gourmethereinhk's Profile

最近都鍾意同朋友食串燒，唔使食咁多之餘，仲可以慢慢傾偈慢慢食～-今次搵到嚟中環嘉咸街呢間居酒屋，見啲人主力推薦串燒，又貪佢係中環可以收工過嚟食近近哋，價錢係中環嚟講又唔算貴，就happy Friday過嚟試吓～-叫咗兩款前菜試一試，梅子蕃茄（$58）有淡淡的梅子味，蕃茄仲好甜，食完之後好開胃👍🏻而雞皮餃子（$60）炸到好脆口，雖然用雞皮包住，但一啲都唔油膩～串燒整體嚟講質素都幾唔錯，食材新鮮，加少少檸檬汁同鹽食就已經夠味，有幾款最主力推薦🤤-✨燒白鱔（$68）好彈牙，白鱔皮燒到好似薯片咁脆✨雞橫膈膜（$35）食落比較煙靭，口感幾特別，但又唔會好似其他內臟咁濃味✨免治雞肉棒（$58）加咗少少紫蘇葉，配埋蛋漿食，味道同口感都好豐富✨帆立貝（$52）好大粒，配埋大阪燒嘅醬汁食好惹味✨牛舌（$68）雖然未去到好厚切，但燒到好軟腍好易咬開，牛味又夠濃✨燒虎蝦（$75）超巨型，加少少柚子鹽食調出蝦嘅鮮味✨九條蔥豚肉卷（$48）✨雞肉大蔥（$38）✨雞皮（$38）呢間居酒屋唔算太大，但燈光好柔和，又坐得舒服，侍應服務同態度都好好，絕對會再encore 👍🏻…Read More

依家串燒店喺筲箕灣開店就已經食，估唔到而家越開越多分店，但係質素依然keep到～而家啲串燒店用嘅調味都太濃味，都好難得搵到啲好食又抵食嘅日式串燒店～-每次嚟都必點幾款串燒✨豚肉荔枝卷（$22） - 荔枝嘅甜解咗豚肉嘅膩，食幾多都唔厭✨三黃雞腿肉（$28） - 用咗最正嘅三黃雞，雞油味超香，仲啖啖肉✨雞皮墨魚滑（$38） - 雞皮超脆，配埋彈牙嘅墨魚滑，好有反差嘅配搭✨鹽燒雞軟骨（$18） - 雞軟骨嘅size比平時嘅大，所以口感更加好✨檸蜜牛油包 （$20） - 麵包索晒啲蜜糖，配埋牛油食超邪惡-另外仲有幾款串燒都好推介🌟鹽燒芥蘭頭 （$16） - 用咗最嫩嘅芥蘭芯，食落冇渣超Juicy🌟豚肉豆苗卷 （$28） - 配豆苗比較少見，最重要食落冇豆苗嘅草青味🌟鹽燒牛舌芯 （$28） - 牛舌未去到好厚切，但都食到牛舌嘅口感同彈牙，呢個價錢超抵食🌟桂花蜂蜜小蕃茄 （$28） - 小蕃茄好甜，我唔鍾意食蕃茄嘅人都食唔停口🌟麻辣蒜蓉茄子 （$38） - 茄子燒到好軟腍，配埋啲蒜蓉超惹味…Read More

呢排天氣開始凍，正式進入秋冬季節，清潤嘅湯水就變得好緊要。平時自己懶得煲，就要出去搵啲好飲嘅湯水滋潤吓，呢間嘅燉湯朋友介紹一定要嚟試～-呢間餐廳主打健康食品，除咗燉湯外，仲有自家秘製滷水，兩個人嚟叫佢嘅二人餐（$188）就最抵食，有齊燉湯同埋滷水食物～-今日我哋就試咗蓮藕花生陳皮排骨湯，同埋姬松茸栗子雞湯。估唔到個排骨湯咁清甜，一啲油膩感都冇，雞湯就有好香濃嘅姬松茸味，栗子加雞夠晒甜～燉湯超足料，所有湯料都燉到好軟腍，真係好似住家煲嘅湯～-滷水豆腐同雞翼都炆得好入味，雞翼仲要炆到好軟腍，一咬就離骨～想食邪惡啲嘅都有炸燒賣揀，燒賣size相對細粒啲，但係炸到外脆內軟，一口一啖夠晒滿足～-坊間都越嚟越多賣湯嘅舖頭，但呢間嘅燉湯飲得出係新鮮燉冇味精，出邊食飯加個燉湯起碼都要$6-70，呢度唔使$100就有齊成個set，性價比超高～…Read More

太子間暖心之作由一開店我就已經有食，佢嘅芝麻軟雪糕冇得頂，好彩佢最近越開越多分店，仲要開到嚟港島區，方便我成日落嚟食🎉 有發哥嘅加持，今年仲要攞到米芝蓮必比登推介，睇怕又要再排耐啲隊啦🤣-佢嘅芝麻係經過九蒸九曬，製作過程繁複，所以食起上嚟亦都特別濃郁，最重要無添加任何防腐劑、添加劑，製作天然，我屋企嘅老人家都成日食～-推薦大家嚟，一定要食黑芝麻軟雪糕（$28），佢嘅雪糕芝麻味超濃，仲要再淋芝麻醬喺表面，每一啖都似係食咗好多芝麻入口咁😝-雪糕濃郁，芝麻糊自然都唔差得去邊，石磨芝麻糊（$30）好幼滑，比起其他甜品舖更加香口～-另外佢嘅芝麻卷都係必食，不過今日太遲去買唔到，建議大家要晏晝去試度～-除咗甜品，佢仲有好多芝麻健康小食，養生五黑芝麻丸同芝麻蜂蜜糕，個蜂蜜糕可以當零食食，食到停唔到口🤤…Read More

天氣凍又係時候打邊爐，Happy Friday 同朋友嚟牛大人食日本A4黑毛和牛火鍋放題豪一豪佢😝-呢期嚟食好抵，個餐仲送澳洲M9和牛牛丸2粒、海鮮拼盤同任食鮑魚～12月2前嚟食晚市揀呢個餐仲即送「江蘇太湖大閘蟹」一隻，蟹膏都唔少嫁～-期間限定有「聰明魷魚沙茶鍋」，湯底夠濃又夾啲邊爐料，完全唔使點豉油，仲可以飲碗湯先至開始打邊爐～-叫得呢個餐，梗係重點喪食日本黑毛和牛A4+啦，油花超靚，食入口油香好重，真係食唔停口～仲有伊比利亞黑毛豬梅肉同鮑魚三吃都一定要食，三款味鮑魚都好腍，同朋友食咗多過10隻😛-呢度嘅小食都超多款，推介蝦蝦霸霸脆多士、夜市撈脆薯同三和夜市雞皮卷，上枱熱辣辣脆卜卜，配埋個特飲芒檸蜜西米爽，好似去咗台灣夜市掃街咁🤤仲有個阿嬷豆乾魚蓉麵都要試呀，用咗香港老字號“永樂粉麵廠”嘅麵，麵質彈牙，豆乾味好香～-食食吓仲有遊戲玩，係兒時回憶「東南西北」🤣中獎會有童年玩具或者牛大人小禮品，我哋今日就中咗個開瓶器✌🏻…Read More

阿爸淨係鍾意食中菜，見呢間酒樓有優惠小菜就過嚟試吓～-佢嘅四大皇牌可以用優惠價$38/$58叫一款都幾抵食，我哋今日就叫咗4隻蒜蓉粉絲蒸元貝（$58），原本屬於中等size，蒸嘅時候啱啱好，配埋啲蒜蓉食勁嘢味～-另外仲有好多抵食孖寶揀，我哋就叫咗一條老虎斑配半隻鹽燒雞（$288），老虎斑蒸到僅僅熟，所以肉質好滑，佢唔算落咗好多熟油，所以啲豉油都冇咁油膩👍🏻-最推介佢嘅炭燒叉燒，$88都唔預佢份量會好大，但點知都有成10嚿厚切叉燒，仲要一路熱住～半肥瘦口感超正，仲可以一路keep住熱食，係成晚嘅MVP😍-屋企人想食清淡啲就嗌多啲菜，叫咗金銀蛋浸菜苗同埋蒜蓉蒸勝瓜，兩款菜嘅調味都唔會太濃，啱晒我哋想食清淡啲～-呢幾日開始凍，都見幾多人叫羊腩煲食，聞落都好香，等下個月再凍啲就嚟試吓先～…Read More

呢間甜品店終於開到嚟港島啦😍最鍾意呢間嘅椰皇蛋白，款式又夠多，餓起上嚟仲可以叫埋熱食😛-✨大推焦糖布甸椰皇燉蛋白，燉蛋白應該用咗椰青水整，食落超清甜，配埋焦糖布甸-✨開心果奶蓋窩夫超大份，開心果味夠濃又唔會太甜，窩夫配埋雪糕一熱一凍超正～-✨榴連忘返用咗D24，榴連蓉加榴連雪糕雙重享受，榴連愛好者必食呀～-🌟熱食都好正，炸燒賣同藤椒麻辣雞翼炸到超脆，雞翼好juicy，燒賣又唔會炸到乾噌噌～咖哩三寶嘅咖哩汁夠辣惹味，配埋豬皮食索哂啲汁，宵夜食真係好邪惡🤣…Read More

香港有串揚嘅餐廳唔多，有質素嘅更加少，搵到九龍城有呢間串揚，又有刺身食，就同朋友嚟試吓～-🌟日本貝類盛合（$268）有赤貝、北寄貝同笠貝，全部食落好有鮮味，最鍾意嗰笠貝，食落口感最爽～-🌟北海道馬糞海膽杯（$298）超有誠意，海膽鋪滿晒成杯，加少少醬油，可以吊出海膽嘅鮮甜～-🌟瑩光魷魚（$88）用醬油漬，口感爽脆，鮮甜帶有海味～-🌟肉盛六品盛合嘅廚師發辦（$328）✨厚切牛舌✨沙律醬豚肉✨明太子豚肉卷✨煙鴨胸配三文魚子✨雞胸肉✨五花腩炸串整體都炸到啱啱好，最正係牛舌，厚切好有咬口～-見佢雞肉好好食，所以追加咗個紫蘇葉雞胸肉（$48），雖然紫蘇葉味道較重，但反而更加食得出雞肉嘅甜味～-肉類串揚就做得好好，所以諗住試埋佢嘅海鮮串揚～鮑魚（$58）食落好腍，唔知係唔係炸之前蒸過嚟～最正係金目鯛（$88），超多油份，魚皮又夠脆，下次嚟一定要encore金目鯛🤤…Read More

有時嚟開鰂魚涌會喺呢間餐廳買咖啡，貪佢近鰂魚涌B出口夠方便～呢度主要供應本地烘焙豆，咖啡香氣唔差，而且每個月都有不同產地的咖啡豆，可以成日試唔同咖啡～-呢度除咗咖啡出名，西日式料理同埋自家製甜品都好多人食，今日就搵埋喺呢頭返工嘅朋友過嚟食晚餐～-估唔到餐廳都趕上最新潮流，有捲捲意粉🤣海蝦龍蝦汁捲捲意粉（$148）嘅意粉啱啱好al dente，因為捲捲所以食落有食韓國麵感覺😝龍蝦汁夠濃掛哂汁上意粉度👍🏻-另外安格斯封門牛柳（$258）份量超大😂比平時其他餐廳食起碼多一倍～牛柳肉靚夠淋，表面有少少焦香~-Tiramisu ($68)同樣大份夠2個人食，cream 嘅質地夠滑同咖啡味香，如果再多少少lady finger 就仲正～-雖然今日食晚餐但都要叫杯Dirty ($46)，奶味會相對重啲，但咖啡味夠重balance返　～蘋果花茶 （$58）蘋果味好香，飯後飲幾消滯～-想抵食啲可以叫晚市套餐，包埋餐湯同熱洋甘菊茶，想食多啲仲可以用優惠價加甜品或小食～…Read More

平時想食西餐又諗唔到去邊，揀Grill Room實冇錯，之前去開銅鑼灣間分店，今日就嚟尖沙咀呢邊～晏啲諗住再去食糖水，所以淨係嗌兩個主菜～-Beef tenderloin ($368)表面煎到乾身焦脆，而肉質又夠腍，Medium煮到啱啱好，配埋mustard sauce食都好正~配菜薯蓉牛油味好香又夠滑身～-Porcini mushroom risotto ($168)煮法比較正宗，有少少硬身～蘑菇味夠香濃都幾Creamy～…Read More

而家啲酒樓點心都冇以前咁好食，反而啲點心店嘅點心仲新鮮抵食～呢間嘅點心encore咗幾次，點心夠晒大件，仲有個蒸籠仔套餐好抵食～-蒸飯套餐基本只係$68 ，已經有個大大份嘅蒸飯，連埋燉湯，加$10仲可以有多份點心，如果一個人嚟食，真係飽到上心口～-今日我就加錢試吓個蒜蓉海蝦飯，再加埋臘腸～海蝦熟透但唔會韌，連埋臘腸嘅油香一齊食好正～最正係個燉湯，平時出去飲燉湯都要幾十蚊一盅，呢度套餐包埋真係超抵，個湯仲要好清甜，完全冇味精味～-點心最好可以叫兩件，兩個人食可以試多啲嘢～呢度啲牛肉球一粒等於平時酒樓食兩粒🤣蝦多士嘅蝦肉份量同件多士一樣大件，蝦肉仲要幾彈牙～-今日同媽咪兩個人share呢個套餐食，再加多三個點心，人均$100已經超級飽～…Read More

今日再次嚟到上環呢間coffee shop嘆咖啡，鍾意呢度有自己style，專注賣black coffee為主，店員又會幫你介紹唔同咖啡豆嘅味道～-Color black 有唔同咖啡豆選擇，唔同顏色代表各款咖啡豆嘅特色同甜度。今日想試酸味重啲嘅咖啡，店員就介紹哥倫比亞咖啡豆～呢款咖啡飲落冇乜苦味，平時怕飲black coffee嘅可以一試~-如果想飲返奶啡嘅話，呢度都有house white可以揀，想食甜品仲可以叫埋muffin～…Read More

北角呢邊屬於舊區，大型商場主要係得港運城同埋比較新嘅北角匯，今日老公揸車怕搵唔到錶位泊，就去咗北角匯搵嘢食～-北角匯呢邊分咗三期，平時去開二期嗰邊食嘢，點知原來三期地舖都有幾間餐廳，今日見呢間泰國菜都幾多人食就入去試吓～-一入座就會上一碟蝦片，食落香口，而且唔係硬脆，好快就俾我清晒😛冷盤就叫咗個泰式酸辣凍鮑魚（$38/隻），size唔算大，但係食落好爽口～-食泰國嘢一定要食串燒同炒菜，今日就試咗雞肉串燒（$108/6串）同埋飛天椰菜苗（$98），串燒燒得夠香而且唔乾，炒椰菜苗夠濃味，配埋冬陰功海鮮炒飯（$128）仲正🤤…Read More

上個月有同事買咗呢間嘅蛋糕做散水餅，覺得味道唔錯，今日去開旺角就買兩件返去俾屋企人食～-呢排中咗開心果毒，見到開心果就想叫😝所以揀咗lemon pistachio mini parfait🥰小小杯裝蛋糕入面有幾層layers，蛋糕同cream嘅比例啱啱好，配合埋啲脆餅口感好豐富，最重要係開心果嘅味道夠濃，一個人食晒成個都唔會覺得漏～-另外black sesame tofu cake入面就有麻糬，芝麻味相對唔算太濃，但就可以食到豆乳嘅甜味～-呢度店面唔大，有部份款式有現貨，可以即場買，但最好上網訂定至落門市攞貨，尤其是想訂嚟做生日蛋糕嘅話～…Read More

呢間burger店喺香港都好多年，burger嘅款式唔算多，但佢就係賣最Classic嘅味道～-雖然呢度嘅burger單買唔算平，但佢都有Combo set，最正係呢度除咗有普通薯條之外，仲有薯寶同埋扭扭薯條😍炸物全部上枱嗰陣熱辣辣，扭扭薯條絕對好食過麥記🤤-Cheeseburger 同Chicken burger齊晒配料，食落口感好豐富，最塊肉夠Juicy同香口🥰-今次仲試埋Cajun wings，食落有少少辣，又炸得夠香脆，食到停唔到口😛…Read More