祖蓮萊's Profile

好耐無返去大埔食大排檔(以前住大埔), 雖然店在市政大廈裡, 但我係都係叫大排檔改不了口, 我相信許多大埔人甚至好多人都係一樣叫 "大排檔".當我寫食評時才發現, 現經營者應該是新頂手來做的, 因為我記得以前不是樓面這些員工. Anyway, 當日是因為我家有人登五加上父親節就一起食個飯慶祝下.一早預訂了, 17位兩張枱, 5時半, 去到零等位, 即時入座, 枱舖好枱布好乾淨, 膠椅好穩陣, 點解咁講, 因為有老有小, 加上我都D份量, 特別覺得依點值得一讚. 枱上仲有紙巾供應(非卷紙), 不錯不錯, 好貼心.當晚點了以下餸菜, 來料加工的將會註明.椒鹽豆腐 炸得乾身又唔油, 非常香口, 大排檔必叫的椒鹽系列椒鹽鮮魷炸得乾身又唔油, 非常香口, 大排檔必叫的椒鹽系列紅燒乳鴿基本上直接攞去細路仔枱, 搶咁清晒, 完鼓椒炒聖子皇 (來料加工)最怕炒完淨番D殼, 但我反而覺得點解咁多肉好似仲多咗咁既, 汁掛得剛好, 夠鑊氣, 重點配料極新鮮, 三色椒清甜, 無錯平時沒有人食的配料, 今次都食晒, 不得了.爆醬鵝腸我未來得及食, 已經無晒, 明就明啦!花面星兩食(來料加工), 先來起肉炒西芹, 再來枝竹火腩炆頭腩 (來料加工)蒜蓉粉絲蒸海蝦 (來料加工)清碟!清碟!清碟! 蒸得剛剛好, 粉絲吸收了蝦蒜和熟油, 真係要撈晒D汁食芝士西澳龍蝦伊麵 (來料加工)可以說近十年沒有食過咁有水準的芝士龍蝦伊麵, 我已不顧一切食咗兩啖麵連汁了, 減肥明天先開始.霸皇雞由於太多野食, 雞變得沒有人關心, 我有食架, 有雞味調味剛好, 配上霸皇雞的蔥的確好霸皇雞潮式蠔餅這個我有食, 因為已經飽, 但隊友話粉多了少許, 但蠔仔好鮮, 我見佢食完又encore應該好食水煮牛肉牛肉量多又滑, 食後麻辣舌頭感好爽中式牛柳必點, 我記得我細個時成日去酒樓和大排檔都叫, 但近年已經少叫, 原因出來又細碟, 又少, 今次堅有驚喜, 上枱時出煙的, 仲要大大碟, D沖掛在牛柳和洋蔥上, 即時出手食番件, 不負所托係依隻味, 依個水準了.半打樽裝藍妹啤酒, 仲有白飯幾碗咁, 埋單, 都唔洗兩千, 超級抵食又好味, 最怕又貴又唔好食, 幾乎全部清晒.大排檔來說, 招呼不錯, 上菜快, 加飯酒水即叫人即落單, 快手快腳.大埔新街市我都食過好多間, 依間我覺得真的不錯, 今次家人選和BOOK的, 真的有驚喜.我食野好簡單, 好味最重要, 價錢應該要對得住食物和服務, 地方都要企理, 雖然是市政大廈, 但絶對是OK我可以接受有餘, 小朋友週圍摸都沒有問題. 仲有, 依度冷氣夠, 食完唔會流晒汗濕漉漉.我喜歡大排檔, 喜歡可以大大聲叫伙記落單, 大家舉杯暢飲, 親節快樂. …Read More

先說明, 我唔係雪糕粉, 我唔係特別鍾意食甜野.都係窮底, 去到西九龍廣場, 連連鎖店都覺得貴, 走走下去上最頂樓美食廣場, 掃場! (以前掃街)食緊飯時, 一邊睇住D人排隊, 一邊我地就係咁話一陣去試下. 係當人人都食過, 我地真係少出街, 少出去食, 又見$10咁抵, 數埋銀包的碎銀攞去買$10兩公婆食.超荀價$10 四雪球$12 五雪球三十款味道小試牛刀, 買$10兩公婆分試下味, 以免中伏朱古力雲呢拿芒果仲有一球唔記得唔洗講, 我地兩個一致覺得每次來每次都要食! …Read More

年三十晚, 公司早放, 但完全搭唔到巴士又肚餓既時候, 但你銀包只有兩張廿蚊時, 你又要食飯.街角有間新開的三餸飯, 光猛新淨的門面, 寫住......兩餸飯$32加一餸$8淨餸 $39加一餸$8包湯或冷熱飲品跟汽水加$4跟果汁加$6*飲品唔係求其, 係即沖的咖啡, 奶茶, 檸茶, 有誠意.即時望下有咩食先, 嘩咁多選擇, 心唸死啦要唸快D.最終選了賣飛佛花生南乳豬手和回鍋肉, 太好味到唔記得影相.地方真的唔錯, 最少乾淨企理, 其實佢仲有其他野食, 但係佢新開業有點亂未能供應, 有包點和湯麵之類.最後要特別讚許的是, 當日開始有肺炎個佢, 竟然有免費口罩取, 真的貼心到不得了. 順帶一讚, D 姐姐唔該前, 唔好意思後, 非常有禮. 讚讚讚.…Read More

 我見旅遊書, 台灣旅行特輯都推介這個炭爐羊腩煲, 於是我未出發已經係咁咪佢個準確位罝. 以便帶住一家大細亂咁行. 又唸住如果等唔到位要有第二個plan B.我地去完大三巴, 炮台, 戀愛巷未到5點就去搵. ho ho, 一搵就搵到, 當時冇咩人, 佢地開緊檔, 只有幾張枱. 我想去問果D人, 但係佢地好像唔打算招呼你, 拿.. 大排檔我預咗, 但起碼都話我知點等位.由於我地細路比較多, 我就去問佢, 7位點等位. 佢叫我地企埋一邊, 原來佢都等緊糖水檔收咗要埋佢個位來開枱.終於我地5點半就坐低晒, OK算係順便. 未到6點, 果條人龍呢........果度有餐牌, 冇人招呼你, 你埋去想叫野, 都係要你自已講, 佢唔會問你. 一個字, 型!羊腩煲, 細MOP110, 例MOP170. 生菜, 枝竹, 芋頭要另外叫. 羊腩煲, 叫咗一個例一個細. 我地一致認為賞風味, 太咸, 羊肉太少, 而且唔夠霖. 我地研究所得, 其實唔係真的羊腩位.生菜, OK枝竹, 煮來煮去都唔夠霖, 我認為唔係靚枝竹, 或佢浸水浸得唔夠.佢有腐乳跟, 但堅咸. 當大家好想飲野時, 仲研究點樣去邊度買, 我先發現佢有車飲品, 用冰粒雪住. 於是我地叫全晚最好味既青島.埋單四百, 我地四個大人, 兩個細路. 一般啦. 但下次唔洗再去, 因為單係等位都好大壓力.…Read More

3日2夜既澳門之旅, 第二日早上要由新馬路行去媽閣廟, 沿路睇世界遺產既古蹟. 由新馬路行上去, 第一眼就見到依條街名"夜呣街", 心唸咁熟既, 大叫一聲wow不得了, 就係最香條街.原本一直想去最香, 但好似好難搵, 又帶住細路, 又唔夠時間就算. 點知真係得來全不費功夫. hehe^^一向都係貪方便覺得X記果D都OK, 點知一食依個最香, 我知以後我都只能買佢. 杏仁帶點咸味, 增加了餅的味道層次, 餅做得好鬆, 一早10點已經幾個師父好埋頭苦幹咁做餅. 咁新鮮點會唔好食.要注意的是, 1. 佢幾貴, 48蚊得10塊, 2. 佢冇獨立包裝.我喜歡老店, 小店, 依家經營環境咁困難, 我地要支持下.…Read More

因為買咗groupon的洗車打臘, 所以無啦啦走到去土瓜灣, 放低車就去醫肚, 老公問食咩, 我話唔知又唔識路. 我突然唸起, 車緊係去openrice search下啦.堅冇咩食, 只係見巧興係特別多留言和讚, 於是一試.老公點咗雞絲涼伴, 因為佢話見人人都叫. 拿! 堅係好食, 醬唔算好多"張"住個口, 雞絲唔會少少, 唔算好凍, 冬天食都OK.然後佢迫我叫咗炸醬麵, 其實我想食炸菜肉絲麵, 結果佢冇食我果個炸醬麵, 因為麻麻地, 味道...... 有點怪, 可能我唔接受啦. 但青瓜絲好新鱗, 爽口, 加番分.再叫咗半份三鮮餃放湯, 半份牛肉餃蕉. 半份好似係6隻, 17蚊, OK. 人手包喎, 灣仔水餃都要啦. 不過注意的係佢煎既水餃其實係炸, 不過唔油, 加D醋WOW 100分. 由於太急試味, 冇影到相.我地叫埋豆漿, 佢一放上枱勁開心, 因為用碗, 坊間已經好少咁做, 好正忠既北方做法. 可惜放水太多, 冇咩豆味.我地咁樣食法都只係93蚊, 不得了. 有圖有証据.…Read More

好鍾意食街邊野, 而每次去旺角都心思思走咗去肥姐果度.今次去旺角時同自已講唔好食勒, 要忍心, 要keep fit.點知都係行咗去果頭, 係咁同自已講唔好買, 唔好買. 結果...... 唔咳肥姐套餐, 20蚊, 抵! 有小腸, 雞腎和魷魚鬚.首先點解佢咁好食, 係因為新鮮, 勁多人買, 又點會唔新鮮. 其次依D係要凍食, 唔係放入去魚旦汁果度滾下. 最緊要係佢上的橙色, 大家都知係人造色素, 但係唔會令你覺得假, 反而係好味.小腸爽口, 沒有異味, 雞腎多汁冇渣, 魷魚鬚幾彈牙. 三種食物三種口味, 但重點係醬, must 落既係甜醬和芥辣, 佢既芥辣係唔辣既, 但好香, 加埋甜醬係一絶. 超超超好味, YEAH!好勒食完就安心回家了.…Read More

去到做甲果度叫我等,我拿拿聲走去對面食碗粥. 妹記聽咗好多, 次次去旺角都唔記得佢, 如果唔係就係同D唔食粥既人一齊.今次我要食魚片粥和斎腸.粥底夠味, 魚片好新鮮, 要讚係佢既胡椒粉係靚貨, 好香.我見人人都叫腸粉, 我自已又鍾意食, 就算食唔晒都要叫. 嘩佢D麻醬不得了, 係靚麻醬, 好正, 好肥.我越坐就越多人坐低食, 大家都好識路識食.…Read More

陪仔去九龍灣德福上堂, 去到未食LUNCH, 都唔知食咩好, 見一平安好似幾多人, 於是決定食佢.麵係加咗底, 湯底堅掂, 記住要落生蒜, 個沙律都好正, 係日式果隻醋汁唔係沙律醬.服務好好, 又攞HIGH CHAIR俾仔仔, 要碗仔就即刻攞. …Read More

扭完蛋好累, 而且要拆蛋, 於是搵咗最就腳的雪糕店坐下. 人都唔少, 幾乎滿, 個餐牌都好多野食, 然後我先發現原來是香港人開的, OK喎.我叫咗3樣野, 我覺得雪糕配咖啡係好岩味的, 所以我一定會叫埋咖啡. 雪糕係幾好味的, 唔算好甜和creamy, 但好新鮮.朱古力唔知咩$48單球綠茶$18LATTE $32果度幾好坐, 好多膠椅, 又好光猛, 拆晒蛋, 去晒洗手間, 玩埋手機先走, 個人叉埋電, 真係幾好既選擇.…Read More

約咗老友在灣仔食LUNCH, 唸住係人地主場由佢地選地點. 佢地話我知BUBBLE SUSHI, 仲要訂位, 仲要只留5分鐘枱, 仲要一個LUNCH成一舊水..........食物係一般, 真係一般, 壽司飯係少少硬, 冇壽司醋味, 間店係SUSHI做名...... 好一般. 而且好怪咁我地坐響水吧下面既枱.間店在大廈裡, 先坐長電梯, 再轉電梯, 唔多易搵.…Read More

我最鍾意掃街邊, 去旺角次次都有mission, 今次路過萬家燒餅, 唸唸不如試下, 因為其實我好鍾意食依D包包. 嘩肉汁多, 香料重, 包又夠熱, 好味.我見其他包一係太油, 一係太甜, 仲有最重要係依個武大郎剛出爐. 我見佢生意一般般, 仲加了少少西式野賣, 大家可能支持下. 台灣有胡椒餅, 香港都要有番個武大郎.個店員有點兇, 建議你離遠唸好, 例如食咩, 睇好幾錢, 留意邊樣剛出爐, 然後衝埋去就買, 以免被吋.…Read More

個人喜歡舊野, 雖然我冇做過工廠妹, 但我剛出來做野時都工廠區都返咗3個月工, 所以對工廠區特別有情意結, 而我老覺得這些工廠區裡一定有好多美食.又係用openrice search有關工廠區的美食時找了這間factory 99. 一早約了在附近工作的舊同事, 大家聚一聚, 未入去就經過好有特色的走朗和樓梯, 除了有裝飾, 地方都好整潔.店裡裝修幾歐美式, 地方幾大和樓底高, 仲有成十點都勁多人係度食早餐.我地兩個叫咗一樣既早餐, 太陽旦, 火腿扒, 香腸和意大利包加咖啡. 本來個餐係跟餐包, 但我地加咗5蚊轉咗做意大利包, 不過個feel都係似港式早餐多過歐美式.還好咖啡做得好飲, 唔係茶廳味. 意大利包幾好味, 最緊要係我叫咗佢走牛油.下次要來試試佢既午餐和晚餐先. 但要著件唔吸味既衫, 因為佢open kitchen, 而我地又坐得近, 所以件衫就有味........ …Read More

好少去安利, 果度唔就我腳, 而且以前係要勁等位, 好討厭的。魚旦粉麵一般都好都好少好難食, 但好好食既就只有幾間。所以有機會順路就去會一會片頭切腩撈粗啦。 同朋友仔去一人一碗, 我要粗麵, 佢要幼麵, 本來佢話唔要麵, 但食完後都話正O(∩_∩)O配埋果碗我覺得咸咗少券既湯, 大滿足。我會再來的, yo~…Read More

妹妹下個月會在九龍東會所1号擺酒, 由於她要付訂金, 順便約埋我一起去飲茶.地方幾好, 唔算好大或好細, 只係樓底唔算好高. 我到達時係12點, 當時冇咩人, 但個服務員同我講話要我一點三交枱, 我心唸咁早.我地叫咗鳳爪, 蝦餃, 排骨, 叉燒腸, 珍珠雞和黑松露帶子餃. 除了叉燒腸皮比較厚, 其他都幾好味, 特別係鳳爪, 我地仲叫多一碟. 整體來說點心係好OK, 味精可以接受. 但茶就唔掂, 水唔夠熱, 茶葉少少, 沖出來既茶.......... 唔掂囉.我妹JOIN了他們做會員, 飲茶可以有七折, 結果埋單折後係接近四百, 我地四個人, 其實有點貴囉.不過果區少有咁靜和舒服既會所/茶樓. 到我地1點半走時, 已經係全滿.    …Read More