢堡包有幾正🥰嚟開大角咀一定要試啊！…Read More

好耐無打邊爐，天氣又轉涼，今晚就同男朋友嚟到銅鑼灣嘅尚鮮火鍋海鮮料理，佢位於銅鑼灣耀華街3號百樂中心8樓，當晚我地book左六點半食，店舖入面唔算好大，但每枱嘅座位好寬敞，坐得好舒服，店員就安排左我地坐卡位，卡位每邊都有坐墊，好細心！仲有我最愛嘅電視添，一邊打邊爐一邊睇電視真係咪話唔爽啊！🤪🤪🤪我地就嗌左雙拼湯底(姫松茸冬瓜濕、血池麻辣湯)$136，個湯底唔係用平時出面打邊爐嘅火鍋煲嘅，呢到係用石鍋打邊爐架☺️個冬瓜湯底好清清地，仲有好多冬瓜粒添，而麻辣湯底睇落好紅好似好辣咁，但佢真係麻麻辣辣好過癮，好有去台灣麻辣湯底嘅熟悉味道🥰湯底仲有好多木耳好正嘅！而我地每個人都要加醬油味料$30/位，店員一開始就會拎一盤醬油料俾你自由配搭。食物方面，我地叫左鮮炸脆響鈴$48，佢響鈴有四舊，每舊都大大舊，好脆卜卜，係新鮮滾熱辣炸出來嘅，放落麻辣湯浸幾秒食好入味好好食🤤🤤🤤然後叫左一碟特尚手切牛(中)$180，碟牛肉唔係一般嘅牛肉，啲牛肉花紋好靚，淥落湯底幾秒就可食喇，入口好嫩口好似入口即融咁，好有牛味！非常正嘅！❤️❤️❤️超級推薦！係手切架！員工刀功好利害！鮮打四寶丸$78，有八粒，我地每樣都可以試一粒，鮮打嘅丸真係唔同啲架，咬落去一啲都唔銀，好軟好有牛味！重頭戲嚟喇！二人海鮮尚盛$228，好多款海鮮可以食架！有生蠔、魚、象拔蚌、大蝦、大花甲。全部都係新鮮送上，男朋友最喜歡食生蠔，佢話啲蠔好新鮮，淥冬瓜湯果邊就真正食到佢嘅鮮味！我就好怕腥我就淥左落麻湯到，平時我食唔到生蠔，佢竟然令我接受到添🤭🤭🤭而我最愛就係象拔蚌同大蝦，佢淥一陣就可食喇！仲要大大隻，真係好鮮味，超抵食！好推介兩個人食！最後就係鹽燒牛舌$45有兩大串，每串都有4至5舊，每舊都係超厚切！牛味好重！最中意佢啲調味料，同牛舌好夾味！都好推薦大家話試下佢嘅串燒！埋單最後$820，平均每人$410，食到高質海鮮同手切靚牛，仲有超好服務！都好抵架！嚟銅鑼灣不妨試一試！🥰🥰🥰…Read More