星期六午飯時間去左D2揾食，我企喺呢間餐廳門口睇緊餐牌，有個戴圓框眼鏡嘅阿姐走出嚟勁sell我：呢個套餐85折，送埋嘢飲架！-我望一望個門口個餐牌，有張紙癡左喺度，寫住”X5折”，再望下啲餐，有個$82嘅海鮮炒月光河餐，反正85折，折都係$70幾蚊啫，個阿姐又係咁話85折咋！！！於是就戇居居入左去。-埋單俾錢，收我$86？我望清楚個餐牌，個餐明明$82呀，有乜理由折完仲貴左？於是睇清楚啲，原來係95折，唔係85折！！！哇，真係天大嘅騙局，揾個阿姐出嚟係咁sell 85折，點知跟餐牌收95折，再以餐牌為依據，令你冇得唔俾。-但係就算95折，都冇理由折完仲貴左架？我再望下，張寫住”95折”嘅紙隔離有另一張紙喎，上面幾個紅色大字寫住”免收加一”，再望真啲，前面完來有幾隻細字：”星期一至四”原來個餐牌右下角有行螞蟻咁大隻字寫”另收加一服務費”-成件事就係：1） 佢做緊95折優惠，但揾人出嚟講係85折，以聽覺誤導視覺。2） 星期六都貼張”星期一至四免收加一”嘅紙出嚟，等你以為好抵，但”星期一至四”隻字又細又唔顯眼3） 加完一再95折，無論如何都係貴過餐牌上嘅價錢4） 個餐本身就包嘢飲，個阿姐講到話係送嘅，哈哈-大佬，我寧願你唔好俾折啦，又想賺錢，又想吸客，出埋哂啲嗱咋招。你隔離嗰兩間台灣嘢都冇收加一啦，人地打開門口做生意老老實實，冇優惠但係派coupon吸引回頭客，咪好囉。啲人成日話大陸好多騙案，裝假狗，呢間香港嘅餐廳好聽啲叫走精面，唔好聽就係自損誠信。-咁佢又冇犯法嘅，我衰心急囉，冇睇清楚，做左豬仔，冇下次。-嘢食一般般，冇驚喜冇失望。-太嬲唔記得影當日嘅餐牌，只有個餐嘅相…Read More
