伯伯胖's Profile

和牛一直都係香港嚮往嘅美食， 旺角又係青年人最鍾意去呢開嘅地方，當知道開左間新嘢之後就忍唔到口去試下~雖然和牛超市都有得賣 但係又唔識分邊啲好邊啲唔好  又會怕買得唔抵  聽到好多人介紹呢間既和牛好食之後，就忍唔住搵日放工黎試下坐左埋位之後，餐廳好貼心咁放低一張紙圍裙畀我哋，咁我地就唔洗燒和牛個時燻到成件衫都係 同埋食野論盡整污糟啦，呢D細心令人覺得好貼心唔好淨係睇相，其實一個套餐都幾大份，兩個人最後都要漲住個肚咁走～三點漬物作為開胃前菜，酸酸辣辣，係食和肉之前既開胃菜黎得岩岩好泡菜和牛炒飯 配上兩碗鰻魚飯， 和牛炒飯有好濃沃嘅和牛味  之後加咗泡菜就會有一種新鮮的感覺，些許的辣味反而唔會有油膩感，更加開胃牛油果蟹籽沙律  配上一隻原隻蟹鉗，一啖蟹肉一啖沙律，大大提升牛油果沙津既鮮味，平時做開食肉獸既我，都忍唔住扒晒成盤走刺身盛 除左燒肉之外，套餐會奉上一份刺身拼盤，魚腩同大蝦刺身切得厚身十分，同燒熟左既和牛一熱一凍對比，好大對比同時兩者都係充滿油香味，令人想像唔到原來兩者可以咁夾燒肉拼盤拼盤上面每款牛肉都會有一個牌仔標記 方便大家知道自己鍾意食邊種之後 如果你真係想要再食多啲既話 亦都可以揀番黎落ORDER講返和牛，一如坊間所講，入口即融，非常軟淋，令人一試再試大家仲可以配上套餐提供的蔬菜，包裹住肉片黎食，會黎得更有清新感和牛牛肉腸如果平時大家都鐘意食腸既話，就更加唔可以錯過和牛牛肉腸啦，將和牛包係腸衣入面，令和牛多左份煙軔口感，大家仲可以特登燒奈D，增加和牛腸既焦香…Read More

每逢放假都行開旺角，買嘢購物放鬆，食嚟食去都係嗰幾間，大家又有冇諗過喺登打士街個頭，原來仲有一棟兆萬中心開滿曬好多大家平時冇留意嘅餐廳呢？  大家都淨係識聚焦喺對面街嘅小食當中，如果唔係朋友介紹都唔知，有一間咁出色嘅自助火鍋。  最鍾意佢嘅地方就係可以有唔同嘅套餐揀 ，可以揀食椰子雞又得食雞煲亦都得，正式嘅一煲幾食~  例牌嘅大家都係用紙落單啦，除咗大家平時喺自助火鍋食開嘅肥牛、各式丸類 等等之外 仲加咗好多平時冇食開嘅食材 ：章魚腳、牛展……啱曬唔同人嘅口味。  如果覺得唔夠喉？仲可以upgrade令到你呢餐更加豐富；  首先第一樣要講嘅就係可以加任食刺身，三文魚故之然係例牌啦，呢度仲有好多平時自助餐冇嘅油甘魚馬刀貝等等刺身 ，成餐自助火鍋當堂豐富曬，仲抵過食放題！  如果覺得仲未夠，仲可以加一個海鮮拼盤。 大家可以喺相片中睇到，有手掌咁大嘅龍蝦、 各式海鮮例如 ：鮑魚、生蠔、翡翠螺、珊瑚蚌等等等等……大家仲可以試下做大廚諗下點樣去處理呢啲高級食材~  食飽咗之後 ，仲有好幾款雪糕甜品畀你食添。我最鍾意嘅就係平時冇乜點見嘅榴槤雪條~~幫你難得嘅假期做一個完美作結。 …Read More

係旺角早已經出晒名O既樂天大喜屋, 每次經過都見到商場大排長龍。為左一試, 特登早D去排隊, 果不其然, 好快就已經人山人海, 慶幸自己有早著先機一如以往, 放題都有唔少O既壽司 刺身選擇。幸好樂天O既壽司亦冇令人失望,  鰻魚壽司, 各式刺身, 乃至炸蝦卷 軟殼蟹手卷, 都係新鮮整起, 魚生鮮甜, 即叫即整O既炸物, 亦極之誘人。份量黎講, 都係一口至兩口, 適合晒我呢D眼闊O既人, 每樣都可以柯打, 一口氣滿足晒自己O既食慾。日式食物方面固之然有好多O既選擇, 而放題仲有個吸引之處就係可以自己自由配搭, 平時好貴先食到O既海膽手卷除左可以任食之外, 如果略嫌單調O既話, 加塊刺身上去, 即刻又係另一個口味而令我喜出望外O既係, 日式放題竟然有中菜揀 – 鮑汁炆花膠。塊花膠又厚又大, 有咬口之餘配搭起濃郁O既鮑汁, 不知不覺就食左好幾碗走。芝士焗大蝦都係一個推介之選, 有成隻手掌咁長O既大蝦, 鋪上芝士同其他配料再去燒, 香口又彈牙。雖然有D膩, 但如果好似我咁好胃口O既, 食返兩三隻都抵晒啦。講到飲品, 再唔係一般O既可口可樂, 多左好多新O既選擇, 個人偏好桃汁, 黎得O既不妨試一試。食完正餐, 都要黎個甜品做個完美句號, 喱度有成個雪櫃O既Haagan Diaz, 至於味道唔洗多講都知好食, 出面賣都唔平架, 食多幾個都好快回返水。另外, 仲有店入面自備O既雪糕機, 加上其他雪糕配料, 可以自己整個自己獨有口味O既雪糕添。…Read More

完左假期, 出街食飯就冇咁多人排隊, 可以同朋友一齊出街食飯吹水。聽到人地介紹八鍋, 而且台式火鍋係香港平時又冇乜見開幾間, 就膽粗粗去試一試。未入去就見到好多少男少女係門口排，好彩同朋友傾一陣計就入得座款式有唔少嘅選擇，相比起平時食開嘅任食邊爐有多啲新口味﹑菜式。除此之外,  湯底都好吸引！我就試左個香蒜牛肉鍋, 估唔到會咁特別奶白色嘅湯底, 令我諗起係日本食嘅蒜蓉豬骨湯, 有好香嘅蒜味，配搭起牛肉，食落香口好多。以後除左豉油加蔥配牛肉，仲有多個新選擇。每人會分配一個小鍋，大家可以揀自己鐘意嘅味道，可以一次試好多種，仲唔怕成班人爭食，食得休閒好多。望落個鍋好似好淺咁，開頭都怕食唔飽，之後發覺冇睇清楚，會每鍋配一碗白飯，最後仲食淨少少。不過，如果真係唔夠飽，都可以加菜式，唔洗叫個鍋新。另外，仲有台式飲品柯打，成餐以台式食品作結。雖然間嘢要行遠少少, 但係值得去試一試!…Read More

韓烤近年好興，要搵間抵食質素好就唔係間間都係，睇雜誌介紹話旺角有間值得推介嘅，無乜主意嘅我就上黎八下見到價錢唔貴，夜晚9點半後入座仲全單七折，甘就真係超抵 ，甘就入去幫襯 入到去都已經好多人，放底個袋就去拎野飲，佢飲品款式都幾多。。冬瓜茶、荔枝茶，呢d我真係第一次見 肉類方面，餐廳好認真的準備，無論係豬、牛、羊、雞，佢地都會事先醃好 yummy ，烤好入口會吃得更滋味，不像坊間一些烤肉店，解凍切好就算。。個人推介牛柳粒、雪花牛仔肉，牛味香濃之餘，雪花牛仔肉嘅油脂分布均勻，即烤即食更香而肉味濃，簡直大飽口福 雞翼也值得推介，好似好普通的菜式，但其美味就係在佢嘅醃料，餐廳仲細心得幫你拆肉，等顧客易烤之餘，讓雞肉醃得更入味 ,令人回味最令人覺得回本嘅係。。。佢可以燒埋海鮮 ，有 大蝦、帶子、扇貝、咖哩魷魚鬚！魷魚圈、青口、生蠔。。。。大蝦真係要多食幾隻，不但大隻有肉，烤完其鮮味不減，肉質爽口彈牙，韓烤質素認真加分不少仲有扇貝、生蠔都好大隻肥美，烤後食落一d都唔腥整體來說，真係抵食，9點半後入座仲全單七折，飲品任飲，肉類會加醃料醃好，還有海鮮。。。食物質素好之餘，服務也周到，上菜快，無漏過單，又值得加分 …Read More

近排放假同屋企人出銅鑼灣玩，經朋友推介一樓咖啡室, 所以就難得盡興下, 過個開心假期。等左一陣就有位, 入到去就見到好靚O既夜景, 仲係被安排坐係窗邊, 可以一邊食自助餐, 一邊睇夜景, 個聚餐立即變得好夢幻。講到食物方面, 首先, 呢度有好多唔同O既海鮮選擇, 魚蝦蟹之外, 仲有翡翠螺同生蠔, 樣樣都又大又彈牙, 對於獨愛食海鮮O既人係一大福音。而最吸引我O既就係個冬陰功大蝦, 有成隻手掌咁大, 可以做到啖啖肉, 食得好暢快。最估唔到O既係, 冬陰功個味同蝦肉相當夾, 香辣之餘仲帶到蝦肉O既鮮味出黎。除此之外, 呢度仲有好多唔同類型O既熟食揀, 中菜, 日本菜以至印度菜都有得食。最貼心O既就係中菜方面, 例如蟹粥, 可以揀一D細O既容器, 就唔洗一次食一大煲, 仲有胃口試其他美食。另外, 隔離可以揀到平時自助餐唔多見O既乳豬, 外脆內嫩, 雖然好快就會畀人搶哂, 但係好在酒店方面會好快就會烤一隻出黎, 一黎唔會得個望字, 仲可以食到新鮮烤出黎O既乳豬。至於甜品方面, 就真係琳瑯滿目, 有好多款式O既甜品羅列係面前, 每樣都好精緻, 會令人忍唔住一試再試。傳統O既有一般O既雪糕, 紅豆甜點, 另外仲有一D特別O既口味可以一試, 例如四川麻辣, 三重黑森林雪糕, 畀我試到平時買唔到O既口味, 都係一個令我印象深刻O既地方!…Read More

黎到銅鑼灣玩, 間間餐廳價都咁上下, 唔洗左度右度, 揀間任食都係唔錯O既選擇，媽咪請食，當然係豪食係最時間仲早，食5點半果轉就最好，人少d，食得舒服d，去到。。。原來未開始都已經有人龍, 好彩唔洗等好奈就有得入飲品櫃多大又多，款式仲要好多，岩哂我地成家飲唔同既口味好新鮮O既地方係, 極尚有個好大O既自助吧，有唔同種類O既前菜俾你醫下肚先, 傳統O既有螺肉, 特別O既仲有醉雞翼，雞翼酒味唔會過濃，清香香得黎，d肉好滑。最值得推介O既就係泰式鳳爪, 甜甜酸酸, 去埋骨, 方便入口又開胃。當然唔例外, 黎得食放題, 梗係要叫刺身黎食先抵。好好O既係, 份量唔會因為叫得多而畀少D, 而且樣樣都好新鮮, 好鮮甜, 性價比高。尤其係大蝦, 有成隻碟咁長, 好爽口鮮甜，好滿足。其餘種類都有好多野揀, 各式串燒, 鍋物等等。香草燒帆立貝就係一個幾好O既選擇, 一份份量唔會過多，又岩我地一圍枱分享，一口size又厚肉，帆立貝表面香香的又唔韌。燒物仲有鰻魚粒，鰻魚粒大粒，厚肉，醬汁帶點甜，但不會過咸，燒到表面少少脆身又香口甜品方面, 有成個櫃畀你揀之餘, 仲可以自己唧雪糕, 有埋乳酪雪糕，再揀自己鐘意O既配料配, 係一個好抵玩O既體驗! 甜品都有新款o既馬卡龍同紫薯撻，個人幾中意紫薯撻，紫薯味香濃，撻皮不會過硬太厚，雖然係甜品，但不會太甜整體食物不錯，服務仲好好，侍應不時同你換碟，收野…Read More

聖誕節同女朋友去撐枱腳，經朋友介紹，黎左呢間有情調，聖誕氣氛嘅西餐廳撐枱腳門面不錯的，有哂聖誕裝飾，入到去餐廳，雖然地方唔大，但裝潢得幾精緻，氣氛相當不錯餐廳門外仲有2人枱提供，雖然係為一些吸煙人士而設嘅餐桌，但兩個人響出面坐下，傾下偈，別有一番情調😍點左 意式蕃茄茸海鮮意大利飯 主菜上枱時，食物已經擺得精緻，食落蕃茄味好濃郁，但唔會過份酸，汁跟飯的份量配搭岩岩好，海鮮好多，魷魚，大蝦，煙三文魚，青口…各款都有～ 好足料😃😃😃餐後仲點左 藍莓芝士蛋糕 芝士蛋糕香濃幼滑，加上面上藍莓都幾足，果醬酸甜配上忌廉芝士嘅香滑，令人回味😍最重要餅底唔太硬，可以芝士同餅底一齊食，感受其滋味😋今次朋友介紹的確不錯，餐廳環境食物都ok～ 下次會再來…Read More

放工之後, 同一班朋友一齊到觀塘食好O野, 見到推介呢間放題就入去睇下。入到去就見到人山人海, 裝潢比人感覺乾淨醒神, 好有高級餐廳O既感覺, 而好好好彩O既係等一陣就有位啦。刺身O既選擇有好多, 螺, 油甘魚等等, 全部都好鮮甜。而且我最鐘意O既係魚生全部都係厚切O既, 唔會太薄而冇哂口感。壽司同卷物都整得好靚, 好多唔同款式O既壽司都有提供, 壽司細細份, 試到唔同口味又不至於太飽, 可以食多幾ROUND。小菜卷物方面, 我特別鐘意食海鮮, 而魷魚就係我O既至愛。呢度O既炒魷魚鬚雖然有少少辣, 但係就好脆口, 好好味。另外O既串燒都係唔錯O既選擇, 尤其係日式蕃薯, 細細粒但係好甜好腍, 好似食緊甜品咁。 煮物都有好多野揀, 牛肉壽喜燒鍋就足料, 無論牛肉定素菜都唔會太失衡, 非常惹味。成晚我最滿意O既就係蟹粥, 除左O的粥好綿之外, 仲用左一隻蟹黎煲, 好難得而且仲好好味。甜品方面, 餐廳用左細器皿, 所以大家可以淺嘗即止, 唔會好快膩。但係我覺得甜品O既曲奇木糠布甸就好好味, 入口即化, 唔小心仲叫左幾次黎食。…Read More

本人一向喜愛濃味東西, 一直致力找尋M記以外的漢堡皇, 今日同朋友行開卧虎藏龍的深水埗, 係黃金附近條食街不遠處見到有burger的縱影, 點都要試試啦burgerman用左美式風格呈獻, 我同朋友二人行揀左音響下的位置坐, 一黎想聽下佢的pop music, 二黎唔想太高調坐出面, 然而眼見餐廳貼心地安排好哂用餐手套同紙巾, 睇黎預你食完繼續會行街想食客食得舒服又無手尾, 服務認真周到貼心!!  根據唔好食從來唔入我口的原則, 我梗係揀左最強的鵝肝漢堡啦! 因為即叫即做的關係, 等左十分鐘左右巨型漢堡上桌, 我一D都無誇張, 個漢堡好巨型, 其實食一個就會夠飽, 所以做中午餐係唔會太少!漢堡飽面上加左無花果汁令到成個飽不致於太油膩 鵝肝真係好滑好香, 同個醬味道一致而塾底的就係新鮮蔬菜同牛肉, 不愧係皇者推介, 好創新同將高級食材平民化正呀!!!然後我順勢點個水牛城雞翼試下, 雞翼炸得皮脆肉滑, 最精彩係醬汁酸酸甜甜令到雞翼味道極之豐富好爽呀!! 再加上鋪頭有幾種tea俾客人揀, 食完雞翼飲個tea 比起汽水更合襯…Read More

早排係旺角參加完活動之後, 諗住趁屋企人唔係度就放膽食少少高卡路里O既野食, 又見到HOT.COM有好多人排隊, 心諗應該會好好食, 就買一杯O黎試試。平時唔多鐘意花時間上黎批評人地, 但係今次O既結果真係差強人意!我就叫左杯蜂蜜芥末配脆口薯條炸花枝丸, 首先杯O的醬冇乜蜂蜜O既甜味, 而且我仲覺得同薯條好唔夾。脆口薯條我會覺得係"硬口"薯條, 仲要冇乜薯仔味。同時, 炸花枝丸炸得好老, 食落完全唔係我以前食完其他花枝丸O既口感。…Read More

雖然之前食過唔少好食O既放題, 但係自己都係不斷想試新O野, 想發掘更多更好食O既餐廳。而今次幫朋友慶生就去左就近O既旺角放題(因為可以係指定時間內任食任坐, 就算大聲少少都冇乜所謂, 係一個gathering O既好地方), 食過之後, 覺得唔錯, 值得上O黎推介一下。講到放題, 就一定要食一食刺身, 呢間放題好就好在刺身夠新鮮。 平時我唔係好食鮮帶子, 覺得冇味又軟身得太犀利, 但係呢度O既帶子刺身就好鮮好大仔, 口感足, 比到我一個好好O既體驗。當然, 仲有好多其他唔同款O既刺身都好正, 例如象拔蚌等等...壽司手卷都有好多O野揀, 例如龍蝦沙律手卷呢O的平時就冇得係元X食到, 都係一O的新鮮O野可以試下, 味道上亦都唔錯。而且見到壽司都好肥美, 我就會特別推薦卷物類, 多O野揀之餘, 我尤其鐘意佢O的醬汁。難得任飲任食, 當然要食盡佢, 就算熱氣都要試下O的炸物! 新鮮炸出黎O既天婦羅, 雖然好燙口, 但係加上甜椰椰O既蕃薯/ 爽口O既蝦, 生粒痱之都試呀。而我覺得最值得推介O既地方就係大滿喜O既燒物小菜, 款式花多眼亂, 羊鞍, 豬手......唔同類型O既野食都有, 同一大班人黎食, 唔洗個個都爭住食, 每個人都可以叫少少然後SHARE黎食, 咁就可以試到好多O野而又唔會食得太飽, 食唔落其他野。大體上, 味道都好好食, 例如炒牛柳粒就好嫩口, 燒羊鞍又唔會有羶味等等。…Read More

近年有唔少了解到工廈o既好處, 紛紛到工廈開辦自己o既事業, 而令到工廈有唔少令人期待o既寶藏待人發掘, 而三姐正正係其中之一。係觀塘出口行唔超過五分鐘就可以見到官塘工業中心, 搭到四樓就係三姐啦, 就地理位置黎講都相當就腳。入到去, 會發覺到工廈o既餐廳都可以做到幾出色, 店內乾淨企理, 部分枱更有簾分隔開, 私隱度提升左唔少。餐廳外面仲有個貼心o既好地方, 可以吸煙同嘈吵, 方便o的有唔同習慣o既朋友一齊gathering。而入黎個時仲見到唔少水耕植物, 而呢o的水耕菜仲會揀黎入饌, 會覺得特別與別不同。首先就有芝麻醬配有機蔬菜, 作為前菜黎講, 好岩我胃口, 除左爽口之外, 因為之後會食比較濃味o既菜式, 所以食o的清淡o既清新口腔都係一個細心o既舉動。(當然, 加左芝麻醬之後, 唔會寡得太犀利)好快就黎左盅螺頭湯, 盅湯好多料好豐富, 又有螺頭又有豬肉, 而最重要o既係o的湯好鮮好甜, 試得出熬左好奈!而到到主菜, 係我最鐘意o既部分, 東星斑兩食, 前一道係用黑松露醬炒, 而另一道就係先炸完再用明梅醬煮。兩道菜都將條魚煮到好嫩滑, 前者黑松露醬唔會搶左魚o既鮮味, 仲加左紅椒蜜糖豆等等豐富視覺同味覺; 而後者, 甜甜酸酸o既味道加上外脆內軟o既魚肉, 幾乎半盤魚都係我清走!而糖心黑蒜炒飯, 我最鐘意佢o既地方係炒得夠乾身, 唔會食落成口油, 正正反映左師傳o既技術。加上, 黑蒜同其他配料令到每一啖飯都好香口, 配埋其他小菜, 真係好滿足。(而且市面上, 好少人拎黑蒜黎做炒飯, 淨係為左試新o野都諗得過)最後收尾O既係炸芋圓, 將紫芋同紫薯包裹再炸。咬左一啖, 入面o既芋﹑ 薯分開一層層, 食落去又甜又香, 而且食完都唔會覺得膩正如紙上冇油漬一樣, 令原本唔太好甜品o既我都忍唔住食多幾粒。食完之後, 我會覺得我畀o既錢係物超所值!…Read More

以往係香港有好多間O既日之船而家愈黎愈少見, 而家比較方便去到O既就得返旺角呢間。由細就有幫襯開O既我就近排特登去食一食, 回味一下。價錢上, 呢幾年物價係咁升, 而家升到$20一盒(6粒), 都尚可接受。但係味道上我覺得比一般香港普通食肆黎得好食得多。粒粒燒好O既八爪魚, 會加上燒汁﹑ 沙津醬同柴魚片, 可以自己決定加唔加芥末醬, 覺得唔夠都可以叫職員幫你加少少。甜甜地O既燒汁幫八爪魚丸加左唔少分, 八爪魚丸入面仲包有少少菜, 脆口o既菜令到八爪魚丸加多一層口感, 唔會只係食到粉同八爪魚。可以睇到, 八爪魚丸入面O既八爪魚都好大粒, 食落去好有口感好彈牙, 比一般街邊O既店鋪抵食得多。但係唔好O既地方就係近馬路同門口對出有垃圾筒, 同食肆唔係好夾, 拎完就好走啦。…Read More

早日到旺角行街, 聽朋友推介朗豪坊既大瀛喜質素唔錯, 所以就特登去試一試。我大概係五點多到達, 已經有唔少人入左場, 場內好墟冚, 睇得出好受歡迎。叫O野食個時, 係刺身方面, 師傅唔會就住就住, 一黎就係一盤好擺得好靚O既刺身拼盤。樣樣都鮮甜﹐而我就最鐘意珍寶赤海蝦刺身, 平時係其他放題冇得試到咁大隻O既蝦, 口感仲比一般O既甜蝦正唔少!除左刺身之外, 壽司都係值得推介O既地方, 除左平時成日都食到O既蟹棒﹑玉子壽司之外, 仲有好多特色壽司例如黑松露三文魚壽司﹑泰式鳳尾蝦壽司等等。而我就會推介京蔥煙三文魚壽司, 比平時O既三文魚壽司多一屠蔥香, 味道豐富左好多!難得黎到, 當然乜都要試下, 燒物同炸物都唔差架。燒物方面, 最令我印象深刻O既就係燒牛仔骨, 因為除左肉夠腍夠多汁之前, 大瀛喜用左柚子汁煮, 所以食完都唔會覺得好膩而食唔到其他野。而炸物方面, 真心好多特色O野, 以往係其他地方只係有蕃薯, 蟹柳, 但係大瀛喜仲有埋鮑魚同瀨尿蝦天婦羅(仲未計生蠔, 魷魚圈等等), 花多眼亂, 令到我極之滿足!講到飲品, 有好多選擇, 唔怕剩係飲汽水飲到悶, 令到個口得返O的藥水味。食完之後, 當然唔少得O既就係甜品啦。個人特別鐘意芒果甜品, 而大瀛喜就有芒果燸米滋同楊枝甘露, 芒果又甜又大粒, 為今餐畫上完美句號。另外, 唔可以唔讚一讚員工服務, 一般放題都係自己將O的殘骸放到食完O既刺身盤上面, 但係今次估唔到O既係侍應會自動自覺咁過黎幫你換碟, 枱面不至於屍骸遍野。…Read More