tommygun123's Profile

我哋包房食晚飯，負責處理預約點菜的員工服務態度很好，會按我哋嘅人數推介點餐嘅份量，今時今日香港有咁嘅服務比較少有，值得一讚。食物普遍嘅質素都幾好，唯獨是非常唔建議大家點荷葉籠仔蒸龍蝦飯($1196)，隻龍蝦話係波士頓龍蝦，size細，無咩肉，感覺呃秤。用餐期間冇乜服務，亦都冇人入嚟Social吓問吓啲嘢食好唔好食，呢一點有啲意外。其實食客觀察到好多嘢，如果淨係湊熟客或者抱住你黎就黎唔嚟就算嘅心態，好快都冇乜人會再嚟。…Read More

星期六一早起身，諗緊食乜嘢好，於是又想OpenRice搵一搵附近有咩早餐好食，今日想食少少類似all day breakfast嘅嘢，所以我哋好快就鎖定左呢間餐廳。呢間餐廳喺西營盤地鐵站B1出口一出就望到，面大概坐到20幾人。佢會先比一個餐牌我哋睇，點餐需要出去counter位。我哋最後每人點左一個餐。價錢都係正常西式Cafe早餐價佢哋嘅食物普遍份量偏大，如果細食嘅朋友不妨同朋友share一份，另外再嗌一杯嘢飲。…Read More

今天放假，和老婆去了數碼港行左一轉，行到咁上下有少少肚餓，即刻上openrice 揾下有咩好食，最後決定搭58號小巴去堅尼地城食呢間Pici。之前都同老婆試過上環間餐廳，環境同食物質素我地都好滿意，一於試下呢間堅尼地城分店喇～去到門口，講低我地電話號碼，佢已經知道我叫咩名，可能係之前喺上環嗰間食過佢有儲低啲資料。我地點左個Weekend lunch set，每位人頭HK＄248， 包二個starter、三個意粉同埋一個dessert。有某啲starter/ pasta要加多少少錢，譬如我哋一致讚賞嘅Tagliolini Truffle就要另外加$25。跟住我地咁啱又坐喺望位廚房嘅bar 枱，可以透過大玻璃望到入面煮食嘅情況，我見依家越黎越多餐廳都興呢種方式，一黎可以畀你知道成個煮食過程，同時間你對食物衛生都放心好多，所以我係幾鍾意呢種setting。呢餐食老婆大概講左10次好味，所以應該真係好好味。間餐廳無收＋1服務費，小費係酌量自己畀。啲waiter waitress 都經常性行埋黎問你 is the pasta good (當然未必個個都咁鍾意)，好禮貌之餘又咁好食，咁最後我地都有畀小費鼓勵一下～…Read More