Hindyting35的個人專頁

帶二寶在路德圍看醫生後時間尚早就找間餐廳午飯享受一下母子時光🤎走了個圈發覺附近適合小朋友(2歲)的餐廳沒有太多選擇就近近的挑了新記冰室本來想跟二寶share一個餐但看到餐牌竟然有邪惡的芝士辛辣麵！🫢那只好多叫一個常餐給二寶 因為媽媽要自私吃😆收銀員姐姐超級細心 看我帶著小朋友二話不說多給我一個碗及餐紙☺️先上來的是給二寶點的叉燒通粉嚐了一口湯不但不鹹而且好像有淡淡的豆乳味（？）超驚喜！叉燒也軟淋不「鞋口」還有那個擺盤像隻外星人的煎雙蛋+香腸😆然後是我的芝士辛辣麵 湯底是有加芝士😳！！！雞翼剛炸超又起肥美整個真的好好好好吃😭（沒有誇張）（二寶自己KO了整碗叉燒通粉😱）一定會再光顧！👍🏼…查看更多

之前一次無意中在openrice看到這間餐廳就被它的裝潢吸引了趁著假日老公剛好也不用上班當然要抓緊機會著他駕車去試試！去到大概早上十一點半左右可能時間尚早的關係 不用排隊就可以入座門口已有不少人在打卡拍照📸（由於當天天氣頗熱 我們選擇了室內的座位結果忘了在外面最有特色的座位拍照😭）菜單上沒有太多選擇主要有小食、披薩、班尼迪蛋三大類每一類都只有三款選擇這對於有選擇困難症的我有很大的幫助😆｜白毛豬風乾火腿披薩｜｜煙三文魚班尼迪蛋｜｜炸雞｜｜Flat White Coffee｜食物味道不過不失最大賣點還是餐廳特色的裝潢…查看更多

第一次吃這間，我點了一個花甲粉絲(小) & 蟹柳蕎麥麵（小） & 手撕雞蕎麥麵（小） +燒茄子，味道不錯，只略嫌份量太少，感覺好像吃了風落肚一樣⋯在外賣平台點餐，所以一個麵盛惠$35…查看更多

| Avocado & cheese sandwich + Soup + Salad | $78本身想點沙律，但見佢啲沙律大份得誇張驚食唔哂，所以改食三文治。三文治嘅款式有好多，而我係avocado愛好者所以就選擇左牛油果芝士。另外買任何三文治或沙律都會有餐湯/餐飲，今日有蕃茄忌廉湯/ 洋蔥湯/ 樽裝果汁，我選擇左最愛嘅洋蔥湯。可惜洋蔥湯味道一般，洋蔥味唔太夠，個沙律完全係KFx個椰菜絲沙律，所以都唔好期望佢會好食⋯至於個三文治個麵包偏硬有少少苦，好彩有好多牛油果同塊芝士都有烘過搭救，但應該唔會再光顧⋯…查看更多

依間餐廳可為我喜愛之一，但奈何離公司好遠，有時真係無辦法趕得切午飯時間食，今日我地就決定夜晚黎幫趁😋| 京蔥羊肉餃 | $49 (10pcs) || 韮菜豬肉餃 | $46 (10pcs) || 白菜豬肉餃 | $46 (10pcs) || 鮮蝦韮黃豬肉餃 | $53 (10pcs) |我地四個人叫左四款餃，每款要十隻咁就可以試多啲唔同味，怕食唔哂可以叫五隻，價錢由$27-$31不等。依度嘅餃最正係大大件仲要係皮薄餡多汁又多，仲食得出好有肉味，如果鐘意食羊肉嘅一定要試下羊肉餃，羊肉陣蘇味真係好香🤤| 酸辣湯 | $19 |個人認為個湯非常好味，唔會太酸或辣到會嗆喉嗰種，推介👍🏼根據個人經驗一個人飲一碗會太飽，同人share就岩岩好。另外想推介佢地個山東手撕雞飯($45)，個人認為係超級好食，個source偏咸配多蒜多芫茜，係重口味之選😽…查看更多

今日喺元朗隨便逛想搵間餐廳醫肚，附近咁多間餐廳之中依間嘅價錢最平民化，而且套餐選擇都多，所以就選擇左依間！| 滑捋捋雞扒飯 | $59 +$10轉餐 +$5轉配意粉無為意到原來套餐係會跟湯，所以當上左個湯既時候仲好好奇究竟依碗細細碗嘅係咩黎，飲左一啖，不得之了，係我最愛既香菇湯！個湯非常香，啲菇打碎左，啖啖都有菇肉，正呀！無諗過隨便搵間餐廳都會飲到個咁好飲既湯👍🏼 雞扒意粉個雞扒好大份，肉質都算滑但又未至於好滑的程度，配上平時食rib的BBQ sauce又幾醒胃，本身食到一半已經覺得有啲飽，但一路點個sauce黎食唔覺意食哂成個扒🙊 唯一美中不足反而係嗰幾塊翠肉瓜嘅配菜，煎得過燶有啲苦，而且落得太多黑胡椒令到個瓜好辣，除左苦同辣基本上都食唔到本身的瓜味。本身因為價錢相對較平而選擇左依間餐廳，但其實轉餐加錢，轉意粉加錢，轉飲品再加錢，加完之後都唔算平呀😅 不過整體食物都ok，也會因為個湯而再光顧😋…查看更多

之前每次上黎依邊食飯都只係會去星街嗰邊，今日朋友帶左我黎食Brass Spoon，先發現原來依邊係有咁多餐廳。相對下，依間餐廳比較多人等位，十二點半黎到已經排到轉彎位。佢地既menu好簡潔，湯粉類主打四款牛肉粉：特級生牛肉、生牛肉、生熟牛肉、熟牛肉，配料可選擇份量，Topping亦可追加，喜好撈檬類既朋友亦有選擇：燒豬、春卷、香茅雞。| 生、熟牛肉粉 | $86 | 荔枝梳打 | $30我選擇左所有配料（洋蔥、蔥、芫茜）都係正常份量，但上菜時都比佢豐富既配料嚇親😂 河粉好滑，從未食過咁滑既河粉！生熟牛肉是有牛肉片+牛展，湯底好清，飲完唔會話有口渴既感覺，忍唔住飲左幾啖（朋友成個湯底飲哂😯）；荔枝梳打有兩粒荔枝肉，唔會太甜或太淡👍🏼總括而言，佢既牛肉粉好值得一試，推介！…查看更多

| 朱古力雞蛋仔 | $22媽咪既味道選擇好多，之前食過原味同香蕉朱古力味，不得不讚香蕉嗰個真係每舊都有香蕉肉，推介👍🏼今次叫左朱古力，雞蛋仔香噴噴，朱古力味香濃，每一舊都有滿滿既朱古力，但都因為好漏所以好快覺得飽，本身仲心思思想加個雪糕，好彩無貪心🙃 …查看更多

灣仔區好食既車仔麵都有好幾間，同事今日就介紹左「明明」我試下。午飯時段雖然門口有人排隊，但好快就已經有位👍🏼| 四餸一麵 | $45 飲品另計我揀左豬大腸、咖啡魷魚、豬紅、瑞士雞翼，湯底係腩汁，但因為個咖啡魷魚變左咖哩汁😆 湯底味道好好，啲米粉都好索味，豬大腸好肥美；豬紅彈牙，唔會係煮得太耐搞到好實嗰種；雞翼夠入味啲肉甜甜地，唔會話煮到啲肉老哂爛哂嗰種。本雞翼控好推介依個雞翼，真係好好味😋 碗麵既份量岩岩好，餸既份量都好多，值得一試。| 支裝飲品 | $8價錢就較其他車仔麵店少貴因為無包飲品，但又估佢唔到會有支裝維他奶，即使係汽水都係支裝架好懷舊呀😍…查看更多

依間cafe係我喜愛既小店之一，每次黎到都會好多人等位，就好似即使今日係下雨天，門外仍有唔少食客撐傘等位，可見大家對依間餐廳既喜愛。All Day | $82 |All Day餐內容豐富，三款唔同口味既sausages，尤其偏愛黑椒腸，開頭食一兩啖都唔覺辣之後愈食愈辣，其他兩款腸普通但好食；奶醬多個包烘得夠脆口👍🏼 唯獨是時令沙律個dressing味道偏甜有啲怪怪地，如果可以轉做柚子醬就更配合同醒胃，另外係benedicts下面塊芝士，好硬，如果可以溶啲會更好。玫瑰咖啡 | 跟餐+$10 |玫瑰咖啡一向係我致愛，無諗過佢地既咖啡一啲都唔求其，個拉花都好有心機，賣相一流！味道方面咖啡味比較重，蓋過左玫瑰花味，如果可以取得到個平衡更佳。…查看更多

依間餐廳平時好多人排隊，如果唔係早左出去食飯根本無機會食到。今日我地特登早半個鐘過黎，順利有位✌🏼今次係我第三次光顧過依間餐廳，貪佢裝潢舒適宜人食物又有水準。之前食過Avocado Toast同Lobster，今日想試下新野就點左個連個名都搞鬼過人既「Lamb Lamb Lee 2.0」😆 食物好快就黎到，賣相非常靚又吸引，有onion, cucumber, mustard，羊肉係放喺toast上面仲有dressing，味道整體好match，肉質一啲都唔鞋, 配上依隻偏辣既mustard好好味，係略嫌個toast太濕口感唔太好。依間餐廳既另一賣點係佢地既咖啡，喜愛咖啡既朋友絕對要試下。主要得白咖啡同黑咖啡可以選擇，而咖啡豆可揀Fruity或者choco，個人偏愛choco white coffee因爲不喜歡酸的咖啡 (fruity係淺焙咖啡，有果香，味道較酸)。整體來說，依間餐廳無論環境定食物都好好，睇食物就睇得出廚師既心思，值得一嚐！…查看更多

自依間cafe易左手之後已經係第二次幫襯，未易手之前依間cafe係我地lunch list之一，貪佢選擇多啲野食又唔錯又有咖啡飲；易手後餐廳裝修無變過，但個lunch set menu只有四道菜，同事食過一次後特登介紹我地食！上次黎食既係洋蔥湯配鴨胸薯溶配西蘭花，個洋蔥湯料好足味道得宜，個鴨胸好滑、薯溶唔知係配左牛奶定係忌廉，口感超滑、西蘭花煮得夠淋，我地幾個同事都大讚出色！餐飲叫左個mocha，苦到我😵 我飲開偏甜既咖啡以為係我唔識欣賞，平日飲開苦咖啡既同事飲左啖都話真係好苦。飲左兩啖我頂唔順問店員姐姐可唔可以加甜啲比我，佢好好咁話沖過杯新既比我，從新沖過後味道好好多！唔會偏甜偏苦，好平均！事隔兩個星期既今日想食清淡啲就再次光臨，仲以為個menu會轉下點個都係嗰四款，由於兩位同事太鍾情個洋蔥湯所以都係點返鴨胸個餐，我就試下新野叫左個沙律加慢煮雞胸配薯溶，本身都有心理準備個雞胸肉會「鞋」身，但依度個雞胸居然係好軟滑，係我第一次食到唔「鞋」口既雞胸肉，不愧係慢煮！我食完第一舊讚完好食，同事們就夾硬用佢地既鴨胸肉換左我既雞胸肉(☹️)，佢地食完都話下次要點依個😂 今次我叫左個黑加倫子茶，個味道好奇怪，好似有啲mint但茶味又無乜，對我黎講係有啲難入口，只能說我真係唔識欣賞⋯(其實買餐果陣睇到個茶包盒已經有印象依個茶好似係唔好飲，果然係無記錯😭)總括而言，兩次既用餐都好滿意，味道同口感都好出色！以為個菜得幾片肉會唔夠飽，點知係飽到食唔哂，依間cafe絕對係會再黎幫襯！明白小店難做，但如果佢可以轉下餐牌就好喇，我地會非常期待🤤…查看更多

喺依區工作左好幾個年頭，每日最煩惱既時間就係晏奏食乜野，當諗唔到既時間就會周圍逛，見邊間有位就食邊間。今日經過位於街尾既Bread&Beast，喺門口望下個餐牌：柱侯牛腩治？咖哩炸雞治？依啲fusion野平時真係好少食，就決定膽粗粗入去試下先！我點左個牛油果蘑菇溫泉蛋飯($78)，另加左個lunch combo要一個Lennon fries + drink (+$32)（下次想試下個腐乳蓮藕片，好似幾盞鬼🤤）。 點左餐後等左十五至二十分鐘先上菜， 套餐既飲品應該係指定左一款特定飲品，而今日既飲品係lemonade，但可能要響應環保，佢無提供飲管都無提供stirrer，飲頭兩啖真係酸到暈！但飲落又覺得杯lemonade真係好唔錯，每一啖都好夠味，酸中帶甜，唔會話飲到最後會變左好淡；個Lennon fries係幼薯條，個sause係阪燒醬+溫泉蛋+木魚+紫菜，本身係章魚燒愛好者既我實屬歡喜🤤 但同行朋友覺得如果係粗薯條會更好；個飯係紅米飯，除主配料仲配有溫泉蛋、蘆筍、提子乾，飯粒偏硬同乾身(個人比較偏愛軟身同濕既飯)，試食兩啖齋飯真係太乾，撈混左個溫泉蛋食就真係岩岩好！總括而言，食物好有驚喜，無諗過看似唔match既野食落會咁match！有機會會再光顧！…查看更多

見天氣凍凍地就好想食啲熱野暖下身，記得依間餐廳有鍋物，決定再黎幫襯喇！店員見我地有小朋友，安排左最入面既座位比我地，個位上面有好幾盞射燈照住，野食未黎已經出哂汗😵前菜我地點左一個日式蟹籽沙律($48)，沙律好大碗且青瓜絲好多，二至三人份量，係略嫌青瓜有啲苦。仲有海鮮鍋($108)配飯或烏冬，佢有四個湯底可以揀，分別係蕃茄濃湯、豬骨濃湯、牛肉濃湯、海鮮湯，我就選擇左海鮮湯。個鍋物都幾足料，每款餸平均都有兩三件，係啲蜆同青口就好細粒，而且每粒蜆都有沙，仲有蝦的肉質都不太新鮮☹️ 如果覺得唔夠食仲可以追加其他配料如海鮮類、肉類及蔬菜類，但以一人份量黎講食埋個烏冬就真係剛剛好，唔洗加配料都已經夠飽👍🏻另外仲叫左個蒲燒饅魚飯($82)。總括而言，款式都算多，味道亦不過不失(如果海鮮去沙去得好啲更佳)，會再黎幫襯👍🏻…查看更多

諗晚餐既時候突然好想食日本菜，之前經過依間餐廳已經好想試下，睇完個menu覺得款式都幾多就決定試下佢！可能我地食飯時間尚算早，餐廳唔太多人，我地兩個大人推住架bb車，店員安排左個四人座位比我地，其中一個位比我地放bb車（對於媽媽黎講依個位好細心👍🏻）我地點左個章紅魚薄切黑松露帶子($128)，佢除左有帶子仲有甜蝦，估唔到依個配搭個味道又幾好食喎，而且薄切同角切既刺身一齊食，食起上黎個口感又非常唔錯。個人幾推介依道前菜，下次再黎食都一齊會叫返依個！另外我地再叫左壽司拼盤($248)，海膽刺身配蔥呑拿魚腩卷($118)同雜錦天扶良($118)，海膽刺身用料新鮮，但略嫌海膽味不夠濃郁，而雜錦天扶良及壽司拼盤亦不過不失。食完左記得本身喺門口見到有壽喜燒同其他鍋物所以決定食依間餐廳😂 但好似喺餐牌又見唔到有鍋物既🤔…查看更多