interest_hkhk's Profile

夏日炎炎，找到一個避暑好去處。這是位於廣東道的一間酒吧餐廳，可以選擇在室內或戶外用餐。天氣很熱，點了兩杯特飲：Summer混合了青瓜汁、菠蘿汁、橙汁。Autumn則是由奇異果汁，橙汁，生薑，蘋果汁調教而成。清新的果汁特飲涼透心，一解暑熱。聽說這裡的黑色漢堡包很有特色，於是決定試一試。點了一個經典芝士牛肉漢堡配炸薯條，內有雞蛋、濃稠的芝士、煙肉、厚厚的牛肉煎得刚刚好，嫩滑多汁，每一啖都很滿足。薯條外脆內軟，趁熱吃最好吃。挪威三文魚牛油果義大利飯：煙三文魚同牛油果的配搭是我的最愛，煙三文魚的鹹味帶出牛油果的甘甜。混入了菇類及蘆筍的義大利飯特別健康，口感也不錯。閒時同三五知己來喝幾杯酒，暢飲暢談也是不錯的選擇！…Read More

在星巴克食左一個早餐，價錢真的不便宜。三文魚薯仔沙律：沙律醬調教得好好味，呢個沙律醬很夾煙三文魚，溏心蛋煮得恰到好處，蛋白嫩滑，蛋黃流心，每次來星巴克食沙律必選這款。牛角包：第一次食呢個牛角包，一切開，裡面是芝士和洋蔥，好香，真心覺得幾好味。杯飲品就唔太好飲。總體來說味道都很好，但咁嘅價錢其實可以去更高級的餐廳。…Read More

一直都想去1881的餐廳試一下星期日同朋友相約，怎知道沒有預約，餐廳沒有位了。經職員介紹，我們去到酒吧，進門一睇，即刻給豪華大方的歐式裝修及寬敞的空間吸引。我們點了兩杯咖啡和一份小吃，悠閒度過了一個下午。去酒吧喝咖啡，確實很扯，但當時卻沒有喝酒的慾望。咖啡很香，價錢是外面的一倍，但有這樣的環境也很超值了。芝士薯條，真的很不錯，每根薯條都很粗，外面很少有吃到這麼高品質的薯條，每一根都能吃到薯仔原本的肉，真的可以吃到飽。…Read More

充滿異國風情的餐廳和幾個姐妹約在一起，希望找一間坐得舒服，環境好的餐廳，於是選擇這間。點了兩個brunch和一個沙拉brunch好簡單，幾塊麵包，一個雞蛋，一杯yoga,一杯飲品。雖然很簡單，但食物質素非常好，一點也不取巧。這裡的咖啡杯很特別，沒有手柄。每一啖咖啡都香滑濃郁。燒雞沙律：沙律菜非常新鮮，雞肉也不錯，但不知道為什麼好像少了一點東西。後來才想起加餐桌上的橄欖油和醋。加了之後變得超級好吃😋。橄欖油好滑好香。…Read More

同朋友第一次幫襯這間餐廳，味道有些失望點了兩份套餐，新加坡喇沙米線和海南雞飯，跟餐有兩個小食：惹娘蘿蔔餅，新加坡鹹蛋黃魚皮惹娘蘿蔔餅：一口咬下去，一口都是油，感覺每咀嚼一下都有油必出來。冇興趣再食第二啖。鹹蛋黃魚皮，好罪惡。非常香口，但好鹹，最後都沒有吃完，健康最重要。喇沙米線：湯底味道非常好，米線也很彈牙。但各樣配菜就很遜色。蝦，沒有海鮮味。魚蛋，食落都是麵粉。不想多說。海南雞飯：整體味道可以，但雞肉像棉花，扣分。…Read More

一班同事吃午餐，好開心，因為大家都好鍾意食辣野，人多就可以點好多唔同嘅嘢試下。麻辣小龍蝦味道非常濃郁，蝦都算新鮮，但蝦的數量太少，底層的粉唔好食，可能咁樣的搭配會顯得份量夠多，哈哈。辣子雞夠麻辣，也夠香料，但雞肉切得實在太小粒，而且炸得過龍，所以唔受歡迎，最後都冇人食。炸蝦球一流，蝦很新鮮，配上醬汁酸酸甜甜好開胃。主角來了土豪版酸菜魚好大好大一盤，好壯觀這道菜是每次來都會必點的。湯底好夠味，酸和辣的比例剛剛好，魚肉很滑，配菜有酸菜，窩筍，粉皮，每一樣配菜都被我們撈個清光…Read More

打完疫苗決定獎勵下自己再次來到這間我幾鍾意的餐廳，食材優質，最緊要是唔鹹。點了一個紐西蘭牛膝和一個蟹肉扭扭粉燉紐西蘭牛膝.薯蓉.烤蒜蜜糖汁牛膝煮得非常淋，配上醬汁啖啖肉真係好好吃。薯蓉的味道也調教得很出色。車厘番茄醬蟹肉手製紐紋粉真係有好多蟹肉鍾意呢間餐廳的其中一個原因，就是這裡的沙拉好新鮮，而且味道調教得剛剛好。好欣賞這間餐廳的自家製麵包，密度好高好有口感，跟餐送左法包和酸種麵包。食完飯還買了很多種麵包回家。…Read More

同朋友一齊去牛頭角買嘢，沿途見到一間日本餐廳門面都幾別緻於是決定試下。餐廳好企理，每一個位置都可以見到廚師製作食物的過程。店員服務周到有禮。睇下餐牌好多選擇，樣樣都好吸引，樣樣都想試吓，於是我們嗌咗兩個拼盤。兩個拼盤有齊我想食嘅壽司，見到就開心。每一件壽司都是現場製作。壽司拼盤 HK$188包括：三文魚、三文魚子、拖羅、海膽、甜蝦、池魚、鯛魚、油甘魚、帆立貝拖落好肥美，入口即化。三文魚子一咬落去，直情係爆汁。我最鍾意食蝦，甜蝦比出邊嘅大隻，食落鮮甜有口感。特上壽司拼盤HK$258包括：拖羅、牡丹蝦、赤貝、銀雪魚、深海池魚、海膽、白身魚、鯖魚、金日鯛、三文魚子。特別要讚嘅係海膽，好新鮮好甜。每一件魚都切得好厚身，食落肥美鮮甜。飯粒粒分明，軟硬適中，為每件壽司加分不少。係呢區可以有咁嘅質素嘅餐廳都好驚喜。…Read More

成日見到IG有人打卡呢間餐廳，今日終於決定要試下。嗌咗三樣嘢：三件海膽多士、一份澳洲M6和牛柳伴鴨肝、一杯Emerald love海膽多士：海膽好新鮮，非常鮮甜沒有苦味，品質很好，值得推介。Emerald Love ：這杯飲品造型很漂亮，也是因為被呢杯飲品吸引而來。但飲落真係唔識欣賞。牛柳伴鴨肝：鴨肝都算嫩滑，配上汁醬好吃，但和牛就有些失望，我要5成熟，但食落覺得好鞋，沒有入口即化的感覺，講真，咁嘅價錢真係唔值得。這間餐廳給我的整體感覺，打卡一流，但性價比真的唔高。…Read More

今日同朋友去左一間非常有韓feel嘅韓國餐廳，據聞這間餐廳人氣很高。Lift門一開整間餐廳就展現在眼前。餐廳裝修簡約別緻，靠牆身的一排書桌式餐檯設計很有特色，牆身投影是又唱又跳的韓星歌舞，即時彷如置身韓國。我們點了部隊鍋，一整份韓式無骨炸雞，原隻炸魷魚筒海鮮炸醬麵，兩杯奶昔。部隊鍋：份量十足，最欣賞的地方是湯底微辣，夠濃味得黎又唔鹹，腸仔、午餐肉，五花腩，甚至麵餅都採用靓食材，吸收濃湯精華的食材特別好味，本來唔想食咁多麵，想留肚食其他野，但太好味忍唔住一食再食。無骨炸雞：我們點了半份甜辣味，半份醬油味。炸雞一上黎就令我們哇哇聲，因為賣相非常吸引，而且大大份，好想自己有多幾個胃。甜辣味炸雞，醬汁酸酸甜甜好開胃。醬油味炸雞加了特製醬油汁，甜醬油不會鹹，又係另一番體驗。兩款炸雞外層酥脆，裡面的雞肉好滑好多汁，一啖咬落去，啲肉汁甚至會流出來，抵食，好值得一試。原隻炸魷魚筒海鮮炸醬麵：一隻炸魷魚好有型咁擺左係最頂部，但整碟嘢其餘的都是黑乎乎的，起初覺得可能會唔好味，見到有好多貝類海鮮及勁多洋蔥。先食左一個大大隻嘅青口，又幾好味，夠新鮮又唔韌。再剪開整隻炸魷魚，試左一件，好香而且唔韌，食完又食。之後再試最底下的麵，原來最精華的是呢個麵，好滑好似米線的感覺，吸收所有醬汁好入味，本來已經很飽，但都不知不覺食完一碟。兩杯奶昔：朋友點左一杯奧利奧奶昔，我點左一杯士多啤梨奶昔。兩杯賣相都好靓，好大杯。我的士多啤梨奶昔，有原個士多啤梨，充滿士多啤梨的香味,酸酸甜甜好creamy好好飲。整體來講，今餐非常滿意，食物有很高啲質素，份量非常足夠，店員有禮貌，會再次幫襯。…Read More

這間茶星人係麗豪酒店附近，位置都唔容易搵到，見到店內除左飲品之外還有熱狗之類的熱食。環境麻麻地，店員也不太熱情，店外的路好污糟，行過都要小心睇路。飲品有好多選擇，由20幾蚊到40蚊都有。本來想試下手打芋泥鮮奶，不過今日天氣太熱，想飲清新啲嘅嘢，最後我點左一杯「水果大爆炸」，大大一杯，HK$33，加入幾種生果，有橙、火龍果、菠蘿等等，都幾好飲，唔太甜，紅色一大杯，分唔清係火龍果的顏色或是添加了色素。…Read More

在九龍城廣場見到呢間賣粒粒雪糕的店舖，好好奇是什麼味道，買了一杯朱古力雲呢拿味的，HK$35，因想帶走要加10蚊買一個冰袋，再加1蚊買一個杯蓋。講真真心覺得唔值呢個價錢，份量很少，最好笑杯蓋要加1蚊，純粹因為好玩，唔會再有下次。一個鐘之後回到家，打開冰袋見到有7、8粒乾冰，攞杯雪糕出來檢查，發現沒有融化，咁都好D，保溫都算好。其實味道一般，唔係特別好味，同樣的價錢相信係出邊會食到更好質素嘅。幾啖就食完！…Read More

返工前未食早餐，因為見到呢間餐廳都幾多選擇，於是同事揀咗呢間餐廳。第一次幫襯，我要左一個沙嗲牛肉米線配腸仔餐肉，同事要咗一個榨菜肉絲烏冬配奄列。上餐都好快，我個餐最先上左腸仔同餐肉，跟餐有一個細餐包，餐包仲熱辣辣，幾好味。餐肉好鹹，腸仔亦都一般。沙嗲牛肉米線算正常，味道都過得去。湯底唔算太鹹，米線好滑。同事嗰個餐佢都話水準一般。餐廳用餐的客人很多，味道雖然一般，但係很有港式餐廳的氣氛，算係不過不失的一個港式早餐啦。…Read More

朋友話要食泰國嘢，問我九龍城邊間餐廳好，我話當然小曼谷啦，因為食開咁多次，都冇失望。今次我哋點左泰式燒牛仔骨，芒果蟹肉炒飯，泰式柚子沙律。泰式燒牛仔骨：一共有3件，好入味，肉質嫩滑，燒得啱啱好唔會老。芒果蟹肉炒飯：呢個飯真係好正，冇諗過一個炒飯都可以咁好味，我同朋友都食到讚口不絕。本身好唔鍾意食飯嘅我都忍唔住一食再食。每一啖飯都有蟹肉嘅鮮甜，配合花生肉鬆芒果帶出特別的美味，好值得一試。泰式柚子沙律：柚子很鮮甜，大蝦也很新鮮。今個晚餐三道餸都很滿意，一如既往嘅好味道。…Read More

同朋友去apm食下午茶，揀左食泰國嘢。我點左炸雞髀配木瓜沙律，朋友點左豬頸肉冬陰功湯河、黃咖喱牛筋腩撈麵。三個餐賣相都唔錯。我的炸雞髀配木瓜沙律個餐一上嚟，個個都聞到炸雞嘅香味，咁香嘅炸雞髀真係少有，雞皮好脆好香口，雞髀肉非常嫩滑多汁，好正。木瓜沙律新鮮爽口，酸酸辣辣夠晒開胃，但對於我越食越辣，最後都食唔曬，美中不足的是配的花生漏晒風真係扣晒分。但係整體來講都幾好味。朋友的兩個餐，他們都表示味道不錯。…Read More