Yan_PIG's Profile

以為好遠，原來地鐵站落車行一陣就到酒店餐廳，到達酒店大堂之後上一樓就到左今晚我地食半自助餐的地方。地方好乾淨整潔，服務亦都好好，半自助餐相當豐富，先來我地要左香煎鵝肝多士，每人可以享用一客或要半隻龍蝦，香煎鵝肝真係好好味，外脆內軟，入口油香滿瀉，配埋脆多士一齊食口感好好。跟住，再黎飲左一盅燉湯，花旗蔘燉雞湯，個湯火喉十足，第一啖湯已經飲到花旗蔘的甘味，湯品清甜，一人份量岩岩好。之後就開始享用外面的自助餐部分，刺身食左帶子，三文魚同油甘魚，整體味道不錯，最喜歡呢到個油甘魚，魚質爽口略帶油香。令人驚喜仲有蟹腳同生蠔任食，蟹肉紮實鮮甜，生蠔是法國的，但味道卻是最近食過最好食的法國生蠔，生蠔蠔肉爽口，味道具有海水味及甜味。除此之外，都幾受歡迎係巴拿馬火腿，咸咸香香配蜜瓜同食，味道相當夾。自助餐部分食物整體水準很不錯，到了主菜部分，同樣令我們相當滿意，我這個牛魔王當然選牛的菜式，肉眼扒要左7成熟，肉味不錯，最喜歡牛肉入口富肉汁，肉質軟林嫩滑，份量恰好。甜品方面，款式也有不少款的，由於太飽，食唔落太多甜品，云云相中試左幾款，甜品質素較為普通，最不錯係意大利芝士餅。…Read More

我一向都鍾意食泰國菜，上網搵下呢排荃灣有咩好食時，搵到呢間餐廳個風格我幾鍾意，加埋係泰國菜即刻決定要去試下。地點唔難搵，起香車街街市附近，今晚叫左幾樣野食，食完覺得相當唔錯。呢杯係<椰子開心果沙冰 $48>鍾意椰子味的朋友要試下，椰味濃郁，很少見配上開心果呢個組合，開心果點綴了椰子的味道，沙冰打得相當細滑，味道又唔會好甜，甜度恰好，好飲。每次食泰國菜必定會點<泰式蝦餅 (4件) $66>，蝦餅即叫即炸，蝦餅入口相當爽彈，份量十足，厚厚的蝦餅點埋泰式酸甜醬，真係正。<冬蔭公 $98>同樣係我至愛之一，份量2-3人差唔多，入面除左菇類之外，仲有3大隻大頭蝦，肉質紮實，但鮮甜味就一般，冬蔭公湯酸中帶辣，屬中辣程度，個湯好香同好醒胃。最後一樣係<泰式炒飯 $88>，好鍾意個飯炒得粒粒分明，甚有獲氣，味道清清地，炒飯配料係有菜粒，紫洋蔥粒，肉碎。 …Read More

今晚起荃灣食左呢個晚市放題，入座後限時食2小時，平日時間7:30到，已經差不多全場滿座，吸引的地方一個價錢可以任飲任食，刺身，火鍋，甜品，熟食樣樣有，食物是自助為主的，只有少部分食物是下單。牛肩胛肉眼，牛肉不錯，油花不多，以肉味為主。而美國肥牛，脂肪較多，入口較香，肉味相對牛肩胛肉眼無咁濃。海鮮部分，最喜歡是沙白，鮮甜無沙，肉質鮮嫩，另外蠔肉同樣值得食，蠔肉蠔身不算大，但蠔味卻十足。飲品方面，有各式各樣的汽水，紙包飲品，酒，連支裝熱維他奶及花茶都有。由於都食到好飽了，所以甜品部分就淺嘗了少部分，最喜歡是芝麻味的奶凍，同埋自助乳酪，乳酪配料有很多款式。…Read More

今日呢間餐廳是食潮州菜的，沒有富麗堂皇的裝潢，但呢到整體食物都係足料有份量而且好味的，店員服務快手同友善，相信我地好快再黎食過。飯前小食$20，脆魚仔，醃蘿蔔，送粥一流，因為單食有點咸。呢到其實除左潮州菜之外，仲有好多不同的小炒，呢到食物除左多元化，款式同樣非常多。  潮州菜必點之一係滷水鵝$128，滷水鵝潮州出名名物之一，這裡的滷水鵝值得一讚，鵝肉特別嫩滑，滷水充滿香氣但一點也不覺得咸，所以不會蓋過鵝本身的原汁原味。 客家黃酒雞煲 半隻$138 這個黃酒雞邊食邊煲住可以保持熱辣辣，黃酒雞係一個客家傳統菜式，黃酒香的甜醇味入晒落D雞到，湯入面加左杞子，薑，圓肉，紅棗除左個湯好甜之外，呢個湯仲可以袪風驅寒，份量唔少，建議3-4人一齊食。   潮式蠔仔餅$88，蠔仔餅好大個，每一啖蠔餅都食到蠔仔，蠔仔肥美鮮甜，蠔餅絕對要襯熱食，外層酥脆，炸得好好，唔覺得好油膩，好好味。…Read More

青衣區青衣城以外多一個選擇，我地都幾鍾意呢到個環境，地方大之外，服務友善，同餐廳播放的英文音樂好聽，可以輕鬆愉快地享用我們的晚餐，一家人聚會或者拍拖食飯這裡是一個不錯的地方。晚餐由6:00開始到夜晚10:00, 蜆肉蒜香意粉 $78 (跟飲品加湯/沙津，蜆肉蒜香意粉帶點微辣，蜆肉味道比我想像中好，蜆肉味道食到鮮甜味，辣味比蒜香味突出少少，意粉烹飪時間恰到好處，意粉爽口，。另外一個主菜是澳洲肉眼牛扒 12安士 $168，賣相好吸引，色彩繽紛，我地要左7成熟，牛扒富肉汁，牛肉味不錯，肉眼牛扒軟滑，不用點醬汁牛扒已經夠味，配上香脆脆薯角，十分滿足。…Read More

呢到皇牌之一食物有<芝士煎蟹餅>，蛋味很濃，入面有溶左的芝士，洋蔥，菇類，佈滿煎蟹餅上面的是木魚，小蟹鉗令整個賣相生色不少，襯熱食先最香。我個人比較鍾意呢個<西班牙豬手>，驚喜度比煎蟹餅高，一般食呢類型脆豬手食食下會覺得有一種膩的感覺，呢個正正相反，越食越滋味，豬手的皮非常香脆，即使放涼了一陣子，香脆度仍不減，除左豬手本身好食之外，呢個醬汁同配菜相信是靈魂之一，配菜帶酸味，所以很開胃，仲有好多新鮮蔬菜可夾埋豬手食，除左醬汁之外，另外仲可以再加蜜糖一齊食。呢到甜品款式唔少，最吸引我地就係呢個色彩繽紛的<雜果麻糬窩夫>，有好多不同的水果，比較有特別是窩夫入面有麻糬，麻糬口感軟熟，熱的窩夫再同冰凍的雪糕，好食。…Read More

長沙灣億利大廈，最為人熟悉有程班長，原來同程班長同層有間是食墨西哥菜式的小店。牛油果食得多，牛油果奶昔第一次飲，飲第一啖覺得怪怪的，但飲落其實幾好飲，濃郁的牛油果香，質地好滑，味道唔甜，是一個非常健康的奶昔飲品黑松露雜菌蘑菇白汁意粉，意粉掛滿杰度剛好的白汁，相當creamy，白汁跟黑松露的味道好夾，黑松露的香當然係呢個意粉靈魂之一，雜菌蘑菇相當足料，意粉口感爽口，整個配搭非常美味。西冷牛扒鐵板燒配薄餅皮，呢個主菜墨西哥風味出晒黎，用薄餅皮包住牛肉，洋蔥再加入牛油果醬，酸忌廉，同埋蕃茄，味道層次豐富，牛肉嫩滑。…Read More

今日呢間餐廳是食潮州菜的，沒有富麗堂皇的裝潢，但呢到整體食物都係足料有份量而且好味的，店員服務快手同友善，相信我地好快再黎食過。飯前小食$20，脆魚仔，醃蘿蔔，送粥一流，因為單食有點咸。呢到其實除左潮州菜之外，仲有好多不同的小炒，呢到食物除左多元化，款式同樣非常多。潮州菜必點之一有滷水鵝$128，滷水鵝潮州出名名物之一，這裡的滷水鵝值得一讚，鵝肉特別嫩滑，滷水充滿香氣但一點也不覺得咸，所以不會蓋過鵝本身的原汁原味。潮式蠔仔餅$88，蠔仔餅好大個，每一啖蠔餅都食到蠔仔，蠔仔肥美鮮甜，蠔餅絕對要襯熱食，外層酥脆，炸得好好，唔覺得好油膩，好好味。客家黃酒雞煲 半隻$138這個黃酒雞邊食邊煲住可以保持熱辣辣，黃酒雞係一個客家傳統菜式，黃酒香的甜醇味入晒落D雞到，湯入面加左杞子，薑，圓肉，紅棗除左個湯好甜之外，呢個湯仲可以袪風驅寒，份量唔少，建議3-4人一齊食。…Read More

今次去呢間CAFÉ位於旺角金雞商場樓上，第一次黎到第一個感覺呢到都幾舒服寬敞，餐廳以白色梳化做餐椅，坐得好舒服。 晚餐選擇由A-H餐，跟餐飲，另可加$30要埋沙津同甜品。 我地今晚點左<黑松露帶子鮮菌燴意大利飯>，呢到食物份量足，食完覺得夠飽，意大利飯伴隨黑松露的味道，黑松露味道唔算好濃，帶子一粒粒配埋鮮菌一齊食，意大利飯口感不錯。 另一個主菜係<墨西哥香辣肉丸燴意粉>，呢個肉丸意粉我地幾鍾意，主要個醬汁好惹味，香中帶辣，辣度應該算係中辣，意粉爽口，越食越想食。 CAFE飲品選擇當然多，除左有茶類，奶昔類，梳打，咖啡等等，棒子朱古力，頂層有忌廉，飲落好香滑，朱古力味相當濃郁。整體食物不過不失，個人認為呢到地方就腳，餐廳舒服係賣點之一。…Read More

尖沙咀山林道一直走有林林總總的食店，有食火鍋的，有素食的，有咖啡小店等等。 今晚晚餐的餐廳是一間多國菜的西餐廳，這裡的裝潢別樹一格，裝潢花上不少心思，除左餐廳氣氛好之外，食物同樣令人滿意。 餐前麵包配上海鹽牛油，夾著淡淡鹹香與細滑的牛油，簡約又可口。 <泰式燒鮮魷>，鮮魷是一卷卷的，一卷卷的鮮魷口感相當豐富，燒鮮魷唔會整得好乾，泰式的醬汁酸酸辣辣，相當醒胃。 <西班牙海鮮燉飯>是我們整個晚上最喜歡的菜式之一，海鮮燉飯賣相相當吸引，佈滿海鮮，海鮮分別有蜆，青口，鮮魷，大蝦，蟹腳，蜆同青口肉質嫩滑，味道鮮甜，大蝦肉質紮實彈牙，海鮮燉飯其中一個精髓係個湯頭，湯頭濃郁，令到整個飯的鮮味大大提升，是我近期食過的海鮮飯當中最令人回味的！…Read More

我就一向好鍾意食泰國菜，見到呢到有個二人餐款式豐富，所以黎食晚餐，同埋比較難得係呢到地方好大，坐得好舒適。 2人餐價錢係 $288有小食，主菜，甜品同飲品，兩人份量足夠。 前菜泰式酸辣鳳爪，無骨鳳爪酸中帶辣，醃得好入味。 馬來盞炒通菜，馬來盞份量岩岩好，味道唔會覺得咸，馬來盞好香，配通菜味道好夾。 店員一送上枱已經聞到香氣撲鼻，泰式咖哩大蝦 (配香蒜包)，大蝦都幾大隻，肉質好彈同紮實，咖哩是靈魂之一，香而不辣，用蒜蓉包點黎食，好味，我地仲有埋個汁撈炒飯 : ) 海南雞(1/4隻)，海南雞由雞皮到肉一樣咁嫩滑，點左泰式醬汁特別醒胃。 泰式蝦頭油炒飯，個飯重點一讚炒得好乾身，粒粒分明，入面有蝦肉。 泰式甜品係椰青糕，口感同大菜糕好似，椰青糕清清地味道唔甜，作為飯後甜品唔錯。…Read More

以前成日黎深水埗搵食，呢個地方款多，食物又無咁貴，難怪深水埗由朝到晚都咁多人。 好多人都鍾意食番碗牛腩粉麵，今日黎左黃金附近福華街<標記>。 由於我就係無牛不歡，所以我點左新鮮牛三寶撈麵 $58，一碗有齊牛腩，牛肚，牛筋，牛腩爽口軟腍，牛味十足，牛肚真係好少見到有咁厚身，雖然係咁厚，但一D都唔會咬唔開，口感Q彈，正，牛筋炆得好林，味道食完唔會覺得咸，好喜歡食牛筋含豐富膠質，麵質爽口用埋秘製醬撈麵，相當唔錯。…Read More

油麻地地鐵站落車5分鍾到就可以黎到餐廳，地點方便，餐廳入面有個大投影幕可以睇到電視，餐廳午餐時間由11:00-18:00。 午餐有12款可供選擇，我就食左<蜜糖芥末煙肉安格斯牛肉漢堡 $62>，午餐會跟湯同飲品。 今日係忌廉粟米湯，質地好滑，比較特別湯入面加左少少香草，飲落伴有少少香草味，味道唔錯，如果個湯溫度再熱D更好飲。 蜜糖芥末煙肉安格斯牛肉漢堡，相當夠份量，漢堡牛肉味都幾濃，醬汁是蜜糖芥末，加埋入面有生菜同蕃茄，食落好JUICY，煙肉質地唔會整得好硬，保留到煙肉本身個質感，讚! 大大個漢堡配埋薯角，令人相當滿足。 飲品要左抹茶牛奶，除左主菜份量足之外，呢到飲品都好大杯架，抹茶味香，不帶苦澀味，入口細滑，甜度恰好。 整體黎講，環境方面同食物方面同樣令人滿意，而且地點方便，回頭率相當高。…Read More

今日晚餐我地去左尖沙咀<花木>食日本菜，走進餐廳內地方好大，樓底好高，裝潢充滿日式佈置。 呢到的食物種類多不勝數，有前菜，沙津，刺身，壽司，燒物，炸物，火鍋，甜品。 呢到最吸引我想黎食係呢個<特選壽司拼盤>，賣相相當吸引，全部是手握壽司，每一件壽司都好新鮮，牡丹蝦蝦肉鮮甜，蝦肉厚身，極富彈性，蝦味濃郁；赤貝肉質爽甜，爽脆無比；三文魚豐富油香，吞拿魚入口溶化，油脂甘香，留在最後品嚐的是北海道海膽壽司，海膽本身好鮮美，口感較豐腴，入口即溶，好creamy，充滿海水味。 另外，我都好鍾意呢個<御前盛合> 有中拖羅壽司，大拖羅壽司及迷你蟹肉丼飯，最令人驚喜是中拖羅壽司，入口油香滿瀉，好似入口即溶咁，大拖羅壽司對比之下有d失色，入口有少少筋，迷你蟹肉丼飯一打開面層擺左一排密密的海膽伴有一絲絲蟹肉飯一齊食，相當唔錯。 黑松露鰻魚卷，鰻魚好厚身，鰻魚面加左黑松露令整個味道提昇唔少，卷物中間部分包著青瓜令到鰻魚食得多都唔會有覺得膩的感覺。 今晚叫左一樣熱小炒就是<沖澠苦瓜炒豚肉>，店員一把菜式送上枱已經聞到好香，沖澠苦瓜口感爽，味道甘甘甜甜，配上蛋的嫩滑，豚肉的油香，整個口味我們相當喜歡。…Read More

一進店，坐好一陣，店員便送上非常香的蒜香牛油法包，呢個餐包是近期食過最有記憶的，蒜香非常濃郁，包外脆內軟，好回味。 沙津是用密實樽送上，再另附上芝麻醬，按個人喜好加芝麻醬的份量，沙津菜新鮮爽脆，還伴有少許荔枝味爆珠。 很喜歡餐湯，餐湯唔普通，今日係白蘿蔔黑毛豬湯，入口飲到蘿蔔蓉質感，質地好滑，黑毛豬粒好香，肉味香濃。 主菜部分，<美國牛西冷拼法國鵝肝 $198>，西冷味道好，富肉汁，牛肉味幾濃郁，肥細剛好，油脂位入口好香，配上鵝肝，鵝肝甘香，整個配搭好完美。 波士頓活龍蝦（半隻）配白松露忌廉意大利飯 $128，龍蝦雖然不是很大隻，但勝在肉質札實，口感彈牙，松露忌廉好creamy配意大利飯非常夾，下次黎食會再點。…Read More