劣二's Profile

follow@wojengyea/@wo!正嘢 for more food info🐒 支持我哋發掘更多美食 😋重要嘢講咗先，要嚟食早餐，一定要睇吓佢社交平台，因為佢會喺上面講清楚幾時開幾時唔開。今次嚟食早餐，貪佢環境夠靜，唔算好多人，唔會枱接枱，亦冇用餐時間規定。食物最愛佢早餐即叫即煮，所有嘢都新鮮熱辣辣，今次兩條友都叫咗肥仔豐盛早餐，似All day breakfast咩都有啲（配搭有啲唔同）。個蛋好滑，又有黑松露香味，配牛油多士一流。朋友加錢轉個窩夫🧇，外脆內軟晤錯。火腿，焗豆腸仔正常發揮。薯餅反而無啦啦變咗做炸甜薯，有少少失望。🍠之前下午茶試過佢幾次紫薯窩夫紫薯配雪糕，好鬼正，大家可以去試吓。咖啡朋友點咗杏仁咖啡，味道等如熱杏霜再加咖啡，睇個人口味，試咗一啖我覺得麻麻地。熱latte 好好飲，奶味濃郁，咖啡味好香。☕️餐廳氛圍呢間小店岩哂五月天粉絲同爵屎去，因為周圍都貼滿晒poster，睇得出老闆們係鐵粉。環境唔錯，啱晒睇書📚或帶部電腦💻嚟做嘢。…Read More

用餐時間（6:52pm dessert）follow@wojengyea/@wo!正嘢 for more food info🐒 支持我哋發掘更多美食 😋食咗呢間自家甜品小店4年多，除咗芒果布甸同啫喱，其他全部試過晒，食得出老闆嘅用心。水準一直保持到，而且價格唔算漲好多。舖頭由男老闆打理，整蛋糕、切餅、收錢，全部一腳踢，未見過有人幫佢手，我都係幫襯左三年，都係近半年先同佢傾到計。藍莓乳酪芝士餅$18🫐🍰 入口即溶，唔會太甜，香濃嘅乳酪芝士味，餅底威化餅底又唔會好濕。食吓一啖，食下一啖，唔覺差唔多食晒兩件，但係一啲都唔膩，究竟佢點做出嚟㗎？德國芝士奶餅$25🇩🇪🧀 有幾層，個底係朱古力，食得出佢無落好多泡打粉Baking powder，朱古力有口感，晤會太鬆軟。中間嗰層係芝士忌廉有芒果粒，最面嗰層用火槍燒焦咗。佢有張印仔卡，每買一件餅一個印仔，儲滿十個人仔就可以減$10 🤘🏽…Read More

用餐時間（7:29pm dinner）前菜叫幾個串燒先串燒蒙古羊肉串$18 香濃羊肉味，一口啖啖肉，啱晒愛羊之人 🐑 五花腩肉$12 薄薄花腩肉燒到好脆，而且油香🐽 川燒豆乾$12 豆乾表面灑上一層辣粉，好惹味涼拌雲耳$32 爽脆雲耳配合靈魂醬汁（香蔥、雲耳、重蒜頭、薑粒、辣油芝麻） 令人回味無窮，勁開胃❣️醬料區乾淨衛生，佢會用膠蓋冚住，真係好少地方會做到咁。重慶麻辣雞煲（半隻）$188用芫荽、大蔥、青椒、洋蔥、紅蔥頭、乾辣椒、花椒、薑起鑊，兩個人雞煲叫半隻雞，個人鍾意佢放大量蔬菜，索晒啲雞煲醬汁，好濃味，雞件算大件靚仔。火鍋配料點少得特級雪花肥牛（細份）$108 花紋好靚，肥瘦適中。自製韭菜餃$58 粒粒飽滿，食材餡料好新鮮，老闆娘話大部份餃子都係自家製👍🏽墨魚滑/ 蝦滑雙拼$82 墨魚同蝦兩種海鮮滑一次過試晒，鮮味無窮。油麥菜$33 好少地方啲蔬菜會洗得咁乾淨，要俾個叻佢。萵筍$42 吸晒湯底嘅味道，同炸魚皮$35 一樣都係食雞煲打邊爐必嗌之選 🥬靚女老闆娘好友善好好傾☺️ 下次會再嚟食飯試埋個魚…Read More

用餐時間（2:53pm lunch）follow@wojengyea/@wo!正嘢 for more food info🐒 支持我哋發掘更多美食 😋嚟得舊式快餐店，識食一定叫炒野或生炸，今次叫咗個生炒牛肉飯走蔥$40，廚房即炒鑊氣十足🥘個老火湯清清地幾好飲，而且碗湯好足料（豬骨、眉豆、蜜棗、合掌瓜），好似媽咪煲啲老火湯咁正❣️個炒飯炒底（落咗蛋炒），成碟嘢落咗生菜絲、牛肉粒粒，成個炒飯超好食😋 阿哥仔會嗌咪「生炒牛肉飯」，可惜錄唔切音（錄咗個沙律雞翼），成件事玩味十足 🤡 鍾意舊式快餐店嘅你又點可以錯過！…Read More

follow@wojengyea/@wo!正嘢 for more food info🐒 支持我哋發掘更多美食 😋用餐時間（5:51pm early dinner）今日早收工，去附近食碗車仔麵，叫咗娃娃菜底、滷水腩肉、秘製牛腩（兩個都係餐廳推介✌🏽）配花生沙嗲汁少辣，再加多個椒鹽炸墨魚丸 🦑 呢度主打湯底用鮮雞熬製冇味精🐔，碗嘢一嚟即刻試啖湯先，啖湯真係好鮮味，嗌娃娃菜底🥬就係咁嘅原因，啲菜吸收晒雞湯啲味，正👍🏽滷水腩肉唔係講笑，肥腩肉炆得好腍，醃得入味。秘製牛腩會搭少少牛筋，牛腩唔會韌，牛筋好滑軟糯係入口即溶果隻❣️佢哋好窩心，俾一羹嘅花生沙嗲醬你，唔會撈埋落去個湯裏面，其實我覺得真材實料，唔使加沙嗲汁都好味。反而我用嚟點炸墨魚丸食，個味道又幾夾。出面叫親炸丸，都驚個芯仲係凍，呢度啲墨魚丸剪咗十字先炸，成粒熱辣辣♨️，冇呢個問題。加埋面頭薄薄一層椒鹽，唔會太鹹好惹味。順帶一提，佢有樽裝汽水🥤，不過啱啱happy hour完飲唔落 😂…Read More

follow@wojengyea/@wo!正嘢 for more food info🐒 支持我哋發掘更多美食 😋用餐時間（6:14pm early dinner)前菜（葷素餐廳，素食選擇）全部都走蔥蒜🧄，很貼心：1️⃣沙律好新鮮🥗 ，洗得乾淨，個配汁酸酸地，好開胃，有啲似百香果那類汁；2️⃣蕃茄湯蕃茄味好香🍅 ，飲到底有啲濃稠，但不是多豆粉那種口感，整體係無蔥蒜都做到的夠味，同唔會變咗重香草味嘅紅湯，唔錯！ 3️⃣麵包非脆口那種，但中間有牛油焗過 🍞 藜麥番薯餅，餐跟配，味道好驚喜，素食本身預期味道會平淡，但食落無蔥蒜都好香口，好惹味，想食多幾塊😋 醬汁係自己重新調味的芝麻醬，比起超市買嗰種芝麻醬濃味但相對鹹啲，同個餅又幾夾。後尾都試咗蕃茄醬點個餅，但冇芝麻醬咁夾香草醬脆香素魚史拔格提Spaghetti 🍝 我鍾意佢意粉Al dente，香草味好突出，個素魚有驚喜，比較似汁燒魚，好犀利，味道好有驚喜，香口加汁燒，素食新嘗試，香草味意粉同個汁燒素魚好夾。最後有埋餐飲，同一口蛋糕🍰跟餐，因為已經好滿足飽飽，所以只係叫咗檸檬水，但舖頭啲花茶我都好有興趣，下次再試。…Read More

用餐時間 （9:16am breaky） 呢度個沙嗲牛麵$37 有一浸好輕微好輕微焦燶味，個人覺得好特別幾有風味。沙嗲味夠香濃，帶些花生醬味 🥜🧈 ，但略嫌牛肉比較嚡。火腿奄列裏面嘅蛋漿有啲水汪汪，好怕佢煮得唔熟，呢度我還得都可以，差少少就唔合格。茶水☕杯熱奶茶好飲，茶味濃香，杯茶夠熱又滑，見佢都係用黑白花奶。🥛餐廳氛圍喺太和錦石新村裏邊，感覺成個餐廳都俾公園包圍，望出去見到綠油油，好多樹同埋小動物（松鼠🐿️、各種雀仔）。係度早餐/ 下午茶，坐卡位睇吓書，chill到震。星期日老闆好心急，想做多幾轉生意，態度差劣，又話呢枱就快走，又將我調嚟調去。咁做生意得唔得㗎？…Read More

用餐時間 （9:39pm late dinner）follow@wojengyea/@wo!正嘢 for more food info🐒 支持我哋發掘更多美食 😋接朋友放工一齊去食碗粉麵。叫咗碗原汁牛腩河$48 牛腩肥肥地，好腍超好食，肥膏邊好香油脂味，不過唔夠膽食啲肥膏，驚變滔滔。配返碟菜心$13少蠔油，感覺良好啲。略嫌油菜，份量細份咗啲。見佢有支裝汽水，不過我自己買咗廢水，所以冇叫。朋友叫咗碟豬扒煎蛋飯$48，雖然話係快餐，不過一啲都唔馬虎，篤穿隻荷包蛋，蛋汁流哂出來，配合埋甜豉油，超好食。嚿豬扒大大嚿，醃得好入味，而且面頭煎得金黃，鎖住肉汁，絕對係當之無愧嘅Comfort good。凍奶茶搞唔掂，好澀同埋好難飲。…Read More

用餐時間（8:36pm dinner）follow@wojengyea/@wo!正嘢 for more food info🐒 支持我哋發掘更多美食 😋唔算特別鍾意食酸菜魚，朋友話想食，去旺角呢間試試。睇餐牌見到「必食冷鍋酸菜魚🐟 」，心諗明明前面有個爐，咩玩法冷鍋？ Sashimi🍣 問侍應，佢反晒眼👀 咁同我哋講話其實即係代表上枱就可以即刻食，唔使煲返熱佢，咁又幾方便。一上煲試一試啖湯先🥣 ，真心惹味，酸味麻味好突出，少少辣🌶️ 唔會太搶fo。特登晤開火試試個魚先，魚塊大大塊，而且真係超級滑溜！認真好少食到咁嫩滑嘅魚。驚開爐煮得耐咗啲魚會老會嚡熠熠，打邊爐前兩個人食咗7/ 8嚿，個煲仲有好多剩。除咗魚塊之外，成煲野仲有唔少配料，金菇、萵筍、酸菜、娃娃菜同寬粉，好足料❣️朋友即刻話要嗌返碗飯，撈飯食🍚 。火鍋配料🍲 ，正常發揮，叫咗牛柏葉、手切牛肉同埋響鈴。牛柏葉超大舊冇切過，叫廚房幫手切細件啲。手切牛肉🥩好似喺室溫一段時間先拎出嚟，感覺唔算特別最新鮮，有啲血水。最後意猶未盡，叫多個小食麻辣金錢肚，鹹到一個點，不吃也罷 🤢 飲幾多啤酒都搞唔掂 🍺 總括而言，酸菜魚出色，侍應服務態度及火鍋配料有待改善。…Read More

用餐時間（7:44pm dinner）另一半話呢間素食值得推介，明明喺長沙灣站都要行15分鐘過去食。一坐低就上兩碗老火齋湯🥣 ；材料有眉豆、紅蘿蔔🥕 、南瓜 🎃 、粟米🌽 、花生🥜 、腰果等等。鮮甜無咩味精。叫咗碗胡椒豬肚湯$38，裏面有兩三種菇🍄 （白菇、雞髀菇）、豆腐、酸菜、素珠肚（爽脆口感似食緊豬肚）、胡椒味香濃，熱辣辣拎上枱，飲完成個人暖笠笠。♨️本身對碗素餃子擔擔麵 $59 冇咩期望，因為覺得唔會整得好食。點知又真係有驚喜！第一時間試一試啖擔擔面湯底，好好飲！食得出佢加咗花椒油同埋真係有落花生醬煮個湯底，好香。碗麵餸菜有蕃茄🍅 、椰菜花、花生碎🥜、素餃子🥟，素肉碎。好似喺上海店食緊擔擔麵咁，唯一美中不足就係佢用咗拉麵底。🍜個咖喱薯角素羊腩飯 $58正常發揮，個素羊腩🐑 走過油，配合薯仔、椰菜花、素羊腩，紅米飯，不過不失。餐廳氛圍少有素食餐廳有得打邊爐🍲‼️不過預返時間，因為佢早閂門。…Read More

用餐時間（8:32pm dinner）follow@wojengyea/@wo!正嘢 for more food info🐒 支持我哋發掘更多美食 😋 食過元朗總店雞煲幾次，知佢喺屯門開咗分店，過嚟試一試。屯門呢邊有埋生醃同埋刺身食，不過主要食佢個雞煲為主。8:30pm後入座食夠$500可以減$100，呢個優惠幾抵。💰之前試過食佢雞煲加鮑魚都出色，今次試吓加牛柏葉。佢個雞煲醬好濃味，用以下材料起鑊；蒜頭🧄、紅洋蔥🧅、芫荽🍀、四季豆、老姜、豆蔻、檸檬葉🍋、黑木耳。最估唔到就係佢加咗檸檬葉，令成個雞煲帶來一絲絲清新嘅感覺，感覺冇咁肥膩。叫咗半份爆汁牛筋丸，真係爆汁濃郁，好重牛味🐮，半份真係唔夠。另外試埋佢個胡椒豬肚丸，都好食。即炸餐肉條有驚喜，屋企自己整唔到，亦都唔會咁樣食，好味！油麥菜好新鮮，而且洗得好乾淨，賣$28都算平。🥬食濃味雞煲通常配啤酒，不過比呢度啲嘢飲吸引咗。佢啲鮮製凍飲都用Hoegaarden大啤酒杯裝。我哋嗌咗珍寶凍檸樂& 珍寶多果茶。前者正常發揮，多果茶有多種水果；西瓜🍉、青檸、西柚、菠蘿🍍、香橙🍊、火龍果，仲有好L多冰。（叫咗少冰走飲管都冇理到🥊🥊）餐廳氛圍地方比元朗總店寬敞，不過夥計服務都係鍾意元朗嗰邊多啲，店面細，容易睇到你有咩需要。兩邊員工主動性夠強，會幫你煮雞煲，用隻匙羹𢳂走面頭泡泡啲污糟嘢。琴日新年期間，仲有得抽利是🧧（飲品現金券一張🧃）…Read More

用餐時間（8:27pm dinner）follow@wojengyea/@wo!正嘢 for more food info🐒 支持我哋發掘更多美食 😋住荃灣朋友話呢間大排檔喺荃灣數一數二，三佬約埋試吓。叫咗三樣嘢；招牌香辣雞煲🐔、菠蘿咕嚕肉同椒鹽鮮魷。菠蘿咕嚕肉🐽🍍唔容易整得好食，首先個醬汁唔可以太稀，先至可以掛上去每嚿肉，豬肉要用梅頭（豬肩）肉，啖啖肉口感一流。有啲大排檔會混入左燒肉，竟然會食到骨🦴，同埋燒肉本身好鹹，一食落口就知，紅綠椒菠蘿粒同紅洋蔥🧅都落足。椒鹽鮮魷🦑有驚喜，多炸蒜蓉🧄喺面，鮮魷切得好薄，加簿一簿一層炸粉，咬落去唔會韌，兩三個回合已經清晒。三個人雞煲叫半隻雞，紅青辣椒、乾蔥頭、大量老姜起鑊，個人鍾意佢放大量芫荽🍀鋪面（走荽人要注意）。睇張相顏色都知道偏濃味，食完要隊多支啤酒🍺，雞件細少大件雞，冇得啖啖肉唔過癮，但整體還好。打邊邊配料不值一提，油麥菜份量少，而且冇洗乾淨，有啲已經老黃咗。丸類餃類未解晒凍，連埋冰都夠膽上枱🧊 ，明明叫水餃又上咗韭菜餃，如果唔食韭菜嘅人就中伏。響鈴炸枝竹紅薯粉正常發揮。…Read More

用餐時間（5:32pm snack）follow@wojengyea/@wo!正嘢 for more food info🐒 支持我哋發掘更多美食 😋👶🏻 細細個親戚嚟拜年🧨🧧都會買精記蛋卷俾屋企老人家，每次都俾我掃咗半罐。我鍾意個程度甚至搭車去過佢屯門個工場，喺嗰度買仲有95折。(疫情前去仲有人手造，而家晤肯定）相比其他牌子，精記蛋卷佈滿蜂巢紋🍯，咬落口好鬆化香脆，唔會太硬身。如果買一磅兩磅大罐裝，打開蓋，翻開牛油紙，蛋卷香氣撲鼻。蛋味牛油🥚🧈味超香。有人覺得佢好甜，如果一味死甜我都接受唔到，不過加埋食材嘅香味，我覺得成個味好豐富滿足。我買嗰隻係獨立包裝（擔心自己食得太過分），每個獨立包裝有兩條。12月頭買，隔左差唔多2.5月食都唔會變淋，仲好鬆脆，真係估佢唔到❣️佢都有龍鳳卷，用蛋捲皮包住砂糖、椰絲🥥、芝麻，不過我個人覺得麻麻哋。每逢新年都會見到佢喺唔同地點散貨，見到個紫紅鐵罐❤️💜，就知道農曆新年就到，喚起甜美童年回憶。…Read More

用餐時間（11:56am lunch）正嘢 for more food info🐒 支持我哋發掘更多美食 😋冬菇亭買少見少，見到呢間粉嶺屹立不倒咁多年嘅冬菇亭🍄仲營運緊，即刻仆入去。天寒地凍，飲碗南瓜豬骨湯🎃🦴真係無得頂，望落就知係老火湯，成個南瓜嘅纖維煲到一絲絲咁，啖湯清清甜甜，飲完唔會仲口渴，例湯應該要係咁。嚟冬菇亭叫炒嘢🥘是常識吧。雖然前後左右都食緊咖喱牛腩飯（下次會試）今日想食佢個炒飯。鹹魚粒切得好細，而且煎香過好出味，好似煙肉碎煎香一樣。🥓🥓佢啲雞粒似係由白切雞🐔咁切出嚟，因為好多都連住雞皮同埋好大嚿。啲雞就冇乜味冇醃過。碟炒飯有一啲不知名嘅蔬菜，挑出嚟食真啲，原來係西蘭花的莖梗🥦 ，因為出過水軟焾身，食落口一啲都唔硬。啲飯成座山咁🏔️ ，而且落料唔吝嗇，每一啖都係豐富嘅口感。茶水最後飲埋杯茶☕️，中規中矩，唔算有驚喜。…Read More

用餐時間（12:22pm lunch）過開呢邊做嘢，睇吓有冇咩可以快食，見到呢間pasta幾吸引叫咗個嚟試。佢個Menu得幾款俾你揀，所以選擇困難症嘅食客唔會出事，店員話Shack Special 係俄式酸奶牛肉Beef Stroganoff🇷🇺🥩 ，最後都係揀咗意式忌廉蘑菇。🇮🇹🍄所有pasta 即叫即整，落完order要等佢12-15分鐘左右🕰️ ，如果趕時間嘅就可能會炆憎啲，但我覺得食物最緊要熱辣辣，我覺得還可接受。一煮起急不及待試一啖，食材簡單有幾種菇🍄同埋蔥🌿，配埋意式蘑菇醬汁，已經好有住家飯嘅感覺（以前英國住Hall，有個意大利妹都會煮意粉pasta，係呢隻味啦❣️令人懷念）長通粉唔會太淋，軟硬適中al dente。份量充足男士都夠飽。個人來講，等15分鐘都值得。佢本身一小盒芝士🧀，因為成件事夠熱，落啲芝士落去會即溶。（落完之後掛住食唔記得影相🤪）佢有張印仔卡可以儲印仔，9 stamps for 1 free pasta❣️…Read More