llman's Profile

慢遞館係有一種好特別嘅氛圍，入到去你真係會覺得自己好似喺台灣。坦白講香港文化博物館樓下嘅牧羊少年係沙田人嘅驕傲。疫情打擊下，2021/7月重開，裝修唔同晒，開放時間改為無休，容納嘅人多咗，食飯有限時，整體來講是一個連鎖嘅餐廳。不過，帶左laptop嘅我都係叫咗杯飲品決心做番自己要做嘅嘢，俾人趕再算。因為平日非繁忙時間，店員都好nice, 願意送上暖水，不打擾我們慢慢用電腦。多謝店員嘅包容，指示我們去到插頭嘅位置坐，指示清晰有禮，態度好專業，想讚賞一下頭上有束髮的男服務員。牧羊少年真係某個年代嘅產物⋯播林一峰、陳綺貞…轉型係必然但係咁好嘅環境真係要珍惜、要愛護，大家要多啲黎幫襯！多欣賞佢地嘅好。…Read More

有啲味道同回憶唔係話忘記就忘記。同友人講起吉XX, 真係想食牛丼，滿足吓飽肚感同埋平過食鏡卡⋯呢間過江龍開咗一排，鍾意佢用美國肥牛、日本越光米，真心想試，但次次行經彌敦道咁長條龍都心諗⋯乜料⋯的起心肝死等爛等，目測26個位（因為有座位限制）排隊有30-40人，大家都係想試新嘢。睇片睇到電話無電，終於入去點咗個極上牛丼。肥牛厚肉鬆軟、日本米真心：好味。飯筒真係喜歡呢種煙韌甜口感。建議：試左味先加醬油，因醬油極咸，我想佢濕潤啲但其實原本味道同質感已經好好。結論：回憶留在心，無意義嘅人同事都要掉棄。新嘅事物總有瑕疵，但亦安撫所需，不需勉強喜惡。平日嚟支持吓👍🏻…Read More

咁啱黎開置樂呢頭，兩個月前嚟食呢間嘢。世界上網絡風向太亂太多，都唔能夠做到公道自在人心咁。因為都唔知點判斷，但係好多舊客同埋香港人都好喜歡專注做好啡嘅舖頭。希望你地會繼續努力。呢間可以容納10人左右，裝修好簡潔有型。打卡好適合，擺設同埋用具係明顯包左心思。呢間奶啡有水準，抹茶latte 則唔太滑。想大讚牛角包。超鬆脆大件，鍾意食烘焙嘢嘅朋友唔好錯過！食到lam lam 利牛角包如果可以有其他餡選擇會更加吸引！！支持吓。…Read More

今次第一次是尖東漢口道呢一間拉麵店，鋪面衛生，有足夠嘅隔板，喺進食之前我都在用酒精抹多一次枱，枱面明顯係本身已經乾淨的。今次時間唔多，我只係嗌咗一個豚肉拉麵，上菜速度非常快，豚肉拉麵賣相非常吸引。有三塊肥瘦適中薄切微燶豚肉叉燒。仲有半隻糖心蛋，另外亦都有蔥筍椰菜絲呢一啲必要嘅配菜。（當然如果唔喜歡食嘅人可以揀走筍走青）面底我揀咗正常硬度，量非常多，白色直面條條分明，唔會因為浸左喺湯入邊，化開晒搞到無法與湯汁一起進食。所以配湯食非常好味。店主仲送咗兩粒日式餃子俾我做配菜，感謝店主用心招呼客人，烹調簡單但出色的美食。正…Read More

大商場有良心靚裝日本店係屯門人嘅幸福啊！（非屯牛唔好在Aeon 落電梯啊，好似行唔到去）今次兩人食晚餐，入到去就聞到串燒香氣，令人真係更加有食慾。我地嗌左一個dinner set, 有前菜揀咗磯煮飽魚、串燒香菇同埋玉子燒、午餐肉燒、仲有大阪牛肉飯、同埋飲品（揀乂咗玄米茶，期間吹左好多水，店員都好樂意同快手幫我地加水加茶。另外我地亦散點咗芝士年糕燒、鱈魚燒、燒牛舌、手羽燒、燒生蠔❤️、梅酒。埋單$550，雖然上菜極快，但大部份菜式都細心燒烤、調味，其實真係超好食。可惜係牛舌好香，但好韌，幾乎咬唔開啊🥺。我地都勁鍾意磯煮飽魚（大推！！）、午餐肉燒（勁厚、juicy、賣相超吸引，點解會燒得咁好味！）、鱈魚燒（好鬆化，食到停唔到口嘅魚咸香）、燒生蠔（creamy!)、芝士年糕燒（超正！！！）、大阪牛肉飯好大碗，牛肉勁多，炆/煮得入味同好淋。好值得再黎支持下呀！咁方便，坐得舒服，唔好錯過。真心。…Read More

今晚同好姐妹黎到Jimmy’s 私房菜，雖然餐廳有cafe 既格局，但有唔少高級菜式可以選擇。而飲品方面亦有好多類型既手沖咖啡，下次tea time 上黎就會試下！老闆介紹左「熟成」製法，改善肉質。我地點左份128蚊但有十片厚切既熟成牛舌。牛舌有時都未必咁易整得好食，不過呢度整到既口感超好，無「筋」，味道亦唔會太「擅」，味道入口好舒服。另外我地都點左慢煮卡邦尼雞柳，想講兩個女仔食完全係食唔晒。可以想像（掛住食無映到相呀）係一般餐廳多三分一，超大碟！一set 都係138 咋⋯⋯有沙津、湯、餐飲、甜品⋯真係可以當飯堂多d 黎幫襯呀！大大力推😚😚😚💪🏻…Read More

上次黎懲罰黃店，去既時候最初都有少少擔心細店既出品。首先講服務，去到老闆/店長/經理？好好禮貌，因為我地成班人放工又落雨，拎住一袋袋同埋背囊，仲有長遮。佢好細心咁幫我地安排好坐位，而且幫我地放物品入去凳底儲物箱。個箱望落乾淨，好放心俾佢放。重點係佢會痞低幫你樣樣執好。我地都好唔好意思，講真上飛機都要自己放hand carry 啦。但由於佢都好主動，又唔好意思搶番黎做。多謝您呀。食品方面，質素都好唔錯，只係蝦唔係最新鮮。但其他野企理又靚料。打邊爐最緊要係多野揀，野食樣樣都up to standard. 加油，會回頭！…Read More

入到黎呢度，覺得環境幾舒服，我尤其鐘意佢既星空雲燈，在天花上面搖搖下，好得意。對我黎講，我最欣賞係周末晚上可以無限時食。因為而家度度都限時一個半鐘，想同朋友傾下計都唔得。有時啲舊同事，舊朋友一食完就無地方可以再傾，唯有散水。今日我地仲食左明太子多士、蜜糖雞翼，羽衣甘藍pizza(第一次食）再加兩個pasta同飯，六個女生岩岩好。我覺得佢野食都整得幾精緻架，唔會太重口味。當然男士食就要叫多少少啦。今日一人約200蚊埋單，下次我會再黎架！…Read More

每次黎食都會有街坊黎排隊。不過唔係peak hour 一般好快都有位架。呢度既餃子真係好新鮮，調味亦剛好，肉鮮爽甜。有睇餐單既，都知佢地賣三款餃，形式就只有湯餃同煎餃。一到夜晚白菜餃通常都賣晒，剩番雲耳椰菜/韭菜餃。湯餃既話，個湯底係魚湯黎，飲落好下火，好順喉。煎餃就真係好香脆，最岩做野好辛苦，食啲邪惡野慰勞自己時order!真心正，上網都搵到老闆既發積史。實而不華，值得一試。註：無論食湯定煎餃，都要配菜輔辣醬，愈食愈滋味。我朋友好鍾意食辣醬，所以買左盒辣醬俾佢！60蚊架都要～…Read More

第三次黎呢度喇。我最鍾情都係慢煮豬軟骨，配上野菜。如果只係嗌丼就只配沙津菜，但叫一個烏冬/飯，就可以配上清甜既熟野菜。（有最like的七串豆）今次食既係茄子雜菇牛肋咖喱飯。如果你唔心急食既，會發現無論個微辣既咖喱汁（唔會係日式咖喱太死甜）、加入南瓜絲既珍珠米，處處都係細心調配，就係份心思，令我都想慢落黎細味。…Read More

黎到石門，見到好多古靈精怪既按摩店、小食同埋精品店，文具店會兩腳既小夜燈⋯晚上更加見到兩棟商場毫無design 大大隻既霓虹燈同廣告字⋯點會唔覺得自己身在大陸呢？但住係馬鞍山，或者食慣沙田市中心啲野食既人黎講，呢度算係好新穎，好多選擇。今日黎到禾輋冬菇亭搬過黎既陳根記，一路食一路諗起以前同hall mate 一齊黎食既回憶。都係最簡單既往事比較美好架喇。Sor 無嗌到 wasabi 味手撕雞，但原味手撕雞堅滑同香，炸蠔餅超正，另外，滷水豆腐唔會太咸超有豆味，鍾意食豆製品既人真心推薦。 沙嗲肥牛就好一般，唔知係我已經唔想食重口味，定係佢啲牛真係太頹。anyways, 陳根記真係有心先會做落去，好多職員都上年紀，但係都係想保存風味，同俾街坊聚腳而繼續做落去，值得支持，等位都唔算耐！！氣氛熱鬧。…Read More

最近多左機會入黎呢度做野。第一次入黎馬灣涌村，已經覺得所有地舖都好地道，而且大家街坊街里，行過橫街窄巷，都覺得好熱鬧咁。次次經過呢間甜品店都咁岩未開店。今日好好彩，店員肯早少少做我地小生意。 今次買左個益力多多啫喱！口感滑漏有彈性，但唔會好似橡皮糖咁落好多魚膠粉。問左店員，原來一盒用兩支益力多，所以食落真係原汁原味，又不會過甜。食完飯又唔想咁呢hea食雪糕，呢個絕對岩食啊。真心推薦，回頭率高的飯後小食！（記得加花奶！！）…Read More