christuo's Profile

上個星期貪平， 食左outbxxx 一份令人好失望的牛扒， 所以今日決定食simplylife ge 🥩! 其實上個月已經食過，但好回味， 所以食多次。因為我唔太喜歡血淋淋的肉， 所以叫左medium well。 個扒一黎到已經好香！ 食落真係冇令我失望 🥰😋😋😋 有牛味的， 雖然唔算好濃的牛味， 但$200 元左右， 我收貨了！ 有牛味， 又淋， 又juicy! 而且仲有grill 的味道😍 不枉我再返黎食😎但薯條就差啲， 好似成條薯條吸滿油的感覺， 好似好「索油」甘，差少少。餐前麵包唔熱都減咗少少分。但overall okay 👌🏻 …Read More

疫情下少左人， 所以竟然搵到位坐可以堂食。吐司一定要堂食，返到去凍晒又淋晒唔建議。叫左個漢堡吐司，另一份香脆薯餅吐司。太興奮， 忘記影相就已經食咗一啖😂漢堡吐司 d sauce 有點似m 記的將軍漢堡。但再豐富一啲。 menu寫明有甜辣醬， 但我完全食唔到辣味，而包好香牛油味， 熱辣辣好好味。食完一份都夠飽。另一個就相對普通，只係薯餅加隻蛋同芝士，又冇咁多醬汁啦。所以食完漢堡吐司再食薯餅吐司就會相對失色飲品有啲貴所以冇叫。但我會再返嚟食㗎。😇…Read More

果日行過灣仔， 被個餐廳名吸引左我入去。入到去先知係何小姐開的店。 唔怪得甘貴啦， 一碗麵要成$88-99 呢啲價。呢日太肚餓， 唔食麵， 要食飯。叫左個魯肉飯。賣相好ok.食落冇咩野.. d 飯質唔錯， 軟綿綿。叫左杯紅豆奶茶，甜到pk...冇飲晒。值得一提的是舖頭的阿姐， 由一入到去， 呼喝甘叫人等陣， 之後落單又不瞅不睬甘，最後我要將堂食飲品帶走， 佢話加$3，但佢淨係俾隻杯我， 又唔幫我倒， 見到我倒瀉， 又唔俾紙巾我，埋單一句多謝都冇。😓食物已經唔特別好食， 價錢又唔特別吸引，環境又唔係坐得舒服，今時今日仲咁嘅服務態度....真係冇下次。…Read More

最近見疫情好轉， 可以出去食返飯。行過黃大仙， 見到個餐牌好似好平， 冇考慮太多就入左去食。坐得好舒服，侍應都幾有禮貌。點左個柚子芝麻烤雞翼（五隻），一個蒜香煙肉忌廉汁天使麵，一份牛扒， 一杯洛神花玫瑰茶，一杯凍華田。雞翼，umm, 唔算太入味，外表有d 柚子蜜的味道，冇咩特別，但好平， 仲有五隻、抵食。牛扒， 佢冇問我幾成熟，但黎到似80%熟， 完全冇牛味，有根，唔好食。連鎖快餐店可能仲好食d.. 佢好在夠大份。天使麵..sauce 唔creamy, 唔算難食嘅，但真係冇咩特別。洛神花茶太甜。總括嚟講呢間野只係抵食，味道好一般，唔高要求都可以嘅。…Read More

星期六晚9點幾係銅鑼灣搵食... 去左登龍街、見到呢間上海野、門口又貼住咩「最受歡迎食店」. 甘就入去試下。叫左一個雞絲粉皮、 生煎包、上海肴肉、炸排骨菜飯。首先雞絲粉皮唔夠凍！ 😓冇咩雞絲、冇青瓜絲，仲有佢個汁.... 竟然係超市買的「日式胡麻醬」...⚠️重點係正宗的雞絲粉皮唔應該❌係呢個味...麻醬應該要係中式果隻、唔係日式胡麻醬。😓而且多數餐廳都會自己調較下味道、唔係零技巧地吱一堆日式胡麻醬。你問我難唔難食... 我會答個sauce唔難 （因為買超市胡麻醬咋嘛) 但我唔expect 餐廳食到呢d 質素....👎🏾外型一大一小。個包夠晒熱... 但佢煎到個皮有d 硬.... 失敗👎🏾肴肉、不過不失主角出埸！ 🎉佢就係 「上海厚切炸排骨🐷菜飯」但外表點睇都係叉燒啦、食落完全確定佢係叉燒！！😂😂😂😂我以為俾錯我、我問下個侍應、佢指住個牌話 「與別不同」。 非常無懈可擊的解釋。即係如果我賣橙🍊、俾個柑🍅你、然後話「與別不同的橙🍊」、甘果個柑🍅就係橙🍊？🤣🤣。突然間覺得件事係「指鹿為馬」但我平心而論、佢個菜飯唔係難食、普普通通啦。但炸排骨變叉燒我就唔係幾滿意！👎🏾 其實以呢間餐廳的環境格局、食物質素、佢比同level 的餐廳貴好多。我真心唔明點解甘多人like😓 厄下鬼佬就可以。我唔係覺得佢超極難食、但佢完全貨不對辦、野食又求其。冇下次😓…Read More

上兩個星期六去呢間食lunch 、因為個商場太多人，呢間有位又未食過、所以試下呢間。我同朋友叫左肉骨茶、同一個喇沙。先講肉骨茶，我諗肉骨茶有好大陣藥膳味是常識吧。但呢間完全冇藥膳味 、仲要係淡而冇味！好難食！ 一個字「伏」... 甘都算、個肉骨茶d 肉好鞋、咬唔開...又冇咩材料、得一注金菇、幾舊豆卜。仲有... 唔知係咪我期望太高.... 我地諗住$68會有埋飯... 點知真係得個肉骨茶🤣 食完好似冇食過！ 店員話要加錢先有飯、但見佢甘難食、我地慳返個飯錢算。海南雞加燒雞喇沙。雞肉唔滑、喇沙味道偏向奶味、冇辣味、一d 都唔香。我可以好肯定講出面某d 連鎖快餐店好食過佢10倍。而面條太淋、死症。呢碗野都成$60幾。得果兩啖就食完、又係唔夠飽。總括我一世都唔會再去呢間野。 伏！…Read More

昨日行經將軍澳，甘當然順便食埋晚飯啦。因為朋友鐘意食海南雞、所以見到呢間海南雞主打餐廳當然要入去。叫左一個海南雞set, $80、有湯有菜。個雞係幾滑、但冇咩雞肉食、因為大部分都係雞皮。而且佢未做到雞皮同雞肉之間的啫喱部份。份糧好細。油飯冇咩味，但三種醬料都好好食！另外叫多個豬頸肉飯 $60 好似係豬頸肉真心好食！ 好爽口、個邊位仲有少少脆。但係.... 佢衰在個汁！完全係畫蛇添足！ 個汁好似鼻涕甘、個味完全唔夾、唔知想點....我食果時都要撥開d sauce!其實呢間野係不錯、除左豬頸肉飯上面的汁難食，其他都幾好。但如果要特登過黎食就唔會啦。…Read More

今日去左煌府飲下午茶。今次第一次黎咋。下午三點入去唔洗點排隊。 下午茶特價、所以叫左6樣野食。第一樣： 牛肉腸粉、唔算好滑、但味道正常唔難食Q版奶皇包，個樣都幾得意。但味道唔太好食、奶皇餡料份量偏少，而且個包唔夠軟身雞腳味道可以，都夠淋叉燒河粉，河粉質地偏硬同厚身，叉燒乾身。但又未去到難食..勉強接受啦。青瓜海蜇、海蜇份量太少...得幾條炸豆腐，ok 嘅。埋單$150 左右、以下午茶食甘多野都算係甘，但唔係好好食、普普通通咁啦…Read More

今日經過馬鞍山新港城個商場，去果到食埋晚餐。search 下OpenRice, 見到食評唔錯，又好似幾平，甘就入去啦。晚上7點幾， 唔使排隊就入左去。叫左個海南雞配油飯。首先講下d 雞，份量有d 少、 有兩件係雞皮冇肉食，而且雞肉一點都唔滑..再講油飯、d 可能我自己比較喜歡偏軟的飯， 所以覺得佢個飯太乾身太硬...完全唔合我胃口。 另外，order 左一個牛肉粉。個湯底好濃、有d 似藥膳味... 可能我唔識野啦，唔覺得泰國粉係呢個味...而且河粉煮得太耐、太淋！.... 其實好少食到甘 「高質」的河粉了...如果問我呢間餐廳有咩好處、佢都算坐得舒服、服務唔差嘅。…Read More

星期六去左pizza hut 食下午茶（其實係brunch), 叫左兩個tea set. 一個肉醬意粉， 另一個係公司三文治。牛肉肉醬意粉， 味覺不錯、意粉硬度適中、肉醬夠多。公司三文治配薯條。 公司治材料好豐富、有雞肉、菜、蕃茄、ham, 等。但麵包皮烘得有點過硬。薯條 🍟 好食， 唔會有種好「油林林 」 的感覺、炸得夠脆口。Tea set 仲有餐飲， 汔水可以免費refill.兩個set 埋單大約$130，仲要食到好飽！價錢好reasonable .…Read More

星期六晚食好少少， 去左 Little Vegas 食晚飯。首先點左個好多人推薦的明太子天使麵。佢個天使麵本身唔多材料、有d 堅魚片， 仲有mushroom, 溝埋d 明太子汁。雖然唔多料，但食落唔會覺得好單調。佢屬於偏「杰」 身的質地、但唔會「杰」到乾、好 「溜」。👍🏻幾好食！推薦一試。另外，叫左半份ribs Ribs 好淋、冇筋。但肉質有點乾、sauce 的味道正常、唔難食、但又冇咩特別。 配菜薯角就唔好食啦。唔知係炸得太多次定點、佢d 薯角面層質地有點硬。係硬、而唔係脆！雖然食物味道平均不錯，但有樣野唔係好滿意。就係呢間餐廳規定係每人一定要叫飲品或甜品。即係就算我食10個main course , 唔叫飲品都唔可以。因為飲品會令人好快飽、所以我唔可以食多兩款野食。這個限制令人有被迫的感覺...係被迫之下，叫了一杯飲品和一個甜品。水果茶。好大杯、有士多啤梨、奇異果、藍莓、檸檬、等。味道不錯。心太軟， 好食👍🏻環境是美式風格、但嫌略迫及不舒服。 總括黎講味道係幾好、但餐廳規矩好奇怪，就算我消費足夠都要迫我叫飲品/甜品。唔太滿意呢樣野...…Read More

最近呢間餐廳做緊身份證優惠，去到3月28日為止。所以佢完結前我都去一次先。只要HKID 有2、0、1、9 四個字其中一個就有優惠。甘岩我有齊4個數字、可以換到一隻🐷豬手（原價2百幾架）😎餐廳侍應幫我切埋隻豬手、呢個服務值得一讚。 豬手味道、有d 偏鹹、層皮熱辣辣嗰時都算脆、但凍左太硬...完全食唔到。但肉就算嫩、唔「鞋」口。呢個優惠有少少限制、就係每人最少要order 一樣樣。都明嘅、餐廳要賺錢架嘛。所以我都叫多左個果汁、同埋咖喱雞農夫包。 個農夫包岩岩上枱果時暖暖地、個包非常鬆脆！好食👍🏻 咖喱汁微辣、農夫包+ 咖喱汁食一流。包入面有好多材料！有4件雞，包括兩隻雞脾。雞冇雪藏味、同埋滑。另外仲有茄子、秋葵、粟米筍做配菜。重點：成餐飯食果時我覺得好好味。但食完後、我keep 住「非常口渴」 的感覺、係餐廳已經飲左一杯水、一杯juice, 後來再飲了半枝可樂、一枝500ml 菊花茶、加食左一個橙、都仲好口乾，真係想知佢落左幾多味精.....由於超級口渴的關係、我對呢間餐廳大打折扣.....…Read More

上星期去左九龍灣、經過呢間餐廳入去試下。叫左個海南雞喇沙。因為唔係好食得辣、所以岩晒我口味。而且喇沙仲有d 椰香味、雞肉都唔 ‘鞋’，味道未致於令人wa 一聲、但算是不錯。以lunch set 黎講、佢有甜品、有沙律、有飲品、我會形容佢性價比高👍🏻。…Read More

今晚約左朋友去柳氏家食晚飯，大家都係慕名而來。我地叫了招牌鐵板雞加配韓國拉麵、另一款是升級海鮮加韓國拉麵。其實兩款味道差唔多、只是多了海鮮。味道不過不失。因為這間餐廳係類似buffet甘，所以可以任點炸雞、沙律吧、飲品。佢有4款炸雞、黑椒蜜糖炸雞，柳氏家辣炸雞、芥末蒜香牛油炸雞同埋佢期間限定口味。黑椒蜜糖炸雞 - 味道幾好、但冇咩黑椒味柳氏家辣炸雞 - 好辣芥末蒜香牛油炸雞 - 我食左一隻冇再食了期間限定口味最好食！ 其實係紫菜加鹽。 總括黎講我覺得佢名過於實. 價格都偏高。…Read More

好耐冇食南記了， 早兩日經過中環入左黎食lunch, 叫左一個酸辣豬腩肉小窩米線加春卷。酸味多過辣味，米線唔會太冧，豬腩肉份量都唔少，雖然好薄，但好入味。致於春卷，係用腐皮包裹着魚肉的春卷，好香脆、亦都食得出魚味。$47 甘大碗，又好食、性價比高。…Read More