rachelyauyau's Profile

太子高人氣café‼️前段時間不斷見到好多人介紹，睇相無論係野食定波希米亞風裝修都相當吸引🤩，一直bookmark咗終於都去食啦！金黃色嘅意粉好吸引呀~海膽汁嘅份量啱啱好，每條意粉都沾到汁，重點係海膽汁十分鮮味，隻味完全唔會好假😋另外海鮮有大蝦、青口同魷魚，全部都大大隻，相當足料😌食burger重點係舊漢堡，唔算係勁juicy有少少乾，但成個牛味都幾濃郁，都唔錯食😉成set仲有搭配粗薯條同沙律，份量上都好足，食完勁飽肚😮‍💨拉花精美，可見佢個奶打得好smooth，飲落咖啡味唔算濃郁。必點の甜品❗️佢哋嘅cream好滑，每啖都充滿住伯爵茶嘅香味，食落茶味香濃，甜度亦好適中☺️最令人驚喜嘅中間嘅麻糬，意外地同tiramisu好match，軟糯嘅口感真係令人上癮🤤🤤 整體食物質素可以話係勁高質，唯一唔好係環境太逼夾，枱與枱之間勁近，好難好舒適咁傾計💬😢…Read More

第一次踏足西營盤依個地方，搵到一間日本禪式嘅café，入到去有種寧靜舒適感，遠離繁囂嘅感覺~😌近年多咗見到嘅茶漬飯，今次嘅茶底係京都京番茶，搭配日式醬燒飯團。將茶mix咗落個飯團到食，飯團燒到外層卜卜脆，勁似食緊飯焦嘅感覺，食到少少嘅醬油鹹味，配埋京番茶，因為佢獨有嘅香味，整體食落多咗陣燶燶地嘅煙味咁，但茶味就欠逢，淡如清水，食到口淡淡咁😢😢另外成個set仲包咗玉子燒、京都冷豆腐同埋每日時令水果，賣相十分打卡able！📸期間限定主食❗️金黃色嘅粟米濃湯賣相好吸引，令人食慾大增，但可惜份量太少，仲要另外+$20先有雞肉食，如果唔係成碗就只有粟米濃湯、薯仔粒同烏冬🙂味道上唔錯食，食落令人諗起罐頭粟米湯味，唔會中伏嘅選擇。大推🙌🏻用梅酒取代咗tiramisu嘅咖啡酒，再搭配抹茶又超級夾！梅酒帶少少甜味，略帶少少清新嘅感覺，完全係西式mix日式嘅完美配搭‼️好精緻嘅拉花，咖啡味唔算好濃，但都尚算唔錯👌🏻…Read More

大圍本身就勁多受歡迎嘅café，要試哂佢都唔易😆同男朋友係大圍踩完單車，就諗起咗一直想試好耐嘅屋子咖啡🤩可惜當日店舖嘅雪櫃壞咗，有好多甜品都冇😭😭當日幫襯咗佢哋嘅晚餐定食，又係自己定食自己揀❗️自由選擇［米飯/麵+料理+冷熱配菜］各項選一，另外可以再加配飲品同甜品。👦🏻の選：🍚 醬油蛋拌飯🐟 醬油燒鰻魚🍢 烤明太子章魚肉串🍹 西柚冰茶•燒鰻魚略嫌唔夠軟身，但多得有鰻魚汁搭救，唔會話好難食。至於個明太子章魚肉串冇咩特別，口感的確係幾彈牙，但整體食落就係肉丸串咁😅，明太子味又唔係好突出，麻麻地。飲品方面，男朋友揀左西柚冰茶，口味清爽，而且唔會太酸，我都忍唔到係咁偷飲😂👧🏻の選：🍚 泡菜拌飯🍖 醬烤起司蘑菇漢堡🥚 木魚花玉子燒🍵 桂花烏龍茶•最好味嘅係個漢堡😋，肉質唔會勁實，上層有烤芝士，搭配蘑菇洋蔥汁有少少甜味，用嚟送飯一流🤤玉子燒外面有少少硬身，但內裏都鬆軟嘅，上面仲淋咗d醬油同埋木魚花，平衡返玉子燒本身嘅甜味，都唔錯食~飲品方面，我就揀咗桂花烏龍茶，味道清新，桂花香味撲鼻，好易入口☺️…Read More

平時去開葵廣搵嘢食，今次特登去遠少少🤏🏻，屋邨入面有間bookmark咗好耐嘅café🤩星期六日勁多人，由於不設預訂，只可以過去排隊walk-in。超級足料嘅墨魚汁意粉！巨量蟹肉鋪滿意粉，上面粒帶子煎得啱啱好，食落彈牙又有鮮味🤓龍蝦濃湯相當creamy，仲額外用咗少少麵包去蘸龍蝦湯黎食，勁match超好食‼️所有嘢撈埋一齊食勁正，難怪幾乎每枱都有叫，大推之選！👍🏻跟餐只需+$20有兩塊，啱哂淨係想試少少嘅人😆多士相當鬆脆，少少牛油香味，上面都有2-3隻蝦，都好足料，完全唔會馬虎😆又一足料之選，而且勁大份‼️個厚多士充滿牛油香，咬落唔會勁乾，中間位置夾住炒蛋，果然係勁滑，食落仲有少少蛋汁🤤上面嘅牛油果都勁新鮮，係翠綠色架🥑整體連埋佢topping嘅沙律醬真係勁好味~其實佢係凍latte嚟😆上層藍色係蝶豆花，令到成杯咖啡勁打卡able📸蝶豆花唔影響成杯latte嘅味道，啡味都幾濃郁👍🏻熱latte比起凍嘅啡味濃多少少，上面有個少少嘅拉花，奶泡唔算打得好滑。…Read More

荃灣日系小清新café💛已經係二訪啦~同上次唔同，今次係晚餐時間去幫襯，好彩一早book咗枱，入到去都坐滿哂人🫢馬鈴薯團子粉唔係好多地方都有，可以係小店食到都好難得😆食落煙煙韌韌咁，但食多會濟😅豚肉厚切份量十足，雖然係慢煮，但食落偏乾，比較難咬，加上個蕃茄汁偏酸，個人感覺唔係太夾。第一次食金文畢芝士，燒過面頭帶輕微金黃色，賣相相當吸引🤩但係由於第一次接觸，芝士有一層外皮，完全唔知點食，check返原來要趁熱用麵包蘸嚟食，下次有機會再食返就識食啦😛整體食落冇乜芝士味，配上蜜糖嚟食比較似係甜品🤓都唔錯食~個名好浪漫呀~窩夫新鮮出爐，做到外脆內軟，中間夾住咗生果，仲搭配咗芝士奶蓋同伯爵茶醬，賣相好靚好打卡able😍但整體味道嚟講唔係勁好味個種，太多種味道一齊令到唔太夾，水果有莓果類(酸)又有香蕉(甜)、芝士奶蓋(鹹)、伯爵茶醬(少甜少苦)，唔要生果或者唔要伯爵茶醬相信會好好多😋拉花圖案好靚~抹茶相當濃郁同時又飲到好順滑嘅鮮奶凍飲比起熱似失色咗少少🤏🏻焙茶加鮮奶一定match，但味道就淡咗d，可能冰融咗溝淡咗味道。…Read More

有次去上水搵朋友玩，有間我bookmark咗好耐嘅工業水泥風小店café原來就係附近，由於店舖座位唔多，好彩當日我係一個人去，好快就有位啦~黑芝麻醬整嘅sourdough上面有少少油光，應該係黑芝麻油嚟，令個包外脆內軟，有別於一般食到嘅sourdough咁硬梆梆😋隔離他他有青瓜絲、牛油果蓉，好fresh，蟹肉份量勁多，配埋黑松露醬，層次非常豐富。好耐都冇飲過咁高質嘅啡啦❗️好濃郁，入口順滑，而奶味又唔會蓋過咗咖啡嘅味道，飲落會有少少回甘，偏fruity，拉花亦都好細緻~😍臨走前意猶未盡咁，買咗件巴斯克蛋糕走，當日只有原味同開心果味揀，最後揀咗開心果。賣相好靚，中間係流心架‼️😍上層仲要再多一層開心果醬同少量碎碎，雙重滋味🤤整體食落cream cheese味較重，帶少少開心果味😋…Read More

沙田好運中心個邊都差唔多陸續翻新好咗，見佢附近多咗好多餐廳好吸引😆今次幫襯咗間日系裝修好打卡able嘅西餐，主打食意粉🍝，睇資料佢哋嘅意粉係來自本地香港手工意粉廠，有好多特別嘅手製意粉好值得一試🤩另外都有pizza同扒類可以選擇。賣相都相當唔錯~意粉都幾有咬口，除咗海膽仲有三文魚籽，每條意粉都有海膽醬嘅味道，但加埋三文魚籽食整體就略嫌鹹少少🤏🏻佢哋嘅pizza係薄底，上面小龍蝦細細粒咁，分量亦唔算多，另外菠蘿香甜多汁，整體好fresh，唔會太飽肚，唔洗擔心會食到濟🤓飲落唔算好濃郁但係好smooth，牛奶量好足，都有淡淡嘅抹茶味，岩哂唔中意飲太苦嘅人~😆乳酪味好出，飲落唔會太酸，同埋雜莓唔會有藥水味，份量都好大杯，最後飲唔哂🫢🤣一款好有秋天氣息嘅甜品🍁好大件蛋糕呀！整體食落似係普通cheesecake多過係basque cake🤣食落茶味幾濃，唔會好甜，質感都幾細滑，入口即溶；栗子蓉少少甜，同焙茶都幾match。…Read More

前排聖誕節想同男朋友去食啲特別野，忽發其想諗到去食鐵板燒，搵咗一輪發現咗一間好抵食嘅板神鉄板燒，原來佢哋仲做緊感謝祭呀！都只係$398起，即刻打電話去book枱😆😆當日揀咗美國牛薄燒set，全個感謝祭set一共有十四品，當中包括：✨ 前菜 [魔芋、白蘿蔔、獅子狗]✨ 沙律✨ 刺身三款 [生蠔、吞拿魚、鯛魚]✨ 大蝦✨ 帶子✨ 白鱈魚✨ 季節野菜 [紅椒、玉米荀、冬菇、翠玉瓜]✨ 薄燒美國牛✨ 炒飯✨ 漬物 [牛蒡、青瓜]✨ 麵豉湯✨ 甜品 [焦糖多士+朱古力雪糕]🌟 法國鵝肝 (+$60)個main揀咗薄燒美國牛，當初心諗揀薄燒牛肉會唔會冇料到呢？其實係唔會嘅！因為薄燒牛會卷埋，入面包住炸蒜片同蔥花，食落肉質唔韌，牛味唔算好重，但調味加分，相當唔錯！🤤另外加咗法國鵝肝，依個係大推🙌🏻❗️基本上每個客人都有加到😆睇住師傅煎鵝肝個陣已經流晒口水🤤厚身又肥美，煎到金黃色會再用mini漢堡包夾住塊鵝肝，勁打卡able！食落鵝肝嘅油脂係口腔到散發，超級juicy~雖然好邪惡，但係有漢堡包索一索油感覺又唔會太油膩😋甜品好多人都會推薦佢哋嘅焦糖多士，我都唔例外😛煎到金黃色又外脆內軟，好難會唔好食😆另一隱藏食法係可以配埋朱古力雪糕一齊食，雙重滋味~值得一提當日我哋個枱係女師傅，佢勁貼心💕又會關心下味道會唔會太鹹可以再調整味道，十分專業☺️…Read More

荃灣南豐紗廠已經好耐冇去過啦！除咗多咗好多狗狗之外，原來仲有勁多cafe☕️，難怪無論平日定假日都咁多人去啦~🤓好randomly咁揀咗間日系cafe去食lunch同chill吓，估唔到都幾唔錯wo😆一上枱見到個飯咁濕，心諗會唔會中咗伏呢😅點知勁有驚喜😆❗️中間有個溫泉蛋，將蛋汁撈埋成個飯食係勁好味🤤，壽喜燒個汁唔會鹹，反而帶有少少甜味，牛肉份量都算多，食落唔會好韌；另外個飯嘅亮點✨係加咗少少芝士係入面，好味到停唔到口😆😆佢哋嘅蕎麥冷面比較似韓國水冷麵，唔係日式嘅冷麵汁，食落較淡味，冷麵主要靠掛汁去食，明顯就比燴飯失色啦。另外值得讚嘅係個蒲燒鰻魚好大份，相當足料，賣相亦好吸引，醬汁都恰到好處😉好特別嘅一款甜品，我形容佢係天堂與地獄😂芝士撻十分濃郁，上層個吉士醬可以話係更上一層樓嘅感覺🤤🤤成件cake整體甜而不膩，全因中間夾住咗蜜柑，試過淨食佢係冇咩味😂，但夾住蛋糕食就比較清新。地獄嘅代表係個雪葩🫣原本食頭幾啖柚子味相當突出，略酸但口感相當fresh，但個山椒味嘅後勁太過強勁，個人唔係好頂得順，食到有d反胃🤢之後要係咁飲水沖一沖陣味🙂一飲好香earl grey嘅茶香，整體唔會太甜，仲有種清甜嘅feel，特別在用咗北海道甜菜糖，除咗健康d之外，有研究指佢搭配紅茶可以抵銷當中嘅澀味😋唔怪之得好飲到停唔到口啦😆總括嚟講，佢哋嘅嘢食到相當唔錯，有意外驚喜🤩不過要提提佢哋嘅抽氣系統麻麻地，坐入舖頭入面d嘅位置好大陣油煙味，坐近門口就好好多。…Read More

係荃灣廣場成日見到有間主打食輕食同埋甜品嘅cafe一直好想去試吓，原來佢日本過江龍嚟😳晚飯時間見人少少就入咗去試試佢！佢哋嘅french toast有鹹食同甜食，我哋都係揀咗甜嘅抹茶口味🍵睇圖可以見到佢嘅醬料相當澎湃😆食落個toast外脆內軟，入面偏濕潤，會食到沾滿咗蛋汁，側邊仲另外附上蜂蜜🍯，可自行選擇加唔加都得。 最好食嘅係佢哋嘅抹茶雪糕‼️濃濃嘅抹茶但又唔會有苦澀味，同牛奶配搭得好好，好有係東京食壽壽喜園抹茶雪糕嘅味道😆👍🏻👍🏻(⚠️留意返，得抹茶french toast係跟抹茶雪糕，其他都係跟牛乳軟雪糕)唔覺意又再叫咗蜂蜜🤭豐富嘅芝士🧀️分別有cheddar, gouda, mozzarella同gorgonzola，熱辣辣個陣可以拉絲🤓食落充滿鹹香，加咗蜂蜜落去又係另一番風味，又鹹又甜但又唔會有違和感，意外地match🤤餅底偏硬脆身，但又有少少咬口，整體都唔錯食😋身為抹茶控嘅我點會錯過matcha latte呢😉勁濃郁嘅抹茶味❗️但係奶味唔太夠，飲落少咗d好smooth嘅感覺，加咗少少糖去調味會更易入口☺️ Ufufu整體俾人好有去咗日本嘅感覺呀~裝修係日系文青風，木系加植物裝飾令人有種好relax嘅舒適感，食物都好高質，係值得encore嘅🤩🤩…Read More

食開doughnuts有舖癮😆上次去西貢，聽朋友提起話有間都幾出名賣doughnuts同pizza嘅舖，佢哋個店面裝修木系森林style，離遠就已經留意到，要打卡容乜易😆😆！同朋友share買triple(💰$98)，佢哋係即叫即炸，到手嘅時候係熱辣辣嫁，炸到金黃色嘅doughnuts真係好吸引！我揀左custard口味，成個包外脆內軟，餡料足爆哂醬😋雖然外面仲有一層砂糖，但係好彩入面個醬都唔會太甜，所以食完唔會膩~🤤Dough Bros其實都有多間分店，港九新界區都有，如果咁啱有一間係左近，都好值得去試吓，有機會仲要試埋佢哋嘅pizza！🥰🥰…Read More

最近啟德開咗新商場AIRSIDE，吸引咗好多人去朝聖😂見到最近好多人去咗一間韓國濟州風Cafe，忍唔住bookmark低要男朋友同我一齊去~😙 餐廳位於最頂樓，有室內亦有outdoor位置俾帶寵物嘅人用餐，最可愛嘅點係所有店員頭頂都戴住橙帽🍊，非常易認🤓窩夫即叫即整，口感外脆內軟，仲要帶少少彈牙，真係好好味😋雖然冇咩蛋香，但係簡簡單單搽cream加士多啤梨🍓食都幾唔錯，夠哂小清新，唔會太漏😌因為用餐嗰陣已經係下午茶時間，淨係食窩夫又覺得太dry，叫咗gimbap填下肚🤓食材新鮮，有紅蘿蔔、牛蒡、青瓜、醃蘿蔔同玉子，都係傳統固定嘅料，味道冇乜特別，但亦都唔會係伏😂😂打卡必點‼️上面有個柑橘皮做裝飾好得意😆飲落味道少少乳酪嘅酸味，再配埋佢哋嘅香甜嘅濟州柑橘，口味清新，重點係有少量果肉同果皮，口感好豐富呀~🤤雖然halloween都過咗一段時間，但係俾佢個黑芝麻牛乳吸引咗🤓雖然佢成杯飲品好creamy，但係飲落冇乜芝麻味同奶味，overall黎講太淡啦，同埋淨係飲到好重cream味，唔推薦大家叫依杯飲品。…Read More

想係尖沙咀搵間餐廳同家姐慶祝生日，無意之中搵到Potluck Eatery😆想要有返啲儀式感，見到佢哋甜品可以寫字，就book咗嚟試吓佢~Set dinner會有餐湯，當日嘅係南瓜湯，都幾濃郁同creamy，另外仲有一塊蒜蓉包，都幾香口~每隻蜆都好肥美，佢哋個白汁除咗好香牛油味，仲有陣陣酒香散發出嚟，同個蜆真係好match，個汁都好味到想蘸麵包呀🤤十分足料嘅意粉❗️成碟好多牛肝菌，啱哂中意食菇菌嘅我☺️重點係上面個塊鵝肝，煎到啱啱好，帶微微焦香，切開個陣油香都滲哂落意粉到，整體食落唔覺好油膩😋依杯mocktail其實係士多啤梨🍓加椰子水🥥，清甜爽口，解膩一流😌當日嘅甜品係藍莓cheesecake😋因為book枱個陣remark咗要慶祝生日，所以有得寫字✍️蛋糕都唔錯食，細細件唔會太濟，啖啖藍莓加cream cheese味，甜而不膩，為成餐晚飯作結。整體嚟講真係唔錯，地方夠闊落，枱與枱之間唔會貼到好埋，加上裝修係木系，柔和嘅燈光令人覺得好舒適😌食物質素都唔錯，係值得encore嘅，以後出去食飯又多個選擇🙌🏻…Read More

之前去完東京，實在太掛住日本嘢啦🥺同男朋友出尖沙咀，佢特登搵咗間都幾多人推介嘅日本餐廳，見佢好多丼飯都好吸引🤤🤤晚市以為會好多人要排隊，結果walk in都食到！🤓唔太食魚生嘅我，依個丼飯就perfect啦🤓🤓丼飯勁足料呀~✨2/3個飯都鋪滿哂蟹肉絲，上面仲有三文魚籽，另外1/3就俾3塊帶子佔據咗😆帶子啖啖肉咁十分鮮甜，基本上食親每啖飯都充滿蟹肉，口感十足！加少少鼓油同撈埋三文魚籽食，已經夠晒鮮味🥹大推‼️另一款多人推薦嘅就係依個三色丼，一次過滿足哂三個願望😆其實分別有三個小丼飯：吞拿魚蓉、海膽、蟹肉蟹膏😋外觀精緻，打卡一流📸① 男朋友表示吞拿魚蓉唔腥，新鮮程度拍得住係日本食到嘅味道🤤② 海膽份量就少咗啲，不過口感creamy又夠哂鮮甜😚③蟹肉蟹膏係我其中最推薦嘅👍🏻，係因為個蟹膏呀❗️因為比較返松葉蟹丼，本身蟹肉唔算好濃味，成個丼飯要加豉油先至可以吊到味，但係多咗蟹膏，成個蟹味同香味都出哂黎，基本上豉油都可以慳返，味道即時更上一層樓🤤🤤…Read More

荃灣廣場新開咗間泰國菜，行過門口都覺得好吸引~男朋友上次同朋友食過幾好食，帶我再去食過！先黎嘅係斑蘭香葉包雞，雞塊唔會太乾身，調味剛好。原來出面塊荷葉唔食得🫢見佢脆卜卜咁以為連埋食😅豬頸肉都好香口，烤出嚟嘅顏色好靚，唔配醬料會食到少許甜甜地嘅蜂蜜味，配埋甜辣醬，味道上又提升左一個層次。馬拉盞炒通菜唔辣，大大碟又夠曬入味，差叫想叫碗白飯！🤤烤金菠蘿虎蝦蟹肉炒飯十分足料，有大大舊菠蘿做伴碟，菠蘿香甜多汁😋虎蝦都大大隻，仲有唔少蟹肉。略嫌個炒飯比較淡味，食落唔算好吸引，但勝在夠大碟🤓另外，我地叫左兩杯野飲🥂，分別係斑蘭生椰乳沙冰，同烤杏仁生椰。前者個cream 偏甜，有好濃嘅斑蘭味，後者椰奶味較重，加左少許杏仁片，味道唔錯。最後我地仲叫咗兩杯雪糕🍧，係黑糖珍珠雪糕同榴槤糯米飯雪糕，都係預想之中嘅味道；個雪糕底係北海道牛奶雪糕，奶味偏淡，唔算好有驚喜。 整體而言，野食味道都係水準以上，價錢唔算貴，又可以食齊小食、主菜同甜品飽住走，係值得推薦嘅一間泰菜餐廳！ …Read More