elmotoro's Profile

“不時不食” “不鮮不賣” 真係無呃人，當晚食嘅所有海鮮同蔬菜都好新鮮，有專人幫你計時蒸包蒸熟（唔計overcooked），不過環境就比較嘈，而且坐得迫夾，就算食物OK但我都唔會想再嚟。📝PARCO發板餐 $398==================🥢象拔蚌刺身拼盤⭐️⭐️⭐️⭐️象拔蚌、赤貝、帶子、三文魚、北寄貝、甜蝦、希靈魚，全部刺身都好食，最正都真係象拔蚌勁爽口。🥢貝殼三寶⭐️⭐️⭐️花甲、東風螺、蒸蠔都好好味，最正蒸蠔口感creamy。🥢元貝一隻 + 海蝦一隻⭐️⭐️⭐️⭐️元貝唔韌蒸得好啱時間，海蝦爽口彈牙。🥢鮑魚一隻 +海魚一件⭐️⭐️⭐️⭐️鮑魚口感軟熟，海魚有魚味唔腥好正。🥢龍蝦半隻⭐️⭐️有少少膏但overcooked 而且肉有啲黏殼，嘥咗隻龍蝦！🥢瀨尿蝦一隻⭐️⭐️⭐️⭐️⭐️成隻手掌咁大隻，鮮甜啖啖肉又有少少膏超好味。🥢農家四寶⭐️⭐️⭐️⭐️南瓜、粟米、紫薯、蝦米勝瓜四樣都夠腍好新鮮。🥢蟲草花蒸雞烏冬底⭐️⭐️⭐️芋頭好棉，雞唔夠滑，但雞油落晒去墊底嘅烏冬度，掛汁好味！ 五人共消費：$2404 …Read More

每次去維園做完運動，多數都會嚟呢條食街食Lunch，如果想搵間平靚正又坐得舒服嘅食肆，我會推薦您嚟呢間，我哋3個女人叫咗3個午餐，最後竟然係食唔晒收場，唔係因為唔好食，係因為呢度份量都唔細，所以下次我哋再嚟會叫少一個餐，然後叫小食會ok啲。 🥢椰菜絲沙律⭐️⭐️⭐️⭐️椰菜絲好幼細，蘸麻醬或酸醋汁都好味，麻醬可以令椰菜甜味更出，無限refill椰菜絲我只敢refill一次。🥢吉列海鮮<蝦、蠔>配稻庭烏冬定食 $108⭐️⭐️⭐️有兩隻蝦同兩隻蠔，蝦嘅麵衣比較厚，而蠔就薄薄一層好出色亦有蠔味，至於稻庭烏冬，當然係煙韌無得輸啦。🥢牛肉壽喜燒鍋定食 $158⭐️⭐️⭐️⭐️牛肉無乜肥但唔鞋口有肉味，份量算多而配料亦多，湯底香甜阿媽話好鍾意呢個鍋。🥢滑蛋吉列豬扒飯定食 $98⭐️⭐️⭐️吉豬飯未到我哋已經飽咗8成，所以只食到半碗飯，滑蛋蛋味濃郁而豬扒夠軟腍，係唔錯但可惜太飽了。🥢茶碗蒸⭐️⭐️⭐️⭐️有我鍾意食嘅蟹柳同菇，最重要係蛋蒸得夠滑同有蛋香。 三人共消費: $401…Read More

難得平日放假，就同屋企人去食set lunch，呢間薄餅店唔起眼係樓上鋪，但內在環境唔錯亦坐得舒服，套餐份量都幾足幾抵食，頭盤＋主菜＋甜品＋飲品，不過假日無得供應。 🍴頭盤: 忌廉椰菜花湯⭐️椰菜花味好淡，只飲到香草同橄欖油味。🍴頭盤: 鴨胸⭐️⭐️⭐️鴨胸煎得幾香，一定要夾多士一齊食先好味，如果唔係就會太鹹。🍴主菜: 吞拿魚Pizza $108⭐️⭐️⭐️Pizza餅底好香脆連邊都好味，而且炭香味十足，第一次食吞拿魚餡，幾特別感覺唔錯。🍴主菜: 白酒汁雜錦海鮮意粉 $118⭐️⭐️⭐️⭐️食得出所有海鮮都好新鮮，尤其魷魚好軟腍、蜆好鮮甜，意粉軟硬度適中而且非常掛汁，白酒汁非常香濃，推介！🍴主菜: 安格斯西冷牛扒 $128⭐️⭐️⭐️叫medium出嚟效果都ok，但咬落有啲乾身，炭香味香濃；薯條超超超好味，外層唔會死脆，內層超飽滿，唔叫扒都要散叫薯條！🍴主菜: 經典安格斯牛肉千層麵 $128⭐️⭐️千層麵嘅口感好好，肉、蕃茄醬、芝士嘅份量都剛好，本來係一個完美嘅千層麵，敗筆响蕃茄醬嘅酸同鹹度，我本身都重口味同鍾意食酸嘢，但呢個醬真係over咗。 🍴牛奶果凍⭐️⭐️⭐️士多啤梨醬幾香但唔會太甜，果凍嫩滑有牛奶味，整體嚟講ok。四人共消費: $536 …Read More

Dining City試新菜，雖然夏季餐廳周已經結束，但下期都有可能出現呢間餐廳，比大家作一個參考，亦都留一個紀錄比自己。以 $148加一呢個價錢有頭盤＋主菜＋甜品都算抵食，不過大家食完就覺得質素一般啦，下次餐廳周會想試其他餐廳囉。🍴頭盤: 希臘式雞沙律⭐️⭐️⭐️ or 炸薯條配松露蛋黃醬⭐️⭐️⭐️ or 雜菌湯⭐️沙律正常發揮；薯條厚切金黃香脆，蘸松露醬一定好味；雜菌湯唔濃亦太稀。🍴主菜: 西冷牛手扒⭐️⭐️扒大塊厚切，叫medium well熟度剛好，肉質軟諗，不過肉味欠奉。🍴主菜: 美國極黑豚豬⭐️⭐️⭐️豬比牛出色，同樣厚切同樣軟諗，但豬肉味香濃而juicy，可以一試。🍴主菜: 是日精選海魚⭐️⭐️⭐️⭐️店方推介香煎盲鰽，魚肉質結實而不失嫩滑，魚味濃郁無腥味無泥味，至於魚皮香脆可口，整體嚟講魚比扒優秀。🍴甜品: 椰子奶凍配菠蘿蓉⭐️⭐️⭐️⭐️ or 蘋果批⭐️奶凍香滑椰子味十足，菠蘿蓉唔會死甜，同奶凍非常匹配；至於蘋果批，唔太甜但有啲乾，而且蘋果味唔香濃，口感亦太薄。 四人共消費：$652…Read More

雖然被摘除星星（尖沙咀分店），但都無礙我哋去食釀蟹蓋，適逢有個《五週年套餐》，大棵兒決定去試一試。⚜️明閣（灣仔）五週年慶⋅經典盛宴⚜️===========================🥢明閣兩小碟 (極品蜜汁叉燒 ⋅ 花雕醉雞)⭐️⭐️⭐️⭐️⭐️叉燒水準非常高，夠軟諗但不失口感，蜜味重；醉雞入味肉質嫩滑，啖啖肉好好味。🥢蟹肉瑤柱冬茸羮⭐️⭐️⭐️⭐️無食過咁足料咁好味嘅羹，蟹肉瑤柱金華火腿搭配非常好非常好味。🥢魚子醬雪地明蝦球⭐️⭐️⭐️雪地指蒸蛋白，有啲咸扣咗分，蝦球大隻爽口彈牙，蝦味出衆。🥢酥炸釀鮮蟹蓋⭐️⭐️⭐️⭐️⭐️萬衆期待嘅主角出場，外表靚靚呈金黃色，揭開即見澎湃蟹肉，蟹肉非常鮮甜蟹味十足，每食一啖都有幸福感覺，心中蟹蓋No.1。🥢珊瑚素心燕⭐️⭐️⭐️⭐️我用得意嚟形容呢道菜，冬瓜紅蘿蔔雪耳放埋一齊又出奇地清爽好味，尤其條狀嘅爽口冬瓜。🥢油雞樅菌豚肉脆米炒飯⭐️⭐️⭐️⭐️口感十足嘅炒飯，軟中帶脆，材料細細粒容易食，整體係好味。🥢香芒楊枝凍甘露(臨時轉咗椰汁蘆薈蜜瓜西米露)⭐️⭐️⭐️蜜瓜夠香甜，西米露口感剛好，不過大家都有點失望，臨時無咗芒果楊枝甘露，又要扣分。8人共消費：$6,420…Read More

媽咪最鍾意食嘅居酒屋，雖然種類方面唔算好多選擇，但勝在環境整潔坐得舒服，而且可以網上訂位，不過最重要係近媽咪屋企。🥢海老天婦羅卷 $33⭐️⭐️⭐️媽咪話呢個配搭幾好味，天婦羅夠香脆，加上魚子同沙律醬好好食，可惜紫菜好快唔脆。🥢稱霸四海海苔包 $24⭐️⭐️⭐️有齊晒我鍾意嘅食材，海膽鮮甜、魚子有油香、吞拿魚蓉入口即化，不過問題又係紫菜好快唔脆。🥢嚴選2貫 $33⭐️⭐️⭐️⭐️鰻魚壽司＋吞拿魚壽魚，鰻魚厚切但夠軟腍，中吞拿魚無筋入口即化，兩款都好味。🥢沙梭天婦羅 $38⭐️⭐️⭐️⭐️炸漿夠薄脆，沙梭魚有淡淡魚味而且無骨啖啖肉，唔係周圍有得食架。🥢銀鱈魚西京燒 $58⭐️⭐️⭐️見咁抵又叫一件食下，燒得幾香夠juicy夠入味，不過我嫌肚位太多骨。🥢油甘魚刺身 $58⭐️⭐️⭐️一客4件厚切新鮮，不過有啲筋位唔太ok。🥢鰻魚玉子 $30⭐️⭐️⭐️⭐️大大件，食落鰻魚玉子係甜甜地，飯都有鰻魚汁好好味。🥢炙燒昆布漬鰈魚鰭邊壽司 $33⭐️⭐️⭐️呢款就無乜特別，其他壽司店比佢平成半，但質素就差唔多。🥢茶碗蒸x2 $28x2⭐️⭐️⭐️⭐️每次必叫，海鮮豐富，蛋夠香滑鮮味十足，推介！ 二人共消費：$399…Read More

推車仔點心已經買少見少，《六安居》一直好想嚟試，上到嚟先知原來環境咁狹窄（小心地下水煲！），又要自己搵位，不過嚟老店就係食風味同人情味，而點心方面，估唔到原來有咁多種類，甚至有隱藏版美食 - 鴨腿湯飯，真係要熟客先知道。點心真係多到數不勝數，蝦餃、豬肉燒賣、豬膶燒賣、豬肚燒賣、山竹牛肉、乾蒸燒賣、蒸鯪魚球、蜆芥鯪魚球、咖哩魷魚、鮮竹卷、棉花雞、雞扎、鴨腳扎、蠔油鴨掌、豉汁鳳爪、排骨、牛什、南乳豬手、蒸腸粉、煎腸粉、蒸蘿白糕、煎蘿白糕、盅仔飯、煲仔飯、咸菜豬肚湯、碗仔翅、蛋撻、沙翁、炸雲吞、炸春卷、蜂巢芋角、炸咸水角、煎堆仔、蝦多士、叉燒酥、芝麻糕、馬拉糕、雞球大包、叉燒包、臘腸卷、鹽水花甲、燒乳鴿、燒腩仔、金錢雞、喳咋、西米蓮蓉焗布甸……，我建議大家見到心儀食物就唔好猶疑，因為有啲食物唔會再出，除此之外，大家亦可以試試 “一盅” (即茶盅)，而家真係唔多茶樓有提供喇。蝦餃⭐️⭐️⭐️豬肚燒賣⭐️⭐️⭐️⭐️牛肉燒賣⭐️⭐️⭐️⭐️蒸鯪魚球⭐️⭐️⭐️⭐️炸雲吞⭐️⭐️⭐️⭐️蜂巢芋角⭐️⭐️⭐️⭐️蝦多士⭐️⭐️⭐️⭐️臘腸包⭐️⭐️⭐️燒腩仔⭐️⭐️⭐️總結：食物種類同味道有驚喜，所有接觸到的員工都有禮貌，期待下次再嚟體驗。 三人共消費：$394…Read More

前排多生日飯局，响Openrice搵餐廳之餘亦book marked 咗好多心水餐廳，Tangram係其中一間列入我Fine Dining個list，今次父親節大派用場，雖然平日個4人餐三百蚊唔駛一個人頭，而家特別日子menu更改咗少少都係加多一百，非常合理，所以一家人決定去試試一下水準如何，其次環境十份清雅高級，服務亦10分10分10分好，估唔到呢間CP值咁高． 🍴餐包⭐️⭐️⭐️⭐️熱辣辣又軟熟，配蒜蓉牛油，encore咗一次。🍴法國Brittany生蠔 no.2⭐️⭐️⭐️⭐️⭐️生蠔非常新鮮飽滿，少少海水味帶點甜味，就係好味！🍴法國田螺⭐️⭐️⭐️⭐️簡單嘅蒜蓉牛油加香草，好味！🍴法式傳統牛肉他他配多士份量非常多，他他拌蛋後好香滑牛味亦濃郁，同時牛肉粒粒亦帶點口感，配多士真係一流。🍴迷你羅馬生菜⭐️⭐️⭐️⭐️只需加點沙律醬已經好好味，同時亦食到生菜好fresh。🍴法式洋蔥湯⭐️⭐️⭐️好少飲洋蔥湯，湯較稀但洋蔥味濃郁亦帶點焦香味，而芝士法包亦係一個賣點，吸收晒洋蔥湯嘅味道，好味！🍴燴西班牙豬面頰, 薯蓉, 紅酒汁⭐️⭐️⭐️⭐️肉質軟腍唔會黐牙，配紅酒汁好好味，而配角薯蓉好香滑好牛油香。🍴慢煮海鱸魚, 蔬菜絲, 柑橘汁⭐️⭐️⭐️鱸魚香滑無腥味亦無骨，配柑橘汁幾得意，不過略嫌汁太少。🍴烤牛肩扒, 西班牙紅椒, 香脆方格薯片⭐️⭐️⭐️⭐️Medium熟度剛好，入口即化牛味濃，可以的話想order多碟，鹽味薯片亦好香脆，如果有得選擇我鍾意薯條多啲。🍴雜錦法國芝士拼盤⭐️⭐️⭐️⭐️4款芝士同果仁都好味，其中藍芝士最正，亦唔會太咸。🍴朱古力慕斯, 糖煮芒果, 熱情果果凍⭐️⭐️⭐️朱古力慕斯好濃好朱古力，不過同芒果＋熱情果唔係好夾，雖然芒果同熱情果大家剛好中和咗酸甜味。 四人共消費: $1,605…Read More

朋友食過介紹，太子樓上鋪，水準不錯，價錢OK，無限時，有獨立卡拉OK房(唔知收費)，有露台可以呼吸，雖然唔係任食，但環境唔會太嘈太焗促，服務都幾好，下次可以再encore。4位用火鍋 $898 ⭐️⭐️⭐️⭐️=============～生炸魚片頭 + 椒鹽墨魚咀 ⭐️⭐️⭐️⭐️兩樣都好食，墨魚咀唔記得影相，份量都幾多～花雕雞窩 ⭐️⭐️⭐️⭐️應該有半隻雞，湯底有花雕味都唔錯～手切安格斯牛肉 ⭐️⭐️⭐️⭐️有質素，半生熟最好味～手打四寶丸 ⭐️⭐️⭐️⭐️彈牙好味～手包雙拼餃 ⭐️⭐️⭐️⭐️大大隻好足料～游水海生蝦 ⭐️⭐️⭐️⭐️新鮮爽口彈牙～新鮮脆鯇魚骨腩 ⭐️⭐️⭐️sorry無食魚不能評～黑牛柏葉 ＆ 新鮮肥鵝腸⭐️⭐️⭐️⭐️爽口，記住唔好淥咁耐～田園雜菜籃 ⭐️⭐️⭐️只得菜，如果有埋菇會更好～出前一丁麻油麵x2 ⭐️⭐️⭐️如果可以提供烏冬更好 另加:～即炸響鈴 ⭐️⭐️⭐️⭐️鬆化可口，吸湯一流～鬼馬雙星 ⭐️⭐️一客6件，略嫌油炸鬼硬身咗dd～午餐肉 ⭐️⭐️⭐️厚切午餐肉，火鍋必備～汽水x2～啤酒x2 五人共消費: $1,500…Read More

無比較就無傷害，近排鍾意食雲吞麵，一個月內去 “沾仔記” 食咗兩次，最鍾意大大粒雲吞鯪魚肉雙併，親民價$57，但呢間 “麥明記” 就要$70，價錢唔算平但係食唔飽，麵又唔啱我心水，所以試一次就夠。🥢雲吞鯪魚球雙拼麵 $70⭐️⭐️⭐️首先試咗湯底，有好重胡椒粉味，雲吞麵有鹼水味我鍾意，可惜麵身太幼，雙併雲吞有4粒鯪魚球有3粒，食得出雲吞嘅蝦好新鮮彈牙，鯪魚球有陳皮香，不過食完成碗麵唔太夠飽。一人共消費：$70…Read More

自從我鍾意嘅《名代宇奈》撤出香港後，我就再搵唔到親民兼有水準嘅鰻魚飯，知道《鰻の成瀬》嚟咗香港，經過附近即刻買嚟試，不過不似預期，唔通真係希望越大失望越大？！🥢鰻魚飯（梅） $128⭐️鰻魚有成半條咁多，份量剛好一個人食，外賣返到屋企鰻魚仲微暖，倒上醬汁連飯一齊食，感覺整條鰻魚都比較乾身，連皮都無油脂，而且肉質唔juicy，完全似超市質素，仲有近尾部分又多細骨，同響日本堂食係兩回事，我諗可能係外賣影響品質啦，下次都唔夠膽外賣鰻魚飯．．．．．．二人共消費：$256…Read More

國慶煙花包廂都係第一次，平時只會響電視欣賞煙花，包廂睇雖然無聲效，但視覺效果一流，再加上呢度嘅食物好有水準，服務又唔錯，無限時，偶然豪一次都值得。🥢鐵板蜜汁西班牙叉燒⭐️⭐️⭐️⭐️叉燒厚切肥瘦適中，食落惹味又夠腍身，好想encore多件。🥢黃金涼瓜⭐️⭐️⭐️⭐️平時食開黃金蝦，涼瓜第一次食，估唔到又幾好味又夠爽，感覺涼瓜仲有解膩效果。🥢話梅汁蕃茄仔石榴片⭐️⭐️⭐️⭐️加話梅粉另有一番風味，蕃茄同石榴同樣清甜爽口，不錯嘅開胃小食。🥢脆焗鳳尾蝦多士⭐️⭐️⭐️⭐️⭐️呢個蝦多士真係天花板級，炸得金黃香脆唔油膩，除咗一隻開邊新鮮大蝦，仲釀咗厚厚蝦膠，蝦味香濃雙重口感，必食推介！🥢紅燒潮州翅⭐️⭐️⭐️⭐️第一次食潮州翅，份量多翅針粗身，但食落滑身爽口，芡汁味道香濃，不愧為招牌菜式。🥢25頭鮑魚扣鵝掌時蔬⭐️⭐️⭐️⭐️⭐️溏心鮑魚鮑味濃郁，口感軟腍；鵝掌入口即化，膠質豐富，超好味！🥢雞油花雕蒸馬友⭐️⭐️⭐️⭐️成條魚拆晒骨好方便食，魚肉鮮甜滑溜，雞油汁令味道更提升。🥢鴻運炸子雞⭐️⭐️⭐️⭐️放煙花期間上菜，雖然凍晒但仍然好味，皮脆肉嫩又入味，重點唔太油。🥢上湯千層浸時蔬⭐️⭐️⭐️⭐️油豆腐莧菜吸收晒上湯精華，豆腐無油膩感，莧菜亦鮮嫩。🥢鮑汁雜菇炆伊麵⭐️⭐️⭐️⭐️伊麵爽口乾身，雜菇非常多，鮑汁比平時嘅蠔油更出色。🥢甜品⭐️⭐️⭐️⭐️有3款水果／甜品，綠豆沙湯丸多豆起沙；紅棗糕甜度煙韌度剛好；提子哈密瓜夠香甜，全部都好味。12人共消費： $16,000…Read More

因為媽咪想食熟食，所以捐窿捐罅搵到呢度，星期六都有午餐$98起，12點去到人客不多，坐得舒服，不過食物水準就一般。🥢鹽燒無骨鯖魚定食 $98⭐️⭐️⭐️⭐️鯖魚煎得幾好，肉嫩多汁，魚有少許骨。🥢蒲燒鰻魚飯定食 $148⭐️鰻魚無乜味好薄身無口感，油脂欠奉，飯少爛少鰻魚汁，唔掂！二人共消費：$271…Read More

因為上星期試過點心水準不錯，又因為想試懷舊小菜，而且4位以上可以訂位，晚巿唔駛搭枱比較寛敞自在，服務同樣唔錯，仲唔收加一，非常平民化嘅酒樓。 🥢金錢雞4件⭐️⭐️⭐️廣告入晒腦＂金錢雞唔係雞＂，我最想試下係咩東西，雞肝＋肥膏＋瘦叉，味道唔錯，但瘦叉口感就麻麻，好乾柴。🥢雞蛋焗魚腸 $128⭐️⭐️⭐️雞蛋幾香，魚腸好乾淨無腥味，但魚腸太碎同太少，無口感。🥢大芥菜排骨煲 $118⭐️⭐️⭐️⭐️芥菜苦澀味十足，排骨夠腍入味，湯帶有黑椒味好正，侍應無介紹錯。🥢孖寶A – 清蒸海斑仔 + 蒜香脆燒雞半隻 $278⭐️⭐️⭐️⭐️海斑一斤左右，新鮮魚肉彈肉，好有魚味；雞外脆內軟，肉夠入味又juicy，蘸醬油更添風味，難怪好多客都叫。 四人共消費 : $641…Read More

久仰大名，今次終於有機會試到，青衣城店近月新開，午巿同晚巿都非常多人，好彩排咗5分鐘就入得去，不過地方較細，枱與枱之間一個身位都無，而且冷氣不足食到成身汗，下次唔會想再嚟喇！🍜晚巿二人餐 $99 (兩碗四餸麵 + 一碟蠔油菜 +兩杯飲品）🥢四餸麵：豬紅豬腸蘿白冬菇油麵 (豬腸汁) & 豬紅豬腸蘿白魚皮餃粗麵 (少辣, 豬腸汁)⭐️⭐️⭐️所有餸都好味，特別推介鹵水豬腸同咖哩蘿白，夠腍夠入味；而油麵就鞋咗啲同粗咗啲，所以唔推介。🥢蠔油菜：菜心⭐️⭐️⭐️⭐️菜心爽脆嫩，最欣賞蠔油可以放邊。🥢飲品：綠茶紅豆冰x 2 (＋$5 x 2)⭐️⭐️⭐️⭐️綠茶味幾重幾香濃，紅豆超多又夠腍，不過唔鍾意冰太碎，飲到成口冰。 二人共消費: $109…Read More