kittyyeungsh's Profile

話說朋友一直好想食有free flow薯條既牛扒set，但好多地方一個set都$300-500。今日經過見呢個$200左右有野飲+任食薯條🍟，決定坐低。封門柳7成：肉質相對比較軟林，汁水比較多。最重要呢塊外層烤得焦香，入面肉既油脂香十足。肋眼肉扒7成：肉眼扒個人覺得肉質相對封門柳有彈性，中間有痴住一條切得開既軟筋，幾有彈性。薯條🍟係炸得鬆脆既粗身薯條，飽足感十足。因為見有任食，我哋忍唔住再encore咗一輪。兩款牛肉都無得人驚既雪櫃肉味，呢個價錢真係無得輸了。蒜蓉黑椒汁可以濃厚多少少就更好。…Read More

老公去新城市行街，經過一間泰國菜，見都幾多人，同埋好大個大廚poster，決定試一試！泰式海南雞拼燒雞飯：一雞兩食：燒雞同海南雞，我哋都一致比較鍾意燒雞，因為做到皮脆肉滑既質感，而個海南雞皮比例重d。個油飯似泰國本地個種，無咁油，同著重係香料味。泰式豬頸肉炒金邊粉：呢度既金邊粉望梅子既酸味出d，個粉軟硬適中，豬頸肉如果可以重d焦脆感就好。魷魚沙律🥗係一道以洋蔥+西芹+番茄仔+魷魚為望既泰式沙律，魷魚彈牙菜都新鮮。牛柳肉串燒：呢個絕對係mvp!肉質軟林，外面層衣好似叉燒焦脆，咬落有肉香，幾有驚喜。龍眼冰：幾大杯，同埋都多龍眼肉。Overall食物80-90係新城市，味道幾還原到泰國風味🇹🇭…Read More

大埔友表示一直都好少越南菜，左搵右搵見大尾督有間好多好評既，同朋友約咗周末去。蝶豆花椰汁🥥：藍天白色既漸變有藍天白雲既感覺，都幾岩打卡，如果可以冰粒少d就更好。綜合越南粉（火車頭）：個湯底真係勁濃厚，河粉都細滑，配料有牛肉丸、牛肚、牛肉片、牛筋，牛肉部分基本上已煮到林曬，一咬就化。雞扒春卷撈檬，檬粉既分量十分多，春卷係鮮有用豬網油包既，所以一咬落去脆同有陣豬油香，餡料調味偏重黑椒，雞扒都係焦香岩重口味友！扎肉蝦仁米紙卷：蝦仁新鮮，主要係米粉包，肉既比例如有多d就好。想講間鋪一入去已經被牛骨味包圍，調味唔似市心有間完全港式，用咗好多越南本地既調味料，食物量都大，對河邊享受美食…Read More

周末同老公出朗豪坊行下街，係附近搵咗間風評幾好的台式燒肉店。見佢係對面又係單人燒烤爐，好似去日本個陣既板燒無煙設計，一於就去馬。一入頭去店員就提我哋前端有24品既沙律前菜自助吧，有好多款韓式小菜、沙律菜，可以配燒肉一齊食。日和極上盛合：裡面有A5和牛、西班牙黑豚肉、無骨牛小排、龍躉石斑、鮮蝦，一個combo有牛豬海鮮，肉質係冷藏肉面唔係急凍，紋路清晰，食落比較軟林多肉汁。食肉盛合：男人就叫了牛肉盛合，有齊牛板腱、牛小排、牛橫隔膜、牛肋條、牛舌，可以試曬牛既不同部分。加購了日式蔥花玉子飯：上面有粒可食用既金黃生雞蛋，食既時候我鍾龍意加上岩岩燒好燒肉放面，一碗自製燒肉當就完成，成功又解鎖咗多一種新食法。米粒軟硬適中有彈性，又有燒肉油脂香。雪蟹膏拌飯：男人話拌飯食到蟹膏既甜味，相對比較清新。另外點了2杯野飲：鳳梨冰茶好爽口冰涼，酸酸甜甜中和了油膩感，冬瓜檸檬茶麵幾好還原台式味道。2杯甜度都岩岩好，唔會太甜。另外加了雞翼+魷魚：魷魚40左右，食到本身既海鮮甜味，份量都幾多。雞翼都細心介了花，都幾快熟,但調味可以重返就更好見平日既價格都親民，$60左近一個set決定有機會再黎，因為最主要肉質比連鎖好。唯一希望係飯量可以大少少。…Read More

周末同老公二人係旺角行完街，決定食個飯。韓式冷麵：韓式水冷麵冷冷涼涼的，份量都幾大，岩曬夏天食，但麵條如果可以更彈牙會更好。韓式壽司：壽司我地點咗火腿，食落調味比較家常，米飯既硬度適中，韓風十足。韓式炸雞（甜辣+蜜糖炸雞）炸雞外皮十分香炸，面頭上了層糖漿更加別具風味，個人中意甜辣多少少，因為味道多咗酸感，比蜜糖炸雞多份細膩的感覺。蜜桃乳酸沙冰：沙冰既份量都幾多，桃汁又有有少少乳酸清新既感覺。二人200左右晚餐，有旺角都算幾有性價比。…Read More

平時食飽係大埔其實係無咩糖水甜品店，自從鮮芋鮮執咗，就得返大中連鎖排長龍既松_，但上次食過凍湯丸後就blacklist.上網見翠怡花園近(原來前身Bulldog)位置重開咗間糖水甜品店，就決心試下。因為店望沿用返試一手既木台木椅，所有野都多咗份親切感。龍眼冰：呢度居然會有龍眼冰，小丸子都幾彈牙，龍眼冰都細滑好味同清新唔會太甜。加咗雪糕球多咗層次，但略略覺得冰溶得好快。朱古力香蕉黑糖麻糬窩夫🧇：窩夫外脆內軟，連香蕉都原條切上，份量好足不欺場，窩夫中心有黑糖麻糬成件事又多份甜味，同朱古力雪糕一齊食更特別。希望小店可以keep住熱誠，保持食物質素，等大埔友可以多一個選擇！…Read More

同朋友見兩草好多人，想話搵個有酒+串燒既地方chill下放鬆，見到呢到有入好似少見「十四代」既酒水，本身個人比較好醇酒既酒，因為比較不霸道。盤城壽+二兔愛山純米：我地兩個都選了醇酒，但個人鐘情用咗愛山米種釀製既二兔純米，有突出既花果香，入口甘甜細滑，醇酒比較輕盈，比較岩女士飲用，之前有諗過上網買一支，呢度買一杯可以小試咗先，成件事好貼心！梅子番茄🍅：番茄已經被梅汁浸到入味，番茄既甜味更多好地呈現。酒盜芝士：呢個真係日式居酒屋必備，濃郁奶香既芝士，配上醃既明太子魷魚，配酒甘香有層次,但會比較咸少少。手羽：欣賞師傅拆開攤開雞翼燒既手法，雞肉細滑皮有炭香既淡淡鹽味，非常出色！白鱔：鱔肉燒得焦脆有彈性，不失魚油香。夢王蛋飯：呢道仲有用咗日本高質既無菌蛋「夢王」整既蛋飯，蛋汁味特別厚重濃郁。菜肉瓜：師傅能夠好好咁將蔬菜本身自然既甜味呈現+有水份，調味恰到好處，其中菜肉瓜灑上胡椒鹽，成件事好夾同特別。豚肉生菜卷，呢個出面比較少見，生菜中和肉既油膩，非常平衡！幾中意好 chill既氣氛，見Menu仲有提燈，下次想同朋友再encore…Read More

之前聽講過呢個牌子係用原粒牛油果打成奶昔，初開張係旺角有試過原味牛油果奶昔，奶昔係滿滿既牛油果🥑個人身為牛油果控表示喜歡。原來不知不覺間大埔一田都新開咗，忠於牛油果既我決定巴旦木牛油果一戰，都係之前飲過好味既牛油果奶昔，不過呢個基礎上多加巴旦木既果仁香同咬口，個人更加偏心呢杯。多帶咗杯芒果酸奶奶昔俾家人，家人表示味道好自然唔係芒果糖水既味，又有乳酪本身既酸度，飲完一杯都幾飽肚，作為輕食light下都幾好。終於唔使北上都可以飲到🙂‍↔️…Read More

同老公聖誕去咗尖東打卡，經過附近見到有新開既酒吧餐廳，見都幾多好評，同埋地方幾闊落，就想去試下。泰式串燒：串燒6串都燒得好香口，同埋驚喜既位係有配埋唔同既醬汁，有清新既酸汁+沙嗲汁。泰式燒豬頸肉：呢個真係MVP!豬頸肉燒得外層焦脆得黎有肉汁，同埋豬頸肉肥瘦均勻，食落唔會油淋淋，點埋辣椒汁一齊食幾惹味。泰式蝦醬炒飯：呢個既份量真心大，3-4人都得，個人覺得如果可以乾身多少少就更好。海南雞：雞係比較結實的，廚師好有心思較咗蔥薑油+酸汁作搭配，令成件事多咗層次，但如果用多番油分既雞就更好個人覺得份量幾大，同埋地方都坐幾舒服，值得下次一班人黎share多少少野！…Read More

因為今日放工病病地，同朋友決定食清少少。嫩雞百布湯麵：個湯係雞湯+淡湯，十分奶白，每一啖都好輕盈會飲到雞骨既香味。入面有雞肉絲+切碎既小棠菜，麵條口感係滑身的，如果可以厚身少少就更好。松茸雞湯：個人覺得係雞湯麵既基底，飲落雞香十足，慢慢會有菇菌香滲出來。鮮茄牛腩拌麵：出奇地奶面好有勁道，番茄牛腩酸酸甜甜，汁濃濃咁掛係麵條上，十分開胃。朋友另外點咗杯香茅香水檸檬茶：飲落唔會太甜，帶有香茅+檸檬獨特既香氣。整體來講，菜式都清淡，個人比較鍾意湯麵，食完唔會好口渴。…Read More

同老公假日興起去咗西環行街，路過一間係社交平台幾紅既餐廳，決定同老公一齊試新野。Seared Steak:呢個牛扒牛香十足，同埋係屬於厚肉感既肉，咬落有肉汁，調味是比較清淡的鹽味，佐碟的椰菜忌廉薯味道比較豐富，同肉夾埋幾有層次，不過如果份量可以多少少就更好。Seafood Laksa:個湯底好令人驚喜，會食到濃厚既海鮮味，入面有沙白、魚肉、大蝦…但湯會偏向酸少少似冬陰功！？配既麵係奶麵，索埋海鮮+椰奶香非常配合呢～Dragon Berry:買相係漸變粉紫色，呢杯特飲非常清爽，入面有火龍果、香蕉、藍莓、仲加咗乳酪奇亞子，一杯入面有齊不同水果同埋十分飽肚呢！同埋發現大家都好慢活，帶埋狗貓主子出現～幾欣賞個氣氛，下次應該會帶埋主子春雞呢！…Read More

話說公司請飲野，我哋叫咗新都會附近啲茶飲店。呢間之前已經有飲過，個人比較中意佢地既茶底。 蘋果金萱：飲落金萱茶味好出，同蘋果夾埋好夾。飲得到悠長既茶香，同時又有蘋果清新既感覺。有好幾位同事都叫咗呢個招牌茶。如果蘋果粒粒多番就更好了雷夢蘆薈蜜：呢個係綠茶+青檸汁既組合，飲落會係冰冰涼涼的，加咗蘆薈之後口感更強。珍珠奶茶🧋：同事話奶茶係用鮮奶，珍珠幾彈牙。紅柚翡翠：呢款柚子茶會咬到果肉呢Overall大家都幾中意，同埋岩曬我地健康人飲，因為有一分糖選擇。…Read More

好耐無二人聚會，之前聽朋友講觀塘有間以黑膠為主題既cafe坐得好舒服，今個weekend 決定去試下。我哋叫咗兩個set lunch.帶子番茄忌廉汁牛肝菌意大利雲吞：一直想試Ravioli 好耐，原來外皮好似彈性版餃子，但入面會再包住好creamy既芝士牛肝菌，淡淡奶香+菌香，鍾意菇菇表示好開心😀值得一讚既係帶子做到外面焦脆，內面軟糯鮮甜，都有畫龍點精既效果。安格斯肉眼扒：呢個本身跟咗薯條，薯條係煎香爽口既質感。個扒肉味都濃，但如果汁多番少少會更好。Colada Coconut Tree:呢個特飲會同Pina Colada比較類近，飲落椰子味會係主調，幾清新有夏日既味道！Yuzu Lemonade Coffee Soda:呢杯個人覺得係必叫，因為soda同coffee好match，面頭仲有好豐盈既咖啡油脂！而且自然既果香加強咖啡層次！個月球都好大好岩打卡。其實食得幾開心，因為我哋發現大家都慢慢食，而店員都唔會好急一食完收你野。杯咖啡值得令我二刷！…Read More

食過好幾次，真心大推開心果雪糕。雪糕奶香十吹，重點會食到粒粒開心果仁，難得開心都係靚既，唔會有擺咗好耐既油益味，令我最滿意既其中一點係食到筒底係仲會見到開心果粒，成件事都好令人感動！…Read More

因為韓國朋友帶路，佢鍾意新派韓國菜，所以我就同佢黎食呢間。#outdarkhk 所有野都係韓國人自家製，所以都還原到韓國新派韓餐既味道。海鮮忌亷炒年糕：年糕本身係非常有米香同彈性，加入咗西式既忌廉汁，食落奶香十足。入面仲有什菜、蝦仁、魚糕，面頭炸過既魷魚有脆感，可以揀點旁旁既芝士/忌廉汁一齊食，味道非常有層次。旁邊仲有菠蘿、泡菜、紫菜飯，食落新派得黎幾得意！但如果芝士可以多少少就好，咁就可以更加邪惡咁包住野食！甜辣炸雞：主角之一炸雞甜味比辣醬勁，會食到淡淡蒜香+果香，裡面既雞肉滑。韓式水冷麵+韓式炒牛肉：水冷麵加入芥末、醋，食落酸酸地，麵條加入冰塊成件事更加有彈性，清新，同埋中和咗其他菜式既膩感。成間餐廳都黑得黎，用埋木台，都幾有格調。最後同朋友走之前仲有得玩免費既photo booth,都幾有體驗感。開心！…Read More