berry1437's Profile

受到疫情影響，大家都減少外出吃飯而近這幾個月也改變我的消費模式，大多只去商場的餐廳 因為大多已free parking 對於駕車人士的確是好消息而這家在太子的潮悅更有7折的優惠，價錢折後相當吸引 聽說大廚是由陽明山莊會所請回來做主廚，帶給大家正宗的潮州菜 百花釀六頭鮮鮑來打頭炮，六頭鮮鮑彈牙之餘又夠腍 而所謂的百花看起來似是蝦膠，口感彈牙爽口而呢道太極素菜羹更是第一次嘗試，口感棉密帶有淡淡菜香 剛好中和剛剛較濃味的頭盤，和迎接打後的主菜 碧綠石榴雞賣相非常可愛， 入面是炒香的雞粒和栗子碎增加口感，內外都充滿雞汁香味 潮州滷水鵝片入常入味，而且腍滑，底下的豆腐也香甜 而這煲鮑魚黃酒炆雞更是送飯一流！ 非常惹味而且一邊拌開一邊聞到酒香，雞件嫩滑更吸滿汁香拔絲反沙芋這個甜品一出場大家也呆了因為實在高到像個聖誕樹…而且大家都應該知道反沙芋本來就是高難度考手工的甜品 又要先把芋頭炸完再把糖煮溶而一邊炒一邊收汁…最後更有拔絲雕花 這個脆脆一定要夠多才會把粉粉的芋頭香更升昇華！…Read More

相比起西式既Tea Set，個人認為中菜更在每樣食材/菜式更花心思 今次來到中環既鼎·會館試一下鼎爺既餐廳！ 平日黎既人唔好意思啦～ 因為呢個【庭園茶聚】係只限星期六同星期日先有 作為開胃菜，呢道話梅聖女果實在非常合適 酸酸甜甜既梅汁配上鮮甜既車厘茄，無諗過咁夾！ 首先來一碗精選燉湯！花膠燉螺頭湯 本人係一個湯怪，所以對燉湯要求都非常高 燉湯色澤濃郁，但味道十分清徹 螺頭都有數粒，果然足料 呢堆精緻小食拼盤真係主菜啦！ 梨香釀帶子，一啖咬落去時梨片已經夾左係帶子中間，帶點爽脆同蝦膠既口感一致 秘製叉燒好好食！用上黑毛豬所以肉質鮮嫩而且多汁，重點係夠肥，放落口立即溶化 紫晶千島汁脆蝦球，呢個都幾有驚喜因為滿滿的千島汁的脆蝦球上面仲有火龍果 懷舊蝦多士，這就不用多說香港人有幾多個唔鐘意食先…炸得香脆蝦膠味濃郁！ 香漕滷水鵝肝，呢個平時比較少食到 未食之前已經暈到濃濃酒香，鵝肝仲入口即溶 超入味既酒散發係個口入面，好正～ 貴妃蚌稻庭麵，一碗仔既麵上面有好大隻既貴妃蚌 新鮮又鮮甜，而稻庭麵都非常爽口彈牙，份量都幾多 來到甜品時間，包括有蜂蜜黑糖糕、迷你煎堆、芋蓉燉鮮奶迷你煎堆，一咬落去入面既豆沙就爆哂出黎，加上出面既芝麻好香 蜂蜜黑糖糕，口感煙韌密度相對高，喜歡煙韌QQ口感既人一定會鐘意 芋蓉燉鮮奶，呢個係我最滿意既甜品！一來上面有一堆芋蓉，下面則是軟滑既燉鮮奶，一啖有齊芋蓉同燉鮮奶口感濃郁！總結一下鼎·會館食物質素非常高，而且精緻 對於食早菜好有要求既朋友一定會喜歡食呢間 不論所有食物賣相、擺盤、味道、環境及服務都真心高質 下次可以試下鼎爺私房菜 …Read More

相約左朋友係尖沙咀漆咸圍搵食， 貪呢圖方便泊車同餐廳都集中係呢幾條街到 我地果日就試下M Zone 親和藝術因為見門口都不錯，就要對正我地個車位（笑） 入面種類大多係西式，有扒類、意粉、burger 野飲我地試下綠茶拿鐵同埋青瓜soda，味道不過不失，起碼夠哂大杯 美國安格斯精選肉眼扒 ($248) 首先到既係牛扒，肉質尚嫩又唔會好乾身 而且配菜有埋薯條～咁就唔係另外再叫小食 蜜糖雞翼($88) 不得不說好細心地將雞翼分左一半為單骨 令到大家更易去食，非常貼心，而且雞翼仲有小小燶邊我最愛！ 法式焗羊架($208) 而羊架都有三舊，擺盤尚算OK 食落去肉質幾嫩，汁都帶出到羊架鮮味 下面仲有薯蓉係底又夠creamy，食完咁多道菜so far都好飽的臨離開時剛有好多人入黎飲野，原來夜晚就變成一間酒吧！ 下次經過呢到附近都可以黎同朋友傾下計，唔洗去其他街同人迫啦…Read More

閏蜜聚今次揀左係尖沙咀食打邊爐~而朋友揀左呢間很好打卡既阿肥火鍋 由一入門口已經見到地下有麻雀鋪係地下，好有香港特色～ 打邊爐緊係最緊要揀湯底啦！ 朋友極力推薦揀【老成都麻辣鍋】 咁我就揀一個唔辣既【胡椒豬肚雞鍋】雙拼可以試2隻味 唔好睇麻辣果邊好似辣得好誇張，辣度唔算好勁但好香，岩哂我呢d怕辣又要食既人 而胡椒豬肚雞果邊既湯底都做得好香，隻雞好滑　建議大家未食辣之前飲下個湯先 脆皮豆腐 炸得香脆加埋上面炸蒜一齊食好正~ 仲點左比較特別既門鱔炸魚皮（有骨） 普通炸魚皮無骨既，今次試下呢個門鱔 比較偏硬身小小，要浸耐小小，吸多D麻辣湯 紫菜響鈴，入面夾左塊紫菜之後入口立即無咁油 (左起) 黑鮮腐竹、豬天梯、牛骨髓 呢3樣都係平時去打邊爐唔係度度都有既食材 豬天梯比較爽口，有咬口 而我自己係好鐘意食牛骨髓！加埋個麻辣湯底點小小豉油超正～岩岩心血來潮上網search左小小牛骨髓既好處， 原來食牛骨髓從中醫角度，可以補虛勞、益精血 西方可以補鈣、補磷潤肺！  牛骨髓含有豐富嘅蛋白質、脂肪、維生素同尼克酸等等， 而且仲有肉豆酸、棕櫚酸、硬脂酸同亞油酸等物質，所以有強嘅滋補作用。 鮮蝦黑松露餃，入面d蝦大隻得黎又彈牙，黑松露味香濃 而我點既豬潤都非常新鮮 4寶丸 黑柏葉好爽口，鐘意食牛柏葉既朋友必點 推薦大家叫呢個 魚滑、蝦滑、牛肉滑! 一次滿足3個願望，份量都好足料 今次無咩叫海鮮，唯一一樣我想食既就係蜆～ 幾surprise d蜆好大隻，仲好新鮮上台時仲好生猛  手切牛一碟　脂肪比例適中，牛肉味濃…Read More

每次去到秋冬季節，朋友們都係到約食蟹 雖然我都鐘意食，但個餐入面只係得蟹我又覺得有d悶 所以朋友就book左呢一間除左食蟹之外仲有其他野食既餐龐 瀛鮮-日泰韓中潮川風味放題 係佐敦站一出行2-3分鐘就到，超近 任食紙都有好多款野食，由刺身、燒肉、泰國野、炸物 真係乜都有 首先黎左個刺身拼盤先，都算幾新鮮 通常一坐黎就好肚餓，要食住d刺身再慢慢等我地d蟹 好快黎到既仲有泰國野，有生蝦！！真係好令人驚喜 個汁都好好食，個炸蟹鉗都幾脆口 終於到主角啦！每人每次可以order 2隻 建議食完先好再叫，凍左唔好味呀！ 雖然蟹仔唔大，不過都有上圖咁既size 一打開有冇膏呢!? 都有既！ 呢一隻一打d膏就爆哂出黎～平均都唔算少膏嫁 食左3隻蟹之後我就投哂降～但朋友仲可以keep住叫蟹… 我就轉戰去燒肉區，緊係燒返埋牛黎食啦～ 呢到幾好，有張紙俾你放係個底到，一來唔怕佢痴底 二來我自己覺得乾淨d 最後呢到有雀巢雪糕食～不過食到呢刻都真係好飽啦… 另外…加分位係呢間有live band! 聽住以前既舊歌，其實都幾好丫，帶埋daddy 媽咪親戚黎佢地黎都岩！…Read More

呢到主打係串燒，選擇都唔少， 而第一次黎當然係要點佢有"手指公"既推介啦 牛肩胛 好香牛味，仲有陣陣油脂香，鐘意食牛既朋友一定會鐘意 金針菇 濃濃蒜味，仲帶小小麻辣味，未食肉之前既菜類～ 鬼緊炸蝦滑 感覺好似泰國蝦餅咁，炸得夠脆卜卜點埋個醬仲正 叫左一大堆串燒，唔一一介紹啦， 當中比較有記憶既係銷暈肥腸 - 醃得夠味，入面都清得好乾淨 麻辣涮肚鍋 呢個鍋仲有得揀微辣、中辣、大辣、變態辣 我只係揀微辣已經要狂飲水⋯ 果種辣係食完之後由喉嚨訓返出黎，唔係係條脷辣出黎⋯牛肚好腍細細舊好易入口 原條燒茄子 呢個好抵食！2隻手掌咁大， 上面仲有蒜蓉孜然粉夠哂惹味，朋友都大讚燒得岩岩好 第一次試冰粉，好似JELLY既口感， 上面仲有D山楂幾得意，原來係四川野既甜品，真係長知識！ 橋底呢度要黎同朋友傾下計坐下，環境不錯起碼無好嘈， 冬天夠涼坐出面就最舒服！呢間仲開到凌晨，旁邊仲可以泊車好方便。…Read More

同舊同事聚會今次揀左一間食素菜既，畢竟大家平時大魚大肉 係時候黎個Green Friday啦！晚市套餐只有一款 由前菜到main到甜品都一應俱全 首先有醋漬蘿白、牛蒡青瓜、燕麥焗冬菇 平時既醋漬蘿白我都唔會食…不過呢個賣相幾精緻 食落去清清地有陣甜蘿白味，都幾易接受 第一道要黎開胃都幾好 牛蒡青瓜都係比較爽口既開胃菜，到燕麥焗冬菇比較新既煮法 燕麥平時做早餐就有…加埋冬菇又幾夾wo 龍井茶溏心蛋，茶係個蛋既底唔係幾食到龍井茶味 不過溏心蛋非常溏心，又滑 羽衣甘藍真係好好味！仲配有蘋果既酸甜味伴沙律好健康 旁邊既汁好fresh 又唔似一般沙律汁咁膩 亞麻籽黃薑蔬菜湯真係第一次試… 估唔到加左黃薑既西湯會咁似南瓜湯 飲落係幾有驚喜，因為天氣比較涼飲完非常暖胃！ 點埋包食更加滿足~ 黑松露炸薯球，黑松露非常香而薯球口感好綿密 每啖都軟綿綿咁 蟲草花牛肝菌珍珠飯，睇落已經好入味 因為牛肝菌既汁已經俾d飯吸哂，好好味！ 雖然睇落好似好細碗，不過食埋呢個飯都真係7成飽了 綠茶紅豆奶凍 奶味香濃，淡淡的綠茶清香唔會搶左奶味 略嫌個紅豆可以再多小小，因為食到底就冇哂綠茶&紅豆 餐廳會成日轉menu 個人覺得幾有新鮮感 多d試下唔同配搭既素食都幾好，全部都係super food對健康有益 我覺得餐廳可以再多小小介紹每道菜，令大家都可以了解多d每道菜 而舊同事係男士佢都覺得夠飽，下次會再幫襯~…Read More

真係好掛住台灣無老鍋個湯底呀！ 相信去過台灣既朋友都知道無老鍋個麻辣湯底有幾正 只不過冇得飛既我地…又想搵返果陣熟悉既味道… 我會推介九龍城呢間【禾牛薈鍋館】 先講講湯底，唔洗諗都知有個"手指公"就係皇牌推介啦 老細！先黎個台式麻辣鍋 至於另一邊要咩味好呢…就揀個清清地既菜干豬肺湯啦 左邊係比較特式既，我揀右邊既橡果豬片，聞說係特別香 到啦到啦！ 左邊既台式麻辣鍋味真係好有台灣風味！ 入面仲附有鴨血、豬皮、大腸、豆腐等材料 鴨血先係無敵…非常有台味 而菜干豬肺湯果邊值得一讚既係個豬肺係有炒一炒佢 內臟最怕就係洗得唔乾淨，經過我地深入觀察過真係洗得幾乾淨 相信要花好多心機先洗到咁乾淨 炸響鈴非常脆，而且份量都唔算少 要黎吸麻辣湯一流！ 識食緊係要食黑柏葉 新鮮牛柏葉是黑色的，外面很多人將黑柏葉漂白 入口彈牙唔會好un 我最鐘意既骨髓！ 牛骨髓每隻牛只有一條，口感柔軟牛味濃，又滑嘟嘟~ 魚鰾真係比較少食，好彩食落去冇腥味 點埋醬汁食好爽口 出面都比較小有得叫既豬天梯 (姐係豬上顎) 豬天梯含有豐富膠質嫁，食落去好爽脆 黑毛橡果豬片必點！同豬唔同命… 橡果豬真係由細食橡果大，令肉味帶獨特榛子芳香 當然價錢就比起一般豬會貴d啦，不過真係值得一試 貴精不貴多嘛 打邊爐起碼黎2盤【本地招牌手切肥牛】 去過台灣打邊爐既朋友都一定話…香港既牛肉濃牛味多d同厚切d 可能我地太慣手切肥牛、牛頸脊既濃濃牛味 呢碟牛再俾我地encore 多一次，雪花均勻，食落非常有嚼勁…Read More

Weekened來西貢真係可以玩足一日，晏晝行下夜晚再直落食埋海鮮 一大班朋友嘆住冷氣食海鮮就更正 ( 唔會揀冇冷氣…實在太熱 ) 朋友一早book左台食 萬年街果間通記 一去到好快手就上飲品同湯 海鮮湯入面有蝦有好多魚同白菜 飲落鮮甜 但要飲得快d 因為有魚既湯一凍左就唔好味 湯怪既我 一個人都飲左2碗半~ 之後上一盤龍蝦刺身拼盤 份量好大 如果最外面既係龍蝦刺身…但我先揀其他黎食 到想食龍蝦刺身時d朋友已經搶哂 (飲恨) 第一款揀黎食既緊係海膽啦！加埋青瓜一齊食好爽口 海膽雖然唔係平時食開一大片，不過都好新鮮 怕太dry的話點小小豉油已經好夠 之後出既都係熱食，點少得椒鹽賴尿蝦呀！ d椒鹽超多勁惹味，不知不覺會啜哂個殼d汁 我拎果隻超大隻…一打開入面由頭到尾都係膏 朋友開其他蝦都冇咁多膏呀！ 肉質彈牙 唔會整老左 第一次食黃金鮑魚 真係食完返唔到轉頭！ 本人本身都好鐘意食黃金系列既野 例如黃金鮮魷…真係會食唔停口 最貼心係d鮑魚已經去哂腸 但有朋友想拎起佢自拍就唔小心成隻掉左落地.... (睇見都心痛) 去哂腸再炒再放返入佢個外殼到 咸蛋黃夠香，而有時黃金整得唔好主要係因為太油令到d咸蛋黃濕哂 好彩今次食係乾身！先有果種口感 唔會濕笠笠好油咁 芝士控見到芝士焗龍蝦伊面都係會揀哂最多芝士果隻！ 平時酒樓斬到d龍蝦一舊舊成日要揀邊舊易食d 而直接開邊仲方便！起碼拆佢出黎都易d嘛 最後我一個人食左3-4舊 飽到食唔到d麵 成餐飯食海鮮同飲湯已經好飽…非常滿足！…Read More

今次黎到厚福街搵食，今次唔係食生牛肉河唔係食米線 而係食深夜食堂！ 樓上鋪位置唔難搵 (厚福街有幾大丫...) 必點既係芥辣八爪魚 作為前菜夠嗆，八爪魚夠爽口 呢個份量也算多，起碼唔會唔夠食到迫住再encore多碟 燒雞翼 - 比較細隻既雞翼 但勝在夠細心已經攤開左 而且外皮都夠脆 朋友推介呢個蟹子玉子燒，一上台係一大舊的 職員會係你面前切開一舊舊，睇住d芝士流出非常滿足 上面同入面都鋪滿蟹子，啖啖都係蟹子~~ 呢個係必點！ 串燒安格斯牛肉粒 - 聞落已經好香牛味， 食落唔會un 入面仲keep住腍身，外面既調味都做得剛剛好 食左咁多小食，當然要叫返個飯飽肚啦 揀左呢個黑松露鵝肝石頭鍋飯，雖然鵝肝唔算好大舊 不過勝在整得夠香，要黎送飯一流 而野菌都吸左好多汁，混埋一齊食好快清哂呢個飯…Read More

今日臨時約朋友食飯，本身想去食厚福街生牛肉河 無奈要等位同果度唔可以坐低傾計咁耐， 朋友又唔飲酒無得摸住酒杯底傾下心事。行過對面加拿芬廣場有人派緊宣傳單張， 我地就試下地庫間米線陣啦，話哂香港人都特別鍾意食米線，當然米線專門店都唔少~ 睇四周環境好新嘅裝修，仲好光猛， 全部台都喺而家少女們好鍾意嘅白雲石枱， 睇落唔似食米線wo，望一望餐牌先肯定呢度真喺食米線無入錯第間鋪頭 由於朋友想試水煮系列嘅米線，我真喺唔多食辣野。。 平時食米線都只叫清湯。。估唔到佢餸同米線喺分開上， 起碼我碗米線唔喺浸滿辣油，餸就有牛腩，鴨血，牛肚，牛，下面鋪咗好多芽菜 個人覺得味道喺幾OK, 唔會辣得好過份但又有香味， 可能剛去完韓國，覺得香港嘅辣喺有層次好多，仲帶小小麻辣。 如果唔喺幾頂到咁辣，我會建議用清湯過一過先放入口，不 減佢嘅香味但至少無咁辣。食得辣嘅朋友就唔洗咁做啦~ 食一碗麵都出哂汗，好彩中間仲有小食隔住隔住咁食，腐皮卷 豬頸肉好食! 上面嘅辣粉同熱浪薯片一樣味! 豬頸肉唔會太大舊，岩女仔一啖放落口 我比較鍾意蒜香手拍青瓜，fresh d同蒜味蓋咗青瓜陣青草味， 另外一款醋香雲耳我就麻麻地醋味，但雲耳喺夠爽口嘅， 拎去點蒜香青瓜個汁都唔錯 跟餐有2杯好得意嘅特飲，涼粉火麻仁 火麻仁一般好少喺餐廳搵到， 應該出現喺涼茶鋪 hahaa 加咗涼粉變咗消暑飲品 另外一杯仲搞笑，叫亞塔子普洱，普洱茶飲茶都必叫， 將佢變凍飲都喺第一次試，其實普洱有陣好獨特嘅味變咗杯特飲有啲怪， 反而亞塔子幾好食。168 一個餐包埋野飲2個人都算幾合理， 下次經過可以試下佢其他款嘅米線…Read More

舊同事飯局揀左西環Cafe 2相聚，貪地點方便大家收工過去 精選海鮮拼盤 $638 是必點的！ 入面有好多海鮮，一盤夠5-6個(女仔)食嫁啦~ 麵包蟹我就食左2啖d膏，都好新鮮 我最愛當然係生蠔啦，呢隻雖然唔係好厚身但總算是新鮮 有驚喜的是呢隻蜆，真係肥大肉厚漲卜卜咁 咬落去仲好鮮甜，不知不覺就食左好幾隻 點左蟹肉南瓜湯，呢個幾有驚喜 南瓜好濃，唔會淡到水咁 上面仲有好多蟹肉，混埋一齊飲更添口感 另外有一個黑松露湯都好似唔錯咁，下次可以試下 燒原隻深海魷魚 呢盤燒魷魚好快俾我地清哂，因為燒得好到位 出面乾身而入面唔會太乾，岩岩好熟先做到入面呢個效果 蒜香紫蘇白酒燒海蜆 呢個係我要求點既~ 因為頭先個凍蜆好好食 所以叫埋呢個白酒煮海蜆 最期待就係呢個斧頭扒，有分唔同size 睇你幾多人食而叫~ 炭燒味好味，而且肉味香濃入面仲好腍，仲帶粉紅色 我習慣係食原味(唔點醬)先，之後先試點左芥末或鹽既味…Read More

喺灣仔返工平時Lunch成日要諗食咩已經好苦惱， 姐妹聚今次晚餐都係揀咗灣仔區，仲揀埋食邊間呢方便我一收工就立即食得飯！ 一樣都喺皇后大道東平時去開蘭杜街搵食，反而呢條街真喺唔知有呢類型小店… 咩都未嗌既時候，侍應已經拎咗一碟日本椰菜 成晚食咁多炸野，當然要食返d菜來平衡一下，D菜仲要任加呢！ 一問之下原來喺要將椰菜點落旁邊自家熬製的日本醬汁 仲講明只可以點一次，唔可以再翻點醬汁，因為醬汁是共用的 除咗串揚之外，其實仲有串燒揀 其實咩叫串揚? 「串揚」是介乎於串燒與天婦羅之間， 在日本有超過百年的歷史，本身是出自關西大阪的特色小食。 食咁多炸野，當然要飲返杯有氣既飲品先gur返條氣嫁嘛 我揀左提子味的果汁酒，其實比較似提子氣水多d 酒精得3% 好岩女仔飲 炸蓮藕有咩咁特別？估唔到點埋頭先碗醬加埋咁得意 蓮藕本身偏淡味，更加突出到D醬既甜味 咬落仲有D似薯片咁脆，第一碟已經唔錯~好期待之後D炸物 雞腿肉上面加左小小wasabi 所以唔洗點醬食已經好夠味 雞肉好嫩，入面肥滋滋咬落唔會好un，呢個時候已經好開胃好想食肉！ 高湯雞蛋卷望落軟滑，日本雞蛋食落非常香甜 好綿既口感，加埋熱辣辣新鮮煎好， 咩都唔洗點醬，直接食已經好有水準! 海膽海葉卷上面鋪滿海膽，望落都有6-7舊仔 入面腐皮包紫菜，食落唔會咁油膩 上面既wasabi 加埋海膽已經好夠味，加埋一齊既口感好豐富 喜歡芝士的朋友一定要叫呢個炸芝士！ 外面炸粉非常薄身，一咬落去D全舊已經係芝士 半溶既芝士慢慢流出黎，不過要小心熱…因為太心急想食多啖就燙親嘴了 朋友嗌左炸雞蛋，我心諗雞蛋拎去炸唔知好唔好食嫁呢 上台時見到旁邊有一樽鹽，到底搞咩東東呢？ 侍應話加係小小鹽係蛋黃到會更加帶出雞蛋香味 的確咬開之後加鹽落去，大大提升左蛋黃既鮮味 人家仲要用日本既雞蛋，蛋味香濃! 非常推薦呢碟炸雞翼，本身抱住呢度應該唔係食炸雞既地方 點知一上台賣相好吸引，鐘意食炸野既人基本上望到外面就知好唔好食 雞翼一咬落去竟然仲係鮮嫩多汁，唔會炸到老哂 而外面炸得好食就肯嫁啦，加埋醬汁 (唔係台面自己點果隻醬) 竟然令我3隻入面要搶住食埋朋友quota果隻雞翼 最後埋單每人大概要$500左右，其實唔係非常平 但食材大多係日本運來同呢度係日本師傅做主理，倒是好有質素 另外值得一讚既係侍應服務好好，會好細心同你講點食用 同講下d食材由邊度黎，感覺同客人好close好有日本小店同客人打成一片既感覺 走既時候見到樓下擺放左易拉架，原來lunch的價錢會相宜好多 下次可以搵埋同事一齊試下lunch呢~…Read More

放假的時候和閏蜜聚會傾計，姐妹們都好鐘意揀去High tea 因為環境夠relax，又可以慢慢同好姐妹傾心事 而姐妹唔係特別太喜歡甜點， 所以揀左咸甜比例各半又用柚子做主題既tea set 餐廳有indoor同outdoor揀， 我地當然揀戶外啦 因為當日好好天又唔凍 我地坐呢個位剛好望住酒店既泳池 不過暫時仲係冬天，所以未開放有泳客 怕凍既朋友都唔洗驚，因為有暖爐開放 等大家可以非常relax咁enjoy個tea set 我地就係食呢個tea set啦 最底果層有柚子蜜糖香烤單骨雞翼 呢個雞翼仲要係單骨黎，方便女仔可以好斯文咁食 外焦脆又皮真係好加分，點埋柚子醬甜甜地 幾fresh 同柚子日式墨魚嘴串燒都係我好鐘意既(佐酒)小食， 呢個本身有汁係上面所以唔洗再加柚子醬了 咸食仲有柚子嫩雞開面三文治，上面放滿新鮮柚子 一路食D柚子就會係個口到爆開，非常輕盈唔會太膩 迷你蟹肉撻都係水準之上，好香蟹肉味，撻皮都是脆口的 柚子鮮蝦泰式沙律更加令我眼前一亮 上面既大蝦好爽口，泰式醬更加帶出柚子的鮮甜味 而冇諗到竟然有日本既黑糖水信玄餅食呀 好QQ既質感，口感介乎蒟蒻同啫喱中間 加埋黑糖既甜味就好似食緊Jelly咁 食完又唔會怕肥 而我最期待既甜點終於出場啦！ 大家都知道金鐘開左一間專賣閃電泡芙既店啦~ 但我都係第一次食閃電泡芙咋~今次仲係柚子味tim 入面滿滿的忌廉好creamy，上面仲有粒小花餅做裝飾 而黑糖軟芝士餅開頭睇仲以為係普通cheese cake 原來係mousse cheese cake黎！難怪咁軟滑 上面原來係黑糖jelly黎，連埋下面既cheese cake真係好夾~ 呢杯柚子楊枝甘露凍，上面加埋蜜柑中和返柚子既酸味 底下既楊枝甘露仲加入西米添加口感 聞說呢度最出名既就係芒果拿破崙， 所以我地留到最後先食 (笑) 超鬆化既拿破崙餅底，加埋入面夾住既cream同最頂超甜既呂宋芒 難怪呢個蛋糕係皇牌啦！食完我地都好想買多個cake返屋企嘆阿~ 之後我地上網睇 原來1磅加埋discount都係賣HKD$227 (原價$268) 所以我地約好朋友生日都會係到訂芒果拿破崙 (笑) 食完呢個Tea set 仲跟埋SKINFOOD精美禮品一份 同coupon呢 好鐘意戶外可以享受假日既美好時光 不得不讚呢個8度海逸酒店 x SKINFOOD 柚子清新下午茶…Read More

閏蜜約我去九龍城食燒和牛，來到福佬村道既【牛石料理】 朋友話呢度係用火山石去燒唔同一般既鐵板，為免多人我地特登揀平日夜晚黎 呢度有幾款唔同既套餐供選擇 我地揀左 $768 牛石二人會席 有沙律、刺身、燒肉、天婦羅、炒雜菜 基本上呢個set都幾齊全~ 咩都有D 我地仲揀多一個海鮮貝燒盛合 $168 呢度燒肉仲可以另叫，當然以日本佐賀和牛最貴啦 400g $1068 加多塊熊本西冷也不錯，價錢$128 尚算合理 蟹籽沙律作前菜青瓜非常爽口，上面鋪滿好多好多蟹籽~ 蟹籽沙律雖然用料簡單，不過花很多時間去切 還是在外面食一碟好過自己買返去整 (笑) 刺身拼盤 卻沒有我最愛既三文魚 由於我唔食立魚，鱆紅就交由我朋友食，好彩都有4隻牡丹蝦俾我~ 幾大隻同彈口，蝦頭仲有蝦膏呢！ 海鮮貝燒盛合 $168 有1隻鮑魚, 2隻沙白同帆立貝 放在火山岩石上慢火燒，咁樣可以受熱平均唔會過度大火變燶 而職員非常熱心全程幫手燒海鮮，燒到咁上下就加上醬汁 仲夾到我地隻碗到，服務周到！ 台上擺有麥飯石的介紹，大概是話呢舊石有礦物質 可以令食物更有營養等等，同冇一般鐵板咁易燒燶 同燒肉果陣更加快鎖實肉汁咁上下啦~ 薄切美國頂級牛小排 第一片燒就揀左呢款先，肉汁夠多，肉同肥膏既比例剛剛好 和牛牛舌 我同朋友一致都覺得牛舌可以再encore！ 因為唔肥但又夠爽口，肉味夠濃 非常推介！ 終於來到和牛環節！！先來燒個澳洲和牛 牛肉味比較重，而且肥膏冇日本佐賀和牛咁多，肉汁比較多 好邪惡呀呢塊日本佐賀和牛！ 油脂佈滿成舊，成形一片雪白 一邊燒D油好快流哂出黎~ 食落口入口即溶 日本和牛果然冇令我失望！ 套餐本身都有跟2碗珍珠米既飯 炒雜菜調味剛剛好，食完燒肉要有碟菜清一清先， 其中既韭菜花咁岩有好幾條就比較硬同有渣 炸物都係我最愛！炸蝦夠大隻，仲有冬菇、番薯、南瓜、茄子…Read More