Twig Tong's Profile

19/10/2025 星期日，朋友請食飯，話德福廣場新開一間食店，有一些懷舊食品，帶我哋去試吓。店員友善招呼，環境舒服，給予好印象。由於新開張，餐牌上有好幾款食物有優惠價，正呀！我哋叫咗杏汁豬肺湯，現在好少食店會做這款湯。杏汁豬肺湯好軟滑，湯料好足，我哋連湯料都食晒，可想而知，幾好食。😋豉油皇煎中蝦拼腸粉，中蝦大隻又新鮮，豉油皇烹調好入味，腸粉好滑，配以辣椒醬，真係好食。雞蛋焗魚腸，懷舊菜式，－上枱大家都嘩嘩聲，餡料豐富，食到舔舔脷！又係一款用心烹製嘅懷舊菜！👍🏻鮮茄淮山上湯浸菜心，好新鮮，菜心鮮甜。闊佬南非鮑魚砂鍋飯，開張優惠價，必食！10隻鮑魚鋪飯面，鮑汁飯，好美味😋！甜品有特色，唔太甜，夠健康。脆香芝麻糕，紅袍茘枝，芒果凍布甸好豐富，好滿足的晚餐，朋友好介紹！…Read More

2/9/2025 星期二，知道Airside新開了這間潮州菜館，有特色點心小菜，一於嚟試吓。中午時間，在接待處等候，眼見座無虛席，以為無位，原來餐廳內裏好大，店員帶我哋入內，剛好有一張枱。今次真係有食神！睇餐牌，有兩款二人套餐，掃QR Code落 order，我哋選擇套餐B，另外加了一客潮汕生醃蟹，這是我好喜歡嘅菜式😋，朋友見到 麻婆豆腐小籠包 好特別，忍唔住都落了order 😊。潮汕生醃蟹，睇見已經流口水，蟹膏滿滿，啖啖蟹肉，蒜辣汁調味，正呀！麻婆豆腐小籠包，爆汁，辣辣哋，有特色。套餐B 內容都好豐富：-滷水鵝件，鵝肉入味，好正，有嫩滑豆腐墊底，好食。冰鎮咕嚕肉，上枱嘅時候已經嘩嘩聲，擺盤有冰粒墊底，有少少冰煙，好吸引，咕嚕肉外脆內嫩，士多啤梨鮮甜。養生蕃茄羹，少少蕃茄酸甜，引發食慾！點心天鵝酥，酥脆外殼，內裏是鵝肉粒，好美味。抱抱蝦餃，蝦餃新鮮彈牙，大大粒。熊仔朱古力，流心朱古力包，甜點，好圓滿。我哋二人起初都以為食唔晒咁多嘢食，但每款都實在太好味了，慢慢享受。店員服務態度友善，環境又舒服，確實無揀錯地方。…Read More

11/8/2025 星期一，知道太子地鐵站附近開咗「華嫂冰室」，即刻嚟幫襯。我哋好彩，11:30am到，不用排隊，仲可以有卡位座，舒舒服服叫嘢食！我哋叫咗粉麵套餐：豬扒雞翼蕃茄湯底出前一丁，加煎蛋一隻，配凍檸茶！蕃茄湯底好濃，啱我朋友，佢喜歡飲濃蕃茄湯！兩塊豬扒調味適中，瑞士汁雞翼，好好味😋另一款是秘製雞翼烏冬，清湯底，加豬潤，配凍檸茶。雞翼果然係招牌推介，豬潤爽滑，正👍🏻。店員好友善，雖然多食客要招呼及被安排座位，我見到佢哋都好細心幫一些不懂得用QR Code落單的食客落order，這是待客之道。👍🏻食物質素好好，冇失望，值得推介！…Read More

29/5/2025 星期四，今日嚟APM 搵食，選擇「綠茶」，因為之前喺大圍食過，已經覺得好食又有特色，今次嚟官塘，－於睇吓質素如何？！踏入餐廳，由優悠音樂開始，心情也放鬆，用QR Code落單，菜譜上款款都吸引！我哋叫咗：-雞汁黃魚，魚肉鮮嫩，用雞汁烹製，配搭特別又好食，連大青蔥都好好味，整條魚由頭到尾，好快被食落肚！麵餅醬香五花肉，麵餅皮剛剛好，唔厚，五花肉脆香，青瓜爽甜，微甜醬汁，咬落整個麵餅超好味，口感酥脆 crispy ，必食！松露松仁烤菜心，好有特色，咸道適中，菜心鮮甜，松仁新鮮，粒粒清晒！杭式片兒川一盅，湯清甜，麵條爽滑，－人份量啱啱好。店員服務態度友善，餐廳環境舒適，輕輕鬆鬆享受一個好滿意的午餐。…Read More

30/5/2025 星期五，得悉尖沙咀新開了蓮香樓，梗係要去試吓啦！十二點左右去到蓮香樓，見到人客沿着樓梯排隊，我哋都即刻跟著啦！好彩都好快比到位。－張6-8人圓枱，我哋二人，要搭枱坐。點心是出點心counter 排隊自取，期間見到有一兩車點心車推過，而一些另類點心就要經店員落單訂購的。點心質素確係好食，真材實料，足料，亦懷舊，雖然要排隊取點心，都係值得嘅！飲茶的茶具可以同店員講要傳統茶盅，我哋今次冇留意，下次會試吓用茶盅品茶，有懷舊感。店員好友善，勤力清理枱上食完的點心籠，騰出枱上空間。尖沙咀開了蓮香樓，方便九龍新界人客，仲要係24小時營業，真係隨時都可以飲茶。👍🏻…Read More

28/5/2025 星期三，喺附近打完波，第一時間嚟醫肚。我哋叫咗午餐：-涼瓜排骨飯，配凍檸茶。－上枱，熱辣辣，未食已經聞到夠鑊氣。涼瓜唔苦，烹調味道適中，這個涼瓜排骨飯，梗係清晒啦！勝瓜雲耳洋蔥炒鮮魷，配老火湯（黃瓜唐排）。勝瓜雲耳洋蔥炒鮮魷，用少少咸蝦醬調味，食落又有少少甜味，洋蔥清爽，鮮魷唔韌，易咬口，材料新鮮，又係送飯的好配搭。老火湯清甜，好有住家湯的味道，聽到老闆講，好多街坊都會專登過嚟外賣佢哋嘅老火湯。小店不斷提升食物質素，人客有口福，值得推介！…Read More

10/5/2025 星期六，有晚輩請食午餐，預祝母親節，梗係揀選一間信譽好嘅食店啦。餐廳裝修大革新，與過往比較中式風格完全不同，改變後的現代風格，給予輕鬆感覺，每枱座位與座位之間有足夠空間，大家可以食得自在。餐廳經理及侍應都很禮貌友善，招待熱誠，樂於介紹茗茶，食物。侍應推介「銀花香單叢」茶，淡淡清花香，口感軟滑，好飲。我哋午餐有：煎黑芝麻客家茶果，熱辣辣，茶果皮煙靭，餡料豐富好味。蜜糖叉燒腸粉，叉燒甜甜好食。糙米雞，唔用糯米，夠健康。蜜糖脆鱔配哈蜜瓜，脆鱔肥美，以哈蜜瓜配襯，清新爽甜，夠創意。魚湯菜心，菜心鮮嫩，又有魚湯飲，正呀！鴨圃生菜包，鴨鬆豐富，生菜新鮮，每片均勻擺設整齊，粒粒鴨鬆，以生菜包著，入口滋味清爽。甜品有推介的：黑芝麻糊燉奶，燉奶杏仁霜，黃金脆奶卷。真係滿足的母親節午餐！…Read More

23/4/2025 星期三，漫活大澳，行往酒店途中，可以欣賞大澳棚屋，水退/水漲的紅樹林，居民屋前花園的各種花草樹木，海景風光，大澳蝦膏、咸魚的製作，心情舒暢。到達酒店地下，乘坐酒店的特色升降機，可以省卻腳力，直達酒店平台，只需步上短短的幾層梯級，便可抵達cafe。Cafe 裝飾清雅，高高的天花，掛有吊風扇，好有英式風格。在這優美環境下，輕輕鬆鬆享受下午茶，－樂也。我哋二人分享一客公司三文治，飲品有咸檸檬七喜及紅莓茘枝梳打。公司三文治配有新鮮即炸的薯條，薯條香口脆卜卜 ，正正😋。飲品賣相吸睛，可以打卡，而實質都好好飲，冰凍解渴。店員招呼親切友善，值得讚賞。到大澳，梗係要到這Cafe，才算是遊大澳！…Read More

23/4/2025 星期三，舒舒服服閑遊大澳，喺東涌搭11號巴士，沿途欣賞風景，40分鐘左右車程，到達大澳，第一時間梗係搵食啦！經過大澳壁畫，見到「橫水渡小廚」，就是朋友介紹的這一間食店。店內分兩區，室內有冷氣，由於天氣熱，我哋選擇坐室內。我哋二人，簡單叫咗三款小菜，有：-大澳蝦膏蒸豬頸肉，好正，豬頸肉有蝦膏香味，亦有少少甜，唔太咸，入口美味。腰果西芹炒蝦球，夠鑊氣，蝦球彈牙，而且份量足😋客家籠仔蒸菜心，菜心鮮嫩，配以梅菜，有客家菜風味，好食。當日不是假期，店舖都好好生意，有遊客亦有大澳本地人幫襯，可見食物出品好，店員招呼友善，價錢合理，定必受歡迎。…Read More

21/4/2025 復活節假期的最後一天，湊湊熱鬧去近期悠閑生活熱點 「啟德體育園」逛逛、食午餐。嚟到這間「餓虎藏龍」，得悉室外座位寬敞，而且景觀吸引，我哋一於揀室外坐。室外開揚，可以望到啟德體育主場館，又可以望到球場跑道，享受微風送爽，環境確實舒適，仲有播放謝霆鋒的歌曲，為 Evolution Nic Live 做準備。😂在這種輕鬆悠閑的情況下，食慾大增。我哋四人，叫咗兩款小食，每人一客主菜，配以飲品，－路享受美食，－路聽歌，－路傾吓偈，正呀！…Read More

22/4/2025 星期二，第一次嚟雙子匯，知道這裏有好幾間食肆，今日揀到這餐廳，因為喜歡環境簡潔清新，坐於窗邊卡位，可以享受戶外陽光，又可以享受室內冷氣，慢慢品嚐大廚用心烹製午餐，放鬆心情！我哋叫咗兩款午餐包括：頭盆：金磚豆腐沙律拌和風柚子醋，夠開胃。湯有兩款選擇：是日餐湯 是 粟米忌廉湯，有粒粒粟米，平衡忌廉的creamy度，好飲。龍蝦湯（+58)，濃濃的龍蝦湯，夠份量。主菜：原條蒲燒鰻魚配蛋包飯，鰻魚肥美，配以蛋包飯，大滿足！虎蝦，櫻花蝦、明太子意粉，虎蝦啖啖肉，新鮮彈牙，意粉少少微辣，刺激食慾。甜品：意式奶凍，甜度適中。飲品：凍檸茶…Read More

20/4/2025 星期日，復活節假期，繼續留港消費，周圍搵食！今日嚟九龍灣享受韓燒！我哋唔食牛，餐牌的set lunch 叫咗「五花肉特選二食」，有兩款豬肉，$88，包白飯一碗，真係抵食。另外叫咗「鮮鰻魚半份」，生菜一客。飲品有我喜歡嘅荔枝梳打，內有茘枝，正。朋友叫杯 梅子青檸梳打。餐前小菜，爐邊蛋，芝士粟米都係任食，隨時refill ，係咪好抵食呢。而食物有質素，新鮮。店員仲好有心機幫我哋燒烤鰻魚，烤到恰到火喉，好美味。好滿意，又食到飽飽，值得推介👍🏻…Read More

18/4/2025 星期五，復活節假期的第一天，好多人北上或者外出旅行，我哋就留港消費！今日到九龍城，經過這小店，見到佢有特色甜品「驢打滾」，咁就要幫襯試吓啦！午餐時間，首先叫個「二選一套餐」，我哋揀咗：-上海回窩肉，－上枱，香噴噴，回窩肉微辣啱我，半肥瘦肉片薄身，烹調入味，好食。蔥油雞半隻，雞肉嫩滑，啖啖肉，蔥油惹味，食唔停口。油豆腐粉絲湯，好多餡料，份量足，粉絲湯不油膩，廚師好嘢👍🏻。套餐配以白飯及菜飯各一碗。飲品揀選了凍檸檬茶。最後，梗係要叫甜品啦！一客「驢打滾」。新鮮製造，熱辣辣，甜度適中，煙煙韌韌，好正呀😋店員細心招呼，見我哋食完午餐，好快清理枱上餐具，換以乾淨的細碗，給我哋食甜品用。體貼細心的服務，美味可口的食物，是留住客人的要素。 我哋在這食店享受了悠閑舒服的午餐😊。…Read More

13/4/2025 星期日，又係九龍城一年一度嘅「潑水節」，梗係要嚟湊熱鬧啦。首先搵食醫肚先，唔想每次都係食泰國菜，今日見到呢間食台灣料理，－於試吓啦！我哋坐近窗邊位，望到「宋皇台地鐵站出口」，如果搭地鐵嚟的話，就確係方便。點餐可以由店員落單，佢係直接喺餐牌上剔落單。我哋叫咗兩款麵，有配菜（花生，雲耳，青瓜酸酸地增加食慾。）肉燥湯麵，配料有鹵水蛋半隻，夠飽口。肉燥花枝丸湯麵，花枝丸有口感，好食。另外加滷水蛋一隻😋蔥油生菜一碟，生菜新鮮，醬料蔥油香口。烙椒雞中翼一客，皮脆肉滑，微辣，夠惹味，正。飲品：蜜桃烏龍茶，胚芽珍珠奶茶🧋值得推介的小店。提一提，現時是試業期間，只收現金💰。…Read More

4/4/2025 兒童節，堅尼地城好多打卡cafe，朋友帶我哋嚟呢間，佢話之前食過，覺得唔錯，所以今次介紹我哋嚟試吓。Cafe 近堅尼地城地鐵站 C出口，而且對正堅尼地城出名打卡位 - 大榕樹，行幾分鐘就到。Cafe 內有一排望出窗外大榕樹嘅座位，可以一邊食，－邊睇吓經過的途人，或者欣賞專程過嚟為咗打卡影相擺甫士嘅靚女們，心情愉悅！朋友推介All Day Breakfast $98，真係超值又抵食，而且美味可口，追加咗Greek Salad，配襯All Day Breakfast ，完美。我食 蒜蓉蜆肉扁意粉，少少辣，刺激食慾，蜆肉又多又香口，正呀！朋友食 經典牛肉漢堡包，好味道。飲品都冇令我哋失望，好飲👍🏻Hojicha LatteChai LatteSummer Berries SmoothieCafe 環境給予輕鬆感覺，店員友善，確係值得介紹給大家。…Read More