minami123's Profile

炮台山近海邊內街多了許多特色食店大家都知，今日我想講我光顧了一間日本料理店很優秀。外型似居酒屋，店內播放着柔和的日本音樂，雖然細細間但坐得舒服。今日叫了兩份午餐(1)酢味噌燒豬軟骨定食配湯烏冬(套餐均可選冷熱烏冬或喬麥麵)，配上日本煎茶及開胃前菜。豬軟骨煮得入味及鬆軟冇筋唔癡牙。(2)昆布白蘿蔔野菜關東煮配冷喬麥麵，湯底清甜，啱晒今日不想食肉的我。奉上的日本茶好有茶香味，店員很貼心的不停加茶給客人，絕冇趕客的企圖。好開心食到份超滿足的午餐而且價錢實惠，每款套餐價格都不過在$100以內。…Read More

下午4點突然好想食生煎包或台灣料理，路經官塘APM就開個openrice來search一下，給我找到附近有間日月堂，口碑不錯就決定試試。店舖細細但坐得還算舒服。雖然已經4點但仲有午餐可叫。我叫了一份紅燒牛肉麵午餐送冬瓜茶一杯及前菜。湯底好好味，牛肉好淋又入味小食細細碟有特色，冬瓜茶就有點淡。另外叫了蚵仔煎和芝士肉鬆蛋餅和鮮草粉圓糖水。蚵仔煎的蠔仔好大粒份量都可以，味道和質感似曾相識，是台灣夜市的味道呀。蛋餅有拉絲架，不過略嫌蛋味唔夠，唔夠香肉鬆略少。糖水是女士至愛，不太死甜，好味望過隔離枱見到碟手工滷肉飯好正，下次一定要試。…Read More

今日途經筲箕灣來到久違的敏華叫了個义燒湯意粉套餐，敏華出名义燒靚，黯然銷魂飯盛極一時。估唔到去到今日义燒會差了咁多，件件黑蚊蚊。店員見到都話可以幫我換。食物差唯有服務搭夠:)咁至係顧客至上。👍…Read More

臨終冬至，例必要同爸媽兩老食飯做冬。頭痛要訂哪家食肆同時，朋友介紹賢河給我。店舖細細間QR點餐，沒有自助bar, 但有雪櫃放飲品任取及清酒/whiskey/beer。食物不是太多選擇但都足夠且幾好味，例如芝士焗生蠔，羊腩煲，牛肉湯鍋。炸物也不錯只是賢河除了基本醬油，鹽，7味粉外沒有其他醬料如天婦羅汁，辣椒醬等有點美中不足。4人埋單共$1100，大家都食得好飽好滿足。…Read More

今次來到淘大商場搵食，行下行下被前面店舖黃黃的燈光吸引，招牌寫上九份飽。九份使我想起幾年前去台灣旅行的快樂時光。踏入店舖眼前是似曾相識的影像，好有懷舊感覺。食物放在木製枱上加上黃黃燈光令人食慾大增。肉鬆蛋餅是台灣人早餐首選不得不試，雖然感覺肉鬆不及台灣當地的好味，但蛋餅皮煎得脆脆的，外脆內軟食得開心。滷水拼盤燜煮得入味而且滷汁不會過咸。麵條湯底也調校得剛好。最最欣賞是樣樣菜上枱時都是熱烘烘的。飲料可因應客人口味調校很窩心。唯一是服務員態度就有待改善。…Read More

今朝完成義工活動突然想食粢飯，適逢來到九龍灣就緊係去口碑不錯的豆漿大王試下啦。店舖細細但坐得舒服，想開揚啲可以選擇坐戶外雅座。我和honey叫了碟鹵水鴨腎肉骨牛展拼盤（鴨腎唔硬老友記都啱食，鹵水汁唔太咸，味道剛好）、咸粢飯（飯質地很好，肉鬆甜甜地配搭炸菜唔膩）、韮菜湯水餃大大隻、肉鬆多士（說是多士其實是炸饅頭上放肉鬆加牛奶，是有驚喜的甜品）、配上一碗熱姜汁豆漿（無糖豆漿加上姜汁原來咁好味）飲落好舒服。期待下次再來。…Read More

今日honey生日又是假期前夕，專誠來官塘工業區著名outlet樓上舖 Chill-i 食晚飯。預先訂了位雖然枱細細但勝在靠牆較清靜(去過的朋友應該知乜事)。我們叫了紐西蘭一級肉眼牛排200g配薯條套餐，纽西蘭原條檸檬龍脷魚配薯條套餐，另加錢轉熱情仲夏特飲及加了甜品檸檬蛋白批。牛排不要叫太熟5成就夠，多汁軟嫩。龍脷魚大大條還可以，略嫌個點魚醬無乜味，看似甜酸沙拉醬但不是。反而點脆薯的茄汁醬來食仲好味。主菜以外反而周邊食物更吸引。湯、沙拉和麵包檸檬蛋白批酸得過癮，特別是食飽後refresh下。好想試埋佢個朱古力心太軟呢。侍應姐姐知道是生日飯還細心地在甜品上點了蠟燭。…Read More

大年初二一般人都愛大魚大肉，但我卻想食素。本想食素食自助餐但原來初二很多素食店都休息。很開心得知Mikiki從心有開門就和老公來食飯😄。雖然是假期仍有下午茶時段真難得。我們5點左右入座，客人較少坐得舒服。從心餐牌有圖有真相，影得漂亮又清楚。新春有套餐但我們卻散叫了招牌椰香咖喱魚配酥餅、田園石板鴨及招牌胡椒勝瓜猴頭菇煲。有菜有湯有主食，好滿足呀😘。咖喱有椰香味，喜歡咖喱口味但又不嗜辣的我很適合。酥餅沾汁食超正。石板鴨上枱時還熱呼呼，芋頭炸得外脆內軟。三個餸中最喜歡招牌胡椒勝瓜猴頭菇煲。胡椒湯底味道恰到好處，食完咖喱飲兩口胡椒湯。原來新鮮猴頭菇做餸是這樣出色，爽口之餘texture 很好，驟眼有食肉的感覺，好想買回家自己試煮。其實從心我一年多前來過，今次再來，品質味道保持水準，讚。…Read More

德福廣場多了很多特式食肆，今日我們沒選燒肉店沒揀韓國餐，選了豚丼のぶたはげ，沒有中伏還有驚喜呢。佢地個餐牌附帶圖片好清楚。我被其中的帶廣名物稀有豚肉（並盛）吸引住。有前菜，有大大碗又多料的豚肉味噌湯，有茶碗蒸，有甜品。豚肉丼的豚肉汁味濃郁，豚肉大大塊，肉汁滲入丼飯內令平日忍住唔食咁多殿粉質的我都清晒成碗飯。朋友叫了個極上八種海鮮刺身重配天婦羅，刺身好新鮮，帶子沒腥味又彈牙，螺肉刺身夠爽脆，赤蝦大大隻，就是嫌魚生沒用厚切。天婦羅不油不膩。餐廳雖然沒奉上日本茶只送上凍開水但水質不錯，沒水喉水味。此餐廳值得再來:)。…Read More

大角咀出名食肆多，各式各樣食肆應有盡有，唔怕餓親。今次試食位於大同新邨地面新開張的The Francesco意大利餐廳。餐廳內里裝修可以，服務員態度友善，意大利廚師親民更不時走出來與客人溝通。午市套餐$88，有前菜salad及雜菜湯2選1，主菜有多款任選，素食也有，另送coffee or tea。上班一族午餐又多個選擇。前菜我推薦食火箭菜三文魚salad，因意大利湯賣相一般味道較清淡。主菜我選sea bass配薯蓉，好啱我口味。朋友選了白汁煙肉長通粉，煙肉較咸，長通粉有點硬。另外我們加叫了pizza。有驚喜，相比set lunch還吸引。推薦黑松露素菜pizza，味濃及餅底質感不錯。甜品叫了Tiramisu 賣相和質感令人失望。coffee味道一般可改善。…Read More

今晚是我第一次來七福神，小小店舖食物款式多元化，餐牌內食物種類又多，圖片又靚，要在一餐之內完全品嚐根本沒可能。我們3人沒點人氣菜式，而隨意點了魚生、鰻魚炒飯、芒果蟹籽沙律、鐵板牛舌、鹽燒鯖魚，幾款都好好味。魚生厚切夠新鮮好彈牙特別是三文魚腩，鯖魚燒得皮脆內軟仲好juicy，牛舌鐵板上熱辣辣超正，蟹籽沙律用碗盛載，裝得滿滿，有兩個size選擇，大和細只差$12理應叫大裝，但店員哥哥說大裝容量是普通裝的一倍3人食太勉強。店員還貼心地拿出樣本作比較。芒果須另加$12，是碎粒上份量不多，建議不須特別加購。食到飽飽埋單才不到$650，好抵呀。大滿足的一餐，下次必再來，我仲想試其他款如海膽、豆腐湯鍋、野菜天婦羅(南瓜欠奉)、芝士焗天火蠔、大板燒等等。諗起都流口水。…Read More

星期日下午3點在葵興工作完畢後覺肚餓沿路行去Life@KCC搵食，因為不熟路，直上到3樓見冇乜嘢啱食就轉身搭電梯落地面（後來才知樓上也有食肆）走出街尋找美食。步行不遠來到南記冰室門口被其餐牌多款下午茶餐牌吸引，下午茶餐來說南記的選擇算較多，必定有一款啱你由於假日客人不多，坐得舒服，仲有窗口位（雖然望後巷）。我和老公叫了一份牛腩湯米粉配咖啡和一份美式熱狗配沙律配熱0茶。牛腩湯米大大碗，係大興果隻米粉質地，碗內有菜有多舊牛腩，湯汁好濃好味道，老公話如果牛腩煲得再軟身啲就仲好。熱狗餐賣相不錯，眼利的你會看到師傅把香腸開了邊呢。沙律味道調校得剛好。常飲0茶的我覺得此處的頗好飲，是茶胆不同或是水質好？起碼沒有水喉味。冰室唯一不好是侍應姐姐態度麻麻。…Read More

今日下午第一次搭屯馬線去土瓜灣，第一次去日本街尋找美食，失望而回因很多舖頭還未開門。唯有走到靠近的崇潔街搵食，可能已過了午飯時間條街有點冷清。行過被一間裝修有點像歐陸風的食肆壹壹冰室吸引，就入去食個tea吧。叫了兩個茶餐：炸雞脾沙律蛋配咖啡，豉油皇义燒炒麵配熱檬茶。原本想叫西多士但又覺得太普通。出事了老實說本人覺得個炒麵有點咸，义燒切絲肉質超瘦有點鞋口。炸雞脾是即叫即炸可惜做不到外脆內多汁唯一要贊是個沙律蛋。…Read More

晚市恢復堂食開開心心和老公出街食飯，經過新都城商場見到間裝修不錯主打潮州菜的四點金飯店。潮州菜好耐沒吃過啦。餐牌上面食物照片相當吸引，又有多款套餐選擇。我二人由於餓了很久(相信所有香港人都一樣)，甚麼都想試下，放棄叫套餐，改叫戲棚海鮮粥$52/碗，滷水雜錦拼盤$108，菜膽杏汁燉白肺湯$52/位，家鄉煎蠔仔烙$98。食到超飽，碟碟都好味，份量不少，雖則粥和燉湯都只是叫了碗裝但也可容二人分享。沒理由唔食埋潮州糖水就走人，所以又叫了福果清心丸豆爽$30，和福果芋泥$36。食完蠔仔烙飲碗豆爽中和返，好正。芋泥就超好味大家一定要試。好想帶爸媽再來食過。…Read More

講到台式下午茶通常都會想到珍珠奶茶，厚多士，粉圓，但我今日去一葉小廚就沒有食這些因為都沒有。今日叫了兩個套餐：香葉鹽酥雞拼台灣香腸+湯新竹米粉(內有滷肉)+熱蜂蜜紅茶$45，台式芝士火腿蛋餅+流心蛋香菇滷肉飯+熱蜂蜜紅茶$38。個人覺得食滷肉就一定要配飯，滷肉連汁混和白飯配埋醃漬酸菜一啖放入口， 滋味無窮。蜂蜜紅茶好香好味，唔想飲咁甜可以學我叫少甜。…Read More