lomuimui's Profile

朋友介紹觀塘工廈有一橦全新改裝的全幢都變了餐廳，而且水準可以，所以係試一試。他特別介紹登堂。 我們點了玫瑰櫻花茶，煎鵝肝，m5 牛扒, 西班牙海鮮飯。 食物賣相相當精美，質素非常之高。 尤其是M五牛扒， 油花均勻，有牛味，入口即溶， 可以媲美a5 和牛。 但係價錢就差得遠了，這裏才售 $318。 另外煎鵝肝亦都相當抵吃，一份$160左右，上桌時竟然有兩大件，鵝肝煎得油香四溢外脆內軟，足夠兩個人享用。價錢來說絕對係非常抵食，會再來。…Read More

即開法國白珍珠生蠔HK $48隻，少少海水味，蠔味濃，口感清爽甜美，不錯。椒鹽九肚魚HK$98，好睇師傅功力，呢到炸得幾好，九肚魚肉新鮮，好似豆腐咁軟同嫩滑，入口即溶，啲細骨炸到脆卜卜，可以食埋，外酥內嫩，口感奇妙！湯底 我地今次就食花膠響螺燉豬展 HK$198！火鍋好唔好食，首先要睇佢湯底，只可以話湯底比住家湯仲好飲。爽彈脆鯇片HK$68，好新鮮，真係同名一樣，爽口脆彈！呢到有新鮮牛胸爽HK$98，好少肉反而有一大片白色既野，唔係脂肪，似好薄好薄既軟骨，入口出奇地爽口，口感好特別！招牌雲吞王HK$88，真係好大粒，粒粒雲吞都脹卜卜，大舊鮮甜豬肉大隻爽口蝦，好足料。自家竹蔗茅根HK$58，打邊爐一定飲，健康清熱又解渴，甜度適中，味道剛剛好。…Read More

炸BB鴿，油溫炸得岩岩好，鴿皮十分香脆，相對乳鴿，BB鴿肉唔多，但勝在鴿肉更鮮嫩，如果覺得肉味淡，可以用椒鹽伴食仲惹味。咸菜胡椒豬肚湯，酸酸辣辣，不錯，湯料足有好多咸菜同豬肚，豬肚芳香有鮮味，而且乾淨軟身但保持到爽口感，煮得剛好唔會太軟或者煲得太「韌」要咬好耐。蜜椒牛柳粒，金黃色既薯仔加上蜜糖而變得又甜又脆，微辣既牛肉粒軟嫩多汁。津菜玉荷包，黃芽白裡面包住唔同既蔬菜，饀料有冬菇、粉絲、紅蘿蔔等，味道好同時做得好仔細。菊花豆腐係驚喜甜品，超級考師傅刀功，薑汁上既豆腐又香又靚。…Read More

同朋友兩個都係超愛打邊爐，見今日行街行左全日就決定今晚食好啲搵間環境舒服嘅打邊爐餐廳。朋友介紹旺角劉一手火鍋分店打邊爐。位置方便喺旺角地鐵站出口上面有地鐵站行1分鐘，店內座位與座位之間距離10分足夠，服務員仲很好介紹餐牌內的火鍋湯底。而我哋選擇了一個麻辣和一個清湯冬瓜牛骨仙氣鍋。講到食物方面，炸魚皮值得推介炸得外脆，做得很出色。本地牛頸脊也值得推介，肥瘦均勻，入口即溶幾秒食得。豬頸肉有口感。龍躉好鮮甜大家可以一試，份量也不錯。不可不手提，係佢哋啲特飲。酸梅湯甜甜酸酸消暑解渴，最適合打邊爐。朋友嗌左水果茶味道有驚喜，出奇地好飲。這家一定encore,下次會試試他的海鮮，尤其是這個海鮮套餐。…Read More

位於尖沙咀，非常之方便嘅西餐廳。裝修好chic. 同朋友一邊傾計一邊食飯聚一聚就perfect! 😎食物質素都非常之高，價錢合理，兩個人食到飽飽埋單都係$800左右。👌🏻今日特別推介鵝肝多士，外脆內軟，火候啱啱好，油香四溢，真係好正。😋另外估唔到佢嘅水果茶 🍵 亦都做得非常之好，絕對可以媲美專賣茶飲嘅店舖。大蝦 🦐 risotto 嘅醬汁 豐厚 creamy ,大蝦肉爽鮮甜。risotto 硬度適中. 👍🏻 …Read More

這是一間位於九龍城，蠻新的一橦式三層日式食店。今日和朋友試了這裏的日式happy hour set，串燒可選三款肉，兩款菜，和一杯飲料（可選清酒紅白酒或果汁），份量對happy hour 來說絕對適合，吃完不會太飽，還可留肚吃晚餐。我和朋友分別點了兩款雞翼，一款是明太子雞翼，令一款是日本阿波美雞翼，店員解釋這是俗稱我們香港人所講的走地雞，絕無激素，肉質也夠爽口。我卻是幾欣賞他的調味，很有風味，而且燒得恰到好處。當然其他的串燒，師傅的功夫也很到位，是一間高尚的日本餐廳，下次有機會也會試試樓上2樓的鐵板燒，或3樓的刺身壽司。…Read More

上個月去左澳洲，食左好多生蠔，今日好鬼掛住，所以約左同朋友去食，依間餐廳係我住佐敦既朋友介紹，佢話比較少人知依度，但係就好推介我去，咁就試下啦。去到，二話不說，即睇生蠔，做優惠，叫支酒就可以加錢換生蠔，咁我地三個女人一個男人，唔q理個男，叫左支女人酒Moscato，叫支酒原來可以再加$50換左半打美國生蠔，本身想另外叫4隻法國吉拉多生蠔，點知得返3隻…GG…只好叫3隻吉拉多生蠔加一隻南非生蠔，我試左南非生蠔，原來都好好味，我朋友見到之後又話想試，咁我地又再叫4隻南非生蠔，全部都好好味呀！除左生蠔，我地仲叫左意大利巴馬火腿盤、芝士黑松露焗大磨菇、挪威煙三文魚沙津、牛油蒜蓉蜆肉意粉同美國安格斯肉眼，埋單都係大約一千，真係好好好好抵呀！實再encore！…Read More

今日同兩個朋友喺旺角行街，差唔多到夜晚咁咪諗住搵間餐廳食飯，但係我兩個朋友又話只係想食少少嘢，咁我就建議左佢哋一齊去食燒烤啦，今次帶咗佢地去一間係旺角叫串串燒既食店，我哋行到身水身汗一坐低，最好嘅就係佢嘅冷氣超級夠涼絕對唔怕唔夠凍，大家都覺得好舒服，講返啲嘢食先，我哋叫咗牛肉啊，大蝦啊，一啲菜同埋海鮮，好有水準，我哋三個人大約食咗$800，差啲唔記得講比大家聽佢哋有生蠔套餐，可以配紅酒或者白酒，超級抵食生蠔又新鮮，不妨一試！…Read More

一個和食的好體驗，以往都是比較多吃壽司刺身類的廚師發板，今次吃的是以煮物熟食為主的廚師發板。很欣賞這間餐廳的所有細節，由枱墊，食具，到裝修都給人一種很高貴的感覺。和朋友一起吃飯聊天是一個很舒適的地方，特別是餐廳面向碼頭，無敵大海景，感覺更加寫意。食物方面，是非常細心的傑作，由擺碟到食材都是嚴格挑選的，一晚可以吃勻全日本各地名物，例如岩手縣的新鮮生蠔是最印象難忘的，肥美的肉質加上師傅特製的酸汁，作為前菜非常開胃，另外也很欣賞他們的海膽茶碗蒸，特別滑特別香濃，配上鮮味濃郁的海膽，滿足感爆燈。最後的和牛稻庭烏冬也是很美味的，和牛入口即溶，牛肉汁混進湯底，非常香甜，整碗吃光是必須的。總括來說，我認為這是一間價錢合理，但環境超好，服務也到位的和食餐廳，推薦。…Read More

今日同朋友係尖沙咀購物。去到晚上，去到這間在K11朋友介紹的餐廳。聽說這裏的食物不錯。一直未有機會食，餐牌選擇很多價錢唔貴，有牛扒，意粉，意大利飯，沙律還有一些特別的主菜。食材新鮮是他們的賣點。他們的飲品唔可以唔試！飲品是用新鮮的蔬果和水果。即叫即整，飲品味道清新解渴，炎炎夏日飲一杯超清爽😊。他們的帶子意大利飯，溫和的調味，還有四隻帶子，帶子煎得很好很香還很新鮮而且加埋海膽汁和在意粉配上少許芝士碎，非常好味。他們的手做意大利麵，煙煙銀銀好彈牙，醬汁都係自家製，唔會偏鹹。蟹肉美國蘆筍闊條手做意大利麵😝😝蟹肉先甜再加creamy的自家製醬汁感覺很健康。唔會好heavy 😁燒雞好好味燒得很好還有肉質嫩滑，配菜也很吸引。😌😌…Read More

因為店鋪名字有趣，玩食字，所以留意到。另外因為本人很喜歡吃麻辣火鍋，就試試這裏招牌的麻辣湯底。我們點了一個鴛鴦鍋，一邊是麻辣湯底，一邊是椰子雞湯底。首先麻辣湯底，的確有驚喜，不是一般四川食的湯底，而是台式裏面有鴨血，豆腐等等的材料的麻辣湯底，也吃得出辣是不同的，很有台式風味。以椰子清雞湯底，也是10個讚的，店員在我們面前先把新鮮雞放進鍋裏，再開一個椰青，打開椰青再把肉挖出來，然後把全個椰青水都倒進鍋裏，名副其實的椰子雞湯，甜到超乎想像。另外火鍋生料也是高質素的，特別推介牛小排，肉質非常上剩，而手打丸團團圓圓也是超高質的，絕對不是入貨的那些行貨丸。總括來說這裏的裝修有風味，食具配料都是優質的，有在台灣吃麻辣火鍋的感覺。👍🏻…Read More

這是一間隱藏於銅鑼灣小街的海鮮牛扒食店，果然是禾桿冚珍珠。這天很早就下班，大概六時多經過這間小店，被門外的生蠔推廣價吸引，$50半打的生蠔實在難以抗拒（$50半打是開任何一支酒的換購價，最抵飲是$148的白酒，只要開一支酒，就可以無限以換購價點新鮮生蠔。）想說的是，即使是換購價，但生蠔絕不馬虎，是新鮮甜美的美國生蠔。這種質素的生蠔，在其他地方吃閑閑哋$30-$40一隻，是厚肉有質感的那種。另外在這裏喝酒，都不愁沒有好推介，一問之下，原來食店老闆主業賣酒的，所以會喝到性價比很高的靚酒，從店舖內全部用上名酒木箱鋪成的牆，就知道老闆多愛喝酒😌這小店下次一班朋友來，飲下靚酒，食番半打生蠔，樂也👍🏻緊記book位，因為坐到七點多，也開始滿座了。…Read More

就嚟到端午節，隨便都要搵個藉口去食餐好嘅😁今次選擇咗喺尖沙咀嘅西式餐廳。入到門口就見到有酒杯同Bar枱, 餐廳環境闊落舒適👍🏻首先Starter有英式蘋果走炸魷魚圈🦑，魷魚圈分量十足，足夠兩個人Share，配埋蜜糖芥茉醬，味道很好👍🏻主菜有法式香草燒羊鞍和香煎珍寶虎蝦🦐配黑松露意大利飯。羊鞍選擇了五成熟，味道啱啱好不會過熟，保持了豐富嘅肉汁👍🏻虎蝦很新鮮，同意大利飯十分配合，黑松露味沒有蓋過了蝦味。值得推介👍🏻👍🏻甜品還有法式焦糖燉蛋，賣相和味道好， 不會過甜，很適合飯後甜品👍🏻👍🏻👍🏻最後埋單也不算貴，價錢合理👍🏻👍🏻…Read More

香港有好多台灣餐廳，而今次朋友介紹呢一間真係有驚喜😲😲。位置在於中環登山電梯附近，非常方便，行大約5至10分鐘由地鐵。同朋友happy hour 完，再過嚟食飯勁方便。☺好彩朋友有定位，因為門口已經有人排隊。如果唔想等最好早少少到。一入座服務員很有禮貌，介紹餐廳人氣菜式。珍珠奶茶，鹽酥雞，台豐牛肉麵還有必食的奶奶麻糬甜品。最鍾意飲台灣飲品，我叫咗杯木瓜牛乳，真有驚喜他們用新鮮木瓜，木瓜味夠濃。😋😋鹽酥雞還有兩種醬配合，即叫即炸，份量都好夠，我哋四個人都分到兩舊。台豐牛肉麵，可選刀削麵或拉麵, 牛肉🐂好大塊，刀削麵煙韌又彈牙，可媲美蘭州刀削麵😋豬軟骨鯊魚骨豆乳湯麵🍜，配料有老油條，A菜, 蟲草花脆脆, 豬軟骨好腍滑，用鯊魚骨煲成的湯底，有美容養顏功效，湯🥣底白色有魚味，所以連湯都飲晒。甜品不可一提，全餐廳最好就係這個甜品奶奶麻糬，入口即溶，好重奶味。如果嚟到，記住一定要叫。👍🏻👍🏻😋😁餐廳內的氣氛很好，還有一個Mini bar 枱還有調酒師表演調雞尾酒，幾有feel😊😊。…Read More

雖然已經差唔多下次，大火鍋看又點會放過打邊爐呢，今晚我哋就去咗禾牛薈尖沙咀嘅分店。聞說呢一度嘅牛肉同埋海鮮都非常出色，梗係要來試吓啦。 我哋幾個女孩子就揀選左牛奶花膠湯底，睇名都覺得好滋潤食完應該會皮膚白滑哦。花膠又大又厚，果然無失望。 我哋揀咗本地手切肥牛，油花均勻、入口即溶，真係可以媲美和牛，但係價錢就平得多了。 黑柏葉夠新鮮，而且份量多。我哋另外都叫咗炸魚皮，炸得鬆脆，不油不膩！ 👍🏻 價錢合理，可以encore。…Read More