babyman_foodie's Profile

早幾日同朋友去咗荃灣碌保齡球，碌完就四圍行下揾嘢食。本身都想食下泰國菜，又咁啱見到呢間新開嘅泰國餐廳，係門口見到入面裝修幾別緻就 入去試下。😍呢到裝修行工業風 又有啲泰國民族元素，第一次見咁樣嘅裝修風格，十分有新意。🤩一入到去就見到吧枱形式嘅座位，如果一個人嚟食，都唔怕搭枱尷尬啦！原來樓上仲有一層，空間仲幾大，人多嚟食嘅話都唔怕。😎泰式鮮蝦冬陰功湯 ($98)味道好正宗，鮮蝦新鮮，湯汁夠辣夠酸，非常開胃。😗泰式香辣肉碎炒飯 ($108)肉碎炒飯夠香夠辣，香料味都好夠，好正宗，就好似係泰國到食嘅一樣。🤤🤤泰式明爐桂花魚 ($158)魚肉嫩滑，味道鮮美，又夠醬香，非常好食。用左好多唔同香料去調味，好入味香口，出色！魚都大條，抵食👍🏻泰式馬拉盞炒通菜 ($78)通菜炒得恰到好處，唔會太軟又唔爛，馬拉盞味道香濃，加上啲蒜茸，好開胃。👍🏻今次揀呢間餐廳真係冇揀錯啦！唔單止食物質素好高，好多選擇，而且員工服務態度都十分好，上菜速度又啱啱好，環境乾淨又企理。下次一定會再去食！🥰…Read More

已經好耐無同男朋友去高級日本餐廳食野。😂我地今次係平日過黎，都有好多人幫襯，差唔多坐左7成人，都好受歡迎🤩環境唔算超大，但都坐得好舒服，仲可以睇到師傅處理食材😆佢哋嘅菜單好豐富，有好多唔同嘅食物可以揀，包括新鮮嘅生魚片、壽司、刺身、燒烤、湯同小食等等。👍🏻👍🏻服務都一流，店員好專業，令用餐體驗更加完美。佢哋都好注重細節同好細心！😍由食材嘅揀選、製作方式到擺盤都好講究。食材好新鮮，而且睇到師傅處理食材都好用心，刀功都好好👍🏻👍🏻有幾款食物我係特別推介的：⭐炙燒吞拿魚背肉-黑醋尖牙漬 ($168)⭐煙三文魚忌廉芝士卷 ($88)⭐辛味吞拿魚反捲 ($98)⭐花膠地雞肉棒 ($98)⭐鹽燒牛舌心 ($78)⭐三元黑豚腩串-日本芥末籽 ($78)⭐官崎A4和牛壽喜燒 ($338)其實係每樣都好出色，但呢幾款我就特別喜歡，呢間其實我真係超推介大家去食，唔會令你失望！👏🏻…Read More

最近去咗土瓜灣嘅品記鮮粉人家試咗佢哋嘅豬骨湯火鍋湯底，加咗手切牛肉、毛肚、台山蠔同埋白灼三鮮。餐廳有7:30前埋單88折優惠，可以食到好嘢，又唔使咁貴。環境都乾淨企理，坐得幾舒服😁至於食物，豬骨湯底好鮮甜，一飲就覺得舒服。手切牛肉同埋毛肚切得幾薄，入口即化，好滑好嫩。台山蠔同白灼三鮮都好新鮮，留下左好印象。😍總括而言，品記鮮粉人家嘅豬骨湯火鍋鮮甜入味，配料新鮮、好味，價錢亦都好合理。優惠同埋訂座服務都好方便，真係可以考慮去試下呢間餐廳啊。👍🏻…Read More

之前係堅尼地城食過小鍋霸，覺得好正，今次就帶埋個就黎移民既朋友過黎佐敦總店食，當係請佢食farewell飯😆佐敦總店地點都好方便，環境好大，坐得好舒服👍🏻✅無限時養生火鍋套餐 ($327/人)我地係星期六下午過黎食，叫左第二個貴既餐，有prime grade安格斯牛頸，脊西班牙伊比利亞黑毛豬，prime grade美國安格斯肥牛西班牙，無激素豬肉片。😆鍋霸最正既當然就係佢無限時，可以慢慢食同朋友慢慢吹水，呢個真心好正！😍總店係會放左架車仔係枱隔離，唔洗驚叫得太多張枱放唔曬，仲俾左2樽湯我地可以隨時加湯，好貼心🤩✅田園蕃茄濃湯雞肉涮涮鍋好香蕃茄味，超濃郁。雞既味都勁突出，Feel到果種雞油香。🤤但食落又唔會好油膩，因為佢用嘅料都比較健康，抵讚👍🏻✅牛肉豬肉佢既肉係超級高質，呢個係我好鍾意鍋霸既原因，黎鍋霸食靚牛靚豬真係抵俾🤤一上枱已經覺得肉既花紋好靚而且好鮮。食落更加係好滑，口感一流。👏🏻✅配料配料係好多選擇，而且都係有一定質素。👍🏻✅甜品有movenpick雪糕同埋Dreyers甜筒揀，每人只可以叫一個，就唔係仼食既，不過都揼本😆✅飲品飲品區好多選擇，有凍有熱，總會揀到岩飲既👍🏻…Read More

呢間一直都好受年輕人歡迎，真係經常滿座。😂我地2個人今日就8點半左右做完野先黎，黎到都係咁岩得返一張枱，如果多人食既話，真係要提早book定枱😆環境唔大，但都坐得舒服，同埋好鍾意“全院滿座”個牌！店員勁好服務，食物都好高質，整得好有心。😍價錢都算平，性價比好高。👍🏻真門西淋牛豬仁雞vs蝦兵蟹將PRO ($575)呢個set有好多野食，仲要全部都係我鍾意食既野🤤攞盤靚，好有心思，整得都好好味，正呀！✅焗多汁豬仔骨Ribs好Juicy, 豬味好出，肉質好淋。個醬都好入味😋✅脆炸美國魚柳呢個正到不得了，超大塊。皮炸到好脆，食落唔會係重粉既感覺。👍🏻魚柳肉係超級滑，正到爆！🤤✅多汁淫蝦超級大隻既蝦，多肉又超多汁，蝦肉好鮮甜，超濃蝦味。🤤肉質夠爽口，又有滿滿香口既蝦膏。😋✅慢煮蒜香春雞 (半隻)雞肉超滑，好juicy，完全唔乾。🤤用慢煮方式保持個肉汁。個調粉都做得好出色，同個雞好夾。👏🏻✅炸軟殻蟹 x2炸軟殼蟹又係超級正。肉質好滑，仲要係超juicy。炸完都咁juicy真係好勁👏🏻👏🏻✅啤酒薯條啤酒味唔算濃，唔飲酒既朋友都完全唔洗擔心。只係用黎吊出小小味🤤薯條好脆口，正呀。…Read More

之前都黎過坑口村呢頭搵嘢食，知道呢度新開左間西餐廳，就過黎試下😆裝修好靚，感覺好chill, 係坑口村入面多左呢間西餐廳，令個村有活力好多😍老闆好nice, 食物都高質，價錢唔貴，性價比幾高🤤粟米甘筍湯 ($28)湯好濃郁，落得好足料。好鍾意佢個口感，好creamy, 入口感覺一流，而且好開胃😆巴馬花腿無花果沙律 ($118)沙律菜好fresh, 非常開胃。👍🏻而且加左既醋汁令個味道昇華，但又唔會搶走沙律菜既鮮味。另外Parma Ham唔會太鹹，但又夠入味，用既料幾！😆而且份量超多，好滿足。🤤炭燒西班牙黑毛豬梅頭烤日本甜薯 ($298)呢個真係超級超級推介！佢用既豬係我超鍾意食嘅伊比利亞豬！🤤佢燒得好香口，豬肉嘅香味好突出。另外，佢應該係用左慢煮方法，令個肉質好鬆軟，煮得好腍身又完全唔會有燒燶既情況👏🏻佢係唔掂汁都已經超好食🤤另外配菜上有烤大啡菇同日本甜薯，2樣都係好有質素而且整得好好食😋呢個真係非常推介叫！…Read More

同同事收工係附近搵野食，去左大圍果邊，見呢間個menu幾吸引，又唔貴，同埋見到好滿座就覺得應該唔會差得去邊😂的確！係幾好食，性價比高！晚餐人均$100見到成枱野，好滿足🤤店員好nice, 勁好服務。食物質素唔錯，份量大，而且好多選擇！🤤越式香茅雞翼撈檬 ($62)雞翼好香口，肉質好滑，佢煎得個皮都好香，好食！😁檬粉好爽口，撈檬汁酸酸甜甜，調得好好，好正🤤越式海南雞飯 ($70)海南雞肉質勁滑，仲有佢果種雞油香，香口唔覺得膩。👍🏻再配埋個醬汁真係無得頂！😋不過佢唔係無骨海南雞，係有小量骨 。越式炸蝦餅 (跟餐$32)正到爆呀！蝦肉好彈牙，勁有口感。炸得個皮都好脆，超有水準！🤤越式香茅豬勁肉 (跟餐$34)豬勁肉都好好食，口感唔錯，佢都煎得好香，豬味好出👍🏻鮮芒果西米露 (跟餐$12)呢個係椰汁底，椰香味充足，西米露好多，芒果帶有小小甜，唔錯😁椰汁珍多冰 (跟餐$12)係正常水準，不過真係好鍾意佢個椰汁底，好夠味！🥰…Read More

呢間係香港都有幾間分店，幾個月之前朋友都帶我食過一次，果陣已經覺得好好食，但就無影低相😂今次係旺角按完摩，就同男友過黎食。🤩鋪頭唔算大，大概10張枱，坐到30人左右，但都唔算好迫，最緊要佢夠乾淨👏🏻清湯牛腩牛丸河 ($55)湯底一樣好正好入味，唔洗加調味料都已經好好食。河粉亦都做到好爽口👍🏻牛腩口感係好爽，牛味又突出。牛腩真係必食！牛丸都係牛味好出，超彈牙又Juicy！🤤墨丸雲吞河 ($44)墨丸超滑，好彈牙，正呀！雲吞勁大粒，皮薄餡多。🤤紅油抄手 ($23)好鍾意佢個汁，小小辣過下癮，又夠香口。細細粒雲吞都好味道😍腐乳通菜 ($19)通菜脆卜卜，食落好爽👍🏻個腐乳汁都好濃味，好好味。凍奶茶 凍檸茶 (各跟餐+$8)飲品方面都好有傳統茶記味道，不錯！🤪…Read More

呢間有幾間分店的。男朋友話想食燒肉，叫我我揀一間，我就揀左呢間，因為咁岩見到有人推介😂我地就揀左最近我地收工既新都城分店😁環境都好大，平日黎唔算好多人，所以唔會覺得嘈，坐得幾舒服。食物款式多又好味！🤤但我反而最欣賞係店員既5星級服務！🤩超詳盡講解食物，仲會好細心咁教你點燒，燒唔掂佢都會過黎幫手燒！🤪我地條魷魚就係靠個店員幫手燒，超好😍Course C 日本産黑毛和牛 ($598/位)✅舟•盛合有雞，蝦，魷魚同帶子。海蝦超好食，超新鮮，魷魚好夠味，又爽口彈牙。正呀🤤✅極上花盛合有超高質既豚肉同牛肉，個口感正到爆，係超重牛味同豬味，一燒就爆曬果陣香味出黎心，無得頂！🤤✅是日寶箱係超靚又大塊既西冷牛！食呢塊都已經值左1/4既票價😂紋好靚，厚度岩岩，令入口感覺好掂，牛味重爆！✅其他放題有超多選擇，牛豬雞壽司，有得叫飯同麵，仲有小食。太多野就試唔曬😂但試左都唔錯，一定無頭盤咁正架啦，但放題質素黎講已經好唔錯！🤪✅甜品甜品都幾好食！有自家製既，亦有雪條，好豐富😁…Read More

之前上網見有人介紹呢間燒牛放題，見幾吸引所以就同男朋友過黎試🤩環境好靚，個日式裝潢我地都好鍾意，枱又夠大，坐得好舒服👍🏻經理都好nice, 好幫忙同埋好有禮貌😆同埋好鍾意佢有支油俾人搽係個網上面，無咁易痴底同埋燒出黎更香口。😆佢提供既醬汁有3款，有燒汁同鹽醬，仲有一個係師傅特調既醬，微微既酸甜味，同燒肉好夾，我地好鍾意！🤤✅B餐 特上燒肉放題 ($348/人 另加一)燒肉種類都算多，絕對夠食！我地每款燒肉都叫左1round, 另外都試左海鮮同埋d小食。👏🏻燒肉就非常推介安格斯/壽喜燒汁封門柳，香蔥薄牛舌，日本豚五花腩同美國極黑豬頸肉。😍本身既肉味就好突出，又夠爽口，呢幾款係我地既精選推介🤭海鮮都好鮮，口感都唔錯，不過自己要用多d調味料去吊返個味😂小食好有驚喜，整得都幾出色，唐揚炸雞軟骨同吉列炸蝦都好正！😍…Read More

好耐無食台灣野，男朋友話想食，我就醒起好耐之前bookmark左呢間係觀塘既台式餐廳😂我地係weekend去食dinner, 一去到都差唔多滿座，仲有好多人排緊隊買外賣，唔怪得網上個個都話人氣店😆雖然人多，但唔會覺得好迫，坐得幾舒服，同埋枱與枱之間都有足夠距離，傾計唔會覺得嘈🤩食物質素都好好，價錢又合理，follow ig仲有9折，好抵👏🏻椒蔥牛肉飯 ($55)牛肉好爽口，牛味都足夠。個辣就唔算好勁，小小辣過下癮幾好👍🏻椒蔥送飯好正😆香蔥紫菜魯肉飯 ($60)魯肉飯超正呀！台灣既回憶完全出曬黎😂魯肉肥瘦比例好適合，同時又唔會好油，令到佢好有口感👏🏻魯肉又夠入味，再配埋香蔥既味，好夾好好味😋台北夜市小食拼盤 ($39)蜜汁台灣腸，花枝丸，鹽酥雞其實呢個幾抵！39蚊有個份量都ok既小食拼盤，仲要有齊3款我好鍾意食既台灣小食！😍3個都整得好好，非常推介叫呢個！拉絲芝士火腿蛋餅 ($39)蛋餅皮夠脆，芝士味好濃。其實整蛋餅都好花心機，值得一試的👏🏻檸檬山楂荷葉茶 ($21)佢唔算好濃味，但一飲係會覺得好舒服。佢功用係修身消脂，希望消到！😂珍珠奶茶 ($25)茶底唔錯，奶味就較出，珍珠係爽口既👍🏻…Read More

之前一直都係食開觀塘店，位置較多，環境係唔錯的。👍🏻食物質素一直都唔錯，burger一直都能夠保持水準，我好鍾意。但今日竟然食到凍既薯條，係連續2次係mos burger食到凍薯條😭對一次係黃大仙店。之前都係好耐先會食到一次凍薯條，今次係連續2次。😐2次都趕時間所以都費時叫佢換。希望無下次啦🥲都支持左mos burger 一段時間。今次味道只可以俾到2粒星。講返d好野，mos burger既蝦堡的確係必食之選！人均$60左右就食得飽又有質素，mos burger算係性價比高。只係希望食物水準一定要保持！…Read More

星期五晚同男朋友係天后整完野就去搵餐廳食晚飯，周圍都好full，咁岩路過呢間餐廳，見環境唔錯，睇餐牌又唔貴，仲有我好鍾意食既海南雞，諗左一陣就衝左入去坐低。😝好驚喜！通常係咁樣路過一間餐廳衝入去食就好多驚喜！😂好食又滿足，人均$100食到超飽！👍🏻海南雞喇沙摻摻 ($75)海南雞既肉質超級滑，雞味好濃，份量又夠大，醬汁有三款可以點，味道都好正宗！😋超級正！摻摻就係米線溝米粉，麵條好爽，口感一流。個喇沙湯好足料，令個味好夠濃，非常推介！😍滷水元蹄飯 ($62)佢有得揀白飯油飯，我地就揀左油飯，油飯好入味👍🏻元跡好爽口，肉質好嫩滑，仲要充滿肉汁，正！個滷水汁都超夠味，好夾！🤩炭燒豬頸肉 ($50)豬頸肉燒得勁香，的確係有小小炭香味，食落係唔同D！😝肉質煙韌，口感十足，個皮又燒得夠脆👍🏻👍🏻凍奶茶 (跟餐+$8）好鍾意呢杯凍奶茶，茶味較重。…Read More

收到朋友仔報料，話觀塘區有間好正既大排檔小菜叫我去試下😂作為觀塘人既我，梗係要去試下🤭個位雖然有小小隱蔽，但都好多人幫襯，好彩我同男朋友6點就去到，好彩有得坐卡位，去到7點已經滿座咁濟😂佢環境好企理，好乾淨，空間又大，枱與枱既距離好夠，加上呢度既客人都好斯文，所以無大排檔味陣超嘈既感覺，我好鍾意🤩食物都好有質素，份量又大，價錢都係正常價錢，幾抵食！👍🏻✅菠蘿咕嚕大蝦球 ($108)呢個我好鍾意😍本身我好鍾意食咕嚕肉，但配大蝦球我就第一次試😂佢個汁好好味，大蝦球外皮又炸得夠脆，蝦肉又大粒爽口！好正！🤤✅避風塘茄子 ($88)呢個都係超級正，炸得好脆，外皮唔會食到好粉既感覺，口感好好。🤪佢個避風塘味好香口，茄子又夠鮮，推介！✅麻婆豆腐煲 ($88)雖然係叫麻婆豆腐煲，但就無煲咁上枱😂不過唔緊要，最緊要係好食！豆腐好滑，加上爽口既豬肉粒，好正。👍🏻個汁都做得唔錯，不過我覺得個辣味可以再突出小小。整體都唔錯！🤩✅金銀蛋時蔬 ($88)我地叫左配小白菜，菜好新鮮👍🏻蛋白好滑，好夠蛋味。鹹蛋皮蛋都好好食😁調味做得好好，唔會好鹹。✅懷舊豬油砵仔飯 ($15)個飯係超有飯香味，豬油就自己仼加，好香😝…Read More

作為觀塘人既我，都係近排先聽屋企人講呢頭有間好食既burger店，佢仲有意粉同飯賣。最正係有隻超可愛既貓店長"豆豆"，好痴人😍💕不過佢個位置都幾隱蔽，正宗“隱世”小店。🤭小店就無乜位坐，我諗最多只可以坐到6個人，應該係做外賣生意多，始終街坊客比較多。😄佢個座位設計就係一個bar枱，你可以望到老板整墅食，感覺幾似食鐵板燒，幾有趣😂我同男朋友今次就食佢既burger餐，價錢係街坊價，但質素就好高，性價比好高。我覺得老闆係揀食材方面做得好好，控制火喉都好好，自己整就成日燶。😂和牛漢堡 ($72)和牛質素唔錯，來貨應該唔差，老闆煎到好香口，肉汁好夠。🤤個飽又烘左下，好夠脆。推介！黑松露醬大啡菇煎蛋漢堡 ($47)好鍾意食個大啡菇，好香口又爽口，菇味重。同個黑松露醬好夾👍🏻沙爹雞髀肉串 ($14)雞肉好滑，肉汁都鎖得住，唔會覺得亁。😆七味粉蒜香單骨雞翼 ($22)好好味，個皮夠脆，肉質夠滑，個蒜香味都好突出。😋黑松露醬配粗薯條 ($25)薯條炸得好脆，來貨唔錯，個薯味都有。😁自家製檸檬薏米水 ($7)好有心，亦都好好飲附送幾張可愛貓貓相😍…Read More