JacB のプロフィール

是日係公眾假期，並非任何節日；只是一個好平凡的星期日。但到了菜館，打開一張由A3紙對摺，編制及過了膠的餐牌，總共4個牌面；只係點選了3款小菜（薑葱雞，風沙茄子，豉油皇炒麵)，就已經有2款小菜沒有了。侍應說出原因：師傅唔煮嫁，今日假期好忙！之後侍應再講：我叫師傅黎，你問佢！嘩……呢下態度妙絕~~…さらに見る

是日為假期，本應於家人一起共聚天倫是一件“樂事”，飲啖茶食個包。一抵步呢間酒家，先探訪左一下個洗手間，簡得一讚一個“大”字；之後有位，準備開動。原來係“動氣”，首先俾左2壺茶，有一壺係「完全無味，得少少顏色」，即係有色既水啦。之後等極都無人幫手冲水既，要「自己做」；再黎一圍13人既枱上菜時，竟然放係「正中間」- 呢個職員簡直要再培訓啦，佢都唔知想叫邊個食。之後埋單個職員就仲衰，用半呼喝式既態度同埋單簽名既客人講野。唯一可讚既係文昌雞同鹽水鵝都好食，但首要頂得順d職員態度先。…さらに見る

原本想食同一大廈既日式放題，點知walk-in要等到9點，傻既當然唔等啦！咁就走左去食牛肉啦，一心都係去係試下姐，但都有d驚喜。加50元就可以食安格斯牛，當然一試啦……安格斯牛類別裡面既安格斯牛粒，係推薦既（安哥左），其他燒耐左，就需要用d牙力啦！亦有試返普通牛啦，一試就上天同落地咁；點解可以有咁大分別既，最後都有食其他配菜。喜歡牛的你，50元就唔慳得啦！最後一提，抽氣就差些小，燒烤果邊有d煙霧瀰漫既效果。…さらに見る

最初被店舖的心心糯米糍吸引的，當入到店舖職員已主動推介米苔目，我們2人就點了一碗。其他就當然是小食啦，有涼拌皮蛋（少辣，味道剛好，皮蛋亦見有冰花狀），蒜泥白肉（少辣，白肉帶小小軟骨，所以特別有咬口），香煎家鄉脆皮肉餅（ 略嫌太薄），花雕醉香豬雙脆（內有豬耳， 豬脷，特別的-豬天梯(2塊)），藥膳雞腳（$19元4隻雞腳，湯底濃郁），最後試甜品-兩顆甜心（2粒棉花糖加紅豆糯米糍 - 唔太甜，只係個底硬左少少）。值得一試的小店。…さらに見る

是次與朋友到該餐廳試食，自己點了一份和牛漢堡飯配咖哩汁，但一食既時間咖喱汁有d粉粉地既感覺，漢堡又唔夠熱，只係表面煎得有點脆。朋友就點了一份咖喱雞飯。食物賣相都可以既，雞既件數都算多，但一食既時候，雞肉係“鞋”既。裝修再靚，都蓋唔過唔好食既午餐。…さらに見る

較早前已經喺店舖吃過點心， 味道還可以的。特別是流沙包，外型較特別，但內裏的紫薯不是太流心的哦…… 始終中式點心是比較肥膩的， 可以見到蒸排骨 這些傳統點心是較多油。 另有一特別點心「藥膳蒸鳳爪」味道特別濃郁，不妨一試。而是次嘗試了蒸倉魚套餐，價值$50元有湯，菜，飯及魚，還可以了。…さらに見る

因上次經過店舖位於嘅商場時，覺得其店舖裝修有點特色，所以再前來嘗試其美食。今次品嚐美食有 ：牛肋骨湯粉絲跟飯，金脆炸粉絲 韓式辣豬肉飯。 因為去到嘅時候係下午茶時間，所以未能夠嘗試一下石頭鍋飯。美食味道是可以的，食物亦夠熱，份量十足；但職員遺忘附上餐前韓式的特色小吃（無緣品嚐，因正餐已經好飽啦），希望下次再去既時候可以補返啦…さらに見る

見到新開，就入去一試。好彩係lunch time開始前，可以入到餐廳裡面；一行2人叫左2份午餐。一份生牛肉湯河（湯底濃度適中，有金不換既味道，肥牛 嫩滑），一份香茅雞撈檬（雞肉夠滑）；午餐都會一款自選前菜，有香茅雞翼（好滑呀）同脆腩肉沙律（沙律菜唔夠新鮮）。唔開心既位置係，有撈檬但無俾個汁撈咁點食呀，要自己起身去攞（舉手都無人理）。…さらに見る

是次與朋友2人一起到店舖吃飯。當然甜品最吸引，亦都留左第2個胃品嚐；食左個“火焰雪山”（餐牌最貴果款）同宇治金時xx（最後兩個字唔記得左），2個都有d驚喜。雪山係上左枱先再上火既，味道唔太甜，賣相吸引。另一款味道唔夠濃，可以濃多一點就更好。而咸既食物係由隔離店舖提供，味道都可以。因為咸點份量十足，所以甜品係食唔晒嫁………さらに見る

今次新開既任食對比之前做任食既風格 - 大不同。餐廳轉變得更光猛，坐位變得更舒適，款式雖然不太多，但新鮮搭夠。有一點失望是點選雪糕位置，有A，B兩款可供選擇（甚麼味道就要問職員啦），因為想再“安哥”豆腐雪糕， 點知職員話只可以點一次。（但張order又無寫明每位限點一次）…さらに見る

是次點了花膠米線，勝瓜馬友米線及蕃茄東星班米線。味道由淡味吃至濃味。👆👆👆👆花膠彈口湯底清淡，馬友煎過更香，令湯底會有魚香味，而東星魚肉有點嚡，但大條抵吃。…さらに見る

早前於大角咀分店吃過招牌蛋牛治，是次到葵芳店堂食“超級蛋牛治”及“鮮牛治”，而鮮牛治的牛肉如果能多一點肉汁會更好哦……超級治吃過後，真的有點飽呀……（份量超足）還是蛋牛治最好。…さらに見る

是次品嚐到由吱吱鼠哥哥主理既蛋牛治，因為係托同事買回來既，所以打開時都有d濕濕地，但都無礙嘗試 “招牌蛋牛治”。雞蛋部份依然滑滑，而牛肉亦味道十足，麵包都好新鮮（如果烘底唔知會唔會更好呢？），全部夾埋一齊食係非常好味。…さらに見る

是次訂購了 “士多啤梨蛋糕” 。 未開盒已經滿心歡喜（好期待）；因為見到蛋糕盒的size已經好緊張啦。而且是第一次品嚐其蛋糕，所以一打開盒子，雖然見到一個外貌平庸的蛋糕，但仍然好衝動的去品嚐它。蛋糕的忌廉及🍓🍓的新鮮程度，真的是預期之外。…さらに見る

梳化位，如能清潔一下會較好；因選用之布料較易顯現污漬，所以感覺上不太良好。幸好美食搭夠，特別是冰鎮苦瓜之汁醬，能突顯其苦瓜之苦甘味（不能點得太多哦…）。而招牌扣肉包更是首選。…さらに見る