開胃快遞's Profile

餃子店嘅餃多數都係手工包各家都有自己主打手勢同配料款式 當然煎或烚嘅手勢都考功夫慕名過大海只為一試濠記餃子餃子好唔好食冇得呃任拼呢下係開心嘅 一場嚟到樣樣味都想試一共五款餃有基本肉款韮菜椰菜粟米豬肉都係穩陣的泰式拋打微辣唔過份刺激 拋打係咪九層塔香葉？粟米食得出新鮮切碎清甜整體質素90分皮有麵粉香唔太薄 煙靭 煎餃嚟講高分 離罩款唔係皮肉緊緻相依 size中挺偏大個人覺得剛剛好 肉汁相當充沛尤其韮菜餃 建議口夠大成隻啪因為皮較鬆肉汁會漏走 好處係湯汁唔會標到四圍係煎餃嘅功力絕對上乘 隻隻嘅皮微焦脆入口留芳調味有紅醋 泰式酸汁 唔辣辣椒油各有千秋招呼溫柔貼心 鄰里feel 值9⭐️🥰價錢抵 乃必返頭之選…Read More

以前有聽講過話呢間拉麵好hit? 成日路經都冇特登試，更多時候係半夜，只會對招牌望多幾眼。差不多一年前開始晚飯時間會去到佢門口，日日都會裝下裝下。見佢有時好FULL有時好靜。個bar枱格局幾吸引。不過都冇的起心肝入去試。終於有次俾一位親切女仔搲咗入去，又好親切咁介紹幾個set，一試個叉燒，驚為天人。雖然未去到世一，但嗰種半肥瘦、厚切、淋軟、juicy、油脂潤感、煎香至剛好，配搭濃豬骨湯底同彈牙拉麵，蒜蓉同辣芽菜任夾，仲有有啲太高嘅高腳櫈，適合獨食嘅吧枱位，背後牆上嘅掛鈎，台上自己斟嘅多冰冰水同冰茶，唔會太嘈嘅音樂適度隔開其他人嘅談話聲音，單丁客人瀟灑來去嘅身影…… 全部都太啱feel。替玉大大份都只係加$10！！！！！！！！小龍蝦沙律、芥末蜆肉、螺肉小食都好食（夠凍）又飽肚，但日式醬偏重咸重甜，反而煎餃感覺更清新。雖然嗰次之後偶爾幫襯啲叉燒同某些態度都失咗色，（間中有回復少少），但拉麵同湯底一直保持高水準。曾以為驚艷叉燒可一不可再，點知近日叉燒狀態回勇，終於又好似有返第一次食個「Oiishi」特效出返嚟。然而「人情味」永遠都係獨一無二嘅。眼神同細處往往顯現大分別。只能懷念。記得袋定現金响身。慎防路過想食#只收現金 #strictlycashonly…Read More

網上見評價好，又近公司，仲可以免費登記做會員，即刻約朋友訂位食lunch。二人行政套餐，一湯一前菜一肉一菜一飯/麵一甜品。6-course menu 488-5xx, 食物賣相味道都高質，而且份量好大。叫多個湯同前菜絕對夠三個男人食飽。服務專業貼心，環境舒適。中環午膳好選擇花雕話梅醉雞雞很滑 二人份量有成半隻雞 冇話梅味燉湯清潤夠火候脆豆腐好味極juicy墨魚汁咕嚕肉肉係里脊梅頭 肥瘦比例完美 coating 做得薄而脆 見師傅功架菜鮮美經理推介鮑汁福建炒飯果然絕不欺場 每粒飯都俾汁包住值得關注…Read More

I regretted re-visiting this restaurant without studying the comments online, and felt sorry for my friends whom I brought there.差到難以置信嘅用餐經驗I was a 8-9 times visitor to this restaurant before, but had been missing the place the last few months since my friends and I could not do weekday dinners as often now. We used to like the place and the food despite that it is some times lousy and service could get a bit clumsy at times with very young staff. We understood it takes time to train and F&B industry can get tough. We also had the chance to meet the owners once and their passion in their business really impressed us.My friend and I were thrilled when I suggested a weekday early dinner at BUSAN Night. The evening started well, I brought 2 more friends, and we planned an early start at 6:30pm, thought we will finish by 8:30pm. We did not make any reservation but we came very early. There were only 2 tables eating when we arrived.Food was great, a few orders were missed but we were ok. We got our food without much demand for service, staff not super friendly or helpful, but again, we are 10x times returning customers: we were fine.Things turned sad when at 7:30pm, a staff came just to hand us a bill, gesturing us to pay. We were confused, but we did then ask if there is a time for the table. The staff reluctantly replied yes. So we gently checked what that rule would be (as there were no obvious sign of message, nor did anyone mentioned this when we were given the table, but we do understand that such rule might exist). The staff, slightly revealed a mean look, told us if we are not ordering alcoholic drinks there is a time limit keeping the table. So I asked how long then? He said 1hr 30mins. So I double-confirmed if we have to return the table at 8pm and there is 30mins left. The staff replied with a more exact time, handed me the bill again without asking we have any last order or if we would want any alcoholic drinks. So I paid. while we weren’t even given the option to order more rice to go with the soup that was untouched, or order more drinks. I know we were low-spending customers with an average $300 per head spending. And they are getting busy.So we were planning to take our leave around 8pm but the chat was going on half-way so we delayed. All of a sudden a staff came removing the dishes so from our table (the table was kept messy throughout the dinner even we apparently did not have enough space for our food orders). When the staff was taking away the bottle of water provided by the restaurant, I asked to refill my 350ml tumbler with the remaining 200ml water inside the bottle.The staff, with an angry and rude gesture, grabbed the bottle and replied : the water is only for dine-in purpose, if you want to refill your tumbler please go somewhere else.My friends and I looked at each other, I asked if I had done anything bad or rude throughout the dinner that caused me to deserve such attitude.We left the restaurant feeling unwelcomed, and I regretted so much choosing to dine here and even bringing my friends. Our lovely reunion night was almost ruined by this place.For any possible reason, I don’t think a diner deserves to be treated in such poor , ill-mannered way.客人做錯咩令server覺得可以用呢種態度？Farewell, busan night. I am never seeing you again and will not recommend this restaurant to anyone.…Read More

路過搵地方唔覺意見到，未開舖，門口望下個menu都有啲料到咁，啲相不算太吸引，即刻査吓開飯，見到話小籠包好食，就梗係要試過先啦。轉頭晏晝四五點鐘，正常應該冇乜人，佢又唔下場，入去滾搞下。嗰頭全部都舖頭細細，不過成本效益應該幾高嘅。呢期唔知係咪玩杯葛，間間都只收支記唔玩通記。因為通記收商家手續費，支記就收支付人手續費，總之就玩殘客仔，去開嗰頭搵食準備充足現金為上。講返嘢食，試唔到胡椒餅（！）佢叫食煎牛肉餅，又得啫，原本都係胡椒同牛肉餅二揀一，they read my mind!小籠包，再試埋生煎包（自己唔太好生煎，但姑且幫生煎粉朋友試埋）。之後見到有五指毛桃燉骨湯，完全開正我嗰瓣🍲🍲。（佢個炸牛腩同羊腩煲都極吸引！）牛肉餅先上，正常地油+脆，脆得嚟都酥化，餡料足，份量合理。俾得落讚。放咗陣都仲keep到微溫同酥脆🫔推介小籠包係即蒸，調味對我嚟講偏濃，不過湯+肉都鮮，肉唔係最靚嘅，但唔會霉，有嚼勁，有手勢。皮唔係我食開偏粉，係薄得嚟有少少爽靭，質感良好，湯好足。絕對唔失禮。味道係住家feel, 葱、肉味貼地。價格合宜。生煎包都唔弱，我食時以為會爆汁，佢又冇。欣賞佢肉、汁、包比例剛好，大小適中，煎嘅手勢都出色。我自己放耐咗少少食覺得唔夠熱，但整體好味，而且抵食。燉湯望落料好似碎碎咁，但色水ok, 飲落足料。有幾款夠揀，要雞湯有雞湯，怕燥又可以飲骨湯。$40盅足料仲要有得揀👍🏾雲吞雞湯要訂，不過望相就唔係街外gimmick嗰種水乳交融feel嘅濃雞湯（？）。下次有機會都想試一試師傅手勢😊🍲🥰🥰🥰以街坊地埗嚟講，呢個價位係超咗少少班了。以上四樣嘅夾埋138冇加一。之前去試街尾另一間上海嘢,都hit過吓，唔差，但唔就腳+冇乜記憶點。齋論小籠包呢間江南店更有性格同質感。豆漿寫住自家製。今次冇試。…Read More

好耐未試到真正有質素嘅燒肉放題了唔喜歡食放題質素係其中之一，最接受唔到收我5/6舊水90分鐘/120分鐘收我枱。咁樣我做咩要出街食，上網訂舊靚肉屋企自己慢慢煎啦。睇咗食評/拍片介紹，都幾有信心地以衝鋒心態去試。訂位WhatsApp訂位十分順利。收deposit都合理。係啲”confirmation”分咗幾十次又WhatsApp 又電話仲要重複，去到坐低仍然再問，嗰下需要改善。好耐未試到真正有質素嘅燒肉放題了唔喜歡食放題質素係其中之一，最接受唔到收我5/6舊水90分鐘/120分鐘收我枱。咁樣我做咩要出街食，上網訂舊靚肉屋企自己慢慢煎啦。睇咗食評/拍片介紹，都幾有信心地以衝鋒心態去試。訂位WhatsApp訂位十分順利。收deposit都合理。係啲”confirmation”分咗幾十次又WhatsApp 又電話仲要重複，去到坐低仍然再問，嗰下需要改善。服務訂座/現場職員態度極佳，又照顧小朋友。五星好評。爐好用，火力易控制。人唔會太熱。爐邊抽風，「火燭」同油煙問題非常受控。職員有幫手睇住。主動換網👍🏾👍🏾經優良訓練同有眼力。食物A++武王3粒鐘，不作他選。前菜刺身，海鮮，肉都極高質。新鮮，鮮甜，大隻，當造，不同部位好清楚易分，色澤鮮嫩，雪花肉紋靚，配上嘅生雞蛋一流。當日得兩個人唔算太肚餓冇加到好多嘢，呢個價錢已經抵食。其他湯/粥/飯/紫菜冇叫但相信都係優秀。肯落本做啲咁靚嘅set要好好珍惜呢啲店。有3小時揀真係好sell到我大推俾朋友飲品冇出面咁花呢碌一大堆，$30/位任飲3粒鐘梳打水都抵。另有酒精類同啤酒package應該都抵玩個kimchi都好好味👍🏾👍🏾…Read More

90s Lazy 證明90後一啲都唔lazy睇佢餐牌選擇就知唔係lazy ppl 做到All day breakfast 絕不欺場 大大份有半隻靚仔牛油果 大壓力分滑滑炒蛋 走咗牛角包加咗塊薯餅個薯餅好食到不得了 麥記係一粒粒薯仔 90後嘅薯餅係一小片一小片疊埋再炸到剛剛好香脆濃郁 唔會成口油 菇亦極juicy個人嚟講最唔欣賞all day breakfast 成日有蕃茄蕃茄湯/三文治/漢堡 都配到新鮮蕃茄——冇亦冇乜影響只不過 一舊只係煎過嘅蕃茄 係酸嘅就會更酸 爽得嚟又個面微焦 熟嘅又會濕漉漉 除咗個顏色 蕃茄對一個all day breakfast 貢獻真的不算大沙冰夠涼爽 選擇充足燒春雞嘅話呢……味道調得出色 不過功力差啲 雞胸都係鞋 …Read More

明明都唔係極鐘意食韮菜嘅人又俾個韮菜包引咗入去小店面度試明明唔係食得辣嘅人但個辣椒油又點韮菜包食晒 香而不嗆 點多啲都唔會辣到食唔到店面setting真係睇唔出佢係潮州嘢 賣滷水 更估唔到佢係八十年老字號開响中上環歌賦街 幾乎細過西餅店嘅舖位 招牌只有白色10x 20cm 得吧枱同兩張細細枱 餐具大部份係紙製外賣用品價錢反映租金 不過潮州滷水從來都唔係街坊魚蛋粉價錢 鵝其實唔係全世界都有得食 本身就係刁鑽中高價家禽Call咗餃界黑玫瑰——餃控—— 搵日去幫手試真啲 再即call附近老饕家庭當晚試菜叫咗外賣：鵝片拼鵝腸墨魚 / 方魚肉碎粥 / 蠔仔肉碎粥 / 蠔烙 /豆腐併蛋 / 必食韮菜包 / 滷肉 （豬腩）佢嘅滷水的確偏清淡 冇外面遠遠就聞到好大陣滷水香 相信會「趕」走部份食開傳統滷水店嘅客只能夠話口味嘅嘢各花入各眼 少香料味我自己就覺得要靠材料本身質素 如果唔係就搵鬼食啦鵝片切得薄而均勻 未係頂級滋味 不過刀工都好重要 鵝肉潤而不乾 宜加醋送飯墨魚同即煮鵝腸入口微爽帶軟淋 鵝腸完全冇異味 肥羔100%清晒 仍然厚身 鵝腸fans必叫墨魚好很出色潮州粥佢份量不大 偏清淡 冇落勁多芹菜芫荽胡椒粉 蠔仔同方魚粒都新鮮甜美蠔烙足料下次有機會要試埋粉肝夏天加咗養眼清爽特飲係好主意係適合口味較清淡同追求用料嚴謹嘅潮州菜朋友…Read More

話說有兩位八公成日同我講八公好好味叫我去幫襯。本八婆油份高怕熱唔想四圍行去搵食一直都冇理到。最近發現原來間嘢都就腳（其實做乜事開8點咁早賣早餐）又早開就去望下。第一次見到外國伯伯同嬸嬸晨早去食豆腐花同碗仔翅牛小排唔係話想食就有得食，老細只供應高級食材，唔夠級數佢唔賣㗎。想試就要睇彩數啦。串燒類全部穩陣嘢，老細要求高一定要燒靚靚。個人推介燒豬頸肉同腐皮角。至於魚蛋燒賣腸粉，老老豆豆，食慣屋邨舊墟老字號，覺得魚蛋同燒賣貨係靚貨，魚蛋鮮味爽口，魚肉燒賣係不規則形狀嘅索豉賣。唯獨是個豉油敗咗個筆，唔夠濃又唔香，反而個咖喱汁可以諗諗，有啲火花。腸粉直頭唔係好想講。太幼啦未食過咁幼嘅腸粉… 豉油同麻醬都要搞搞佢啊老細，我未試過食唔晒一份腸粉嘢飲同豆花都堅。話晒夏天，再凍啲就好。自家酸梅湯必試！又係靚嘢足料嘅酸梅湯呀（點解冇得响食評post video㗎）…Read More

覺得中式嘅炆其實即係慢煮以前食炆嘅嘢 認為越爛越淋越入味後來發現炆係好講究用料同火候 烹飪從來博大精深呢間舖仔細細開响女人街山東街交界唔算好旺冇水吧Menu冇乜特別就係潮式嘢前後食咗2次 一定要試埋雲吞 先決定寫食評第一次幫襯係朝早剛開檔最近愛上麻甩撈粗 刨完menu就叫咗牛腩撈粗同炸鯪魚球牛腩份量慷慨 夾起硬淨 入口竟然軟淋中帶微爽 唔會好重香料味證明係靚貨 麵地清爽 腩汁落得啱啱好唔會死咸鯪魚球係即炸 望落靚仔乒乓波大小 蜆芥靚貨 魚球食得出料新鮮 足料彈牙滿口魚香個菇好X大隻！portobello size 炆到超級淋吸滿蠔油汁 食一隻飽咗大半！隔唔夠一個禮拜第二次幫襯係晚巿 冇乜人 外賣都少不過有識嘢客仔一坐低就嗌牛腩飯加嘢飲再嚟係想試真個腩同試埋雲吞 叫咗筋腩撈粗同淨雲吞今次個腩唔知咩位 望落冇咩特別 但咬落就知唔同 完全正過出面西餐啲慢煮牛扒 竟然有肉嘅油潤之餘又感覺輕盈 咀嚼時品得出肉嘅紋理 𡁻兩三下啲肉就化開 試埋個牛筋 嫩滑溏心 膠質爆發可能夜晚 個麵鹼水太重雲吞正常貨色 每隻入面都大大粒爽口蝦仁 但自己本身鐘意多啲肥豬肉餡總結：必試筋腩 鯪魚球…Read More

餐廳由location到裝修到定位同定價，都屬於新派「打卡系」店舖。木質古英倫風，扮圖書館，設計個靚menu，落咗本嘅，傢俬足夠份量，質感亦佳。餐具亦見成本，但細節就顯出粗心。空間間隔算慷慨，彌補到超低樓底可能造成嘅壓迫感。呢個價位（tasting menu $13xx位)响今日呢個城市，正正吸引到一班略有消費能力但未有品味品位去玩fine dining 嘅男女。法式侍應服務係有距離感嘅，但唔應該係冷漠、poker face。好似專業餐廳經理被逼接待一班惡煞土著咁，不情不願，冇咗流暢同游刃有餘嘅氣度，只有顯而易見嘅「為難」。侍應西裝骨骨，但總心不在焉，雖在客旁遊走，但應咗好似冇應，介乎見到同見唔到客人之間。又係嘅，侍應經理習慣西裝筆挺，昂首濶步，餐廳裝潢設計偏低/平，樓底極低，對高大挺拔嘅員工嚟講係屈才。佢平視就只見到對面海，長腿邁兩步就已經行過咗三枱客。廚師嚟講，從食物未係好了解到走向同思維。一個中價位tasting menu，前後7個course，以fine dining 嚟講一啲都唔充裕。唔知係咪情理之中，頭三個course真係食出一頭問號。望咗N次個menu內容都唔知自己食緊咩。自家包由溫度到附帶調製牛油到橄欖油到黑醋都出色討喜。好在由蝦子麵開始幾個主食落力撐托，一鼓作氣，帶到落尾，華麗收場。全個tasting menu可以話靠最後四個course抵返。而前三個course可以合拼或者索性改為點心。餐具size出奇地雄偉—— 本來冇問題，fine dining presentation 就係不惜工本。但張枱又唔係大。結果張四人枱（已經冇飲酒拎走咗巨型酒杯）幾乎唔夠位放四份食物。要啲杯碟左砌右砌，移嚟移去。Life band係驚喜，但全晚唱咗20次生日歌，好在中間有啲anniversary 點綴下…… 慶生獻歌本來係氣氛一流。但人人都生日，一枱接住一枱慶祝，同樣嘅歌聲同樣嘅甜品同樣嘅蠟燭，看完前後左右循環2.5轉再輪到我（或「我們就只是來吃飯的」），難免尷尬。樓底低亦直接導致音響太強，焗音，環境嘈雜（天知道地道客人向來幾咁聒噪，一開口私隱同禮儀統統拋諸腦後）。「觥籌交錯」之聲未必人人享受。總括來說係一場絕對「港式」嘅餐飲體驗。應要搵擅玩角色扮演嘅高手去「增色」一番。…Read More

廚師們是Artists開店係一門學問，太個人主義唔算係生意，太隨波逐流又失去意義。飲品色香味茶具托盤匙羹全見心思。處處低調，但處處有驚喜。呢位廚師亦係一名畫家？個DD上到嚟賣相係震撼嘅。純白同玫紅嘅鮮明對比，令我驚呆咗兩秒。說好的日式（我以為)呢？有時menu冇相都係高招。高質素材，開濶嘅空間同景緻，悠閑不是靠襯托，而該是減法。店員輕聲細語，眼神柔和。這就是氛圍吧。覺得我需要回來。（深秋時節，洋洋秋日，揀閒日嚟，嗰種寧靜致遠，係繁華裡難得嘅奢侈。）…Read More

該國朋友推介下試咗幾次嘅居酒屋，獨自一人既能清靜享受美食；呼朋喚友推杯換盞亦能暢快笑談浮生逸事。小店風味，未必每每迎合大眾，不過冷暖自知。「鬧市內很多驚世駭俗」可是對於客人 對於店家 生意以外 更多是一場場緣份。吃的是師傅的手藝，更有主事者的理念和信仰，有人情，有世故，有掙扎，有心事。我們每個人過著怎樣的日子，幸不幸福，富不富足，就如食物的口味，不一定要迎合大眾，因為小眾的幸福同樣是幸福。請不要刻意迎合我。因為我光顧的從來不是來去匆匆的逢迎，而是你不落俗套的初心。…Read More

朋友介紹高質cafe食物味道同賣相都超乎想像一路食一路呱呱叫全日早餐極出色。個早餐腸omg😍😍😍 炒蛋😱 caramelised onion roll 香酥精緻。大大塊煙三文魚落足本。pasta爽，擺盤優雅，食到一半都仲keep到賣相不得了。份量同比例校到精準。全部都係手工嘢。茶啡高質。甜品優秀。充滿驚喜。受歡迎的店。星期六日冇得訂位。只有walk-in 閒日lunch 必需訂枱，否則唔駛諗。推介極推介…Read More

佢哋臨搬舖响佐敦幫襯過一次，已經俾佢食物飲品質素震撼到。佢哋嘅RICEBURGER真係made to perfection. 啲肉煮得好味，所有嘢都好夾，擺得靚，而且入面夾嘅菜芯都非常出色。雙層黯然銷魂飯堡 入面有兩大塊厚叉燒（日式） 一咬落去已經香到我兩眼發光，叉燒整得仲好味過一般拉麵店，轉個頭就隊晒個BURGER。之前試過佢哋嘅橙味凍黑朱，濃到飲完會HIGH咗。今次掙扎咗好耐飲MOCHA定泰式椰奶茶定話梅tonic定係ALL OF THE ABOVE.天氣太熱，揀咗清爽嘅espresso tonic個ice ball真係唔嘢少 個Tonic倒落個令令波面頭時有種療癒 加幾片青檸 冰酸甘甜爽完美融合見泰式椰奶茶都係有紅茶冰波波，下次一定要試🤩🤩🤩椒鹽菇菇初頭以為係草菇， 原來係類似本菇咁嘅散開形。粉漿包得匀循，惹味脆口，入面菇又熱又juicy，連最幼嘅位都唔會乾，廚師功力十足。甜品跟餐有得平，可以後上。蕃薯焗得好靚仔，面嗰層焦糖又薄又脆，雪糕有2大球，😍🥰每一個細節同質感都絕不欺場，用料全部靚嘢，希望米芝連唔好嚟搞佢哋，放過隱世高質小店店長同廚師好型，chill得嚟親切，爽快但貼心。真係一間令人回味嘅店…Read More