smellyko's Profile

作為一家茶餐廳，常餐快餐茶餐係好基本嘅嘢，依家真係好多用滾水去淥麵煮通粉，呢啲茶餐廳應該要淘汰！面軟硬度係可以，但味道真係超唔掂，面係無味水煮，個湯睇落有味，但食落去又係明顯水加沙爹醬，水味重 其實落幾粒鹽去煮個面，個醬加水後煲滾佢好難咩？ 個凍檸茶少甜都超甜，茶膽好難整咩？ 真係佢敢做銀龍敢請！成個餐係個牛油方包嘅牛油好味五十幾蚊個餐，唔平，但係質素就。。。 之前食過下午茶餐還可以，今次真係失敗美孚真係無乜好食嘅食肆…Read More

門口大部分宣傳都係炒粉面飯之類，入內見全部人都係食呢啲主食，但又唔見豆品嘢，咁就試吓佢個煎腸粉真係唔掂，死鹹味道，腸粉口感唔得，好似食緊卷得好密嘅糯米皮超奇怪因為店內主打都好似係炒粉麵飯，所以入去只係聞到油煙味，亦都聞唔到豆品嘅味道，所以唔知道佢嘅豆品好唔好…Read More

食過幾間藥膳雞米線或醉雞藥膳湯，呢間係最差一間，無論味道、賣相、速度都唔得。雞先上枱，雞好大舊但骨更大，無切斷、小肉、酒味有點但不香、雞無底味、內臟未清好（觀感唔好），杞子同蟲草花味都好淡、較欣賞佢有花生。雞上枱好耐，差不多食完都未有米線，催促後一陣先有。 米線上枱只有少許藥膳湯味，見多圓肉同藥材料，估計都重味，但一食，似中湯多，有少少少許藥膳味，但明顯加水重煲，因為好淡口，食圓肉都係湯嘅味道，未有圓肉甜味，應該煲咗多次。 米線有ddd硬過種，還可以，但味很淡似用水煮後放入湯，枱上未有鹽，啫唔係預自己加味，我都趕時間無問攞。之前食過幾間，就算唔係完全好食，都會雞/米線/湯是但有樣好，但呢個無。 唯一好係，佢$60都幾大碗米線，醉雞有花生粒（我食過嘅其他店沒有）唔知佢係不斷加水重煲，定係浸洗材料太耐？ 大部分食材無乜味道…Read More

美孚真係無乜嘢好食，知呢間湘野開咗一段時間，街坊話ok，今日黎試吓。果然無令我失望，真係美孚少有嘅好食餐廳。 佢環境裝修比之前的店光猛乾淨我喜歡有少少辣，但又唔可以好辣，我食譚仔只能5小辣。 所以，今次都係博一博。兩個餸都叫小辣，啱我口味，有啲香辣，唔會食得辛苦，佢味道都好味。食辣嘅朋友都話好食，唔會嫌佢辣辣子雞一向都係肉少，呢個算有點肉了土匪豬干都幾野味， 真係餸飯正！茶係玄米茶，好夠味欣賞佢哋服務，樓面未能及時處，佢大廚親自上菜，呢點我欣賞佢哋嘅合作！ 不過，樓面侍應真係要加強一點！ 希望佢哋可以保持水準，做耐啲！ 美孚終於有多一間我覺得可以encore嘅食肆…Read More

之前係另一個food court食過花甲粉，實在太回味。 去啟德，見啟德館有，立即試試，已是第三次黎，假日food court太多人，今次平日少人。 叫咗麻辣鴨血花甲粉， 一打開😆 原來係台式鴨血粉過個汁，已有點失望，唔係大陸麻辣香，花甲十分之少，得8粒隻，基本上全部粉絲多，味道都有一種涼涼地嘅甲殼類味道。 其實花甲粉好易整，自己整啲花甲有一陣涼涼甲殼味道（你明唔明邊種味😅）侃侃地咁，所以出街食。 可惜佢用個湯底太唔好味了，太超市盒裝台式鴨血，花甲同樣有陣侃侃地味道。食完面過少少餸，就係咁多多多粉絲$69真不值得。佢加花甲都只係$18，但呢個要$69，如果真的要試，建議叫其他餸加花甲，比叫花甲粉抵啲囉。 $69包一細支/細盒裝飲品。…Read More

見佢好似主打雲吞，紅油麻酸辣，又有麻辣鴨血雲吞小窩，就試一試叫咗個小辣，個窩一上枱，賣相已完全唔係過回事，一試個湯，就係淡淡湯水加辣油。跟麻辣完全無關係。睇見個色都無胃口因為個湯極淡，似水加雞粉，加上啲餸全部無底味，個鴨血同蘿蔔都係好淡，水嘅味道，幸好而家蘿蔔叫做當做有返啲蘿蔔嘅味，否則會好難食。我問店攞麻辣醬/油，佢叫我落辣椒油，我話麻辣唔同辣椒油，跟住佢叫廚房比啲麻我，結果就比啲似五香粉+辣油嘅醬比我，個醬係難食，有啲苦澀味😆都係同麻辣無關如果只為食雲吞係可以嘅。佢嘅辣菜甫係幾好味。但想食酸辣麻粉，真係唔推薦。 …Read More

見成日食譚仔就試吓新嘢，坐低點餐已覺得價錢好貴，$34一個米線冇包餸，但見好似都幾多人食就即管試一試。因為唔知佢嘅難度，所以就叫個酸辣蕃茄湯滑雞腐竹。 一上枱就聞到少少臭腳味，就好似黑豆豉嗰啲味 個蕃茄湯實在太令人失望，因為係一個茄膏湯，食落完全唔覺得有辣味，之後請佢加番啲辣，佢就比個辣椒油話廚房都係落呢啲至於個腐竹就肯定冇腐皮咁好食，而個雞肉除咗大嚿之外，唔覺得佢嫩滑，不過我一向食開胸肉還可接受，喜歡食滑雞就一定覺得佢蟹。舖頭入邊完全唔覺有藥膳味又唔覺得有麻辣嘅味道。$54兩餸包凍飲，除咗芫荽愛好者，應該無需要嚟試…Read More

呢間店之前賣廣告，一枱難求，過咗幾個月，終於訂到位立即去試，俾佢擺盤吸引住好想去打卡，加上評語唔差。我哋叫咗個花膠雞煲牛盛宴。先食雞煲，後打邊爐，但佢唔係用雞煲加湯，係另外再揀湯底 真正兩食。可能我哋太早，未夠時間火喉，個花膠雞煲較淡，佢唔係其他邊爐店咁用黃油雞湯底，不過，清清地飲2碗清雞湯再打邊爐都唔錯。 花膠都唔太似平時食到嘅花膠，佢好挺身彈白😅 不過，我本身唔太好花膠，所以無所謂🤷🏻‍♀️ 雞同花膠嘅份量都多，四人食都足夠。之後打邊爐就叫咗個卜卜貝湯底，個煲上枱先要炒香佢跟住加湯再煲，呢個好好味好香有啲似麻辣雞煲個醬，可惜嘅份量就太少得11粒咋，不過真係好好味又大粒，如果可以多啲就更滿足之後就到食牛啦，上枱牛肉款比Menu上面寫嘅還要多，我哋就想知道係咩部位肉就問侍應，侍應居然請咗廚房師傅出嚟同我哋介紹，實在太有誠意，值得嘉許啊廚師話牛肉係按當日食材而出（唔知真定假🤣），未必一樣，我覺得好似去咗中式Omakase😂 大約有7款牛肉，唯一美中不足係個牛肉花用封門柳，太黑色唔靚見其他枱係用鮮紅嘅肉整成靚好多😂 呢一盤無refill，但佢有其他打邊爐食品牛肉、豬肉、丸類小食、菜等等任食，黑毛豬肉都好好味。另外，好欣賞佢有好多無氣嘅飲品，例如鴻福堂涼茶，同茶飲，啱晒熱氣食濟嘅打邊爐。雪糕除咗有牛奶公司，仲有Häagen-Dazs雪糕，味道款式都有至少七種。店員都有年青人，同佢哋講笑一下都有回應店舖唔算好大，不過嗰晚都坐滿晒人，仲有三個鐘任食任飲，每人$350，值得去試再試。 店還有海鮮牛盛 $359/ 烤魚$298選擇原來openrice訂枱儲分優惠，會比openrice 警告話有利益唔比刊登，咩道理！…Read More

之前嚟過兩次，多人排隊就冇等到，但係因為店舖嘅藥材湯味道實在太香，所以第三次再嚟，今次六點左右到，終於食到。入店內都係聞到好香藥膳味道。叫咗一個花膠雞湯米線同藥膳黃酒花膠雞湯米線。花膠雞湯嘅湯有鮮甜味，內裡多是胸肉，我一向喜歡吃胸肉，但這個實在太鞋不好吃，雞的味道也淡，米線也是淡而無味感覺整個花膠雞米線都是分開各自煮咁藥膳湯也是我很喜歡的，但這個湯喝上，朋友和我都覺得藥膳味道極淡，雞就是雞頸、雞轉彎個彎，基本上得一兩舊少少肉，全是骨和皮，問侍應，話藥膳花膠雞湯是雞骨多，只有花膠雞有大舊肉多啲肉。那麼應寫藥膳花膠雞骨湯黎3次先食到，真有點失望。 其他同類店也有淡味米線，但至少個湯同餸都足料。奇怪，佢店舖真係好香藥膳湯味，但食落真係淡極…Read More

提早母親節飯，媽媽之前食過呢間話想再食，特意再去，這裡有放題或散叫選擇，我兩細食就散叫，其實以這質素，放題都真的很抵！我哋細食就散叫2個定食同2個小食叫咗個紅蝦刺身拼+$15轉烏冬，我冇諗過個烏冬係咁大碗，好味，但真係太大食唔晒，仲有杯飲品。刺身有拖羅、三文魚、紅蝦、牡丹蝦、帶子、螺、海膽魚子。全部都大大件，好新鮮好好味金箔蝦刺身併，啲金箔都好吸引，好似好高級咁，刺身大大件好厚肉好好味，我一向怕腥，但係呢個真係完全完全冇腥味仲好鮮甜影個大特寫睇到睇吓啲刺身厚度仲有2杯飲品。小食海蜇係海蜇頭多。辣味正常味道👅，但$2x有咁大碗小食都抵。呢餐$365兩個人，真抵！呢間店食物絕對推介，但記住唔好俾支付寶，因為收銀員問題，網絡差佢又關機斷線，迫我比多一次錢，話如果收多咗會俾返我，但佢無俾到！ 我仲追討緊…Read More

見網上平台做優惠，呢間鋪啲相片都幾靚，就即管試吓，同事就叫咗羊脾飯同羊脾麵，我就叫咗幹窩肥腸牛肉飯，送到黎一望。個黃黃黃地個幹窩完全無炒嘅樣，同網上相片完全兩回事，係水煮嘅樣子，我真係孤陋寡聞，第一次食啲豬腸白色，完全冇鹵過，好難難接受牛肉好韌，絕對係水嘅味道加花椒油，仲要冇煲滾過種。最後，真係覺得水嘅味道太難食，食咗幾啖食唔落至於送嘅飲品，真的高估左佢，以為竹蓆茅根水之類，原來係清茶😂 個茶清清地咁味道…Read More

約朋友相聚，見這店的漢堡賣相吸引就去試一試。星期六下午兩點到，差不多滿坐，也會不停反枱，但不用等位，用餐90分鐘時限，不過如果無人等位也不會趕你走這點值得讚！我們點了1個all day breakfast, 2個漢堡，賣相都很吸引🤩見別人叫的春雞、意粉也很吸引，特別春雞很香這個全日早餐較特別是有waffle ，烹調也有誠意，有烤煎過，但原來all day breakfast貴過漢堡薯條不過朋友話好好味，好味就值小龍蝦漢堡，小龍蝦份糧也不少，還有跌落碟上，漢堡不乾不會死實，薯條也好吃另外，牛肉漢堡，内有煙肉🥓脆脆好香好吃，跟Breakfast的煙肉不同煮法，但兩款都好味不肥膩也不會很鹹除煙肉還有炸洋蔥圈、我最欣賞漢堡包的醬汁，有點似燒烤醬有點特別又熟悉的味道，無論包，配菜、醬汁、肉都十分合我口味。 這店是近年少有的價錢、賣相、味道、環境桌面寬敞、服務都十分到位讚。 至於飲品不過不失，我點了少甜，也做到少甜🙆🏻‍♀️。這少少要求很多店都做不到🤦🏻‍♀️可能我去過太多價貴味道服務差/價錢與食物質素不乎的食肆啦，所以這間店十分推薦。…Read More

榮式雞扒一向無論豬雞藕都好香好好味。今日特登出去葵芳再食，點知一上枱完全聞唔到香味，雞扒完全無煎烤感，有烤燶的部分係香，但另一半無煎烤透的皮韌，都無榮式雞嘅風味，再加上無晒黑椒香藕餅更加無煎香味，普通極。 最失望係佢蔥油同菜莆，真太差了，蔥油仲有好重生蔥味，唔知係無洗定無用熟熱油整菜莆照計都唔會太差，唔信唔信食咗幾啖，真係試真咗，真係唔掂！個飯就更加，應該無洗米，好大陣糠糠地嘅味。至於凍檸茶，我要少甜佢都做得到真正少甜，但係佢就無茶味，似放枱過啲位位有嘅茶囉，幸好我唔係要茶味人，比水有味啲，所以還可以。以往都坐滿人，星期六約2點到一半人都無。我真係好鍾意榮式雞藕，唔知係咪正式師傅放假呢？ 希望呢間店會改善下，唔想見佢執笠呢。唯一可讚係收銀姐姐，我杠想食下午茶餐，但無藕餅，我叫返正督，佢特意走黎問清楚我個order…Read More

我一向唔好甜品，但食過呢個疏乎厘pancake後，甜點呢個係我嘅選擇之一。疫情後仲生存嘅店，理應係較有實力，但事實係相反，好多店都難食，之前都試過其他pancake，真係難食，今次去返flipper，呢間舖細細，好大機會都要等位，但佢係無令我失望，佢不時有新款可試，pancake味道都keep到好味，好fresh嘅香甜，又唔會有旦腥味，不論味道同鬆軟度都係好好 可能食過好差難食，再返佢呢個品牌，覺得好正。就連飲甜道適中， 我不好甜（糖嘅死甜），但又喜歡食朱古力我，佢嘅朱古力雪巴好啱我，雖然都係用朱古力醬沖，但佢做出黎就係有唔同嘅味道，不係死甜過種。…Read More

新開見門面廣告寫韓食、燒烤寫睇，就去試試，食個午餐，店舖很大，有大圓枱一張。一睇menu都唔平，飯類$54起唔包飲品，很多人都只睇餐牌無入。我見韓食附近無，餐牌相唔差，就試吓啦先上枱炸豬手大碗飯，佢都有石鍋飯，都係同一價同一類，但石鍋飯的睇落少啲配菜，同韓式石鍋飯好唔似，與餐牌不乎。 但大碗飯又似樣返啲，豬手都脆，不過不失的，都可一試。韓式石鍋牛肉飯，頂，完全唔係餐牌個樣，同吉野家只得肥我洋蔥加一片泡菜，成$72，味道還可以，但絕對不值呢個價，加上佢話韓式就根本唔係，去對面食吉野家仲好過佢。肉骨茶米線，上枱有淡淡肉骨茶味，但米線同餸就好淡味，係好大碗，但$6x，不值沙爹雜牛米線都幾香沙爹汁味，但就係似李錦現成的，無特別風味，呢個叫做較好味，都算不過不失，就係貴本來睇餐牌都覺得多嘢食，豐富，但原來相片同真實完全係2回事貪新鮮不防一試，但千萬不要叫韓式飯，同馬來西亞野，絕對會後悔。$70-80我會去對面沙爹王食囉加$8叫凍檸茶，茶底擺明係平時放枱嘅淡茶，無茶味，檸檬都算多，不過麥記好過佢…Read More