andyyoco's Profile

星期日想去食好D, 就去食好D 啦! 因為想帶埋狗狗去, 想起剛喺PLAZA 88 開張既LA MENSA 有戶外位。於是6 點左右起行,  去到仲有好多位可以揀。不過唔夠一陣戶外位已經FULL 晒。食店晚上冇SET DINNER, 散叫。我同老公各叫左一個MAIN COURSE 同各1 杯DRINK。TropicanaPIZZA 饀係菠蘿同火腿, 好大個, 熱焫焫好好食!意式千層麵厚厚千層麵, 仲配埋沙律菜。千層麵係寬條麵夾住牛肉同芝士一層一層咁放再焗, 好濃厚嘅芝士味, 好好食! 嘢食係好食, 而且份量好大, 我哋2 個都食唔晒, 要打包大半個千層麵走。而價錢方面, 就偏高, 唯一可取係可以同狗狗一齊食飯。下次可能都係去食LUNCH 好了。…Read More

同家人食飯, 父母竟然揀九龍城廣場嘅薩莉亞, 話性價比高! DADDY MAMI 預早18:30 去拎位, 由於餐廳係B 類餐廳, 我地一行6 人要分開2 張枱。我哋2 張枱喺餐廳最入面嘅, 但係服務依然周到, 冇被忽略。由於價錢太抵, 所以我哋都冇細諗就叫。基本上所有食物都性價比高, 每樣最貴都只係$3X。有肉又有菜, 有湯又有意粉。唯有要彈既係意式菠菜伴煙肉, 完全係洽菠菜, 洽到好淋, 又多水。另外, 香蒜辣汁野菌西蘭花份量較少。除左呢2 樣, 其餘都係好食既! 都會再去! …Read More

Lunch time 同事要去荃灣廣場整D 嘢, 諗住Euro Go Go 多D 位, 又好耐冇食, 於是一行幾人就去Euro Go Go 啦! 好彩今日唔係好多人, 好快就搵到位。入去時店員俾咗張LUNCH MENU 我哋, LUNCH TIME 有SET, 幾好喎! 包蒜容包/沙律同飲品。而且都好多選擇, 今日我就揀咗蘑菇肉醬意粉, 田園沙律同熱齋啡。田園沙律 - 勁新鮮, 個意大利醋汁好鮮, 酸酸地勁易入口。熱HOUSE COFFEE - 不錯, 係淡咗少少。蘑菇肉醬意粉 - 肉醬勁多, 好好食! 而且兜意粉勁多, 個醬去到最後都仲夠撈意粉, 讚! …Read More

放工經過老厝邊見到冇人等位, 於是同老公衝入去食晚飯, 見到入面嘅裝潢同播住台灣歌, 感覺就如去咗台灣食店咁! 不經不覺已經2 年冇飛了, 真係好懷念可以隨時飛嘅日子。店員安排咗中間嘅座位俾我哋, 本來都仲有D 位可以揀, 但係唔夠10 分鐘食店已經FULL 晒! (好彩早咗嚟咋)我哋填咗點餐紙之後, 食物好快就到啦! 滷肉餅(小) - 上次叫咗個大, 嘩! 太多啦! 今次叫咗個細, 剛好! 肉係用半肥瘦, 凍愛玉芒果綠茶 - 可以揀甜度同要幾多冰。我哋叫咗微糖少冰。愛玉好Q, 唔太甜, 好飲。燙青菜 - 加咗魯肉汁, 燙得淋, 不錯。塔香鹹酥雞 - 炸到好香脆, 唔油, 不過鹹咗D。起司肉鬆蛋餅 - 好好味! 仲有拉絲! 肉鬆都幾多, 而且蛋餅面煎得香脆, 正!…Read More

同老公去完拎主子嘅藥後, 就去醫肚啦! 見好耐冇去啡酒館, 就去食下啦!一入到去見地下果層已經坐咗幾枱客, 好多人HAPPY HOUR 喎! 咁我哋揀咗坐樓上。樓上都大, 有幾張枱, 有2 隻大窗, 都舒服。而且坐樓上可以隨時以QR CODE 落單, 可以以信用卡俾錢同埋有95 折, 都係一個不錯嘅選擇。如果想店員推介食物都唔駛驚, 因為店員會不時咁上嚟睇下你有咩需要, 絕對唔會忽略。好啦! 今次我就叫咗個和牛粒沙律, 加$30 要咗湯同沙律。(係呀! 想勁食菜! )是日餐湯係南瓜湯, 個濃稠度都幾好, 不過偏鹹 沙律都係一如以住嘅新鮮, 而且會撈埋橄欖油同醋先, 好味! 因為想俾D 沙律菜狗狗食, 所以我要求主菜嘅沙律菜不加油同醋, 食店會將橄欖油同醋另外上俾我 沙律菜同和牛粒都多, 而且今次D 和牛粒係咬到嘅, 記得之前食過一次D 和牛係好韌, 但今次完全唔會, 調味亦都好好! 滿足的一餐! …Read More

朋友生日, 佢話想試潮滙館好耐啦, 咁就去啦! 好彩打咗去BOOK 位先, 去到FULL 晒。勁! 因為另一個朋友遲到, 我地叫咗生醃瑡蚶先。生醃瑡蚶SIZE 比想像中細粒, 不過都好好味! 原味有D 咸, 原先我哋冇點個酸汁, 後來試咗, 完全可以中和個咸味, 但係又唔會蓋咗瑡蚶嘅鮮味! 記得上次嚟食話冇普寧炸豆腐, 今日問竟然有喎! 一食落口, 外脆內滑! 係超滑! 勁正! 金沙魚皮炸到勁香脆, 配埋咸蛋黃, 超好味! 已經唔理膽固醇了! 我哋仲點咗鍋貼涼瓜, 唔覺唔覺, 全部都係炸物, 食到呢碟, 感覺超熱氣! 不過又忍唔住勁食!涼瓜好甘, 鍋貼面又薄又脆, 正!最後以清心丸綠豆爽結尾, 好清, 唔太甜, 清心丸好煙靭, 好味! …Read More

前一晚OT O 到成點鐘, LUNCH 決定食好D, 食"蠔" D!!! 同事因為有事要處理, 我哋成13:30 先出去。想起好耐冇去一田美食廣場食日本嘢, 就GOGOGO 啦! 🏃‍♀️🏃‍♀️🏃‍♀️晏咗去, 反而易搵位! 睇完MENU, 諗咗陣食咩好, 又唔想食三文魚, 咁不如食蠔啦! 見個飯轉蟹膏丼都只係加$10, 即加啦! 做野咁辛苦, 要食好D!出去落完單, 店員會問我地座位, 然後佢地會自動送餐。牛油醬燒廣島蠔定食定食包三文魚麵豉湯, 碗湯超大碗, 又勁多三文魚碎, 正! 蠔隻隻都好肥美, 加埋醬汁, 超好食! 蟹膏丼上勁大PAT 蟹膏, 我分左D 俾同事, 個飯又係超大碗, 都食唔晒呀! 呢餐真係超滿足! …Read More

忙咗2 星期, 呢日同事LAST DAY, 幾忙都要俾D 時間出嚟一齊食啦! 同事早咗去攞位先, 我吔去到, 大約一點左右, 已經坐滿晒。由於仲有限聚令, 4 人1 枱, 於我哋每人叫咗1 個餐嚟SHARE! 加拿大無激素黑毛豬肉眼扒最鍾意食呢度既黑毛豬肉眼扒, 好淋又有肉味, 而且肉汁豐富, 口感超佳! 係我最喜愛嘅一道菜燒盲槽魚柳本身好怕在外食煎魚, 因為會好易整散同埋會乾, 但係上次有同事叫過, 我哋食過後, 覺得OUTBACK 嘅煎魚好好食, 外面煎得香脆, 裡面又有肉汁, 調味剛好!  加咗檸檬汁後嘅燒魚, 變得冇咁膩, 清新咗好多!烤帶子煙肉白汁燴飯呢個我食咗少少, D 飯係包住D 汁, 味道可以。燒雞肉芝士夾餅夾餅一咬食到好多芝士, 同D 雞肉, 芝士控表示好食! 薯條勁脆又大條! 性價比高! …Read More

星期一去中環整指甲, 難得出城, 本來打算先去珍姐食個晏先, 點知掛住睇奧運遲咗出門口, 去到珍姐已經坐到滿晒。見門外話有外賣, 咁唯有買個海南雞飯去整甲店度食啦! 店員話過左2 點仲送凍菊花蜜。拿拿林拎左個外賣就上去開餐啦! 一打開個飯盒, 熱焫焫! 正! 飯係油飯, 淋上食店自己煮既豉油, 豉油有辣椒粒同檸檬葉, 辣辣地又有檸檬葉既香味! 惹味! 雞有一半雞胸同一半雞脾, 勁淋同滑, 正! 而且雞有雞味個飯黎講, 我好怕淋飯, 但係呢個油飯見到粒粒分明, 又入味! 讚! 喺中環可以以$50 買到一個有質素既外賣, 晏D 仲包埋飲品! 好抵呀! …Read More

位於荃灣地鐵站附近嘅台灣麵係我哋家人常常去嘅一間食店。因為呢間食店好大, 我哋一行十幾人通常都有位, 而且價廉物美, 又多選擇。食物方面, 有不同價錢嘅餐, 又可以揀米粉/粉絲/肉燥飯/乾拌麵等, 都可以滿足不同人嘅要求。今次我就點咗蒜香雞翼干拌麵, 最鍾意每次都有一堆菜, 感覺均衡D。另外, 干拌麵會有埋肉燥, 濕濕地, 又有肉燥味, 好食!雞翼少炸, 有4 隻, 算幾多! 係乾咗少少, 但整體好味!價錢係$58 包埋熱飲, 性價比高。…Read More

實在太忙, 一直都冇時間打呢篇食評。時間去返1 月2 日, 新年呢幾日假, 想食個CHILL D 嘅LUNCH! 咁就行去海之戀啦, 多數餐廳都可以望到海景。記得ASAP 都幾多選擇, 老公都覺得OK, 於是就揀呢間啦! 入到去我哋揀咗個可以望到海嘅位, 因為見到都好猛太陽, 坐窗邊應該會幾熱。食物總類好多下, 有沙律、漢堡、咖哩飯等我就揀咗漢堡, 老公就揀咗咖哩飯。老公個特濃咖喱牛肋肉滑蛋蓋飯先嚟到, 咖哩辣辣哋, 加埋蛋都幾好食!不過牛肉同飯量都偏少, 唔夠飽。我個安格斯牛肉脆煙肉漢堡等到老公差不多食完個飯先到。希望下次上餐時間可以近返D。除左漢堡, 仲有沙律菜同薯條。薯條炸到外脆內淋, 加上適量嘅調味, 好好食!沙律菜都新鮮, 不錯!漢堡超厚, 唔能夠一口食晒。漢堡扒都JUICY, 加上芥末, 幾好食!但係真係太厚啦, 要分2 層食。菜嘅水份最後令到個包淋晒。總括係好食, 漢堡性價比高過咖哩飯。餐廳本身枱同枱間都隔得開, 唔會好密, 坐得舒適!環境嚟講都幾好, 以每人$100 可享用如尖沙咀般嘅海景午餐, 算係抵! …Read More

唔駛返工嘅星期六中午, 唔想落街, 於是叫外賣APP 叫外賣送上嚟。老公話想食魚米嘅香茅雞翼菜飯, 而我今次就試新嘢 - 鮮魚湯蘿蔔牛腩米粉外賣唔駛20 分鍾就到咗, 包裝好好, 完全冇漏! 外賣員好有禮貌老公個香茅雞翼菜飯就一如以往嘅質素, 唔錯唔錯!但我個鮮魚湯蘿蔔牛腩米粉就令人好失望啦! 首先牛腩好韌, 好難先咬得開, 真係食到牙軟呀! 仲有白蘿蔔得幾舊, 而且係冇味的! 失望呀! 下次都係叫返魚湯韭菜餃或魚好了! …Read More

今日公司收爐, 朝早酬完神, 食完一輪燒豬, 都飽飽地, 於是同班同事去食米線, 作為收爐午飯啦! 我哋一行6 人, 限聚令下被安排2 人1 枱, 但大家隔得好遠。我哋點好菜後見到同事果枱附近有位, 所以就搬咗過去。再同店員講, 佢哋送上嚟時係冇搞亂到的! 呢方面好讚呀!記得有次等咗勁耐都未有得食, 但今次唔駛等好耐就有, 有改善! 今次叫咗冬菇牛肉酸辣湯薯粉,  牛肉同冬菇都好淋, 入味! 不錯! 份量都大, 加上食咗燒肉, 最後係食唔晒嘅。最後要彈下杯凍檸茶, 明明叫咗少甜少冰, 但係都係好甜! 我諗下次要勁少甜先得! …Read More

姨甥仔生日, 姑拉訂咗"到會熱點" 嘅到會返嚟, 一家人一齊食!今次姑拉訂咗十幾盤到會, 準時送到。食物質素幾好。炸榴槤丸, 好脆, 一咬開就爆晒D 榴槤漿出嚟! 榴槤味好濃郁! 讚! 西多士都好好食! 炸雞本身炸得幾脆, 仲可以點柚子汁, 以解油膩。沙律菜好新鮮, 配上PARMA HAM 真係好夾!另外仲有牛肋條、雞翼、炒飯、烏冬等............ 聽大家講都好滿意,  份量都好多! 最後係食唔晒的! …Read More

去完荃豐買GAME 返屋企，見到開咗間新拉麵店，反正未食lunch，就試下啦。雖然已經3 點, 但係食客滿滿的。不過一人食飯好處就係比較容易搵位, 所以我等咗大約5 分鐘就有位啦!記得呢間食店之前係食上海嘢同泰國嘢, 不過轉左友拉麵後, 裝修唔同晒, 真係好有日本FEEL。坐低後急不及待點咗辛肉碎拉麵同一罐汽水。等咗一陣, 店員送上熱辣辣嘅拉麵。先試試湯底, 冇想像中咁濃, 但係辣辣的, 好開胃。拉麵軟硬度適中, 連埋湯底 D 肉碎一齊食, 變得好有口感。👍不過湯底如果可以再濃D 會更好! 蛋煮到溫泉蛋叉燒肥瘦厚度適中, 滿意!期間, 店員邀請我LIKE 佢地面書同IG, 會送小食, 個小食係雞肉腸! 好食到唔記得影相。…Read More