雷治's Profile

我喺附近返工 諗住買少少咩野鹹水鴨返去同老婆食氹佢開心去到諗住買例牌 都唔知$108定$118 個呀嬸仲話差少少錢啫 買半隻啦 $188我自己都有少少驚例牌唔夠食 唔緊要 就買半隻跟住佢地個員工就喺雪櫃拎隻真空包裝嘅鴨出黎 十足十係街外零售有得賣咁嘅 都算啦個呀嬸話送豆漿 即刻俾杯我飲 我ok佢夠膽死喺收銀檯面即刻拎唯一一杯出黎而唔係即刻倒俾我 好似係佢地啲員工倒左喺度唔想飲就擺喺度睇下有邊個客要就拎俾佢 嘩大佬我點知你呢杯所謂豆漿有啲咩喺入面 勁核突完全扣哂分好快佢就整完俾我外賣拎走 勁細盒 個盒係我手掌咁長 仲話半隻 返到去倒出黎睇 有原個鴨頭 一大條頸 仲有籮柚 真係有肉食到嘅 十舊都冇呢間野真係大癲 各位有良知嘅千其唔好幫襯 未親身經歷過一間咁垃圾嘅食店 各位 千其千其千其 唔好幫襯！…Read More

呢間野初初開果陣成日都排好長隊 係屋村商場有呢間咁既野 就吸引左我同老婆既飯時間過去等下排下隊了解下第一次食, 我叫左大門拉麵, 我老婆叫左沾麵.我地兩個都覺得普普通通 麵唔彈牙 湯還可以 勝在唔貴 不過我老婆就好在意整麵師傅成程係咁禁電話同講野吹水不過冇帶口罩成個月之後我地搵日夜晚又去食, 今次得番兩三個人排隊,我地兩口子都食沾麵, 評語同之前差唔多, 不過D侍應更加懶散, D動作勁慢好似唔想做野咁講野又冇黎精神好似等收工咁5月24號晚我地兩口子又因為貪平所以再去 (其實諗諗下佢呢個咁既質素呢個價錢都唔算平), 不過而家已經唔需要排隊, 入面亦有唔少吉位....我地又係叫左兩碗沾麵, 本身沾麵有3塊叉燒, 今次我地兩碗都係得兩塊叉燒, 仲要細塊左, 除此之外, 就有兩舊全肥膏. 嗯...唔加價就減食材質素, 不過算啦, 平平地食碗麵唔通又要去爭取番舊叉燒咩, 一陣整麵師傅唔滿意加料就仲得不償失. 跟住今次我老婆就話不如試下食淨D沾麵濃湯之後叫佢加D木魚湯再飲埋佢(鋪頭入面貼哂呢D提示 提議食客可以咁樣食). OK.咁我就試下啦.叫佢加一加湯, 佢就拎左個外表同裝普通水唔同既水壺黎, 倒落去果陣我見 倒落去果D湯完全係透明顏色, 一飲落去, 嘩淡都不得了, 好肯定好肯定係加水, 我老婆話木魚湯係淡的, 可能我食慣鹹飲唔慣, 跟住到佢食完佢又加木魚湯, 佢飲左一啖之後:"嘩.唔飲啦.走啦".....我從此承諾唔會再幫襯好似俾錢食垃圾咁…Read More