eatgdgdwest's Profile

之前路過一直知哩度有間omakase，見評價好似唔錯，今次專登同朋友嚟試下每晚只做一輪，確保質素頭盤擺盤好靚，總共有5款，最吸引我目光係隻蟹仔，嚟自宮崎，可以全隻連殻食，咬落爆汁超juicy之後係嚟自京都嘅鱧魚湯，清甜開胃，飲完準備開始食刺身首先有石斑，十分鮮甜，然後就到我最驚喜嘅一款魚，鰤魚，望落似油甘魚，但食落係完全唔同，口感軟滑，極重油香，師傅話我地好彩，啱啱開始當造肥美，得冬天有得食下道刺身係八爪魚，唔好睇佢好普通，其實極大條，聽聞最大隻可以有10米長觸鬚，但食落一啲都唔韌，最出色係配搭左個特製嘅Wasabi，同磨嘅wasabi唔同，哩款係切到細細粒，咬嘅時候辣味慢慢係口腔散開，配搭八爪魚勁出色之後係赤貝同北寄貝刺身，前者新鮮爽脆，後者相當鮮甜，真係勁好食，然後仲有一個新鮮嘅三文魚子，底下配有新鮮蘿蔔蓉，一啲都唔腥，絕配！刺身之間仲上左幾道炸物，每一款都好特別，一啲都唔馬虎，有九洲鹿兒島目光魚、富山白蝦丸、魚仔脆片，每樣都好好食食左咁多嘢其實先係一半，之前嘅壽司每一款都相當有水準，熱海金目鯛、關鯖、大中拖、帶子、蝦蝦蝦等，數唔曬，每一件都有佢嘅記憶點，問我最鍾意邊款真係答唔出，全部都好食仲有一件大癲海膽手卷，真係多到瀉最後仲有湯同甜品，真係大滿足除左食物質素滿分，真係要讚下師傅全場冇悶場，每首菜都一一介紹，又好傾，又細心哩間真係大推…Read More

個fd好耐冇返嚟香港，專登訂咗尖沙咀Harlan's，貪佢望住個無敵夜景，未食已經加分。講返啲食物，第一道「北海道帶子他他」已經幾有驚喜。帶子鮮甜唔在講，個火龍果脆片真係脆卜卜，加埋酸酸地嘅紅石榴蓉，個口感覺好清新，完全唔會膩，個開場白幾得。跟住個「煙燻海螯蝦」都好正。蝦肉爽彈，個湯汁做成好鮮甜美，食落有啲火腿嘅鹹香，個配搭幾有趣。全晚我覺得最正係個「日本帝王蟹蛋泡沫」。個賣相已經好靚，泡沫下面係滿滿嘅蟹肉，仲有一塊超脆嘅芝士脆片同埋一梳海膽。將所有嘢撈勻一啖食，個味道層次好豐富，海膽嘅濃郁、蟹肉嘅甜、泡沫嘅滑、脆片嘅香，一次過喺個口裡面爆發，真係有種「煙花匯演」嘅感覺。主菜方面，「黑松露北非小米」個名好似有啲heavy，但食落又OK喎。和牛牛舌同牛小排都煮得腍滑，個鵝肝龍蝦汁就真係邪惡，但好香。食到呢度其實已經幾飽，但個「慢煮伊比利豬」又令人醒神返，個柚子沙律同柑橘果蓉帶嚟啲果酸，正好可以平衡返嗰肉味。最後甜品係「香檸檬芝士蛋糕」，我好怕食好漏嘅甜品，但呢個完全唔會。芝士蛋糕質地輕盈，酸柑同楓糖漿令到個味道好清新，再加埋塊碧根果曲奇一齊食，成餐飯就咁完美結束。總結嚟講，食物係有花心思，唔係得個樣。加上個夜景真係無得輸，係一個幾適合慶祝特別日子嘅地方。…Read More

公司附近開左間西班牙海鮮飯，行近啲睇竟然係兩餸飯，想食咩topping自己㨂，即刻嚟試試海鮮肉類疏菜樣樣齊，集齊多個國家口味，最鐘意食海鮮嘅我一於叫齊咖喱軟殼蟹同西西里蕃茄煮海鮮，食肉獸同事就㨂左泡菜炙燒A5和牛mix油浸鴨腿，識食一定交換嚟食，咩餸都試曬飯底係薑黃底，香氣十足海鮮新鮮，除左蕃茄味有好香嘅酒味，出色軟殼蟹炸到十分鬆脆，必點A5和牛大癲，油花滿滿，配泡菜一啲都唔膩仲有隻鴨腿，多汁嫩滑整體好滿足，lunch hour滿座，建議book位…Read More

Lunch成日都嚟食犀牛犀牛，貪佢又平又好食，等外賣係室內有冷氣，仲可以順便買埋杯廢水今次食左起司薯餅蛋餅，薯餅好脆加上融化嘅芝士，令人食落好滿足。韓式醬燒牛五花味，入面嘅牛五花肉經過韓式燒烤汁浸過，甜鹹甜鹹，味道好豐富，好開胃。沙茶牛吐司，啲牛肉滑嫩，配埋香料豐富嘅沙茶醬，味道香濃，仲有生菜中和返味道，吐司烘過香牛油味，好食。薯泥生菜沙律，清爽嘅生菜配上濃郁嘅薯泥同芝麻醬，中和返蛋餅嘅油膩感，一定要叫埋。飲品方面，飲左百香綠茶正常，重茶味、蜂蜜珍珠烏龍奶茶茶香同奶香都出色，加上蜂蜜珍珠好好咬；芝芝earl grey純茶，香濃芝士層，飲落充滿層次感同鮮奶香。總括嚟講，必食。…Read More

唔洗飛韓國都食倒正宗味道，成日同朋友garthering都會揀嘅餐廳。半份香蒜蜜糖炸雞炸雞即叫即炸，上枱熱辣辣！外皮脆到「咔哧」聲，粉漿薄身掛滿香蒜蜜糖醬，蒜香夠晒霸道，蜜糖甜度啱啱好唔會膩。雞肉去晒骨啖啖肉，咬落嫩滑爆汁，完全唔乾柴。配菜有齊波浪薯條、薯角同薯格，全部炸得金黃脆口，邪惡度爆燈！加$28追加嘅Cheese Stick🧀 係驚喜之作，外層炸衣超脆，一拉開澎湃芝士瀑布湧出。豬腳呢碟絕對係重量級！豬腳切到薄片鋪滿成盤，皮燜到超軟糯，肉鬆化入味，醬油鹹香中帶蒜蓉。跟生菜、蒜片同韓式辣醬包住食清爽解膩。必點芒果馬格利酒用傳統大碗上枱，儀式感十足！芒果果蓉配米酒，甜度天然唔假，飲落似芒果乳酪咁清爽。酒精濃度低易入口，配炸雞一流。餐廳佈置超有韓劇feel！滿天星星燈✨、情侶鎖牆🔒平日都勁多人，建議提前訂位。兩個人食晒三樣加飲品埋單約$600，其實份量夠3個人食，係我地貪心嘅，炸雞同豬腳水準超高，環境打卡able，係旺角區高質韓餐之選！…Read More

朋友極力推薦嘅醬蟹放題！任食醬油蟹，套餐每位$298就可以任食醬油蟹，年糕，炸雞，飲品任飲，雄蟹同䧳蟹任揀，即刻扑鎚去試！果然冇介紹錯，重點講吓主角醬蟹先雄蟹肉厚，啖啖海水鮮味，手掌咁大隻，上枱時而經拆好，食得好方便，入口黏嘴得嚟帶甜！連蟹腳啲肉都好飽滿，醬油醃得夠味但唔死鹹，反而帶出蟹肉嘅鮮甜，撈飯食簡直無敵！䧳蟹爆膏甘香，一啖啜落去勁正，尤其係個蟹蓋嘅膏！撈埋飯一流，難怪韓國人話係偷飯賊！其他嘢食都唔差！韓式炸雞脆皮多汁，辣炒年糕夠煙韌，仲有汽水任飲。不過建議留肚主攻醬蟹！總結： 抵食CP值超高！平時單點一隻醬蟹都百幾二百，呢度任食仲要有其他嘢，蟹迷必試！當晚平日都幾full下，記得訂位！…Read More

聽個fd講旺角有間巴斯克蛋糕一定要試下，好抵食，今次嚟開就試下舖頭係家樂坊斜對面好易揾，巴斯克有幾隻味，王牌原味、開心果、伯爵茶，最神奇係有咸蛋黃味，第一次試都係食返原味先件蛋糕相當有驚喜，芝士味十分濃，口感軟滑，濃濃嘅奶香同微微嘅雲呢拿味，甜度啱啱好，唔會膩口。凍食有啲似雪糕，三十幾蚊件有哩個質素，搞到我想encore多件夏天係旺角行到出晒汗，除左蛋糕，一定要買杯嘢飲，我揀左杯夏天特飲，西瓜啵啵沙冰，飲完真係透心涼，西瓜足料唔係死甜糖水，仲有啲啵啵咬下，口感滿分朋友揀左杯夕燒十八紅玉，紅茶味道帶有淡淡的肉桂與薄荷香氣，入口順滑唔澀，好出色，中意茶底必試見倒佢仲有紫菜肉鬆小貝，聽聞都好好食，下次一定要試埋…Read More

今日去試咗佢哋嘅酸菜豆花魚，真係超級正！唔單止魚新鮮彈牙，仲加咗竹笙、肥腸、鴨血同萵筍，全部吸曬湯，好爽。特別係佢哋嘅酸菜醃漬得恰到好處，唔會太酸太辣，啱啱好。最令我印象深刻嘅係佢哋嘅爆漿糍粑，外脆內軟，甜度啱啱好。口水雞、海蜇、夫妻肺片全部都試左，價錢勁抵，每樣都味道正宗。口水雞肉嫩，醬汁香濃，海蜇爽脆清甜，夫妻肺片醬汁入味，肺片軟腍咬落去，口感極佳。相當滿足總括而言，係正宗嘅川菜，價錢相宜，食物新鮮，環境整潔，尖沙咀諗唔倒食咩，呢度都係個唔錯嘅選擇。絕對值得一試。下次會嚟試埋佢嘅煲仔飯同雞煲。…Read More

之前食lunch發現哩度有間隱世法國菜，就決定嚟試下，餐廳環境闊落，2個人都安排左4人台，適合同朋友聚餐龍蝦湯好重龍蝦味，都算係飲過嘅龍蝦湯之中數一數二，飲得出好足料，值得一試法式地道鴨腿配鴨油煎薯仔鴨腿十分出色，一上枱已經聞倒好香，肉質分明，好重鴨香味，配菜薯仔更加係好有驚喜，用鴨油煎過，外脆內軟日本鮮帶子檸檬汁初榨橄欖油意粉意粉軟硬程度啱啱好，鮮帶子大大粒有四粒，唔會煮到過熟，生熟程度啱啱好，好鮮甜法式焗蝸牛呢個真係必點，蒜香牛油配蝸牛，蝸牛口感好好，隻隻都大大粒，蒜蓉牛油超級香，撈埋薯蓉食，好惹味，仲要有提供夾，唔會整污糟手，抵讚酥皮蘋果批配雪糕呢個有驚喜，酥皮一層層配蘋果肉一流，個雪糕都唔求其，好香雲呢拿味之餘，仲要有一粒粒杏仁！好好食紅酒白酒做緊買一送一，但我地冇叫總結，會再幫襯…Read More

夜麻麻係荃灣搵食，發現呢間串燒舖開到12點，即管嚟試吓，位置喺楊屋道街市再行過啲就到，幾方便店內裝修相當日式，雖然係小店，但環境闊落坐得幾舒適，仲有籃提供俾你放袋。食物選擇相當豐富，豬牛雞蔬菜串燒，烏冬，飯，海鮮通通有齊，用QR code落單，價錢相宜提供餐前小食，酸酸地嘅海蜇，好開胃，我同朋友咩都叫咗啲嚟試，串燒燒得唔錯，上枱熱辣辣，牛舌厚切好食，燒雞皮做到外脆內軟出色重味嘅串燒配返份檸醋八爪魚漬，中和油膩感，啱啱好，另外海鮮好新鮮，清酒煮蜆好食，仲有燒生蠔，一啲都唔腥，肥美大隻好多汁，推薦芝士流心蛋大啡菇，同明太子卡邦尼煙肉烏冬好邪惡但好好食，一定要叫最後叫咗杯烏龍同荔枝燒酎，清清地，配串燒一流下次宵夜時間係荃灣搵食一定會再嚟…Read More

放假揾嘢做，同朋友嚟咗哩間貓cafe，位置方便，總共有3間分店，去之前冇做research，去到先發現原來勁多貓，仲要係領養返嚟，即係覺得冇去錯地方入去之前首先消毒，再有提供一次性拖鞋同膠袋裝袋，以免整污糟，好貼心店內採光好好，空間好大，環境舒適，影相一流，有書睇，有充電器提供如果想喂貓，都有貓零食可以買，但每個鐘限量發售，唔驚貓貓食太多，店入面嘅貓貓好主動，會自己走埋嚟坐上人度求摸摸店內有少量小食售賣，價錢唔貴，有免費茶水提供咁啱撞正放飯時間，全部貓貓去晒中間一齊食飯，場面好壯觀你間貓Cafe絕對係放假必去之地，喺入面時間好快過，玩得好開心，睇得出好用心照顧貓貓，絕對值得支持，有能力嘅可以捐款幫下啲流浪貓…Read More

今日收工想食日本嘢，就去咗朋友屋企附近呢間日式餐廳餐廳整潔，座位闊落，坐得幾舒服首先，叫咗份和牛壽喜燒，啲雪花好靚，入口即溶，壽喜燒湯底味道啱啱好，唔會過甜，落埋啲蔬菜落去，好好食，大食嘅可以配埋烏冬，唔好嘥咗個湯底然後叫咗份長崎燒蠔，即叫即燒，新鮮鮮甜，加埋啲蔥落去燒，燒到好香，一啲腥味都冇，值得一試然後再叫咗份燒雞肉串，配柚子胡椒醬，同樣燒到好香，配埋柚子醬，味道平衡得啱啱好。燒鰻魚串同樣相當出色，肉質嫩滑。另外叫咗兩杯嘢飲，分別係自家製梅酒，帶有少少桂花味，好飲好特別。啤酒正常，配串燒一流食飽當然要配返個甜品，白玉紅豆抹茶聖代，雪糕相當軟滑重奶味，抹茶濃度啱啱好，配埋紅豆，簡直係我最愛，必叫…Read More

見附近開左間新舖有雞煲食，一於試一試佢Qr cord落單，兩個人叫左個雞煲套餐，套餐包括半隻雞，一碟手切牛頸脊，響鈴同生菜。另外我哋食肉獸，再叫咗碟安格斯肥牛。仲有椒鹽軟殼蟹同菊花蜜。雞煲上枱等出煙開蓋滋滋聲，未食已經流口水，麻辣好惹味，辣度啱啱好，雞肉嫩滑，仲有大量洋蔥同芫荽，好得！食完雞煲就可以加湯打邊爐，牛肉上枱就睇得出好靚，雖然餐牌冇寫，食肉獸嘅我食得出套餐果碟牛頸脊都係安格斯，好有肉味。而另外叫嗰碟安格斯肥牛，應該係牛小排嚟，油脂分布平均，好香好淋好好食。放埋響鈴同生菜落去好邪惡。小食椒鹽軟殼蟹有驚喜，估唔到又整得幾好食，又唔貴。兩杯菊花蜜正常發揮，配雞煲下火最後要讚下服務唔錯，食完雞煲好多骨有主動幫我哋換碟，真係唔係間間餐廳會咁做，值得再幫襯…Read More

第二次食哩間泰國菜，水準依然相當高，餐廳有三層，座位闊落，坐得好舒服，唔怕叫得太多張枱唔夠放我哋兩個total叫咗三個餸，分別係麵包焗咖喱軟殼蟹、冬陰功湯金邊粉、蒜蓉炒貴妃苗，仲有千層糕同2杯野飲咖喱軟殼蟹份量好大份，大概有兩至三隻軟殼蟹，軟殼蟹炸得好鬆脆，但依然食到好香濃嘅蟹味同埋有少少膏，咖喱調味好好，同個麵包絕配，係唔辣嘅咖喱，朋友唔太食得辣都食得好開心冬陰功湯金邊粉，有好多海鮮，蝦、青口、魷魚，份量十足，亦都好抵食，只係$88，呢個必叫，冬陰功湯底冇得輸蒜蓉炒貴妃苗，依然好大份，蒜蓉炒出嚟好香好有鑊氣，推薦！最後叫咗個千層糕，上枱時連隻碟都係暖嘅，仲要面頭有椰汁，好香好軟滑兩杯嘢飲都好飲，青檸梳打正常發揮，芒果沙冰真材實料，一啲都唔假係一間會食第三次嘅餐廳…Read More

好耐冇食中菜啦！今晚同朋友去咗好近銅鑼灣地鐵站，位於銅鑼灣廣場二期6樓嘅餐廳。行到入去都幾乎差唔多滿座，好彩我哋得兩個人仲有一張枱剩🤣🫖 坐低冇幾耐姐姐就過嚟問我哋想飲咩茶，而一向鍾意飲香片嘅我就直接ordered😎 由上茶壺嗰陣就知道好講究，下面會一直有個蠟燭熱住啲茶，咁就唔怕成壺茶凍晒啦！基於一坐低未揀餸已經好口渴，勁快已經飲咗半壺，而佢哋會用一個好靚嘅銅色水壺refill，而且唔使特別嗌佢哋，觀察力100分！🫖 基於我哋兩個都好肚餓嘅關係就直接叫咗經理推薦嘅套餐🤩 🐷 蜜汁厚切黑毛豬經理介紹話佢哋係用西班牙黑毛豬整嘅叉燒，一上枱嗰陣嘩咗一聲😦 因為佢真係勁厚望落去勁Juicy！肥瘦均勻得黎望落去好吸引，拎起隻碟摸到個碟底係好熱！唔似平時食嗰啲叉燒最多暖暖地咁。嗱嗱聲打完卡就食啦🐷，只可以講呢個係必點！黑毛豬入口即溶，食落非常有層次，絕對有水準👏🏼 同朋友一人食咗兩舊真係舔舔脷😻🥣 紫砂功夫燉湯食中餐又點可以唔飲湯呢！同茶壺一樣個湯都係有蠟燭一直熱住，一上枱我就已經即刻飲🤤 唔好睇佢細細兜但係好足料，清得來非常鮮甜，入邊嘅雞肉一啲都唔嚡👍🏼 朋友就鍾意攤凍啲飲，佢話暖暖哋飲落都好舒服🤩🐤 紅燒乳鴿呢個係朋友話一定要嘅🤣 份量絕對有誠意！皮薄肉厚，老實講平時唔鍾意食乳鴿嘅我都忍唔住食咗兩舊😎 其他就比朋友清晒，佢對乳鴿有一定執着，證明有水準！🐮 椒麻安格斯牛柳粒上菜嗰陣經理就問我哋要唔要錄定段片打卡😂 因為佢哋個椒麻油係上枱即刻淋，然後咋咋聲咁，啲香味即刻出晒嚟😻 牛柳食落去非常腍而且有少少椒麻嘅後勁，我好鍾意！其他配菜都非常入味，鍾意送飯嘅朋友唔可以錯過😌🍧楊枝甘露本身已經食到九成飽，差啲唔記得咗仲有甜品😂 同朋友都揀咗楊枝甘露，份量都唔細㗎！而且入邊好多芒果肉🥭，唔係出面食嗰啲糖水咩料都冇🥲 係完美嘅收尾！必點😎總括嚟講呢度嘢食非常有水準，聽到廚師有行出嚟同熟客傾偈講話起碼做咗十幾二十年中菜廚師👏🏼 環境方面都相當舒服，唔會好似茶樓坐到好逼同埋好嘈，呢個好加分！以後有朋友想食中菜，又想坐耐啲嘅話一定會再encore😌👍🏼…Read More